اخر دوره كانت 18 ابريل ولدت امبارح ولله الحمد كنت خلصت اول اسبوع فى العاشر كشفت السبت الماضى الدكتوره فحصتنى وقالتلى الرحم مغلق تماما وقدامك اسبوع لو مولدتش تجيلى الاربع ناخد طلق صناعى وعملتلى سونار قالتلى وضع البيبى تمام الميه والمشيمه كله تمام والرأس نازله كويس فى الحوض ونصحتنى باانى اشرب زيت الخروع 20سم على عصير بعد الغدا بساعتين يوم السبت ويوم الاتنين وقالتلى مكترتش الجرعة علشان ميعمليش جفاف توكلت على الله وروحت البيت واخدت الخروع وانا قلقانه من انه يتعبنى على الفاضي والرحم مايفتحش اخدته الساعه و1 بالليل وبعدها بساعتين دخلت الحمام وكل ساعه كنت بدخل الحمام عملت حوالى 4 مرات وفضلت اشرب فى ميه علشان الجفاف على الفجر الساعه 5جالى تحجر فى البطن ووجع فى ضهرى شديد وفضل والوجع مستمر لحد الساعه 7 اخدت مسكن اقل الوجع وبعدها نمت وصحيت وكانى مكنش فيه حاجة استغربت وزعلت وخفت اوى وجه يوم الاتنين قررت الخروع تانى وفضلت ادعى ربنا واستغفر واقول لاحوله ولاقوة الا بالله واقرء سورة الزلزله والانشقاق واخدت الخروع الساعه 11ونص ومحصليش اى حاجه ولا حتى اسهال على الساعه 4الفجر جالى الم وانا نايمه حاولت استحمله وكملت نوم وفضل الالم يصحينى أذن الفجر قمت الى الصلاه ودعيت ربى ييسرلى الولاده وابتدى الالم الشديد تحجر فى البطن جامد اوى والم اسفل الظهر شديد اوى وضغط غامد اوى وفضلت اعمل حمام ميه كل شويه والم كل شوية يجيلى كل دقيقه وشويه 3 دقايق فضلت استحمل وانا مش عارفه الالم هيقل ويروح زى المره الى فاتت وله ولاده كلمت الدكتوره على الساعه 9 وقالتلى دى اعراض ولاده لو الالم زاد اروح على المستشفى وروحت المستشفى قولت لزوجى اروح يدونى اى حاجه تسكن لو مش ولاده او طلق صناعى اى حاجه واخلص الساعه 12 ونص وعماله ادعى ربنا طول الطريق ييسرلى الولاده وكشفت عليه الطبيه وقالتلى ماشاء اللة قولتلها طمنينى قالتلى الرحم فاتح 6سم قولت اللهم لك الحمد خدونى بسرعه على الولاده وولدت على طول منتظرتش اى وقت والحمد لله بفضله وفضل الدعاء والاذكار الولاده كانت يسيره جدا وماستنيت دخلت المستشفى حضرونى للولاده على طول اللهم لك الحمد وكانت هذه قصتى بعد موصلتش للاسبوع الاول فى العاشر نصحتى لكل واحده عايزة تولد بسرعه الغى الفكره دى من دماغك تماما المعاد هيجى بامر الله مش بمزاجى بلاش تبهدلى نفسك باى أعشاب او اى حاجه الا كلام الطبيبه ليكى ملاحظه على زيت الخروع زيت محفز شديد من محفزات الولاده لكن ليه شروط لاستخدامه اولا لازم يكون اخر التاسع جه وبدئتى فى العاشر مينفعش اول التاسع ولا فى نصه 2.لازم بكميات بسيطه وعلى جرعات لتجنب الجفاف ولازم بعد الاكل بساعتين علشان متتعبيش ويعملك تقلصات معويه 3.لازم يكون راس الجنين في الحوض والميه والمشيمه كويسه جدا يعنى ميتخدش زيت الخروع الا تحت اشراف طبى تكون مطمنه على جنينك كويس ومعادك فات ربنا يقومكم جميعا بالسلامه وربنا ييسرلكم جميعا