6 years ago
  • ما قبل الحمل
بنات ليبيا قروب جديد تفضلن حبيباتي وربي يهني بلادي ليبيا🇱🇾🇱🇾🇱🇾🇱🇾🇱🇾

4598 تعليقات

العضوة: 771190 , 6 years ago

استغفر الله يا ربي ليبيا تو ماهيش عيشه ان شاء الله ربي يفرجها ع بلادنا وانا شن اللي مخليني ساكتة ومفوتة... نتفكر فيها لما كنا في بريطانيا الضي ب usbتعبيله رصيد وتحطيه في صندوق الضي زي الشحن كان تم الرصيد في الليل مايفصلش إلى الصبح لين تضوي الدنيا وكان في النهار تم يعطوك رصيد إضافي تشحني لين تعبي ولما تعبي يخصموه 🙂 شوفي الخدمات ونحن بلادنا خيرها يغطيها ويغطي اللي حداها و ماعندها حتى ربعه

العضوة: 771190 , 6 years ago

انا كنت في بريطانيا وكان سخر ربي يكمل بس من هني ونولي لها ومعادش نروح منها حتى ل ليبيا رخيصة حدا ألمانيا وخدمة متوفرة

العضوة: 771190 , 6 years ago

تسلمي هذه هي نقول الحمد لله صغار لافيه من يشكي لا يكت...لا والله مافيه من مرتاح الا من رحم ربي دنيا شقاء ان شاء الله كل شيء بأجره

العضوة: 174744 , 6 years ago

@user-771190 انا الضي من امس العصر هدا وين جي في ليبيا هما هكي يبوها نعيشو متعدبين يعاقبو فينا على تنحاية معمر من غير الضي مرتب شهر 7 لتوا ما نزل وسيولة ما فيش في المصارف والبطاقه ديما واقفه من كتر هروب الضي والخدمه الخاصه اغلبها سكرت شني مزال بالله بتطلعي تغيري جو ما فيش مكان عليه القيمه بتمشي للبحر ضروري تضربي مشوار هكي طولة وتدفي مش اقل من 100 دينار العشه ربي يلطف بينا ويغير حالنا لاحسن حال

العضوة: 771190 , 6 years ago

ماكملت هدرزة جي سكرت النقال.. ان شاء الله ربي يفرج على بلادنا عاجلا غير آجل انا تو والله ايام معمر اهم شيء الأمن والأمان والناس مرتباتها تنزل والحياة مستمرة لكن حتى هو مساهم مداير سياسة جوع الكلب حشاك يتبعك ارصدة مخليها في الدول الأجنبية ب الهبل فتح قروض ربوية ودولة غنية مش مستحق النسبة اللي زادها البطانة اللي حوالينه اللي هذا يعبي و مايدري ع الناس وتلقيهم كانوا أيام معمر شاديين مناصب وحتى بعد الثورة قاعدين ويجوك يقولولك الطاغية مضطهدنا وهما شفطوا معاه وبعده وقاعدين هو طاغية ع فئات معينة ... نحن غرروا بينا زي الخليج ومفروض و و و والله الليبيين عيشتهم احسن من الخليج غير مش مقدرين النعمة ضحكوا علينا حسبي الله ونعم الوكيل فيهم ودفوا لنا طاجين ان شاء الله ربي يردهم في نحرهم .. نتكلم والله ما حصلت لا من معمر ولا اللي بعده حاجة في معمر عيلتنا بسيطة وع مرتب بابا وبعده مازاد علينا شيء.

العضوة: 771190 , 6 years ago

الله المستعان هو كان تشراها بروحك خيمة صغيرة وتمشي تقعمزي اللي بتدفعيه كل مرة تشري به مرة وحدة احسن هنايا يجيبوا فيهم كل مرة غير ماعندي وين نحطها والله تنقام في اليد والا ع الكتف

العضوة: 771190 , 6 years ago

مارقدتش من ال٤ الصبح عيوني تقول الا نتعاطى 🤕

العضوة: 174744 , 6 years ago

@user-771190 اي هي مؤامره مش تورة وحرب تجويع وهو جهل الشعب ووكله الحرام وبدي كل حد نفسي نفسي حسبي الله ونعم الوكيل كل اللي يصير في بلادنا مخطط اجنبي وقارين الشعب كويس وعارفين كيف نفكرو وشني اهم حاجه عندنا

العضوة: 174744 , 6 years ago

@user-771190 اي لقيتها خيمه ب200 مشكله انك لازم تضربي مشوار بعد تاجوراء والا الزاوية لان بحر طرابلس من جنزور لتاجوراء ملوت

العضوة: 582145 , 6 years ago

الله المستعان هو كله ع خاطر الصغار التربيه هنا صعبه ولما يكبروا معاش تقدري عليهم

العضوة: 582145 , 6 years ago

الماجستير واخدها من الالفينات ماكانش مخطط انه يحضر الدكتوراه وقتها حتى اني منعرفش الفرق بس من ناحية الشهادة قالي هنا احسن

العضوة: 174744 , 6 years ago

@user-582145 التربية في كل مكان فيها صعوبات وتحديات وتبي جهد وتعب وصح برا تبي اكتر بس مش شي مستحيل تقدري تشوفي برنامج معين ع الانستقرام جاسم مطوع استشاري تربية تقدري تشتركي معاه اشتراك سنوي يعطيك خطه ترباويه بقيم واخلاق اسلاميه واغلب اللي عايشين برا يشتركو معاه ومش غالي هلبا ب50 دولار تقريبا

العضوة: 771190 , 6 years ago

ربي ياخد فيهم الحق عاجلا غير آجل يارب

العضوة: 771190 , 6 years ago

الله المستعان ماخلو حاجة تفرح الواحد

العضوة: 771190 , 6 years ago

اليوم الصبح ناشرة الحوايج ع المنشرة وبنتي مقعمزة تتفرج ع التلفزيون بدت تنادي ماما قلت لها شن فيه خيرك شادة الستيان وقالت لي تو لما نكبر نلبسه 🤦‍♀️