العضوة: 743708 , 5 years ago

ام رائد :اليوم دقوا خطابين وجايين بكرا مع الشب دغري ليشوفوكي نهى :عن جد بصلاة محمد نغم يانغم اسمعتي لك انفك النحس شفتي ام رائد :لك انو نحس بعدين لسه ماصار شي بركي ماظبطت نهى :لا رح تظبط هيك قلبي حاسسني نغم :ايه وانا كمان هيك حاسة وتاني نهار نغم بغرفتها فاتت نهى نغم :شو صار طمنيني نهى :لك عجبتو عجبتو باركيلي يانغم باركيلي نغم :طيب وانتي عجبك مابدكن تسألوا عنه نهى :لك انو سؤال شب عزابي عمره 35 سنة شو بدي احسن من هيك نغم الله يوفقكن يارب نهى :بتعرفي من بكرا بدي اصبغ شعري اشقر خلص انا هلاء حانخطب وبدي انزل اشتري كندرة الريش يلي بنفسي فيها من زمان نغم : انو ريش هاد الموديل قديم كتير نهى :حتى لو انا من زمان بنفسي فيها وستك تقلي لتنخطبي او لتتجوزي من بكرا وقت تجي من المدرسة بدنا نروح عل الكوافيرة وبننزل عل السوق بعدها نغم ههههه خلص ماشي نهى واصحك تخبري ريهام بشي مابدي اختها افتخار تدرى Rana Baroudi بدي ياها تنفلج وقت تشوفني عل الاسكي مصمودة وقبل هيك بخاف من عينها وهلاء قومي جيبي جوالك وطالعيلي وصفات لإذابة الكرش بدي بطني يصير مسطح ومشفوط وهيك عاشت نهى بأحلامها يلي كانت تتمناها و تمت الخطبة وتجهيزات العرس واتجوزت نهى ورفيق وسكنوا ببيت قريب من بيت اهل نهى بعد كم يوم من العرس بتدق نهى لنغم نهى :وينك انتي ماتجي لعندي مااشتقتيلي نغم :مبلى والله كتيرر البيت فاضي بدونك نهى :هههه ايه يلا قومي تعي لعندي نغم :لا مابدي خلص غير وقت نهى :لاء اليوم يلا البسي وتعي نغم :بس ...جوزك وينو نهى :ههههه لساتكي بتخافي منو نغم :مابعرف ليش من وقت ماشفتوا حسيتو بخوف نهى :لك لا بخوف ولاشي بالعكس هلاء بتشوفي يلا عم استناكي اجتمعوا وانبسطوا وصارت نغم تتردد كل كم يوم لعند خالتها يتسلوا مع بعض نهى كانت تقلها تعي وفيق متل عمك لاتستحي منه واصلا هو بيطلع كتير من البيت المشكلة نغم كانت تلاحظ على وفيق حركات غريبة احيانا كانت يطلب تناوله شي وقت ياخده منها يتعمد يمسك ايدها ويشد عليها ومرات يقعد جنبها ويحاول يحط ايده خلف

العضوة: 743708 , 5 years ago

نهى كانت تقلها تعي وفيق متل عمك لاتستحي منه واصلا هو بيطلع كتير من البيت المشكلة نغم كانت تلاحظ على وفيق حركات غريبة احيانا كانت يطلب تناوله شي وقت ياخده منها يتعمد يمسك ايدها ويشد عليها ومرات يقعد جنبها ويحاول يحط ايده خلف ضهرها من غير ماتلاحظ نهى ووقت تتطلع عليه شو بيقصد بهل الحركة كانت تتفاجأ فيه انو عامل حاله مو منتبه مرات يحكي نكت بتدل على مواضيع بذيئة نغم صارت تسأل نهى كأن عمو رفيق بيحكي حكي عيب نهى :تضحك ايه هنن عندهن تحرر اكتر منا وبلشت نغم تحس حالها مو مرتاحة بوجدها معه بس يلي كان يكذب خوفها وقت تشوفو اديش بحب خالتها واديش مدللها نهى كانت مبينة كتير سعيدة معو بس يوم عن يوم وفيق حركاته صارت تزيد وبلش يتخطى الحدود اكتر مرة كانت ماشية وشدها من قميصها بمكان غلط وصار يضحك نغم احمررت وخجلت حاولت تبعد عنه بس هو قلها كيف انتو البنات بتقدروا تتحملوا تلبسوها ليل نهار صدقيني بلاها احسن ومرة كانت هي ونهى بالمطبخ عم يجهزوا الغدا وفيق نادى لنغم يانغم تعي شوفي لك تعي هاد الفيديو عن بنات المدرسة تعي شوفي شو بيضحك

العضوة: 743708 , 5 years ago

رفع

العضوة: 743708 , 5 years ago

راحت نغم لعنده على غرفة القعدة كان حاطط السماعات على الجوال وعم يتفرج ويضحك عطاها سماعة وقعدت جنبه الفيديو كان عن شباب عم يغتصبوا بنت مدرسة بتطلع بعمر نغم وكانت عم تصرخ وتستنجد نغم صارت ترجف وخافت كتير من هل الانسان قامت وبعدت دغري رفيق :شبك خفتي ههههه ايه عادي مافي شي بيخوف نغم كانت ساكتة ومو قدرانة ترد راحت لعند خالتها والخوف معبي قلبها والصدمة اكبر منها نهى :شو شفتي الفيديو عن شو طلع نغم ساكتة وملبكة شو بدها ترد خافت على خالتها يلي وصلت لهون بعد تعب انتظار طويل حزنت على خالتها وعلى حالها نهى :لك نغم وين صفنتي شو شفتي بالفيديو نغم :اه ولاشي بنات ناجحين وفايتين كلية طب نهى :ايه ان شاء الله عقبالك ياعمري رجعت نغم على بيتها وهي مصدومة ومتفاجئة وخايفة وقررت انها ماتروح لعند خالتها ابدا بعد اليوم بس يلي صار بعدها اقوى منها نهى حملت وكان حملها ضعيف وبدها راحة كل فترة الحمل كانت ستها عم تروح تقعد عندها بأول مدة بس بعدين معت قدرت تروح مشان جوزها مابتقدر تتركه ونغم مابتعرف لحالها تقوم فيه لهيك قررت ستها انو نغم تروح بعد المدرسة تقعد عند خالتها وتشوف طلباتها لبين مايثبت حملها نغم حاولت تتهرب كتير من هل الروحة واتحججت وبكيت وصارت تقول دروسي ومابقدر لحق بس ستها أصرت ام رائد :لك شو صرلك من قبل ماتحبل كنتي عندها كل الوقت وهلاء هي بحاجتك صرتي تتحججي نغم :لا مو هيك القصة خلص روحي انتي وانا بضل عند جدو ام رائد :ليش ماتركته عنده كم يوم وشفتي شلون ماقدرتي تقومي فيه جدك بارك وبدو ناس تعرف تقوم فيه خلص اذا مشان دروسك خديهن معك بتدرسي عندها انحطت نغم تحت الامر الواقع وصار لازم تروح وتقعد مع رفيق بنفس البيت نهى كانت اغلب الوقت مسطحة وماتقوم من فرشتها غير للحمام

العضوة: 743708 , 5 years ago

حاولت نغم ماتقوم من جنبها واذا بدها تروح عل المطبخ تضل تعلي صوتها تحكي معها من خوفها من رفيق رفيق بحجة مرتو وحملها صار يجي عل البيت بكير ويحاول يستفرد بنغم بس نغم ماكانت تفارق خالتها وحتى وقت تنام خالتها تضل قاعدة جنبها عل التخت لتصحى نظرات رفيق ماكانت تريح ابدا متل الذئب يلي عم يستنى فريسته تتعب من المقاومة بيوم اجت نغم على بكير لعند خالتها وكانت لحالها نهى :نغومة والله مشتهية الرز ببازيلا نغم :بس مابعرف اعملها نهى : انتي طلعي اللحمة وقليها وانقعيلي الرز وجهزيلي البازليا وانا بطبق الطبخة نغم :حاضر التهت نغم بالمطبخ وبين صوت الغاز وبين تحضير الاكل ماشافت غير حدا من وراها مسكها مسكة غلط وحط ايدو التانية على تمها وهو عم يقلها هسسس ولا كلمة دارت وجها نغم وشافت رفيق صارت تبكي كانت خايفة كتير خايفة منو وخايفة من خالتها تعرف سكتت وبلعت صوتها رفيق نزل ايدو وضل واقف وراها وماسك ايدها التانية لورا نغم :انت شو بدك رفيق:لهلاء مافهمتي نغم :بعد عني هلاء بصرخ وبنادي لخالتي رفيق :مفكرتيها رح تصدقك كلمتك ضد كلمتي انا كنت كل يوم وقت تروحي احكي لخالتك عنك نغم مصدومة شلون ؟شو قصدك رفيق :هههههه كنت قلها عم تتحركشيني وتعمليلي حركات غريبة وخالتك الجدبة كانت تقلي حرام البنت بسن مراهقة وهي ماكانت بدها ياني اتجوز خلص انت طنشها انصدمت نغم اكتر يعني خالتي مصدقة جوزها وشاكة فيني رفيق :ههههههههه وهلاء شو رأيك ؟ نغم :عم تبكي انت وحش رفيق هلاء ح فلتك ووقت تنام خالتك بنتابع حديثنا 😈

العضوة: 743708 , 5 years ago

نغم :عم تبكي انت وحش رفيق هلاء ح فلتك ووقت تنام خالتك بنتابع حديثنا 😈 😈 نغم معت عرفت تتصرف غير انها تركت كل شي ونزلت بسرعة من البيت راحت على بيتها وفاتت على غرفتها وقفلت عليها وصارت تبكي ضلت تبكي لحتى دقت ستها الباب عليها نغم انتي هون لك ليش هيك تاركة خالتك وجايه لك شوفي نغم افتحي لاتغلي قلبي نغم ماردت عليها وضلت عم تبكي تاني يوم الصبح نزلت على مدرستها من غير ماتشوف حدا وقت رجعت مسكتها ستها ام رائد :لك نغم شبك شو صاير معك . نغم :مافي شي تعبانة ام رائد :الله يرضا عليكي ياتيتة ليش هيك عاملة مع خالتك مبارح نغم :صارت تصرخ مالي عاملة شي مالي عاملة شي وراحت على غرفتها

العضوة: 743708 , 5 years ago

بالليل ام رائد اجت لعند نغم تهديها ام رائد :انتي خايفة على خالتك يصير فيها متل امك وقت ولدتك انا بعرف بتحبيها لنهى وخايفة عليها بس هي بحاجتك هلاء انا مالي قدرانة روح لعندها . الله يرضا ياتيته بكرا ارجعي من المدرسة لعندها سكتت نغم في كلام مخنوق بصدرها وخايفة تحكيه تاني نهار بعد المدرسة مشيت نغم بالشوارع تفتل وهي محتارة شو تعمل [٢٥/‏٩ ٥:٥٨ ص] J@AA: هي عرفانة انها مالها قدرانة تحكي لحدا لأن ببساطة رح يصدقوا حكيواورح يقولوا لانو صدها طلعت عليه هل الاشاعة وممكن خوالها وابوها يقتلوها ضلت عم تبكي وتفكر لفاتت على حديقة وقعدت على طرف كرسي قاعدة عليه ختيارة لحالها شعرها قصير ملامحها حدة والزمن تارك أثاره على بشرتها نغم كانت مكسورة مهمومة عم تفكر من غير ماتحكي ولا كلمة عينها على ولاد الحديقة كيف عم يلعبوا ودموعها محبوسة بعيونها قاطع شرودها صوت الختيارة :ايه وشو قصتك هاتي لشوف ؟؟؟؟ نغم اتطلعت عليها :عم تحكي معي الختيارة :في غيرك هون شو قصتك ؟ قالتها بقوة ماقدرت نغم تتهرب من السؤال حكت وبكيت كل شي صار معها من الاول الختيارة :اخ بهل الدنيا مابيجاكرني غير الساذج نغم :شو قصدك اناجدبة لك انا مو جدبة انا ضعيفة انا مافي حدا يوقف معي الختيارة :وليش ماقلتي( لاء)من الاول ردي بقوة بحزم ماكنتي لازم تخافي وتتخبي منه ردي لاء سكوتك خلاه يتمادى قولي (لاء)وعلي صوتك لا تخافي من شي علي صوتك افضحيه

العضوة: 743708 , 5 years ago

كوني ذكيه نغم :بس مارح يصدقوني الختيارة :وحتى لو ماصدوقكي مابكفي انك انقذتي حياتك مابكفي انك ماسمحتي لحدا يأذيكي ولا شو مفكرة تعملي تنتحري ولا تسلميه حالك ساعتها شو بيفيدك رأيهن الرب موجود وبيوقف مع عباده كلامها كتير أثر بنغم وعطاها قوة هي بحاجتها مالازم تستلم لدور الضحية هي حياتها الها ورح تستعين بالله و تحارب حتى ماحدا يخربلها حياتها ورجعت على البيت بخطة جديدة وقت شافتها ستها نغم وين كنتي غليتي قلبي نغم : كان عنا حصص اضافيه خلص بكرا رح روح عند خالتي ام رائد :ايه الله يرضا عليكي يارب تاني نهار طلعت نغم على بكير ووصلت لعند خالتها نهى :لك نغم ليش هيك عملتي هداك اليوم لو ماانتبه رفيق عل اللحمة كانت حرقت البيت شلون هيك بتمشي من غير ماتقولي نغم :خالتي بدي قلك شغلة بس خايفة عليكي نهى :شو فيه احكي نغم :خالتي الصراحة انا من فترة بسمع صوت عمو رفيق بعد ماتنامي بغرفته عم يحكي مع حدا ويضحك هداك اليوم ماكنت عرفانتو بالبيت مرقت ناح الغرفة سمعت صوتو عم يحكي مع وحدة يمكن وكان الحكي مو حلو بنوب كتير خفت عليكي تعرفي لهيك ركضت براة البيت نهى انصدمت انتي متأكدة ؟ نغم :اذا بدك اليوم اعملي حالك نايمة وشوفي شلون بس تنامي بيقعد وبيحكي معها نهى :طيب بعد الغدا بنشوف وبالفعل بعد مااتغدوا نهى عملت حالها ح تنام وراحت نغم عل المطبخ تضب الاكل لحقها رفيق وقت اتأكد ان نهى نامت رفيق :شو رجعتي ؟؟؟ لو مااجيتي لحالك كنت رح اذيكي ؟ نغم :واحد متلك بيتوقع منو كل شي رفيق : شوو قويانة الحلوة بس هيك احلى ؟

العضوة: 743708 , 5 years ago

بس هيك احلى ؟ نغم :لاء رفيق :وشو يعني هي نغم :لاء يعني لاء انا مارح استسلمك والحق علي يلي ماخبرت خالتي من الاول رفيق : مارح تقدري تحكي نغم : خالتي لازم تعرفك وتعرف كل حركاتك الوسخة يلي كنت تعملها معي رفيق :كان بلش يخاف من قوتها مارح تقدري تخربي بيت خالتك نغم :انا رح احكي الحقيقة وبس حقيقتك يلي الكل لازم يعرفها رفيق قرب عليها وحاول يسكتها انا عم قلك ماحدا حيصدقك نهى فتحت الباب بعد ما سمعت كل شي رفيق اتلبك وصار يقول لا تصدقيها من الاول قلتلك انها عم تتحركش فيني وانها عم تعمل حركات ماصدقتيني نهى كانت عم تتطلع عليه بقرف وماترد ولا كلمة رفيق طلع من البيت وقت شاف نظرات نهى ومن صدمتها نهى قعدت عل الكرسي قريب اتطلعت بنغم ليش قلتيلي ؟؟

العضوة: 743708 , 5 years ago

ليش خليتيني اعرف ؟؟؟؟ كان فيكي توفقيه من غير مااعرف . نغم قربت من خالتها ونزلت لعندها حطت اتطلعت فيها كان لازم تعرفي مشان ولادك مايكون الهن ذنب علي وقرارك بعد ماتعرفي مسؤوليتك مشيت نغم وهي قوية، سعيدة. مرتاحة حاست حالها تحررت مشيت بالشارع واتفرجت عل السما اديشها صافيه اديش حلوة اتذكرت وقت قالتلها الختيارة مو دينكن بقول المؤمن القوي خير واحب الى الله من المؤمن الضعيف وقتهانغم انتبهت عل صليب صغير محطوط بسنسال برقبتها سألتها خالة انتي شو اسمك الختيارة :انا ام جورج نغم فتحت ايديها ودارت بالشارع متل العصفور يلي عم يرفرف وتقول بتشكرك ام جورج انا بشكرك تمت #النهايه مما قاله مختصون (عليكي ان تدافعي عن نفسك فالمتحرش عادة لا يتراجع الا اذا كان موقفك واضحا لذا عبري عن رفضك بحزم واذا لم ينفع فأخبري احدا بالامر ) (التحرش الذكورى) وفيه يشعر الرجل بقوته عند إحساسة بضعف الضحية، وهو ناتج عن اضطراب الشخصيه) ان كنتي بنت؛ امرأة ؛طالبة ؛متجوزة لاتسمحي لحدا يستغلك يشوف ضعفك قولي لاء كلمة وحدة بتعمل فرق كبيرة كلمة بتدل فيها على قوتك هي حياتك لا تسمحي لحدا يستغلها حاربي مشان حالك ولاتضعفي

العضوة: 768521 , 5 years ago

يسلموا

العضوة: 768521 , 5 years ago

@user-743708 👍🏻👍🏻👍🏻👍🏻🌹🌹🌹🌹🌹

العضوة: 743708 , 5 years ago

حبيبة قلبي

العضوة: 782632 , 5 years ago

@user-743708 ووووو رائعه

العضوة: 743708 , 5 years ago

😍😍😍