مرحبا كيفكم بنات
ادري بعضكم مالها خلق تكتب او تعبانه او مزاجها معكر
بس تذكري انك بتفرجي كربة عن مسلم وتخففي عليه همه
انا شايلة هم الولادة ودايما احلم فيهاا من كثر ماافكر
ودايم نسمع سب عن هالمستشفى بالله اذكرو لي تجاربكم او تجارب الي حولكم وكيف الطبيعي وكيف القيصري وكيف الاهتمام؟
العضوة: 716017 , 5 years ago
اللهم صل وسلم ع نبينا محمدالعضوة: 659589 , 5 years ago
انا ماجربت اولد فيها لكن اغلب صحباتي يقولوا انها حظوظ ادعي ربنا يسخرلك عباده واتوكلي على الله انا مااحب معاملتهم في الطوارئ لكن من باب الامانه تروحيها عشان لاقدرالله لو صار لك شيء او للبيبي تكوني متطمنه لانه كل المستشفيات الخاصة اذا صار شيء بيرسلوك لها كمان اعرف ناس بيشتغلوا فيها قالوا انه كل طفل بيتولد فيها بيسووا له 14 تحليل ويرسلوه للرياض عشان اذا في شيء يلحقوه من بدري لو تقدري تتحملي معاملتهم في سبيل انك تتطمني على نفسك والبيبي اتوكلي على الله وادعي ربنا يسخرهم لك انا عندي صحبات ولدوا فيها اربع خمس مرات وكل مرة تختلف عن الثانية فاانتي اهم شيء وكلي امرك الله وكل شيء حايكون بخير إن شاء اللهالعضوة: 815772 , 5 years ago
انا ولدت فيها قيصري والحمدالله تمام بس هيا حظوظ وتسخير من ربنا ادعي ربك يسخرهم لك لانه اعرف كثير ولدو فيها وناس تمدح وناس تسب انتي وحظك بس بالعموم تعتبر كويسهالعضوة: 716017 , 5 years ago
الله يعافيكم ويفرج همككم تسلمون ماقصرتو ونبغى تجارب اكثر وين بنات المدينة😭😭العضوة: 786996 , 5 years ago
مبين أنك محتاره كثير أول شيء لاتنسين الضغط كيف على هالمستشفى جميع قرى ومحافظات المدينه يجون لها ولاده عشان كذا تلاقيهم أحيانا معصبين وأنا ما ألومهم وربي يا عليهم ضغط عمل مو طبيعي رغم والله أني ما شفت ألا كل خير أنا إنسانه أحب الذوق وأحب أتعامل بكل أحترام لايمكن أبدا أغلط على أحد حتى لو غلط في حقي ، المهم ماعمري شفت شيء زعلني ، والله في أول حمل لي كنت تعبانه تنومت شهرين قبل الولاده الثامن والتاسع وحالتي صعبه والله ما شفت ألا كل اهتمام وحرص ، وحالياً برضه اهتمام بصحة الحامل والطفل ، وربي عندهم خبرات ماهي عند غيرهم ، جميع مستشفيات وعيادات المدينه لو صادفتهم مشكله أيش يقولولك بالحرف الواحد يقولك روحي الولاده هم أدرى وفعلاً حريم كثييييير أعرفهم ألي في الوطني وألي بالمواساه جاتهم مشاكل أثناء الولاده أو الطفل طلع مريض بعد ولادته مباشره على طول تحويل لمستشفى الولاده ، فروحي وأنتي متطمنه من ناحية الرعاية الصحيه المقدمه ، أنا عندي تأمين طبي ولايمكن أولد ألا بالولاده خوفاً على نفسي وطفلي وربك الساتر الحامي ، ( جميع ولادتي قيصريه وما جربت ألا القيصري)العضوة: 716017 , 5 years ago
ماشاءالله تبارك الله واضح انك ذوق حتى بكلامك يسعدك ربي ع انصافك لهم ويجعلها بموازين حسناتك ،طيب هل تعرفي اذا الولادة الثانية يجربون فيك انك تولدي طبيعي ولا لا اذا عرفوا انك سبق لك قيصرية يخيروك ومايجبرونك بالتجارب والكشف؟