اول شي واهم شي لا حدا يجي يقلي سحر وشعوذة وعلم بالغيب ومن هالحكي انا كنت عم اقرا صدفة شفت رسالة دكتوراه عم تتناقش بهالموضوع .... كل شي بالكون ماشي بنظام رباني وتصميم الاهي يخلينا بكل لحظة نقول سبحان الخالق والمبدع والمصور ... تعالو بقا عالطريقة المذكورة بهالرسالة ....اول شي النظرية تطبق على نساء محددين لازم يكون عندن سابق ولادة ولازم تكون دورتن منتظمة كل شهر ... بتقلك انو اذا فرضنا انو صار حملك الاول برمضان مثلا الي هو الشهر ال٩ وولدتي بالسلامة وجبتي بنوتة حلوة فأنتي عندك فرصة حمل بالبنت خلال الاشهر الفردية وفرصة حمل الذكر بالاشهر الزوجية والعكس صحيح يعني في ناس زوجي ذكر وفردي أنثى ... وناس فردي ذكر وزوحي أنثى ... تعالو نجرب نطبق على بعض ونشوف صحة هالحكي الي ما بتعرف الاشهر الهجرية تبعتلي الميلادي بالكامل وانا بحولو ... ومشان يلي بتقلي انو الرجل الي بيحدد الجنس بقلك بعرف بس هي نظرية وقلتلك كل شي بهالكون ماشي بنظاااااام وانا عم قول فرصة الحمل الاكبر ما بقول اكيد رح تحملي بكذا وكذا