صبايا كل وحدة تحكيلنا عن اعتقادات منتشرة بدولتها وإذا جربتها وشافت منها نتيجة ولا لأ طبعاً انا مابصدقها ابداً وإذا حصل وزبط شي منها بتكون صدفة.
انا من سوريا وعنا بيقولو إذا الوحدة كانت حامل واكلت سفرجل بيصير عند البيبي غمازات 🥰
وكمان إذا الوحدة اول ما عرفت حالها حامل وقرأت سورة يوسف بيطلع البيبي جميل 😍
وكمان الحامل بالعيلة عنا ممنوع تلمس السودة تبع الخاروف قال بتطلع على شكل و حمة على البيبي🤪
وكمان بيقولو الحامل إذا توحمت على البندورة بيجي البيبي اشقر 🤩
وكمان إذا اشتهيت الحامل شي بشدة وماكان موجود وكرمال ماتصير على جسم البيبي وحمة تقرص بطنها وتقول بسم الله 😁
وبالعيلة عنا من زمان لما الوحدة تولد وتخاف من العين كانت تحط شوية (شبة) بقماشة وتعلقها تحت ثياب
البيبي والشبة تذوب بعد مدة وبيقولو انها بتسحب العين من الطفل وكل عين بتجيها بيذوب منها شوي👁
العضوة: 776155 , 5 years ago
🤣🤣🤣من وين بجيبو هل كلام مابعرف هههههههالعضوة: 809377 , 5 years ago
@user-776155 ياااااي واخيراً وحدة من حلب 😍 تشرفت فيكي عزيزتي والله انبسطت انو شفت وحدة بالتطبيق من حلب الي تاركة حلب من 2012 😢العضوة: 776155 , 5 years ago
وانا تشرفت فيكي روحي والله انا كمان من ٢٠١٢ تركنا حلب الحمدلله الله يخليكي فرحت فيكي ياقلبي انا عايشة بتركيا بغازي عنتابالعضوة: 809377 , 5 years ago
@user-776155 الله يقومك بالسلامة ويرزقك الذرية الصالحة الي بتتمنيها يارب🌸 وانا كمان حامل حالياً اليوم فتت بالسابع باول الرابع الدكتور قلي شكلها بنوتة وبالسادس اكدلي انو صبي والي بيجي من الله يا محلاه الحمدلله على كل شيالعضوة: 776155 , 5 years ago
مشالله الله يتمملك على خير انا كمان معي انشالله صبي وبلشهر الخامس حاليا الله يقومك بلسلامة وبفرح قلبكالعضوة: 799516 , 5 years ago
@user-809377 كيفك شواخبارك ليش لغيتي متابعتيالعضوة: 438547 , 5 years ago
كمان البيبي الي عندو بريمه على يمين ولد اذا كانت بنت والعكس واذا بطلع لسانو برا ولد واذا الحامل نامت كتيير وضلت توكل بناالعضوة: 776155 , 5 years ago
بقولو كمان اذا اخر العنقود اذا حط رجل على رجل وراه عجل يعني صبي 🤣🤣العضوة: 809377 , 5 years ago
@user-776155 انا طلعت من حلب رحت لكوباني ضليت سنتين بعدها نزحنا غصب عننا رحنا سكنا بتركيا باورفا اقل من سنة ومن 2015 عايشة بالمانياالعضوة: 438547 , 5 years ago
مش شرط من اول بيبيالعضوة: 438547 , 5 years ago
ليش ما ضلتي ببلدكالعضوة: 776155 , 5 years ago
مشالله عليكي انا طلعنا لطرطوس بعدين لعنتاب فورا ولهلى الحمدلله الله سلمنا من كل مكروهالعضوة: 776155 , 5 years ago
هو قصدي اخر العنقود يعني الطفل اللي جاي قبل الجديدالعضوة: 779994 , 5 years ago
يقولو أنو اذا عروستين بنفس الشهر أو عروس والنفساء ممنوع وحدة تدخل على الثانية لازم وحدة تستنى برا وتطلع الأخرى تفوتها يعني يفوتو مع بعض لأنو حسب قولهم وحدة فيهم يكون حظها سيء يقولو البيبي لما ينولد ويكون نومو مخربط يعني ينام النهار ويصحى بالليل يقومو بقلب كل ملابسو لي لابسهم عشان ينقلب نومو اذا المرا تأخر حملها تاخذ عش عصفور وتفتحو يعني تنتف كل القش لي فيه عشان يعمر عشها وكلها خرافاتالعضوة: 809377 , 5 years ago
@user-799516 هلا والله الحمدلله بخير انتي كيفك عزيزتي تكرم عيونك وهاي رجعت تابعتك والله لغيت المتابعة ونسيت ارجع ضيفك 😘 لان كنت عم جرب بالتطبيق شوي لانو مابيوصلني لا إشعارات ولا تنبيهات ولا حتى اذا حدا رد على تعليقاتي بشوفهون🤷♀️ بدور دوارة لحتى اعرف اذا حدا كاتبلي رد على شي كومنت ومازبط معي شي😁