6 years ago
  • ما قبل الحمل
بنات ليبيا قروب جديد تفضلن حبيباتي وربي يهني بلادي ليبيا🇱🇾🇱🇾🇱🇾🇱🇾🇱🇾

4598 تعليقات

العضوة: 174744 , 6 years ago

@user-582145 هي هذه يرجع لو البلاد مستقره بس الصغار عاشو في مستوى مستحيل تقدري توفريه في ليبيا مش مستوى مادي لا مستوى معيشي بكل جوانبه لو يقدر يوفرلك نفس عيشة برا بكل تفاصيلها اوك ومستحيل والصغار يحلو بلادهم من بعيد خير ما يجو يعيشو فيها يكرهوها واحتمال كبير يحقدو عليكم انكم رجعتو بيهم وما خليتوهم غادي وبدل ما يبدى رغبتهم يشوفو ليبيا تبدا رغبتهم يطلعو منها وينكروها وينسوها هلبا ناس شفتهم هكي جو يبو صغارهم يتعرفو على بلادهم ويحبوها بس صار العكس والصغار رفضو يجو زياره تاني وهددو اهلهم لو يجبروهم على زيارة تاني يقولو للخدمه الاجتماعيه بالله عليك شني فايده رجوعه للبلاد لما مش قادر يوفر لصغاره كهرباء 24 لما مش قادر يوفرلهم منتجات غدائية مش متعرصه لسوء تخزين او تغير في الصلاحيه لما يدور طرابلس كلها يدور ع التطعيمه وما يحصلها لما يفكر يطلعهم يغيرو جو وما يلقى مكان

العضوة: 487053 , 6 years ago

لا يوريك بأس أن شاء الله بنستنى يومين تانيات كان قعدت هكي ناخد موعد

العضوة: 487053 , 6 years ago

الماجستير واخدها من بريطانيا ماشاءالله وليش مشي ل أمريكيا في الدكتوراة كمل هنايا عمي كان هنايا قاللي ندمت انه جيت ل بريطانيا كان مشيت ل أمريكيا خير رغم اني مانعرفش الفرق بينهم.

العضوة: 487053 , 6 years ago

معاك في كلامك هذا في حالة البلاد مستقرة و مستريحة ولما يروح يلقى مايخدم المشكلة انه اللي يروح مرتبه يقعد عامين وهو يجري عليه غير انه يعدله والله صاحب راجلي مروح ليه عامين قاعد ياخد ٢٠٠ ومعاها بالله شن بيديروا هادم مع الصغار وبلاد مافيها مقومات حياة وزيداها قلة الأمن لو بيخدم في جامعة جيل تو صعب مش كيف قبل تو اللي تكلمه يطلعلك سلاح شباب طايش زي اللي قتلوه قبل فترة في سبها استاذ جامعي عشان رسب طالب قتله هذا غير اللي باين من غير المدسوس. حتى كان خاص ورأس مال و و و هذا يبي أمن وأمان لما يصير شيء نلقى من ياخدلي حقي لكن بلاد فوضى زي حرب طرابلس اللي صارت ناس حياشها ادمرت ومحلاتها هذا مش خاص ودافعين فيه رب كبدهم. وين يقولك هكي قوله بالله تعالى اقعد معانا شهر جرب 😅

العضوة: 487053 , 6 years ago

نفس التفكير🙂 لكن حاجة بس لما يبدوا الصغار كبار صعبة الحق لأنه معادش يقدر الواحد يسيطر عليهم في الدول الأجنبية

العضوة: 487053 , 6 years ago

@user-582145 شكله ليه متغرب فترة طويلة ومستاحش الناس وأيام الازمة مايقعدش هلبة الناس تغيرت مش كيف قبل انا وين نكلم اهلي ونبدأ مشغولة ع حد والا شيء يقولولي لا معادش ادوري والله ماحد يندري ع حد اللي هذا لاهي في عمره ويجري ع روحه

العضوة: 487053 , 6 years ago

انا اللي نتكلم هكي اللي عندي حتى هو مش مقتنع بالشي 😅هذا لكن نحاول نقنعه بشئ واقعي زي الصغار والله يومها بنتي تسمع في تنوير برا بدت ترعش وتبكي وهو مقعمز قلت لها حي هذا العاب نارية ماما مالا كان غادي كيف 🤭 هو نبي نوضح ل بوها اقل شيء.

العضوة: 174744 , 6 years ago

@user-487053 اطمني حتى في ليبيا ما تقدريش تسيطري عليهم في ناس برا قدرت تحافظ وتزرع قيم واخلاق ودين وصغارهم ما شاء الله هدا يبي مجهود كبير هلبااا منك انت مش ساهل بس مش مستحيل

العضوة: 771190 , 6 years ago

الغربة باهية في وضع البلاد الحالي ولما تبدي مستريحة لكن شي تفقديه لما تتغششي والا تتنرفزي ماتلقي وين تاخدي وجهك.

العضوة: 174744 , 6 years ago

@user-771190 انا في ليبيا وبين عايلتي واقاربي ولما يضيق خلوقي ما نلقي لمن نمشي نوسع خاطري مرات في الغربه اديري صاحبات اقرب ليك من اي حد تاني الوقت هدا معاش حد متحمل حد لان كل حد فيه اللي كافيه

العضوة: 771190 , 6 years ago

ربي يفرج ان شاء الله انا مرات نقول كان في ليبيا غادي يمشي الواحد ل ماليه لان كترت المشاكل مع الراجل لما يبدوا الاتنين متقابلين خصوصا بعد الحضر لكن وين تغيبي شوي يقدر الشي اللي اديري فيه ويفقدك 💔

العضوة: 174744 , 6 years ago

@user-771190 وخليني مضايقه وعندي ضي ووقتي منظم وحوشي مرتب وراتبي ينزل اول باول وحتسه بالامان والاستقرار في حاجات تغطي على حاجات وفي مميزات وعيوب لكل شي بس لما توصل لسبل العيش واساسيات الحياه الكريمه بتتغاضي على الف حاجه

العضوة: 174744 , 6 years ago

@user-771190 اي صح عندك حق بس لما تمشي لماليك وضي هارب وتروحي الحوش والضي هارب وتحطي الحوايج في الغسالة ويهرب عليهم الضي 18 ساعه ويعفنو واتم الميه وصغارك الليل كله يعيطو من النو مش قادرين يرقدو قسما بالله تولي زومبي وتكرهي اليوم اللي انجبتي فيه والله نوصل لمرحله مش قادره نضبط اعصابي نبدا نتهرب من راجلي وبنتي. لين نهدا ونقدر نكمل يومي معاهم

العضوة: 771190 , 6 years ago

مرات توصل بيا نقول كان نمرض ونمشي للمستشفى ونقعد يوم والا اتنين حتى اسبوع خلي يجرب بس 😒

العضوة: 174744 , 6 years ago

@user-771190 بعيد السو عليك ربي يعطيك الصحه صدقيني ما في حد مرتاح في مشاكل مع الراجل قي مشاكلها مع اهلها في مع اهله في اللي عندها صغير معاق او مريض الحمد لله على كل حال اصبري واحتسبي وباذن الله يتغير الحال جربي انك.اديري حاجه غادي تتعلمي لغه تاخدي كورسات تحصلي خدمه اديري برنامج مرات لما يلقاك معتمده على نفسك ومش واقفه عليه يتغير