نغم :تيته بدي مصاري لازمني غراض للمدرسة ونوطات وتلخيصات بتعرفي هي السنة تاسع وبدها دراسة وتحضير ام رائد :وانا منين بدي لحقلك من كتر المصاري يلي عم يبعتها ابوكي كل كم شهر بيبعت كم قرش وبيفكر حاله معيشنا منهن نغم مشان الله لاتفتقيلي جروحي الله لا يسامحه من بعد ماماتت امك اتجوز وتركك عندي وكأنو مو ابوكي لك في مرة قلك تعي عيشي معي تعي زوري عندي بس مابيسترجي من مرته ماهو اتجوزها ونقل شغله لغير محافظة حتى ماحدا يلزمه بشي نغم :بس ياتيته انا شو ذنبي مابكفي امي ماتت من غير ماشوفها بس والله اني بحبك كتير والله لأكبر وعوضك عن كل شي بدي ادرس واشتغل وجبلك كل شي بتتمنيه ام رائد :نغم روحي من وجهي مالي فاضية الك ولاحلامك بكفيني الهم يلي فيني خليني روح شوف جدك شو بدو نغم :تيته والمصاري. Rana Baroudi ام رائد :قولي لابوكي نغم عم تبكي بغرفتها ومقهورة فاتت خالتها نهى نهى :خلص نغم حاجة تبكي دقي لأبوكي وقليله نغم :يعني مابعرف انو مح يرد علي متل العادة مو سأل فيني نهى :اه شو طالع بالايد بس بيضل حالك احسن من حالي نغم :هههه ضحكتيني ومالي نفس اضحك بشو بقا نهى :لك انتي صغيرة والحياة قدامك لسه انا ياحسرة علي عمري 300 سنة لا دراسة ولا مصلحة قاعدة بهل البيت عم استنى عريس الغفلة يلي لهلاء مااجى نغم رفعت راسها وفكرت بخالتها :اصلا انا مابدي ياكي تتجوزي لحتى اتجوز انا ولا بدك تروحي وتتركيني بالبيت لحالي نهى :نغم الله يوفقك لاتقولي هيك والله باخدك معي وبعملك غرفة جنب غرفتي بس ماتكوني انتي عم تدعي الله ولي يانغم معناها انتي يلي جايبتيلي النحس نغم :ههههههه شبك صدقتي نهى :خلص قولي لكن يارب اتجوز نغم :هههههه يارب تتجوز نهى :ايه هيك ها قومي لأخدك عند خالك نلاعب بنتو وندائف بمرتو شوي بنتسلى نغم :هههه يلا وقت رجعوا نغم ونهى استقبلتهن ام رائد: لك ليش طولتوا نهى :رائد حلف يمين نتعشى عنده ام رائد :اليوم دقوا خطابين وجايين بكرا مع الشب دغري ليشوفوكي