مرحبا صبايا انا صارلي والده الحين ١٧ يوم الحمدلله ، المستشفى معطيني موعد ولاده تاريخ ٢/٤ يصادف يوم الاحد والحمدلله كملت ٤٠ أسبوع ولدت ع الموعد .. بخبركم عن الاشياء اللي سويتها قبل لا اروح للمستشفى .. ف يوم لجمعه كنت أحس بألم دورة خفيف بس م اهتميت له وتعشيت وبليل سوينا جماع و ألم الولاده طبعا م راح وكنت احس من الجانب اليمين من الحوض كأن يتفكك و ع الصباح كنت كل ٥ دقائق اروح الحمام واول م صحيت كليت لي تمر مدلوك مع سمن وحطيت لي قربه ساخنه ع ظهري ع الساعه ١ الظهر نزلت السداده المخاطية وجهزت شنطه البيبي وشنطتي و تسبحت بماي ساخن وكنت احط الماي الساخن ع بطني لفتره ( فايده لماي الساخن لما تحطية ع بطنك يساعد الرحم يفتح ) وبعد م خلصت متسبحه كليت تمر والسمن و ع بليل الساعه ٨ كنت احس بطلق بس خفيف وكان يروح ويرجع وجبت لي ماي ساخن وحطيته ع رجلي والقربه الساخنه حطيتها ع ظهري ونفس الشي لما تحطي الماي الساخن ع رجلك وقت الطلق يساعد الرحم يفتح ودخلت الحمام اسبح بماي ساخن مره ثانيه ووقت م دخلت اسبح كنت احس بلوعه وان اريد استفرغ وطبعا استفرغت ونفس الشي لما تستفرغي يساعد الرحم يفتح وطلعت وكان الطلق يزيد وابدا م رحت المستشفى جلست ف البيت وكل م يجيني الطلق ويجيني ألم الظهر يسوولي اخواتي مساج ع الظهر والحمدلله كان يخف شوي الالم وكل شوي بستفرغ لحد الساعه ١٢ الطلق زاد وصار ففترات متقاربه وكنت اموت من الالم اصرخ من ألم ظهري و الساعه ٢ رجعت وحطيت رجلي ع ماي ساخن ولما حسيت ألم الطلق كل دقيقه يجي لبست عبايتي ورحت ع المستشفى ووقتها كان ساعه ٣ اول م وصلت المستشفى حسيت نفسي بزفر وكنت اخذ نفس شهيق زفير (شمي ورده وطفي شمعه) وبسرعه دخلت وشافتلي الدكتوره أن الرحم كان فاتح كامل ماشاءالله و ع طول قالتلي ولاده واول ما دخلت غرفه الولاده ألم الظهر أختفى سبحان الله وقالتي كل م تجيك الزفره ازفري وانا م كنت اعرف كيف ازفر 😂 بس الحمدلله بعد كم زفره طلعت بنتي نورت دنيتي 😍 أن شاءالله تستفيدوا من تجربتي انا كنت اشوف تجارب البنات اللي تشرب زيت زيتون والخروع واللي تشرب كف مريم بس كل هالشي ماله داعي والله حطيلك ماي ساخن وكل تمر مدلوك مع السمن ويفتح الرحم 😍 ونصيحه لا تروحي للمستشفى اول م تحسي بالالم لانك بتتعذبي وقت ماتحسي بألم الطلق كل ٥ دقائق ع الاقل روحي .. واللي عندها استفسارات تتفضل😍❤❤.