هم كولن لا يله كول جاوب?? الفرق بين الحامل الأجنبية و الحامل العراقيه ... الحامل الأجنبية 👱 : الكل يعرف إنها حامل من أول ما تسوي تحليل الحمل وبعد فتره لما تسالها صديقتها :انت بيا شهر ؟ تكول أني بالرابع و راح اجيب ولد و راح نسميه جون . وتولد بخير و سلامه وكل صديقاتها يزوروها ولمن يسألوها عن الولادة تكول: لا اطمنوا أخذت تخدير وكانت ولادة سهله .. تطلع من المستشفى وترتاح كم يوم وتاكل أكل صحي . وبعدين ترجع لحياتها الطبيعية الحامل العراقيه 👩 ..... طبعا ما يصير احد يعرف إنها حامل اصلا وتحاول تلبس عريض علمود محد يعرف من توصل للسادس و يسألوها انت حامل؟ : تكول ما ادري !! او و الله ما اريد الطفل أنا ما اريد !!! ولما يسألوها انت بيا شهر ؟؟ تكول: والله أني حاسبه شي والدكتوره حاسبه شي .. والله ما ادري ياهو الصح ..!! و شون راح تجاوب لو سألوها بشهر السابع شراح تجيبين ؟؟ لازم تكول : الدكتوره ام السونار ما تعرف شنو لان الطفل كاعد ... (أكبر كذبة) اوكي انت شنو تتمنين ولد لو بنيه ؟؟ لازم ترد: كل الي يجي من الله زين ( ياعيييييييني ) وفي الشهر التاسع يسألوها .. ها ولد لو بنيه ؟؟ تكول رجلي رافض يسال .. يريد يخليها مفاجأة !! ولو لحيتي عليها راح تكولك بنت !!! وبعد ما تجيب بالسلامه تكولك اسكتي مو طلع ولد وما كنا ندري !!!!!!!!!!!!!!! !!!!!! (( لا ياشيخه )) وبعد الولادة لو سالوها تعبتي ؟؟ لازم تكول: شويه و اموووووووووووووت .مو اني جبت قيصريه ( حتى لو والده طبيعي .. لازم تكول قيصريه ) وتكعد يم أهلها شهر نفاس و أكثر .. و ابنها تكولك تعبان و صار بيه ابو صفار وما يرضع ..اي والله ما يرضع « (ياللهول) . وتكعد شهرين وهي تموت من أثار الولاده و تشكي من الحمل مو هنا المفاجأة المفاجئه هي بعد الشهرين بأسبوع تكوها حامل عادي ههههههههههههههههههههههههههههه .