الروح ،وبطني لحلقي جوزي بقلي شو رأيك نروح زيارة لعند أهلي ، قومي قومي لبسي عالسريع 🙂 ما بعرف كيف لبست وطلعنا بالسيارة ، ونحنا راكبين اجت شحّادة مدت ايدها قالت من مال الله يا محسننين قلا جوزي : الله يبعتلك قالتلو الله يخليلك الوالدة يلي جنبك عطيني جوزي بس سمع هيك فقع ، رح يقبع الدركسيون من مكانه من الضحك 😒 بس وصلنا عند أهلو كانت امه وأخته قاعدين ، بلش يتصهصه ويقول تعي يا أمي سمعي فكرتها الشحّادة إنها امي 😂😂 كيف مرتي قبل الحمل كانت سمبتيك صارت سمبكديش😂 بنت حماي نزلت ع ركابها تضحك وتقول آخ يا بطني ، آخ خواصري وحماتي بلعت ضحكتها وقالت والله مرتك بهالحمل صار عندها منخار اذا شافه #بان_كي_مون_بيقلق😂😂 ويلي قهرني اكتر شي بنت حمايي التانية حاطة السماعات بأدانيها وكل شوي تغني ((مرة في حيينا زارنا فيل ظريف )) 🐘 وبصيرو الكل يضحكوا ما قدرت أتحمل بس بنفس الوقت ما بعرف رد🙁 انا حدا مسالم ،لساني قصير ، بزعل على كيد النساء يلي ما بعرف استخدمه وبحسو بالنسبة الي تهمة 😔 راسي من القهر رح يفجر ، رحت عالحمام صرت ابكي ، دقيت للدكتورة يلي بتابع حملي عندا طلعتلي #السكرتيرة لمحة سريعة عن السكرتيرة . داهية داهية داهية لعنة مكبرتة ، حقانية وبتكره الزاحلة واهم شي صارت رفيقتي .. اول ما حكيت معها قالتلي شبو صوتك كاينة تبكي قلتلا الله يخليكي سأليلي الدكتورة فيني اخود بنادول اكسترا راسي موجعني قالتلي الدكتورة ما هون عندها عملية ، وانا شوي وحسكر العيادة وك شو صاير معك ؟! قلتلا كيت كيت كيييييت قالتلي: عملي متل ما بقلك وفورا بتلبسي وبتجي لعندي إسعاف عالعيادة طلعت من الحمام وقلتلون لحقوووووووني ح مووووووت بطننيييي جوزي انهبل قلي شو باكي ، حماتي صارت تقووول خلينا ناخدها عالمشفى ما حلها لساتها بالشهر التامن قالتلوا قوم خلينا ناخدها عن دكتورتها بالأول ، وبالفعل رحنا عالعيادة وفتنا ولا بلاقي رفيقتي لابسة مريول ابيض وقاعدة ورا المكتب وبس شافتني ركضت قالت بسم الله عليكي شو صايرلك ليش هيك لونك مخطوف بسرعة جهزي حالك لافحصك عالايكو . فاتت لعندي شوي و طلعت لعندون قالتلون الست يلي جوى صاير معها انهيار عصبي وهاد الشي أثر الجنين على شكل تقلصات وضروري تاخد ابرة اجنبية بس غالية شوي جوزي قلا رح بدفعلا روحي بس الله يخليكي دكتورة استعجلي شوفي شغلك رجعت فاتت لعندي غمزتني وضحكت😆 ورجعت راحت لعندون قالت رح أتركها ترتاح شوي ، بس لازم اعرف شو صاير معها حدى مزعلها ؟! جوزي قال والله يا دكتورة ما بعرف كيف الشيطان هيك خلاني اقعد اتمسخر عليها انا واهلي ع انو سمنانة كتير عالحمل. وبطنها كبير يمكن مشان هيك آخد على خاطرها😢 قالتلو : بصير هالحكي ؟! ليش الحمل صار مسخرة ؟! فيك تنتع ٢٠ كيلو ٩ اشهر لك انتا اذا اكلت آكلة وتقلت فيها بتقضي كل السهرة تقول أخ بطني اذا رب الكون قال #بالكتاب_الكريم (( حَمَلَتْهُ أُمُّهُ وَهْنًا عَلَى وَهْنٍ )) ورسولنا الكريم شبه النساء بالقوارير لرقة قلبها وعاطفتها ولأنها ما بتتحمل عنف وقسوة ومعرضة للتحطم بقوله #رفقا_بالقوارير وانتي يا والدته اكيد جبتي ولادك بنفس هيك تعب واكيد ما حملتيه عالبطاقة الذكية ومفروض تعلميه .. اخدت راشيتا وكتبت تعاليم انو ممنوع تتحرك تختها وكل شي بيوصل لعندها😂 انا كل الحكي سامعته جوى 😂😂😂😂 وحماتي تهز براسا وجوزي مرعوب وخايف ومسك ايدي حتى يطلعني وقلها شو بتريدي دكتورة قالت ١٠ الاف ابرة و٥ آلاف كشفية وبس اجينا نطلع قالتلي استني اعطيكي علبة دوا ليخف وجع الراس حتى تنامي وبس وصلنا عالبيت تعوا شوفو الدلااال 😂😂😂 الكل يحوص حوليي و بدو رضايي 😂😂😂 وجوزي كل شوي يقلي حقك عليي يا روحي 😂😂😂 اخدت الظرف عشان اشرب الحبة فتحتو لقيت المصاري جوا الظرف وورقة مكتوب عليها كيفك فيني وانا عاملة dr😀 💪 ضحكت من قلبي مسكت جوالي وحطيت سماعات وبلشت غني (( نحنا الخير بطبعنا ، لا نرضى ظلم الضعيف ، لا يحيى بينا إلا الإنسان الشريف ، بابار فيل ذكي نبيل 🐘 😂😂 )) #منقول_ #رفقا_بالقوارير #الرفيقة_الداهية_نعمة😆 #بالاخلاق_الفاضلة_بالمحبة_والامل #بادروا_دوما_الى_الاعتذار_عن_الذلل