عارف يعنى ايه حامل في 2020 وعندها عيال تانية 🤔 يعنى عيالها قاعدين فى البيت من أول حملها لا شغلة ولا مشغلة هرى بس وصداع ليل نهار.. 🙆 يعنى الكائن اللى جوا قاعد يتعفرت من كتر الصويت اللى بيسمعه منها ومن ولادها برا.. 🥴 يعنى خايفة من كل حاجة ومن أى حد خارج وداخل عليها علشان مناعتها ضعيفة وخايفة عالبيبي بتاعها.. 😢 يعنى شمت كمية مطهرات وكحول تعمل أحلى دماغ ليها وللبيبي وتضايق نفسها.. 🤧🤢 يعنى مرعوبة من المستشفيات اللى عمالة تتقفل والدكاترة اللى بتتعب وخايفة من كل حاجة.. 🥺 يعنى مش بس اكتئاب حمل لأ ومن كل الأحداث اللى حاصلة وياريت فى تغيير للمود ده.. 🤷 يعنى خايفة حتى تنزل تروح لدكتورها حتى لو نزلت عارفة انها هتحط الكمامة اللى هتكبس على نفسها اللى هى بتاخده بالعافية أصلا.. 😷 يعنى قلقانة حتى تجيب أكل من برا يريحها يوم من وقفة المطبخ والتعب والنار اللى احنا فيها.. 🥵 يعنى الشهر بيعدى عليها قرن فى ظل الظروف الجميلة دى من كتر القلق والتفكير والخوف من كل حاجة .. 😭 #ادعو يا جماعة لكل حامل ربنا يهون عليها ويتم حملها على خير وتقوم بالسلامة هى وجنينها ويبعد عنهم أى شر.. 🙏 ويرزق كل مشتاق يااااااااااااارب 🤲