ولله الحمد والمنه ولدت بتاريخ ٢٧/١٢ يوم الجمعه الساعه وحده ونص وتجربتي كانت بما اني بكريه جاتني الام يوم الاربعاء وكنت احسبها الالام المعتاده الا اني كنت كل شويا اصحى من النوم بطني يوجعني وتدهنت بزيت زيتون دافي مع حبة البركة ونمت صحيت الساعه ٥ ونص ع اساس بقعد آكل وطلعت على درج بنادي زوجي طبعاً عند اهلي انا مجرد ماوصلت عند الباب زي البزبوز انفتح صار ينزل مني مويا مرة كثيرة والبيت اتعدم ورحت المستشفى ع الساعه ٦ ونص او ٦ وربع وبرضو المويا مستمرة تنزل ماوقفت دخلوني الطواريء وقاسولي قالتلي مفتوح ٢ سانتي بس والالم كان محتمل يجي ويروح مو منتظم والمويا مستمرة تنزل وقالتلي البيبي اتبرزت من كثر المويا وطلعوني فوق تقريباً على ٧ او ٧ ونص قاسولي ولسه مفتوح اثنين مازاد وشويا شويا بدا يزيد الالم وصار يجيني كل دقيقتين وصرت اتلفت مافي سستر ولا دكتورة انشغلو مع وحده تولد صرت اصرخ بكل راسي معد قدرت اتحمل جاتني امي وقلتلها احسها بتطلع ماني قادرة وجو قاسولي لقوه مفتوح ٨ سانتي طبعاً تقريبا ع الساعه ١٢ ونص ذا الكلام ودوني بسرعه غرفة الولادة ولمن صرت ادفع احسها بتطلع وروحي بتطلع معاها وعيا الراس يطلع قد مادفعت فاتعورت واظطرو يشقو شويا وخرجت ولله الحمد بنتي لمار وخرج معاها كل الام التسعه شهور وقرت عيني بشوفتها والحمدلله كان طلق طبيعي من ربي وعقبال كل وحده فيكم تقر عينها وتشوف ضناها بحضنها