العضوة: 430879 , 5 years ago

انا نوض صباح على 7 وربع نوجد لفطور لراجلي وبنتي ابري نوض بنتي تقرى في الماترنال في مارس ان شاء الله تقفل ثلاث سنين نوضا ندخلها لتواليت حشاك ابري نغسللها ونبدللها قشها ونمشطلها ونروحو انا وياها نفطرو ينوض راجلي يجي يفطر كي يعود رايح يخدم على الثمنية يدي طفلة معاه تقرى نقعد مع طفلة صغيرة عندها ثلاث شهور كي يخرجو نبدللها لاكوش ونرضعها ونحطها في فراشها تلعب ونروح نحط لغدا ولعشا يطيبو في نفس الوقت نقول مادامني واقفة واقفة في الكوزينة باش لعشية نتفرغ لحوايج خلاف ولغدا يطيب نغسل لماعن كي نفد نروح نحبك التواليت حشاك ولافابو ومنبعد نسيق ليه ليه ونطفي على الطياب ونحط الصغيرة في لابوسات ونروح على 11 ونص نجيب بنتي من الماترنال كيما ندخلو للدار نغسللها ونروحو نتغداو كي نفدو نحطها تقيل ونقعد مع الصغيرة نرضعها ونخليها في فراشها ونكونكتي شوية حتى تنوض بنتي لكبيرة من القيلولة نمدلها القوثي ونروح معها للبيت ساعات نلعب معاها ساعات نحطلها لاتيلي تتفرج وندخل ندوش ونبدل حوايجي ابري يجي راجلي على ستة تاع لعشية على سبعة نديها تتعشى وحنا نتعشاو على ثمانية كي نفض لعشا نغسل لماعن ونحطها تنعس على التسعة نولي مع القميطة نبدللها ونرضعها القميطة كل ثلاث سوايع ترضع حتى في الليل تنوضني باش ترضع و نكمل نسهر شوية مع راجلي مع لاتيلي وننعس

العضوة: 430879 , 5 years ago

طبعا الويكاند يختلف البرنامج اهم حاجة مانبكروش وزيد التسياق مانسيقش يوميا نسيق ثلاث مرات في السمانة وساعلات مرتين برك لكن التواليت وسال دو بان نحبكهم ونسيقهم يوميا والكوزينة تاني كيما نفض الطياب نمسحها ونمسح الغاز القش نلمو ونحطو في لاماشين كل سمانة نحطو بالجمعة في الليل وننشرو لداخل حنا عندنا البرد بزاف يهبط عليه الجليد مايشيحش ننشرو لداخل بحدا الرادياتور بالاحد يكون شاح نطبقو في الخزانة

العضوة: 430879 , 5 years ago

الغبرة كي نسيق نمسح الغبرة مرتين او ثلاثة في الاسبوع وهذا ماكاننتمنى الاخوات يزيدو يفيدونا

العضوة: 548168 , 5 years ago

@user-430879 والله ئا اختي انا راني حصلت وهاد لئامات جيتني غير على الرقاد ولفشلة ولعيا منقدرش روحي نهزها مع ولادي مساكن راني مقصرة خلاص انت صحبة صبرئنة لي راك فلغربة ياك مازالك تنزفي

العضوة: 430879 , 5 years ago

@user-548168 ايه انا هي والله عندي وحد 25 يوم من اللي صفيت رحت ليزورجونس مدولي دوا حبسلي دم شربتو ثلاث ايام حبسلي مام انا كي كنت بالحمل ماتطلعلي نخدم والو في الدار واش ندير نطيب هذا ماكان والميناج عدت غير مرة في السمانة ونجيبا نهار كامل غير راقدة براسك واش رايحين نديرو والله نخدمو نخدمو وكيف كيف العمر يفض والشغل مايفضش مالا الواحد يكسب صحتو خير انا كي تزوجت كنت بنيتي نظل نخدم نخدم وكيف كيف مالا نعل بوها عدت قادرة ندير الحاجة نديرها ماقدراش الله غالب

العضوة: 430879 , 5 years ago

حتى كي يريكلامي راجلي على حاجة نقولو الله غالب نهار كامل وانا مع الدراري نظل نجري مانقعدش خلاص

العضوة: 306447 , 5 years ago

خسارة كنت حابه استفيد من كلامك لكن مافهمت شي 😣 مثل صاحبةة الموضوع ابي اعررف كيف تنظمو وقتكم ممع الاطفال و البيت والزوج الله يكتب اجرنا ياررب 💕

العضوة: 548168 , 5 years ago

@user-430879 حمدلله لي ريحتي انا خايفة الا نكون بالحمل زتخلا على راصي ولدي عام ونص. بنتي 3 اشهر زسيزاريان وربي يستر

العضوة: 430879 , 5 years ago

مان تلقاي فرصة باش ترتحي رتحي واحد ما يحس بيك في الدنيا هادي انتي لي تعطي الراحة لروحك سينو واحد ما يمدهالك صحتك قبل كلشي هي الوحيدة لي معاندهاش بياس دو روشنج على جال من على جال الراجل انا نقتل روحي بالخدمة هذا كي نقعد في الشوكة اول حاجة يديرها يروح يتزوج شكون يخلص انا مالا حنونة صحتي قبل كلشي ماشي تفنين مي الضروري نديرو مي الزايد نو منكدبش عليك الموت وتعطي الراحةواش هذا

العضوة: 548168 , 5 years ago

@user-430879 والله عندك حق زاش تحكي انا نروح ندير شغل ونجي نقصرو

العضوة: 430879 , 5 years ago

ربي يعينك