انا من حوامل فبراير اخر دورة الي كانت 12/2 وبالاسبوع 38 رحت عند الدكتورة وكنت تعبانة بآخر موعد من مواعيد مراقبة الحمل وكنت كتير حاسة بتقل وقتها قالتلي الدكتورة انه فاتح عندي الرحم 2سنتي وقالتلي اذا بتحبي بعطيكي محرض انا بابني الثاني اخدت محرض يعني طلق صناعي بس كتير تعب ولهلق ندمانة اني جبته بدون ارادته . قلتلها للدكتورة لا مابدي مارح جيب الطفل بالزور وكان يوم الخميس الماضي رجعت على بيتي وعلى اساس ارتاح من شان اكمل شهري بس ؟؟؟؟ مضي يوم الخميس ويوم الجمعة حسيت بنشاط غريب نضفت البيت وكانه قلبي كان حاسس بشي يوم السبت اجى جوزي من الشغل كان تعبان كتير دخل نام انا حسيت بجوع فظيع وولادي كمان والغريب اني من ساعة بس عاملة عشا والكل اكل رجعت ساويت اكل واكلنا وكانت الساعة 10 ولوقت ماطعميت ولادي وكتبتهم وظايفهم صارت الساعة 11ونص قلت اقعد اتسلى شوي بالتلفون والساعة 11:45دقيقة اجتني اول طلقة