كنت متفقه مع الدكتوره علي ولاده طبيعي من البدايه لاني حبه ده جدا و كل حاجه كانت مشيا كويس اوي لحد الشهر التاسع. بدا ضغطي يعلي و رجلي تورم و حللت ذولال مطلعش في حاجه الحمد و علي الاسبوع ٣٩ جالي طلق ولاده بس الرحم مكنش فاتح و الدكتوره كتبتلي علي زيت خروع و حقنه برمبران. و ده زودلي الطلق و خلي الرحم يفتح ٣ سم تاني يوم و بعدين دخلت المستشفي الساعه ٨ بليل فضلت من الساعه ٨ لحد الساعه ٣ الفجر بولد و اول ما الدكتوره فتحت الكيس لقيت ان الميه خضراء و مش هينفع تولدني طبيعي فيها عشان كده البيبي ممكن يحصله حاجه. و بعدين دخلت ولدت قيصري و الحمد لله عاي كل شئ. بصراحه بعد التجربه دي كان نفسي اقرر ان مثلا الطبيعي احسن او القيصري احسن بس بجد انا تعبت و اتبهدلت و بعد العمليه كمان طالعلي كرش و نفسيتي مدمره. الحمد لله علي ابني هو احلي حاجه في دنيتي دلوقتي و ربنا يقدرني علي تربيته و ربنا يكرم كل حد حامل بساعه سهله من غير الم يارب