من الحاجات اللي كانت تضايقني وقت حملي الإنقباضات وتقلصات البطن 🤰🏻اه يا إني كنت اموت منها بطني كان يتحجر ويتكور على برا كنت اخاف وربي 😐 طبعاً احنا البكريات الوحده ماتفرق بين الإنقباضات والتقلصات وبين طلق الولاده ! وانا كنت اول وحده احوس ما ادري اذا انّشد بطني وحسيته تقلص اقول خلاص بولد وهذا طللق والنونو بيطلع 🙆🏻 وانادي أمي واصايح ، بس غلط لازم الوحده فينا تعرف وش الفرق بينهم عشان ماتلخبط اذا حست بولاده تقول لا هذه تقلصات وتسكت على نفسها ! أول شيء التقلصات تكون قويه بعدين تخف بالتدريج ( يعني تحسين بطنك طالع ومتحجر ومكور وشويه شويه يفك الألم ويخف التقلص ) بعكس الطلق يكون خفيف بعدين بالتدريج يشد ويصير اقوى مع الوقت . الطلق غالباً يكون الألم فيه متصل مع الظهر وفتحة المهبل بس التقلصات موقعها الوحيد البطن . طيب اكيد كل وحده منكم تقول كيف اخفف من تحجر البطن او كيف اتخلص منه ؟ اول شيء لازم تتحممي بمويه دافيه عشان يفك تحجر البطن غير كذا كثري من شرب السوائل والمشروبات الدافيه لأنها تسلك البطن . غير كذا لازم اذا حسيتي بتقلصات وتحجر ببطنك غيري وضعيتك ( يعني كنت نايمه قومي اجلسي ، واذا كنت جالسه امشي احسن ) وبإذن الله تخف التقلصات حتى تختفي ، واذا لاسمح الله سويتي كل النصايح والطُرق اللي تخفف منها ومافي فايده الأفضل تراجعين عند دكتورتك عشان تطمنين . حواملنا الحلوات في أي شهر ؟ الله ييسر لكم ويسهل عليكم 💗