حبيباتي الي فات فترة الوحم تحكيلنا كيف كانت هي الفترة حتى نخلي الي لس ما جربو يعرفو شو منتضرهم.. انا شخصيا بلش الوحم معي على شهرين وضل تقريبا تلاتة اشهر او اكتر كنت رح انجن اول شي كرهت كل شي بتطلع منو اي ريحة متل العطور او صابون شامبو شاور دوش كريم اتخيلو كنت اتحمم بالماء فقط لدرجة اني كرهت الاستحمام من شان حنفية الماء مع الماء الساخن كانت بطلع ريحة كرهت شرب الماء كنت ما اقدر اشرب ماء بتاتا لاني كنت احس مضاقه مرة مر كرهت زوجي لدرجة الجنون كنت اطلعو لبرا وماخليه يفوت للبيت الحمد الله عايشين فوق اهلو كان بينام عندهم اول ما بلشت اكرهو كان اول يوم خليتو يستحم عشر مرات بهداك اليوم وخليتو يغسل اسنانه كمان كنت اشم ريحة كريهة منبعتة منه بعدها بلشت ارفض انو ينام جنبي بالتخت تم تصبحت اطلعو برى البيت وما اخليه يفوت اما بالنسبة للأكل ما كنت آكل شي بالمرة من غير الفواكه كمت عايشة بس بالفواكه والعواصير فقط لا أكل لا ماء اما حالتي كنت اهملتها كتير ماكنت احب اطلع بالمرآة او امشط شعري او اصففو كنت متل المجنونة بس زوجي ما تخلى عني بقي معي شوي شوي حتى بلش يخف الوحم وبلش هو يحمملي ويمشطلي ويغيرلي تيابي اتخيلو كنت ابكي واضحك بنفس الوقت وادا كنت اتفرج فلم حزين ابكي معاهم وكنت أعشق افلام الرعب لدرجة مو طبيعية مين كانت متلي ولا اروح اتعالج؟؟هههههه هلا دخلت بشهري وبلشو اعراض الولادة تعبانة كتير الله يسمحلنا من اهلنا ومن ازواجنا يارب