السلام عليكم كيفكم ان شاء الله كلكم بخير بحكم اني بكريه و في المرحله الاخيره من الحمل حبيت اثقف نفسي تجاه الولاده عشان ما ادخل لها و انا كلي خوف و انسى كل شي تعلمته في حبيت هذي الخطوات مختصره و مفيده و حبيت افيدكم معي 💕 1- اختاري المستشفى او مكان الولاده بناء على راحتك النفسيه انتي و تقبلك للمكان لانه تقبل المكان له دور كبير في تخفيف الخوف . 2- كوني على وعي كامل و تام بقدرتك على تحمل الالم اذا عندك قدره لتحمل الالم الأفضل تبعدين عن المسكنات و المغذي و اذا قدرتك انتي تعرفين انها ضعيفه اطلبي المسكن فوراً راح يساعدك . 3- ثقفي نفسك خلال فترة الحمل و ابحثي عن مصادر طبيه من دكتورتك مثلا او المقابله او مصادر لتجارب ايجابيه ابعدي عن الكلام السلبي لان كل تجربت ولاده مختلفه تماما عن غيرها . 4-هيئي جسمك بوقت كافي قبل الولاده بالتمارين الحركيه و تمارين الاسترخاء و التدرب على التنفس الصحيح الأفضل تبدين من السابع لمرتين في الاسبوع بعدين الثامن 3 مرات ل 4 مرات في الاسبوع تقدرون تستفيدون من تمارين الدكتوره رولا قطامي على اليوتيوب . 5 -الدعم النفسي جدا مهم في لازم يكون معك شخص داعم طول فترة الحمل و الولاده سوا امك او اختك او صديقتك او زوجك . 6- خلي توقعاتك دائماً منطقيه و لا تبالغين في تصور الأمور عشان ما تنصدمين من اي قرار من الطاقم الطبي . 7- اخر شي ثقي بالطاقم الطبي و بدكتورتك و القابله و قبل كل شي ثقي بالله انه معك و ماراح يحملك شي فوق طاقتك هنا اقول ثقي بمعنى كوني مشاركه معهم في اتخاذ اي قرار يكون عندك ثقافه مسبقه في اي شي ممكن يصير . اتمنى ولاده أمنه لي و للجميع الله يسهل علينا جميعا 💕💕