فى الاول والاخير ديما ادعى ان ربنا يقدر ليكى الخيرانتى والبيبى بتاعك سواء طبيعى ولا قيصرى ربنا بيقدر الخير بس من واقع التجربه رحت المستشفى اخد طلق صناعى لان الماء بتاع البيبى خلص وما بقى يكفيه رحت كلينك وكشفت عليه واحده خلت روحى راحت وقعدت ابكى بكاء انى هموت وطلعت مش قابله ده واحده واقفه فى الصيدليه وبس والدكتور عملى سونار ولاقى انى ممكن اصبر خمس ايام تانين وكان هيدينى تحامل وانا قلتله انا خدتها ومفتحتش الرحم قالى القابله تكشف عليكى وتشوف لو الرحم مفتوح نديكى الطلق لان لازم يكون مفتوح عشان الطلق يعمل مفعول رحت وكنت مرعوبه خصوصا بعد الكشف الى عملتو ليه الاولى وربنا يكرمها كانت رفيقه بيه ومحستش باى الم عشان كده لازم تطلبى تكشف عليكى براحه لان الكشف مييوجعش الغباء هو الى بيخليكى تتوجعى وبعد الكشف قالت عنق الرحم مغلق وبعيد خالص ولازم سيزاريه ورحت عملت العمليه لا كشفوا عليه ضغط ولا سالونى اكلتى قبل ما تيجى ولا حاجه وطبعا رجعت فى العمليه والحمدلله ربنا رزقنى براءة حبيبة ماما وبعد العمليه الى فى ناس كتير بتنساه الالم بعد ما يروح البنج لا يحتمل والحمدلله على نعمة المسكنات وهى مش بتمشيه لا بتخليكى تقدرى تستحمليه بس انا لحد دلوقتى اسبوع ويومين من الولاده منمتش نوم متواصل غير امبارح غير التعب مع البيبى بعد ما اتعود على الببرونه لا ولاده قيصرى سهله ولا طبيعى سهل الاتنين ولاده وكلها تساهيل متتعبيش نفسك يا حامل منك ليها فى الرعب من الولاده الطبيعى او القيصرى ادعى ربنا يقدرلك الخير انا دلوقتى الحمدلله ربنا نجانى انا والبييى ولكن بسبب الالم عندى اكتئاب شديد وكارهه الحياه والله عشان كده نصيحه لكل واحده قربة تولد اولدى فى المكان الى حوليه ناس كتير بيحبوكى لان الدعم النفسى بتكونى محتجاه جدا لدرجة الاكل انا نفسى مسدوده عنه