كيفكم كلكم ؟ اشتقتلكم كتير انا عانيت من قلق ما بعد الولادة كنت سامعة عن الكآبة بس القلق كان اول مرة بسمع فيه لانه للأسف الصحة النفسية والعقلية ببلادنا هي تابو عيب نقول انو تعبانين نفسيا عيب نلجأ للحكيم النفسي او منكون مجانين عيب أعصابنا يتعبوا ونحتاج دوا للاعصاب بس عادي اذا وجعنا راسنا ناخدلوه دوا وعادي اذا انكسرت اجرنا نجبرها انا كنت من الاشخاص اللي صعب علي استوعب كيف دوا ممكن يحسن المزاج كان عندي فكرة انو ادوية الاعصاب بس لحتى تخلينا ننام او ننسى متل مفعول المخدرات. بس بعد تجربتي مع قلق ما بعد الولادة اللي رح شارككن فيها قريبا اكتشفت كتير اشيا غير. وانا تشجعت وعملت فيديو عن تجربتي كاملة لانه للاسف ما لقيت ولا حدا عربي لا عاليوتيوب ولا بأي مكان اخر عم تحكي عن هالموضوع ، ما استغربت لانه الوعي عن ال mental health ببلادنا العربية شبه معدوم ، ولان لازم نحافظ ع صورتنا بصورة " المرأة القوية" قدام الناس . وانا بعرف انو كتير ناس رح تحكم عليي ورح تخترع اشيا كتير زيادة بس مجرد ما انو ممكن ساعد ولو أم وحدة او حدا واحد يستفيد او يتشجع يحكي كمان عن تجربته وما يخاف بالوقت اللي انا كنت فيه بقمة اليأس والخوف وما لقيت ولا ام عربية وحدة حاكية عن تجربتها بالعلن ! عملت فيديو عقناتي عاليوتيوب فيها كل اللي صار معي او فيكم تشوفوها عندي عالانستغرام اسم قناتي وبروفايلي عالانستغرام inaamfawzi