نزل علي ماي بالسادس مرتين بالبيت وعندهم بالطوارى وتنومت يوم كامل ملاحظه عطوني ابره مضاد وابره رئه وطلعت البيت واول ماراجعتها قالت ملاحظه كل اسبوعين وعطتنى مضاد نوعين مره ثانيه خوف من الالتهابات لان في ثقب بكيس الطفل والشي هذا من باب الحرص مايضر وانها راح تنومنى بعد اربع اسابيع وعملت التحاليل وخذت اسبوعين ورحت لها قالت تنويم مستعده التحاليل كويسه والماى كميته مقبوله استغربت وصلت لاول يوم من الاسبوع الثلاثين والدكتوره الحين قررت لى ولاده ع الاسبوع الجاي وماتقدر تخلينى اكثر من كذا. لان يضر البيبي وخايفين من ان نفقده ماراح يتحمل يكمل للتاسع بسالكم من قد صار معها كذا او تعرف حد انا ابي اولد طبيعي عشان محد حولى انا بديره واهلي بديره وطبعا حسب ممابيكون وضعى بتكون الولاده وانا متخوفه من القيصيري لانى تعذبت فيها بالطفل الاول هل بيخلونه بالحضانه ؟ تتوقعون بتسوى تحريض وطلق صناعي ولا شنو