العضوة: 772256 , 5 years ago

تجربتي ب الولادة الثانية كانت ميسرة الحمدلله .. صحيت بالليل ع وجع قوي عرفت مباشرة انه طلق من شدته.. قمت ع السريع دخلت اخدت دش ساخن .. اجتني كمان طلقة خلال الحمام.. طلعت من الحمام صحيت زوجي ولبست وجهزت اغراضي.. طلعت من البيت كان بين الطلقة والثانية تسع دقائق .. طول الطريق كنت اطبق طريقة التنفس الصحيحة والسيطرة ع الألم وكانت جايبه نتيجة منيحة.. اول ماوصلت تخت المستشفى وحطولي جهاز مراقبة الجنين وعملولي الممرضات الفحص الداخلي بعدها فلتت كل الامور من السيطرة صرت اصرخ وما اتحمل الألم .. ودخلوني غرفة الولادة خلال اقل من نص ساعه كنت والدة .. مع العلم الولادة الأولى خلصت التاسع وماصار توسع او طلق طبيعي وقلت مية البيبي .. واعطوني طلق صناعي. هلأ حامل بالثالث اخر دورة 29/11 ويارب تكون ميسرة متل الولادة الثانية .. ويارب ييسرها ويسهلها ع كل الحوامل يارب