الحمدلله يابنات نمت ع ألم متقطع و قلت مثل كل مره طلق كاذب و جلست واحس اني اتألم و رجعت نمت بعدها جلست ع 3 الألم مو محتمل و ابغي اروح الحمام بطني ألم فضيع ورحت و احس الألم يزيد وصرت احسب المده كانت سبع دقايق بعدها خمس دقايق بعدها ثلاث خلاص ماتحملت صحيت زوجي قلت له بولد ماقدر قال يله امشي قلت انتظر شوي خليني اغير ترتيب شنطة الرلاده اخذ بس لبسه لاني مجهزه ثلاث ع اساس التنويم ثلاث ايام قلت لو طلق كاذب مايكون عندي زحمة ملابس رحت خذت شاور دافي وانا اتقطع ألم و لبست و طلبت تكسي بحكم ان احنا مغتربين ماعندي سياره ونزلنا المستشفى قريب من بيتي وصلنا الطوارئ قلت لهم بولد و قاسو ضغطي مره عالي من الألم و صعدوني غرفة الفحص قلت لها الألم كل دقيقتين و غير محتمل يعني مو طلق كاذب اعرفه حق ولاده فحصت عنق الرحم الحمدلله فاتح ٥ سم لأن كان مفتوح من ثلاث اسابيع ٢ ونصف سوت سونار للبيبي تتطمن عليه و ع وضعه ودخلتني غرفة الولاده قلت لها ابي ابرة الظهر قالت للأسف الوقت متأخر انتي قريب تولدين كلها ساعتين او ثلاث وانتي والد مانقدر و اذا عطيناك الابره بتأخر لك الولاده قالت نصيحه ولدي بدونها توكلت ع الله و كانو يسولفون معاي وتقول لي ماشاءالله قادره تتحكمين في الألم بعدين فحصتني الممرضه وصل ٩ سم بس لسه الماي مانزل و النونو مو داخل كامل في القناه قالت لي قومي يله نرقص هههههه هي ممرضه صغيرونه تجنن اقولها كم عمرك تقول ٢٦ و جلست ترقص معاي وتمسح ع بطني ههههه تخيلو المهم بدأ الألم يتضاعف قلت لزوجي قول للدكتوره تجي جات قلت لها ماقدر اوقف اكثر خلاص الألم قوي قالت تبين كوره تنطين عليها قلت لا لا ابي ارتاح ماقدر بعدين قلت لها الطلق مره قوي مايعطي فرصه ههههه يقولون طلق الاولاد أحر و اقوى من البنات وصحيح مايتفاهم جابت لي غاز اذا جى الألم استنشقه حسيت اول شيء ان خفف بعدين حسيته كلام فارغ و بعدين فحصوني ونفس الشيء ٩ سم بعدها انفتحت موية الجنين و جاتني القابله لان الدكتوره صار عندها حاله طارئه وراحت شوي و انفجر الكيس كامل صار الماي يكب ع الارض جاوني قابلتين و يقولون لي نامي ع جنب و انا اتقطع من الألم اقولهم ماقدر تقول لازم تسوين الا نقوله لك تقدرين ساعدوني مع زوجي و بس نمت ع جنب اقولهم احس بدفع احس بيطلع واحسهم مو مصدقيني صرت ادفع من يجيني الطلق و فتحت رجولي قالت صحيح هذا راسه يطلع و الحمدلله اول مره وانا اولد ما اعاني في الدفع والا شجعني اكثر سمعت زوجي من اول دفعه قال الراس يبين وادفع ويقول طلع طلع و هو يبكي وتحمست وصرت ادفع والحمدلله ولدت عبدالعزيز بالسلامه مافيه شيء يجي بسهوله لازم الواحد يتعب عشان يحصل ع اللي يبغيه و الحمدلله من بعد ماتولدين و تشوفين النونو تنسين كل التعب