العضوة: 738812 , 6 years ago

اغلب الحريم يحبون المبالغات وزياده التهويل واغلبنا ولدنا بدون امهاتنا وبكريات ولحالنا التيسير والتسهيل بيد العالمين وتختلف التجارب من حرمه لحرمه ومن ولاده لولاده انا لو تساليني كنت قلت لك اهون علي الولاده من الحمل والوحم حملي جداً متعب اعيش على مغذيات ولو جاء عليك ممكن تقولين ماحسيت بوحم لا تبالغين فالمقصد تجاربهم مو ممكن تحصل معك مع ابرة الظهر الحمدلله ماتحسين بشىء اكبر نعمه اشوفها اهم شى لا تتوترين وشوفي مقاطع تعليم طريقه الدفع وانتي بيدك تخلين ولادتك سهله وجميله ..

العضوة: 486700 , 6 years ago

ما عليك منهم انا بكريه ولدت قبل اربعة شهور الحين احاول اتذكر الم الولاده عجزت ناسيته والولادات تختلف بعدين لو جد تحسين روحك راح تطلع كان ما حملن وولدن كل شوي الحريم بشكل عام يحبون المبالغه صح فيه الم وفيه تعب بس كله يروح ذكرى ما عليك من احد استمتعي بكل مراحل حملك بكل لحظه من حملك ترا كله يروح بغمضة عين وتحسينه كان حلم مو حقيقه وادعي دايم ان ربي يسهل لك وييسرها ♥️اتمنى لك ولاده سهله سريعه ميسره ♥️ لا تفكرين بالولاده فكري بلحظة لقائك بالنونو اول مره فكري بالمشاعر الحلوه هذيك اللحظه فكري انك صرتي ام لاجمل نونو 🥺♥️

العضوة: 486643 , 6 years ago

في ناس صراحه عديمه احساس خلاص جربتي الرلاده لاتخرعين غيرك انا اقولك ياقلبي كمت زيك ببكري بس سبحان الله قسم بالله كانت ولاده سهله ولافي ذاك الالم حتى اقول وين الالم اللي يقولونه ووحده جنبي تطلق بالثالث وقومت الدنيا وقعدتها،،سكري اذونك عنهم وكل ماخوفوك قولي الله بيسهلها وعليك بالدعاء ف كل سجود انه ربي يسهل عليك وقولي حسبي الله لا اله الا هو عليه توكلت وهو رب العرش العظيم كررتها كثثثير بسوم الولاده والحمدلله الله يبرد ع قلبي ومافكر وش بيصير ولا اتوتر توكلي ع الله وبس وهي تتسهل ورحمه الله حولنا دايم تقومين بالسلامه انتي والنونو يارب🌹💐💐

العضوة: 738812 , 6 years ago

والشىء الاخير اسمعي وطلعي من الجهه الثانيه وعليك بقراءه سوره مريم والاستغفار بنيه التسهيل والتيسير وربي بيكون معك ولما تشوفين جنينك بتكون اجمل لحظه بعمرك كلها 🥺❤️

العضوة: 486643 , 6 years ago

ايوالله لاتفكرين الا بلحظه تشوفين طفلك كلها ساعه وتشوفينه وتنسين كل الالم وتحسين بعظمه الشي اللي صار شعورر قسم بالله يجنن حلوو الله يرزقك كل من يتمنى الذريه يارب

العضوة: 682192 , 6 years ago

@user-665275 وانتي ليه منزله اذنك لهم ؟ انا بكريه وكل مااحد تكلم اقول ايه عادي هذي سنة الحياة الولاده تعب ساعه ويروح اي شي يقولونه لاتسكتين وتجين تلطمين خليك واثقه من نفسك وقويه مرات اقولهم خلوني مبسوطه بحملي وملابس الحمل واحس اني احلويت من حملت اذا رديتي كذا بيصيرون يقولونه ايه صح وبعدها يسكتون واذا بتولدين بعيد عن اهلك عادي حبيبتي بتتسهل من رب العالمين ولاتفكرين بهالامور انا بذخل السابع وبكريه واروح مراجعاتي لوحدي والمستشفى يبعد عني ساعه ونص ولافكرت بكلام احد اهم شي فيتاميناتي واكلي وصحتي حتى شغل البيت مأجلته عشان صحتي وصحة اللي ببطني مو عشانك بكريه تسمحين لاحد يسمعك هالكلام بعضهم حسد وبعضهم يبي يطقطق اعذريني على كلامي بس ماحبيت اشوف ردك يكون مكان ضعف :)

العضوة: 600010 , 6 years ago

ياقمر اسألي نفسك هم عالمين الغيب ؟ بيدرو ايش حيسير فيك او كيف حتكون حياتك؟ طبعا لا فلا تفكري ابدا بكلامهم دخلي من اذن وخرجي من اذن ربي كاتب ايش حيسير وادعي ربك يسهلها هو ارحم واعلم منهم روقي وانبسطي بالفتره الباقيه من الحمل عيشي اللحظه واتحمسي للبيبي وجهزي امورك اذا هم سلبيين هذا عكس على تجربتهم وممكن اتخيلو اشياء ماصارتلهم وصعبوها وهي بسيطه وكلي امرك لله🌷

العضوة: 753789 , 6 years ago

وانتي ليش عم تسمعي .. يعني لو كان لولادة بتخوف اشو منساوي يعني مافي مهرب بدنا نتحمل لكن ليش اسمنا امهات .. لاتسمعي ل حدا كلو تيسير من رب العالمين