السلام عليكم بنات حابه اتكلم عن موضوع
يمكن مضايق اغلبنا أنتم عارفين الوضع السنه ذي والازمة الي تمر فيها الدوله كل مالها المصاريف تكثر والوظايف م يحصل الواحد والله يرزق المسلمين اغلب الي متزوجين ومش في وظائف حكومية تلقيهم يعانون من الماده شوي وانا اولكم نتكلم عن تجهيز الولاده وم بعد الولاده انا بكريه وطبعا كنت بأول شهري حاطه ببالي بسوي استقبال وم اعرف ايش حمدلله من الله علينا وجهزت للبيبي من والى الحين بس ناقص لي اجهز لي كم شغله وخلاص والله يا بنات لما فكرت بعقل شفت ان الله امر باليسر مو بالعسر وان الاستقبال اقل شي واذا كان بسيط مره بيكلف ١٥٠٠ بالميت عشان ايش اكسر ظهر زوجي عشان حريم يجون وياكلون ويطلعون ويتكلمون فيني ؟ لا والله الله امر باليسر وحرام ورا الريجيل عقيقه ومصاريف فا الي بوصله لكم باختصار اَي وحده وضع رجالها مو ذاك الزود تمشي حالها بالاشياء البسيطه اول شي كل شهر تاخذ منه الي متيسر معاه من بداية حملها لو ٣٠٠ ولا ٥٠٠ وتشتري للنونو لحد م تخلص كل اغراض لا تشتري الكثير والماركات المبالغ فيها ولا تبخل على جنينها وتشتري الرخيص مره والقليل وسط يعني انا اشوف سنتر تخفيضاته جدا مناسبه وخاماته ممتازه بالنسبه للنونو والقطن حقهم تشتري الي يكفي طفلها من الولاده الى ٣ أشهر بس تخلص تجهز البيبي تجهز لنفسها تاخذ قميصين نفاس حقت استقبال حلوه عن نفسي رحت فلور وغيره من الماركات وشفت انها غاليه ع الفاضي ومبالغ فيها ومو حلوه محلات المواليد العاديه فيها قمصان استقبال حلوه مره وثلاث قطع مع الطرحه وكل شي الواحد ب١٨٠ وتكتفي بثلاثة ولا اربع قمصان عاديه لبيتها بطرحتها تاخذ لَبْس داخلي الي تجي ٦ كلوتات مع بعض وستيانين وخلاص خلصنا اذا حابه انها تسوي سفره مرتبه محلات ابو ١٠ و٥ فيها اشياء روعه ومرتبه فيها التماثيل المغلفة لو هي حابه مره انها تسوي توزيعات خذي منها سفره سادة ع حسب لون غرفتك خذي مفارش صغيره تنحط تحت الصحون ومناديل سفره وفازة بالموسط حقت الورد وشموع بسيطه وخلاص ٣٠٠ تخلص لك أغراضك كلها حقت السفره منها م احرمتي نفسك ولا شقيتي عليه مراجعاتك حاولي تخليها في حكومي اولا أفضل ثانيا حق المراجعات بدال م تصرفيها بالخاص شيليها كل شهر وخلصي لك غرض للولاده
العضوة: 56299 , 9 years ago
لا تنسين ان ورآه مصاريف بعد الولاده اعظم غير اغراض الصيدليه حقت النونو وحقتك وغير اغراض النفاس والأعشاب حاولي كل شهر لو يعطيك ٢٠٠ ريال تاخذينها وبنفس الشهر تشترين لك غرض غرضين منها وكل شهر كذا بتلاقي نفسك م ضغطتي عليه وخلصتي شغلك م تاخرتي وأن شاء الله اوضاعنا تتحسن وبالنسبه للبكريات ذي نصيحتي لكم الزواج ماهوً مثل الأحلام الورديه الي ببالنا .العضوة: 54394 , 9 years ago
ماشاءالله عليك ماقصرتي فيه ناس تحب تبالغ بالحيل انا اختصر كل الاستقبال في بوكيه وردمع حلاوه احطها ع طاوله وانتهينا اهم شي تجهيزالبيبي ونفسي ومفرش جديد حتى مو اللي يجي طقم احس اوفر ولاهو مريحالعضوة: 56299 , 9 years ago
@user-10034 والله اشوف بالبرنامج بنات يبغون احد يساعدهم في امكان تبيع بمبالغ معقوله لتجهيز النونو وكذا الي تقول م عندك سالفه تشترين رخيص والي تقول روحي للماركات وش تبين بالرخيص م تدري لو تخرب بيت وحده عشان كلمتها ذي بالعكس البساطه حلوه بكل شي ومو معانته رخيص يعني مو حلو في اشياء رخيصه بس ذوقالعضوة: 64440 , 9 years ago
والله يانورة الحال من بعضه انا بالشهر الثالث وفكرت استغل وقت التخفيضات لان عارفة الوضع والمادية سيئة عندي وخصوصا هذا اول حمل لي ومن بعد فترة طويلة ربنا كريم بس رأيكم شنو الحل والله يابنات حتى فكرت تفصيل خزانة كبيرة تلم اغراضي ولبس النونو وافرش غرفة الطفل يعني مصروف قوي وماديتنا صعبة عطوني حلول خصوصا انا توني بالثالث حلول بليز ...العضوة: 39510 , 9 years ago
والله صادقه لايكلف الله نفسا الا وسعها ماحد بيقول شاطره سوت استقبال الا بينتقدون كل شيء وانا وزوجي وطفلي اولى بكل ريال ينحط بالاستقبال المهم الضيافه وكلن يمد رجليه ع قد لحافو والله يكرمنا والجميع من فضله وجودهالعضوة: 56299 , 9 years ago
@user-64440 والله نصيحه مني من ذَا الشهر أبدي خذي منه ٥٠٠ روحي سنتر انا اغراض طفلي خذيتهم منه اولا أسعارهم جدا مناسبه حتى الأجانب م يتركون شي في التخفيضات وهم احرص مننا على الفلوس أفضل تاخذين له أطقم كامله البريتوز يجيك اربع مع بعض بسعر معقول يعني مثلا لو بتاخدي ٣ بريتوز في كل واحد اربع كم يطلع لك خذي الرضاعات الرضاعه الوحده عندهم ب ١٠ ريال احسن من الصيدليه خذي ٢ صغار وحده للحليب والثانيه للحلبه انا اشوف غرفة الطفل خليها لبعدين لما يكبر وبالنسبه للمفرش عند الحريم خذي مفرشك حق الدخله الأغلب فينا يا ابيض مفرشها او سكري اثنيه وحطيه ع السرير واكيد راح يجيك فلوس منهم بالفلوس ذي ماهي نفسك وقت النفاس بيخلص روحي لمحلات رد تاغ عندهم فساتين ناعمه وحلوه وااسعارهم معقوله خذي لك كم لبسه وخذي لغرفتك مفرش وخلاص بالنسبه ليوم الطلوعه خذي لك علبة حلاوه ونضفي نفسك علبة كريم كاب وملح الحليب وفركي جسمك مع السونا وخلاص اذا حابه تغيري اصبغي لنفسك بالبيت وشعرك اذا طويل مره قصيه لآخر ظهرك بشكل متساوي وخلاص والله البساطه حلوه وكل وحده وسناعتها لو م عندها الا محل ابو عشره بس هي مرتبه وذوق بيطلع كل شي تسوي بيرفكت باقل م يمكن التكلف الزايد مو حلوالعضوة: 56299 , 9 years ago
@user-39510 فعلا كلامك صحيح❤️ الا بالعكس لو حطت وسوت قالو ذَا ورجلها كذا سوت وحطت واذا ام زوجها نسره بتنشب للرجال للحرمه تطلع الفلوس وعندنا م معاك شي ويكرهك الرجال بسبب امهالعضوة: 21615 , 9 years ago
الله يكملك بعقلك ماشاء الله عليك والله يحسّن من اوضاعنا اللي كل مالها للاسواالعضوة: 64440 , 9 years ago
المشكلة مو مقتنع زوجي يقول بدري توك والفلوس يكون مصرف للأكل خصوصا راتبة ١٠٠٠ بس والله لو عندي ذهب بعته واشتريت نفسي افرح بتجهيز النونو وماقصر بشي بس العين بصيرة واليد قصيرة يعني لو معي ١٠٠ اقدر اشتري من سنتر هلحين ّ ؟العضوة: 39706 , 9 years ago
اول حاااجه احنا بنعمه وهذا من فضل الله علينا يكفي انو نعيش بأمن وامان وثاني حااجه انا مع ان وضعي تماام ولله الحمد .. بسس لافكرت ف اسستقبال ولاحااجه ليش المصريف اللي ماله داعي واللي ربي ما امر بها والله مو بخل بسس منجد .. منجد فكرة الاستقبال ايش الفاايده منها مالها فااايده .. كفايه علي حاجات التقديم اللي ع طاوله حقت الشاي والقهووه .. الناس تبغا تتكلم وتعذرب فيك لووو سويتي اسستقبال بعشره الالف يعني عينهم فااارغه الله المسعان .. واللي ابغا اصرفه ع حاجه تااافه مش ضروريه اصرفه ع نفسسي . 🍃🍃 ربي يتمااام لنا ع خيير 🍃🍃 ♨ موووضوعك راااائع بجد 👍العضوة: 58896 , 9 years ago
من جد الاوضاع الحين صعبه والواحده منا بذات البكريه نفسها تشتري كل شي حلو ومرتب واشياء لأول يوم استقبال بس الماده بعض الاحيان ماتسمح والحين فرصه تحفيضات واسعار حلوه انا كمان بكره ادخل الخامس ونفسي اخلص من التخفيضات بس الكل يقول بدري وشايله هم بعدين الغلا والثقل والله المستعان الله يرزقنا ويرزقكمالعضوة: 39706 , 9 years ago
@user-56299 كلامك جدااااً رااائع 👍👍العضوة: 55327 , 9 years ago
انا اشوف الاستقبال خسائر ع الفاضي انتي والنونو اولالى ب الفلوس وراك مصاريف ملابس لكم واكل وعقيقة ادا مره خاطرك ف روحي خذ لك صحن شكولاته حق المواليد وخلاص مره لا تكلفين ع نفسك وع زوجكالعضوة: 56299 , 9 years ago
@user-64440 @user-58896 ام خلف حبيبي ١٠٠ تجيب لك اشياء حبه حبه انتي اشتري عشان لما تجين ع التاسع مخلصه اغراضه وأم ريما نصيحه مني أبدي من الان مثل م قلت سنتر روعه كاخامات وشكل انا كنت مثلك خالاتي بدري بدري للي عندهم ميزانيه تسمح بشهر تخلصين اغراضه بس الي م تسمح لا ونصيحه مجرب مهما كان وضع زوجك لا تعوديه تاخذين من اهلك ومصروفك هو مجبور فيه لان الرجال اذا تعود ع انه م يعطيك مصروف وانتي تصرفي عنه راح يتمادى يصير اذا طلبتيه يقول دبري نفسكالعضوة: 56299 , 9 years ago
@user-39706الله يزيدكم من عنده فعلا صحيح بس انا اقصد اكثر شي البكريات أكثرهم صغار ويخرب بيتها عشان م تبي مثلا خواتها احسن منها خواتها يسوون وهي لا والرجال يبتلش كمان غلط يقولون للوحده بدري لا تشترين الحين هم مو عارفين ظروف الناس الي ظروفها ع قد حالها المفروض من اول شهر تشيل ٢٠٠ ع جنب عشان ملابس النونو حقها كل شهر كذا تشتري شي بسيط لحد م تخلص