العضوة: 102476 , 9 years ago

سلام بنات عفاكوم بغيت نسولكوم واحد سوال انا دبا فشهر السابع وملي دوازت قلي طبيب عندك فقر دم وعاطلي ناكل اقراص حديد ولكين كيقولو بلي مامزيانينش حيت كايغلظو لجنين وغاتجيني صعيبة بازاف ملي نولد وإقدر منولدش ولدة طبعية بليز ماتشاهلونيش

العضوة: 75162 , 9 years ago

@user-102476 لا أصحبتي انتي اهمك صحة ولدك ولا كلام ناس خودي ليك ليك دوى وزيدون لكان عندك نتي فقر دم غادي اولي في ولدك وإلا قدر الله وجاه ومكتاكليش لفانيد ديالو الله احفض اتوفى لجنين

العضوة: 102476 , 9 years ago

معرفتش اختي اشنو ندير والله إلى حرت طبيب سوالتو وكاليا داكشي غير تخربيق

العضوة: 68985 , 9 years ago

@user-102476 الطبيب ادرى بحالتك و الفيتامينات كتاخديهم اولا على قبلك انت لانه البيبي كياخد منك كلشي

العضوة: 105546 , 9 years ago

اكيد غادي تاخدي دواك فقر الدم ماكاين ما صعب منو انا ختي كان فيها ورخات فيه ملي ولدات البنت دابا عندها 5 سنين يوميا تشرب واحد القريعات وسيروات ديال فقر الدم عندها حاد وختي بنفسها تتشرب الدوا ديالو يوميا وعندها غير 23 عام وتشوفي ما طاري ليها شعر يطيح الام في المفاصل خمول ارهاق نصيحة شربي دواك ومتغفليش عليه الصحة ما تشرا بالمال

العضوة: 102476 , 9 years ago

دندونة 24 مرسي ختي على نصيحة ديالك والله إلى كنت غادي نلوحو ومانشربوش مزال

العضوة: 107010 , 9 years ago

السلام المهم هو صحتك وصحة جنينك ماشي المهم كيفاش تولدي حت ربي كيسهل سبحانه وتعالى المهم تشوفي ولدك بخير

العضوة: 94122 , 9 years ago

Khti hta ana fchehar tamn ol9aw 3ndi fa9er dam okharjli la9ras dlhadid wknchrbhom

العضوة: 107010 , 9 years ago

شكون لدخلات الشهر التاسع فيكم البنات؟؟😣😣

العضوة: 54155 , 9 years ago

@user-107010 انا اختي دخلت تاسع عندك شي سؤال

العضوة: 107010 , 9 years ago

اه اختي انا هادي يومين عندي لوجع فالمعدة مبقيتش كنقدر ناكل واش عادي ناكل زعتر والحلبة دابا ميأثرش علي؟

العضوة: 102476 , 9 years ago

لبنات نصحوني اشنو خاصني ناكول واشنو لي مانكلوش ياعني تكون مكلة مفيدة ليا ولبيبي

العضوة: 107010 , 9 years ago

كولي لباربا ديريها عصير وكولي شوربة ديال لعدس والملفوف والفواكه وشربي لحليب مزيان خصوصا قبل لتنعسي

العضوة: 106329 , 9 years ago

@user-102476 chofi ngolk wahd lwasfa mjarbaha lfa9r adam darba batla. Khodi la3das sahdih falma9la bhal tari9a li tandiro lajanjlan wtahnih wkol sbah khodi m3al9a kbira firiga fyogor wkoliha wmatkhafich makataatarch 3la lahmal

العضوة: 105858 , 9 years ago

@user-102476 لالا حنونة بالعكس بزاف مفيدين للجنين و يعطوه برك واش يحتاج