الحمد لله انا متجوزة من ٣ سنين جوزي ظروف شغله نزل شهر اتجوزنا وسافر وبعد سنه و٣ شهور نزل شهر وسافر وصلت سنتين ونص جواز ومافيش حمل ومافرحتش بوجود جوزي معايا
بعد فرحي ب٣شهور كنت تعبانه شويه رحت لدكتور نساء وصدمني وقالي عندك تكيسات ع المبيض لازم منظار عشان يحصل حمل ولم عملت تحليل هرمونات طلعت نتيجه التحليل كويسه ولكن ارتفاع بسيط في هرمون الحليب
وبدات اخد علاج ورحت لدكتور تاني وكتبلي علاج ينزل هرمون الحليب وقالي لم جوزك ينزل تعالي وطبعا انا طنشت كل دا وحسيت ان كلام الدكاترة غير صحيج وقعدت طبعيه ولا كان في حاجه حصلت ولم جوزي نزل وماحصلش حمل
عملت حسابي لم ان شاء الله ينزل تاني اروح لدكتورة واعمل اللي عليا وان شاء الله ربنا هيرضيني
وقبل ماجوزي بنزل بشهرين رحت لدكتورة وشرحتلها كل دا وان مااخدتش علاجي اصلا غير فترة شهر والدكتورة طمنتني جدا ان اموري تمام وان شاء الله مافي اي مشكله وكنت طلعت من عندها اول زيارة في قمه السعادة
والحمد لله جوزي نزل وبعد اسبوع الدورة نزلت وكنت طبيعي كاني رايحه اتفسح معاه رحنا للدكتورة وطمنتي وتبويضي كان كويس جدا وكان الحمد لله عندي تبويض علي الناحيتين واتبشرت بالتوام في حلم حلمت ان حد بيدني لبس بيبي ابيض واحمر وحست ان دي رساله من ربنا وانا كنت عارفه ان ربنا مش هيكسفني وهيبقا في بيبي لكن عمري ماكنت طماعه واقول عاوزة تؤام انا بس كنت بطلب الرضا من ربنا
والحمد لله قبل معاد الدورة عملت اختبار حمل منزلي وطلع في حمل ولكن قولت في نفسي اصبري لم يعدي معاد الدورة ولم عدا يوم ٢١مارس بخير وسلام عملت اختبار دم يوم ٢٢وفي نفس اليوم عرفت بالحمل الحمد لله
ورحت للدكتورة مبسوطه جد وكان لسه الحمل ماظهرش ع السونار وبعد ١٥يوم ظهر الحمل ولكن كان الكيس صغير وخوفت كتير بس كنت مؤمنه بالله وبعد شهر من الحمل رحت اشوف النبض لاقيت ٢كيس حمل ولسه مافيش نبض اخر التاني دخل النبض الكيسين وعندي تؤام الحمد لله وربنا كرمني في الظروف دي وجوزي ماعرفش يسافر وقعد معايا ٣شهور لحد الان
كل يوم بحمد ربنا وحسه بكل النعم اللي أنعم بيها علينا احساس ان جوزي ضيف ف حياتي كان صعب عليا دلوقتي قاعد معايا الحمد لله
تفائلو دايما وخلي املك في ربنا كبير وهتلاقي كل اللي نفسك فيه بس الصبر
العضوة: 30568 , 6 years ago
الحمد لله حمدا كثيرا.وربي يتمملك بخير ويرزقك الذرية الصالحة السليمة المعافاةالعضوة: 284000 , 6 years ago
@user-702723 ماشاء الله تبارك الله ربي يتمم لك على خير 💕العضوة: 447142 , 6 years ago
ربنا يتمم حملك على الخير حبيبتي وقومين بالسلامهالعضوة: 690340 , 6 years ago
شلون تعالجتي من التكيس ؟العضوة: 635030 , 6 years ago
الله يتمم لك على خير يارب وتقومي بسلامه ياربالعضوة: 372167 , 6 years ago
الله يتمم على خير يا رب العالمين