انا متزوجة عندي عامين من ولاية اخرى بعيد على ولايتي غير بساعة و نصف.
المهم انا عندي طفل عمره عام و شهرين. و ضرك حامل فالشهر السابع.
المهم انا مشكلتي مع زوجي كل ما نقول ليه توحشت دارنا و نحب نروح لدارنا يديرلي 10000 مشكل .
و يديني غضبانة و يحطني بلا مصروف بلا أي شيء.
و هو لاباس عليه لكنوا بخيل يحسب حتى لطريق و كلش.
انا قتلوا غدوا اديني . و عيطت لبابا قالوا جيبها . ضرك هو قالي لبارح لوكان تروحي نحلف عليك والله ما تروحي.
انا صراحة خميت نقتل روحي . كرهت المعيشة . كلشيء
ما يخليني ندير فيسبوك و هو دايرهم كل و حكمتوا يحكي مع لبنات.
مايخليني نخرج من الدار .
ما يخلي حد يجي لعندي.
مع العلم زواج تقليدي .
انا كرهت و مليت . و خايفة من طلاق.
تنصحوني و لا صبروني . انا معنديش فيس و ماعندي لمن نحكي . لي قرات تجي تونسني والله راح نموت .
العضوة: 800331 , 5 years ago
ربي يخفف عليك حبيبتي.ويفرج عليك.احكي حكايتك لباباك هو لي قادر يعطيك الحل..خاطر الراجل ديما تلقايه يخاف من نسيبو.يعني بالك كون يهدر معاه باباك ويضغط عليه شوية يخاف يخسركم ..ويرجع يعدل من روحو شوية.ربي يفرج همكالعضوة: 690280 , 5 years ago
هذا راسوا خشين . و يعرف غير يقولي نطلقك و و و . انا حامل و عندي ضغط دم غير منو هو. والله ماهو حاس قريب 3 اشهر مرحتش لدارنا و بابا مرض مرتين والله مارحت ليه. نحبش. هكذا صرات فالعيد الصغير قتلوا اديني لدارنا داني خلاني شهر كامل. تاع نطلقك و و و و . والله كرهتالعضوة: 602389 , 5 years ago
الله يهديه..ويصلح مابينكم..العضوة: 686530 , 5 years ago
ربنا يهدي ويصبرك ياربالعضوة: 568460 , 5 years ago
هدا ره يخوف فيك عيطي لباباك ولمي صولحك ودي دهبك وروحي لداركم وقليله بلاك حسبت روحك غير نتا رجل وروحي غضبي فدركم وشرطي عليه يخليك تحلي الفيسبوك ويعطيك المودباس ويولي يحترمك ويديك لداركم من الشهر لشهر ويعطيك مصروفك هدي بينا وقليله وحد خين معندي منقعد معه مين يشوفك سيريو هو وحده يخاف متبينيلهش بلي ركي خيفا منه ولا خيفا تبعديه وصلي صلاة الإستخارا دري كمهاك قبل متولدي ونشاله يتسقم أنا في عمري 18 وعندي عمين ونصف زواج در رجلي عين تموشنت وأنا في وهران نروح من شهر لشهر نقعد ثلاتة أيام وعندي بنت عندها 6 شهر وكان نقد نفيدك بأي حجا قوليلي ختي 🤗🤗ربي معاكالعضوة: 568460 , 5 years ago
وكان تنتحري يكمل الأربعين ويجيب زوجا ختي دنيا متكملش عند رجل هدا