السلام عليكم صباح الخير حابه اخبركم عن تجربتي بالولادة طبعا انا بكرية ومن حوامل شهر ٥ رمضان مايو بالميلادي .. ولادتي كانت بتاريخ ٢٠/٦/١٤٣٩ ،، ٨ مارس ٢٠١٨ طبعا كملت شهري كله وكنت جدا خايفه من الولاده لكن ربي سهلها ماشفت شي يخوف مره الدعاء والقران يهونون عليك ❤️ ورحت للدكتوره على موعد ولادتي اللي هو اخر يوم بالتاسع وسوت لي الفحوصات وحصلت عندي الرحم مفتوح ٣ سم وتقول لي ماء الجنين عكره ولازم نولدك بطلق صناعي بس عطتني مهله عشان تشوف اذا بيجيني طلق😰 انا هنا انهبلت والحمدلله تنموت بالمستشفى وانتظرت الطلق ماجاني ابدا واليوم الثاني الدكتوره عطتني تحميلتين طلق صناعي واشتد الالم لكن الحمدلله تحملته وطلبت منهم ابرة ظهر لان خايفه مره ومتوتره وصراحه هذي الابره راحه ونعمه الحمدلله ولدت بالسلامه على الساعه ٩ بالليل وجبت احلى ولد 😍 يارب الحمدلله ولادتي كانت في مستشفى الحمادي العليا مع دكتورة اكرام ابو المجد صراحه افضل دكتوره وتصبر عليك وتشجعك وعندها خبره وخياطتها بيرفكت👌🏼 هذي تجربتي بالولاده اتمنى انكم ماتخافون وتتوكلون على الله