العضوة: 736879 , 5 years ago

رفع

العضوة: 742070 , 5 years ago

حساسية الحفاظ كريم بيبانثين فظيع وبخصوص الرضاعة انا رضعت بنتي طبيعي اول سنة من عمرها ولما حاولت ادخل الصناعي ما تقبلته وتورطت انا🙂 وصارت متعلقة بصدري مررررة و٢٤ ساعة عليه وما تنام الا فيه فقررت ان شاءالله هذا البيبي اعوده عالصناعي من بدري لو رضعة في اليوم انتي واللي يناسبك حبيبتي وبخصوص الأعشاب انا ما احبذ اي حاجة ثانية غير الحليب باول٦ شهور اصلا صحياً غلط

العضوة: 736879 , 5 years ago

تسلمي حبيبتي انا افكر ادخل الرضاعه الصناعيه مره بس باليوم وقبل النوم عشان تشبع الطفل وحتى يتعود

العضوة: 742070 , 5 years ago

ايوة احسلك وربي انا تعبتني وقت الدوام تجلس جيعانة ترفض الصناعي ياحرام رغم انو سبحان الله مافي زي الرضاعة الطبيعية لكن احس ضروري تدخلي صناعي رغن انه مو صحي زي الطبيعي بس عشان يتعود الطفل وما يتعبك وقت الفطام انا طلعت عيني وقت الفطام

العضوة: 96138 , 5 years ago

اذا لسى حامل وحابه ترضعي لازم ترطبين الحلمات بزيت زيتون او زبده الشيا مره مهم عشان لو مارطبتيها تسبب لك تشققات اثناء الرضاع و يكون الم قوي واذا كان فيه الم لازم كمادات دافيه و تغسلين الحلمه قبل و بعد الرضاعه ا الرضاعه كل ساعتين لازم يشرب اذا فاتته و مارضي يصحى انتظري لين موعد الرضعه الثانيه الانتظام بيريحك كثير👍🏼 انتبهي وانتي نايمه ترضعينه لاقدر الله ممكن يطيح منك وانتي نعسانه او يشرق او الصدر اذا كان كبير يكتمه (( لا تعطينه مويه + لا تعطينه اعشاااب انتبهي حتى لو جدتك اختك امك مجربه لا لا محد جاب مشاكل البطن الا الاعشاب بوقت صغير و معدته مو قادره تتحمل الا الحليب فقط )) اذا جاء مغص سوي له مساج واذا جدا تكدر فيه دواء بالصيدليه استخدمي ملابس قطنيه 100٪ على الاقل اول ثلاث شهور بالنسبه للحفاظ فيه شركات كثير استخدمي اللي يريحك اهم شي ناعمه جدا للبيبي و التزمي بغياره اول بأول لازم يتروش كل يوم و يكون الجو معتدل اذا برد مسحيه بمناديل مبلله بعد الترويش سوي له مساج بزيت خفيف لا تكثرين لازم البيبي يتمهد او يتكوفل واذا جاء بالليل انتبهي لا تحطين له لحاف عشان لا يحطها على وجهه وينكتم وانتي ماتدرين فيه لبس يدفي تحصليه بسنتر بوينت او في محل تحصلينه تسلخات الحفاظ فيه شركات كثير كريمات بس اللي احسه وحده بوحده هو سودو كريم نقطه صغيره يكفي و يقعد عندك شهور مايخلص لا تخلين احد يبوسه بوجهه بس يده لان راح يسبب له حساسيه انتي في غنى عنها اذا حسيتي بضغط و تبغين ترتاحين اعطيه زوجك يمسكه وانتي نامي و ارتاحي مهم النوم لك عشان تقدرين تقدمين لطفلك 👍🏼 وكمان فتره ثلاث شهور تكونين اتعودتي ❤️ الله يرزقك بالطفل البار و الرحوم❤️❤️

العضوة: 96138 , 5 years ago

الافضل ماتدخلين رضاعه صناعيه اذا انتي متواجده اغلب وقتك بالبيت ولا تخافين يشبع البيبي واذا صدرك امتلى بالحليب اشفطيه عشان ينزل اكثر ولزياده الحليب> حلاوه طحينيه - حلبه - وفيه شاي بايهيرب حصلته لأدرار الحليب👍🏼

العضوة: 768064 , 5 years ago

@user-736879 مررره حابه ارضع طبيعي بنتي الاولى حاااولت ارضعها رفضت ترضع شوي بعدين تتركه وتقعد تصيح لدرجة يتغير لونها وادا عطيتها حليب صناعي عادي تتقبله وترضع بس صدري لااا مع انه كان فيني حليب كثيييير ويألمني صدري وهي ماترضع لحد ماجف الحليب💔💔 وحملي هذا متردده اخاف اتبهذل واتألم وهو مايتقبله💔😭 مره الرضاعه الطبيعيه حلوووه ومفيده لك وللبيبي بس يبي لها صبررررر وبخصوص كريم جونسون انا بنتي مررره تحسست منه بس من طفل لطفل يفرق اكيد بس تجربتي انا معه سيئه للاسف كريم حساسية الحفاض جربت بيبانثين حلو والمغص ااه يالمغص يهبل فيك قبل الطفل سمعت عن دوا بالصيدليه مررره ممتاز لمغص الاطفال اسألي عنه دكتورة اطفال او الصيدلي وبسسس ان شاءالله اكون افدتك بشي🤗❤️❤️

العضوة: 560252 , 5 years ago

الله يقومك بالسلامه ويبلغك شوفة طفلك وانتو بخير قرار الرضاعه الطبيعيه مو سهل ولازم تكوني قد هالقرار لانك راح تمشي على نظام معين تنتبهي فيه لأكلك بحيث ممنوع الشاهي ، القهوه ، الشوكلت ، الملفوف ، الاكل الحار ، السلطه ممنوع يكون فيها بصل او ثوم ، الغازيات ، المياه الغازيه ، القرنبيط ، البروكلي الحوامض ( ليمون ، برتقال ) تغير طعم الحليب لازم لازم لازم تكثري شرب المويه توصل لـ ٣ او ٤ لتر نفسيتك لها تأثيرها على حليبك لو كنتي زعلانه او متضايقه او تبكي او متوتره او معصبه تنزل المشاعر بالحليب وتسبب مغص لطفلك لازم تشوفي فيديوهات طريقة الرضاعه الطبيعيه الصحيحه وطريقة التكريع ( التجشؤ ) تأكلي وجبات مشبعه وتاخذي اشياء تزيد في ادرار الحليب ( مشروب اليانسون ، ملعقه عسل مخلوط بحبة البركه ، شوفان بالحليب ، مشروب الحلبه )

العضوة: 560252 , 5 years ago

بالنسبه للمغص تتعاملي معاه حسب حالة طفلك انا اعاني من بنتي بكاء متواصل ليل ونهار مع قلة نوم واستخدمت لها علاجات كثيره ومافي فايده لكن مازلت مستمره في مراجعة للمستشفى ممكن طفلك يكون هادي ومغصه بسيط فالافضل ماتستخدمي علاجات للمغص من نفسك لازم استشارة طبيب في فترة النفاس طفلك بيكون محتاج تكرعيه بعد كل رضعه علامات المغص طفلك يحرك رجليه بسرعه او يرفعها لبطنه بكاء قوي مع احمرار

العضوة: 560252 , 5 years ago

نصيحة اخت مجربه لاتروشي البيبي فترة الصباح او الظهر او العصر الافضل روشيه بالليل عشان يتعود ع نوم الليل في حال احد بيزورك روشي البيبي قبلها بيوم وفي الليل عشان لايتخلبط عليك نومه اذا روشتيه في النهار

العضوة: 736879 , 5 years ago

شكرا لكم جميعا في معلومات اول مره اعرفها حقيقي شكرا من قلب ربي يجعلها بموازين حسناتكم زي ماافدتوني ماقصرتو❤️

العضوة: 828395 , 5 years ago

مرحبا بنات بدي اسالكم وامانه تجاوبوني عليه انا بشهر السادس كل اشي باكلو بطني بشد وبحسو بدو يتمزع من شو اي حدا بعرف يكتب تعليق الله يوفقكم