العضوة: 438547 , 5 years ago

كيف يعني عروستين انا متزوجه من ٥ سنين وما عندي الا بنت وبعدها وقفت هل صحيح جاوبيني بليز

العضوة: 809377 , 5 years ago

@user-438547 كيف يطلع لسانو لبرا مافهمت 😅 قصدك لما يكون ببطن امو !؟

العضوة: 809377 , 5 years ago

@user-776155 وراه عجل .. يسعد قلبك فرضت ضحك 😂😂😂😂

العضوة: 438547 , 5 years ago

لا قصدي البيبي الي قبل يعني الحدة تكون حامل والأول يعمل هيك

العضوة: 438547 , 5 years ago

ليش ما ضلتي بسوريا

العضوة: 779994 , 5 years ago

يعني تكوني عروس جديدة أو نفساء مايصير تفوت عليكي عروس أو نفساء تزوجت أو ولدت بنفس الشهر لي تزوجتي أو لدتي فيه انت..اذا كان بيناتكم أكثر من شهر ماعليش هيك يقولو عجايزنا

العضوة: 799516 , 5 years ago

@user-809377 ياروحي كيفك شواخبارك طمنينا عنك وعن ولادك

العضوة: 438547 , 5 years ago

طب عش العصفور انا لهلا ما خلفت الا بنا

العضوة: 809377 , 5 years ago

@user-438547 اخ عزيزتي والله بالصرماية طالعونا 😢 كنا عايشين بحلب والحمدلله مرتاحين وبلش القصف والضرب نزحنا لمسقط راسنا مدينة كوباني على الحدود التركية مباشرة ضلينا سنتين كمان مرتاحين نوعاً ما على الاقل من القصف والموت .. ننقطع بالاسابيع من الكهربا والمي والخبز والادوية وكل شي ومع ذلك ضلينا نقول الحمدلله .. بعدها بنهار فجأة طوقنا داعش وصار يضربنا ويحرق القرى ويقترب من مركز مدينة كوباني والناس تخاف وتهرب وهربنا كلنا واجتمعنا على الحدود التركية لانو داعش كانت محاطة حوالينا بثلاث اتجاهات والاتجاه الرابع هو الحدود التركية واجتمو الناس كانو حوالي نص مليون شخص 💔 ربي لا يعيدو من نهار اول شي تركيا رفضت تفتح الحدود ضلينا عند الاسلاك للمغرب وداعش تقترب والقذايف بلشت تنزل بين الناس وبعدها بإتفاقيات سياسية ونقدية واقفت تركيا تدخلنا والمنطقة الحدودة كلها مزروعة الغام بالارض الناس خلت الغنم تمشي بالاول لتنفجر الالغام وبعدها مشينا وتركنا كل شي ورانا طلعنا بس بارواحنا نحن و ولادنا واهلنا 💔وبتركيا ماكان عندنا شغل والمعيشة غالية وانا اهلي اساساً كانو بالمانيا وقالو اطلعي لهون والحمدلله على كل حال وهيك بالمختصر حكيتلك عزيزتي

العضوة: 809377 , 5 years ago

@user-779994 هادول جداد علي اول مرة بسمع فيهونمو حرام تخرب بيت العصفور😅 نحن اهل اول كانو يقولو انو الي بالاربعين ممنوع يلتقو يعني العروس قبل اربعينها ممنوع تلتقي بعروس تانية لساتها باربعينها ونفس الشي ممنوع تلتقي بوحدة لساتها باربعين النفاس ... قال كرمال ما يتخربط اربعينهون مع بعض وبتصير بعدين عندهون مشاكل بحياتهون ونحس 🤷‍♀️ والنهفة كلها وين قال واذا وحدة اربعينية انصدمت لقت حالها بمكان فيه وحدة اربعينية لازم يتبادلو الدبابيس الي مثل هادا👈🏻🧷 مع بعض وهيك بيمشي الحال وبيروح النحس😁

العضوة: 809377 , 5 years ago

@user-438547 ايوا فهمت عليكي هلا .. كل فكري ببطن امو 🤦‍♀️

العضوة: 809377 , 5 years ago

@user-799516 تمام الحمدلله يخليلك ولادك بكرى عندهون اول نهار دوام للمدرسة من بعد عطلة الخريف 🍂 والله يجيرنا من الكورونا 🙏🏻

العضوة: 438547 , 5 years ago

ما بدي افوت بسياسه بس عشانك سوريه وأنا بحبها لسوريه وأنا اصلا فلسطينيه واسم بنتي شام بس في ناس عايشه بسوريه وشام ليش ما رجعت أو أنكم معارضين

العضوة: 779994 , 5 years ago

هههههههههههه أكيد عجايزنا وعجايزكم ولاد عم

العضوة: 809377 , 5 years ago

@user-438547 تسلميلي حبيبتي والله ونحن بنحبكون اهل فلسطين الغالية🌸 والله ياروحي نحن لامعارضين ولا مؤيدين ولا شي متلنا متل 80% من الشعب كنا عم ندور على الآمان وبس ولا مرة بحياتي كلها تخيلت انو عيش برات سوريا بس الظروف كانت اقوى منا بكتيييير ومتل ما حكيتلك نهار الي طلعنا ماكان عنا خيار ثالث ياكنا راح نموت على ايد داعش او نهرب لتركيا يعني ماكان حتى في طريق نهرب نرجع على حلب تسكر كل شي بوجهنا وقعدنا بتركيا نستنا فرج الله وندعي تهدا الامور لنرجع وما هديت كانت من سيء لأسوأ وهالحكي بال 2014 كانت الاوضاع بسوريا ابشع من هلا ... وهيك لحتى اهلي اقنعونا نطلع لعندهون لالمانيا والحمدالله على كل حال