6 years ago
  • ما قبل الحمل
ﻣﺮﺣﺒﺎ ﺣﺒﺎﻳﺐ ﺍﻟﻴﻮﻡ ﻗﺼﺘﻨﺎ ﻭﺍﻗﻌﻴﻪ .. ﺗﺘﺤﺪﺙ ﻋﻦ ﻓﺘﺎﺓ ﻋﺎﻧﺖ ﻣﻦ ﺗﺨﻠﻒ ﺍﻟﻤﺠﺘﻤﻊ ﻭﺟﻬﻠﻪ ﻭﻫﺬﺍ ﺍﻟﻘﺼﻪ ﻣﻤﻜﻦ ﺗﺤﺼﻞ ﻟﻜﺜﻴﺮ ﻣﻦ ﺍﻟﺒﻨﺎﺕ .. ﺭﺑﻲ ﻳﺴﺘﺮ ﺍﻟﺠﻤﻴﻊ .. ﻭﻫﺴﺎ ﺭﺍﺡ ﺍﺗﺮﻛﻜﻢ ﻣﻊ ﺻﺎﺣﺒﻪ ﺍﻟﻘﺼﻪ ﻟﺘﺘﺤﺪﺙ ﻋﻦ ﻣﺄﺳﺎﺗﻬﺎ .. ﻳﺎﻟﻠﺔ ﻣﺮﻭﺓ ﺍﻟﻘﻠﻢ ️✏ ﺍﻟﺞ .. ﻣﺮﻭﻩ .. ﺷﻜﺮﺍ ﺍﻟﺞ ﺷﻤﻮﺳﻪ ﺣﻴﺎﺗﻲ ﻟﻮ ﻣﺎﺍﻧﺘﻲ ﻛﺎﻥ ﻣﺎﺗﺠﺮﺃﺕ ﻭﻛﺘﺒﺖ ﻗﺼﺘﻲ ﺍﻟﻲ ﺍﺣﺴﻬﺎ ﻫﻢ ﻛﺒﻴﺮ ﻉ ﮔﻠﺒﻲ ﻭﺑﻠﻜﻲ ﺍﺫﺍ ﺍﺣﺠﻴﻬﺎ ﺍﺭﺗﺎﺡ .. ﺍﻧﻲ ﻣﺮﻭﻩ ﻋﻤﺮﻱ ﺣﺎﻟﻴﺎ 25 ﺳﻨﻪ ﻣﻦ ﺑﻐﺪﺍﺩ .. ﻋﺎﺋﻠﺘﻲ ﺑﺴﻴﻄﻪ ﻭﺍﻟﺪﻱ ﻣﺪﺭﺱ ﻭﻭﺍﻟﺪﺗﻲ ﻣﻌﻠﻤﻪ ﻋﻨﺪﻫﻢ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻫﻢ ﺷﻲ ﻣﺎﻳﻘﺒﻠﻮﻥ ﻉ ﺍﻟﻐﻠﻂ ﻭﻳﺨﺎﻓﻮﻥ ﺍﻟﻠﻪ ﺣﺘﻰ ﺣﺠﺎﺏ ﻟﺒﺴﻮﻧﺎ ﻭﺍﺣﻨﺎ ﺑﺎﻟﻤﺘﻮﺳﻄﻪ ﻭﻳﺘﺎﺑﻌﻮﻧﺎ ﺑﺪﺭﺍﺳﺘﻨﺎ ﻭﺑﺤﻴﺎﺗﻨﺎ ﺍﺑﺪ ﻣﺎﻫﻤﻠﻮﻧﺎ ﻳﻌﻨﻲ ﻋﻠﻤﻮﻧﺎ ﻉ ﺍﻟﺼﺢ ﻭﺍﻟﻐﻠﻂ .. ﺍﻧﻲ ﺍﻟﻜﺒﻴﺮﻩ ﻋﻨﺪﻱ ﺍﺧﻮﺍﺕ ﺍﺛﻨﻴﻦ ﻧﻮﺭ ﺑﺎﻟﻤﺘﻮﺳﻄﻪ ﻭﺳﺎﺭﻩ ﺑﺎﻻﻋﺪﺍﺩﻳﻪ ﻭﺣﻴﺪﺭ ﺍﻟﺼﻐﻴﺮ ﺍﺧﺮ ﺍﻟﻌﻨﻘﻮﺩ .. ﺭﺍﺡ ﺍﺭﺟﻌﻠﻜﻢ ﺷﻮﻳﻪ ﻟﻠﺠﺎﻣﻌﻪ .. ﺍﻧﻲ ﺑﻜﻠﻴﻪ ﺍﻟﻘﺎﻧﻮﻥ ﺟﺎﻣﻌﻪ ﺑﻐﺪﺍﺩ .. # ﺷﻤﺲ ﺍﻧﻲ ﻣﻮﺍﺻﻔﺎﺗﻲ ﻃﺒﻴﻌﻴﻪ ﺑﺲ ﺑﻴﻀﻪ ﻭﺍﻟﺤﺠﺎﺏ ﻻﻳﮓ ﻋﻠﻴﻪ ﻻﻥ ﻭﺟﻬﻲ ﺩﺍﺋﺮﻱ .. ﺑﺎﻟﺠﺎﻣﻌﻪ ﺍﻛﻮ ﺑﻨﺎﺕ ﻻﺑﺴﺎﺕ ﺣﺠﺎﺏ ﺑﺲ ﻳﻌﻨﻲ ﺑﺲ ﺑﺎﻻﺳﻢ ﻳﻌﻨﻲ ﻻﺑﺴﻪ ﻗﺼﻴﺮ ﻭﺣﺠﺎﺏ ﺍﻭ ﺑﻨﻄﺮﻭﻥ ﻭﺣﺠﺎﺏ ﺍﻧﻲ ﻻ ﻛﻨﺖ ﺍﻟﺒﺲ ﻓﺴﺎﺗﻴﻦ ﻃﻮﻳﻠﻪ ﻭﺍﻧﻲ ﺍﺻﻼ ﻃﻮﻟﻲ ﺣﻠﻮ ﻭﺟﺴﻤﻲ ﻫﻢ ﺣﻠﻮ ﻳﻌﻨﻲ ﻻﻳﮕﻪ ﻋﻠﻴﻪ ﺍﻟﻔﺴﺎﺗﻴﻦ ﻣﺮﺍﺕ ﺍﻟﺒﺲ ﺗﻨﺎﻧﻴﺮ ﻭﺳﺘﺮﻩ ﺍﻭ ﻗﻤﻴﺺ ﻳﻌﻨﻲ ﻫﻴﺞ ﻟﺒﺴﻲ ﻭﻛﻨﺖ ﻣﻠﺘﺰﻣﻪ ﻭﻣﺤﺎﻓﻀﻪ ﻉ ﻧﻔﺴﻲ ﻻﻥ ﺍﻋﺮﻑ ﺍﻟﺸﺒﺎﺏ ﻳﺤﺒﻮﻥ ﻳﺘﻮﻧﺴﻮﻥ ﻭﻳﻀﺤﻜﻮﻥ ﻉ ﺍﻟﺒﻨﺎﺕ .. # ﺷﻤﺲ ﺑﺄﻭﻝ ﻣﺮﺣﻠﻪ ﺗﻌﺮﻓﺖ ﻉ ﺑﻨﻴﻪ ﺣﺒﺎﺑﻪ ﺻﺤﻴﺢ ﻫﻲ ﻣﺎﺣﺠﺒﻪ ﺑﺲ ﻗﻤﻪ ﺑﺎﻻﺧﻼﻕ ﻭﺍﻻﺩﺏ ﻭﻫﺬﺍ ﻳﺒﻴﻦ ﺍﻳﻀﺎ ﻣﺎﻧﻘﻴﺲ ﺗﻌﺎﻣﻠﻨﺎ ﻉ ﻭﺣﺪﻩ ﻻﺑﺴﻪ ﺣﺠﺎﺏ ﺍﻭ ﻣﻼﺑﺴﻪ ﻛﻞ ﺷﺨﺺ ﻳﻌﻜﺲ ﺍﺧﻼﻗﻪ .. ﺍﻟﺒﻨﻴﻪ ﺍﺳﻤﻬﺎ ﺣﻼ .. ﻫﻲ ﺣﻠﻮﻩ ﻛﻮﻟﺶ .. ﺑﺎﻟﺼﺪﻓﻪ ﮔﻌﺪﺕ ﻳﻤﻲ ﻭﻃﻠﺒﺖ ﻣﻨﻲ ﻗﻠﻢ ﻭﺗﻌﺮﻓﻨﺎ ﻉ ﺑﻌﺾ ﻭﮔﻤﻨﺎ ﻛﻞ ﻳﻮﻡ ﻧﺘﻘﺎﺑﻞ ﻭﻧﻤﺸﻲ ﻭﻧﮕﻌﺪ ﺳﻮﻳﻪ ﻻﻥ ﻣﺎﺍﻋﺮﻑ ﻏﻴﺮﻫﺎ ﻭﺍﻧﻲ ﻣﻮ ﻣﻦ ﺍﻟﻨﻮﻉ ﺍﺧﺘﻠﻂ ﺑﺴﺮﻋﻪ ﺑﺲ ﻫﺎﻱ ﺣﻼ ﺍﺭﺗﺎﺣﻴﺘﻠﻬﺎ ﺣﻴﻞ .. ﻛﻨﺎ ﻧﺨﻠﺺ ﻣﺤﺎﺿﺮﻩ ﻧﮕﻌﺪ ﺑﺎﻟﻜﺎﻓﺘﺮﻳﺎ ﻧﺸﺮﺏ ﻋﺼﻴﺮ ﺍﻭ ﻧﺎﻛﻞ ﺷﻲ ﻭﻧﻄﻠﻊ ﻣﺎﻧﻄﻮﻝ .. ﻧﺒﻘﻰ ﻧﻔﺘﺮ ﻭﻛﺎﻧﺖ ﺍﻛﻮ ﻣﺴﺎﻃﺐ ﻧﮕﻌﺪ ﻋﻠﻴﻬﺎ ﻭﻣﺘﻮﻧﺴﻴﻦ ﻧﻀﺤﻚ ﻭﻧﺴﻮﻟﻒ ﻣﺮ ﺍﻛﺜﺮ ﻣﻦ ﺷﻬﺮ ﻭﺗﻌﻮﺩﺕ ﻋﻠﻴﻬﺎ ﺑﻨﻴﻪ ﻣﺮﺣﻪ ﻭﻃﻴﻮﺑﻪ .. ﺍﻟﻰ ﺍﻥ ﺑﻴﻮﻡ ﻻﺣﻀﺖ ﻭﻟﺪ ﻭﻳﻦ ﻣﺎﺍﺭﻭﺡ ﻭﺭﺍﻱ ﻭﻳﺒﺎﻭﻋﻠﻲ ﺍﺩﻳﺮ ﻭﺟﻬﻲ ﻭﺍﺭﺟﻊ ﺍﺗﺒﺎﻭﻉ ﺍﻟﮕﻴﻪ ﻳﺘﺒﺎﻭﻉ .. ﻣﺮﻭﻩ .. ﻟﺞ ﺣﻼ ﺑﺎﻋﻲ ﻫﺬﺍ ﺍﻟﻮﻟﺪ ﻳﺒﺎﻭﻋﻠﻲ ﺩﺍﻳﻤﺎ ﻭﻳﻦ ﻣﻨﺮﻭﺡ ﻭﺭﺍﻧﺎ ﻫﻢ ﻣﻼﺣﻈﻪ ﻟﻮ ﺍﻧﻲ ﻣﺘﻮﻫﻤﻪ .. ﺣﻼ .. ﺑﻠﻲ ﻣﻼﺣﻈﻪ .. ﺍﻛﻴﺪ ﺣﺎﻁ ﻋﻴﻨﻪ ﻋﻠﻴﺞ ﺍﻭﻭﻭﻑ ﻟﻮ ﺍﻧﻲ ﻫﺬﺍ ﺍﻟﺼﺎﻙ ﻳﺒﺎﻭﻋﻠﻲ ﻫﻨﻴﺎﻟﺞ 😍 . ﻣﺮﻭﻩ .. ﻻ ﻣﺘﻮﻫﻤﻪ ﺷﻨﻮ ﺣﺎﻁ ﻋﻴﻨﻪ ﻋﻠﻴﻪ ﻗﺎﺑﻞ ﺷﻨﻮ ﺷﺎﻑ ﺑﻴﻪ ﺷﻮﻓﻲ ﺍﻟﺒﻨﺎﺕ ﻟﺒﺴﻬﻢ ﻭﺷﻌﺮﻫﻢ .. ﺍﻧﻲ ﺣﺘﻰ ﻣﻴﻚ ﺍﺏ ﻣﺎﺍﺧﻠﻲ .. # ﺷﻤﺲ ﺣﻼ .. ﻫﻬﻬﻬﻪ ﺷﻨﻮ ﻫﺎﻱ ﺗﺮﻃﺪﻳﻦ ﻋﻴﻮﻥ 👀 ﺗﺮﻯ ﺍﻧﻲ ﻣﺎﺍﺣﺴﺪ ﻟﺞ ﺍﻧﺘﻲ ﺗﺨﺒﻠﻴﻦ ﻣﻦ ﺧﻴﺮ ﻣﻴﻚ ﺍﺏ ﻭﺑﻴﻀﻪ ﻭﺍﻟﺤﺠﺎﺏ ﺯﺍﻳﺪﺝ ﺟﻤﺎﻝ ﻭﺧﺪﻭﺩﺝ ﻳﺨﺒﻠﻦ ﻭﺷﻔﺎﻳﻔﺞ ﻋﺒﺎﻟﻚ ﻣﺤﻤﺮﺍﺕ .. ﻣﺮﻭﻩ .. ﺍﺻﺒﻐﻲ ﺍﺻﺒﻐﻲ ﻗﺎﺑﻞ ﺍﻧﻲ ﺑﺤﻼﺗﺞ .. ﺣﻼ .. ﻭﺷﻨﻮ ﻓﺎﺩﻧﻲ ﺍﻟﺤﻼ ﻟﺞ ﻛﻞ ﻳﻮﻡ ﺍﻟﺒﺲ ﺷﻜﻞ ﻭﺍﺳﺮﺡ ﺷﻌﺮﻱ ﻭﻣﺤﺪ ﻳﺘﺒﺎﻭﻋﻠﻲ ﺭﺍﺡ ﺍﻟﺒﺲ ﺣﺠﺎﺏ ﻣﺜﻠﺞ ﺣﺘﻰ ﺍﻟﻮﻟﺪ ﺗﺒﺎﻭﻋﻠﻲ ﻫﻬﻬﻬﻪ ..😂 ﻣﺮﻭﻩ .. ﻛﺎﻓﻲ ﻟﺞ ﺗﻀﺤﻜﻴﻦ ﺑﻴﻪ ﻛﻮﻟﻬﺎ ﺗﺒﺎﻭﻋﻠﻨﺎ . ﺑﺲ ﺻﺪﻭﮒ ﻫﻮ ﻳﺎﻣﺮﺣﻠﻪ .. ﺣﻼ .. ﺍﻋﺘﻘﺪ ﻣﺮﺣﻠﻪ ﺛﺎﻧﻴﻪ ﻋﻨﺪﻱ ﺍﻗﺮﺑﺎﺋﻨﺎ ﻣﺮﺣﻠﻪ ﺛﺎﻧﻴﻪ ﺍﻣﺸﻲ ﻧﺴﺄﻟﻬﺎ .. ﻣﺮﻭﻩ .. ﻻ ﻋﻴﻨﻲ ﺷﻨﻮ ﻧﺴﺄﻝ ﻣﺘﺸﻮﻓﻴﻪ ﻳﺘﺒﺎﻭﻋﻠﻨﺎ ﻫﺴﺎ ﺑﺲ ﻧﺮﻭﺡ ﻳﺸﻮﻓﻨﺎ ﻭﻱ ﻭﺣﺪﻩ ﻣﻦ ﺩﻓﻌﺘﻪ ﻳﮕﻮﻝ ﻣﻬﺘﻤﻴﻠﻪ ﻭﺩﺍ ﻧﺴﺄﻝ .. ﺣﻼ .. ﺍﻭﻙ ﻟﻌﺪ ﺍﻧﺘﻲ ﺍﺑﻘﻲ ﻫﻨﺎ ﻭﺍﻧﻲ ﺍﺭﻭﺡ ﺍﺳﺄﻟﻬﺎ .. ﻣﺮﻭﻩ .. ﻟﺞ ﺣﻼ ﺗﻌﺎﻟﻲ ﺣﻼ .. ﺍﻭﻭﻭﻩ ﺭﺍﺣﺖ ﻭﺗﺮﻛﺘﻨﻲ ﻭﺣﺪﻱ ﺷﻠﻮﻥ ﻳﺎﺭﺑﻲ .. ﻭﻫﺬﺍ ﺑﻌﺪﻩ ﻳﺒﺎﻭﻉ ﺍﻭﻭﻭﻭﻑ ﻣﻨﻴﻦ ﻃﻠﻌﻠﻲ .. ﺑﻌﺪ ﺷﺄﺳﻮﻱ ﺍﺗﺒﻮﺵ .. ﻫﺎﻱ ﺷﻨﻮ 😨 ﺍﺷﻮ ﻫﺬﺍ ﺍﺟﻪ ﺑﺄﺗﺠﺎﻫﻲ ﻳﺎﺭﺑﻲ ﻭﻳﻦ ﺍﺭﻭﺡ ﺭﺩﺕ ﺍﮔﻮﻡ .. ﺍﺟﻪ ﻭﮔﻒ ﮔﺒﺎﻟﻲ .. ﺑﻘﻴﺖ ﻭﺍﻛﻔﻪ ﺻﺎﻓﻨﻪ ﺑﻮﺟﻬﻪ ﻭﻣﺮﺗﺒﻜﻪ ﻣﺎﺍﻋﺮﻑ ﻭﻳﻦ ﺍﺭﻭﺡ ﺍﺣﺲ ﻭﺟﻬﻲ ﺻﺎﺭ ﺍﺣﻤﺮ .. ﺍﻭﻭﻭﻑ ﺧﻠﻲ ﻳﻌﺮﻓﻜﻢ ﻉ ﻧﻔﺴﻪ ﻭﺑﻌﺪﻥ ﻧﺸﻮﻑ ﺷﻴﺮﻳﺪ ﻣﻨﻲ ️☹ ﻣﺮﺣﺒﺎ ﺍﻧﻲ ﺍﺳﻤﻲ ﻣﺤﻤﺪ ﻃﺎﻟﺐ ﻣﺮﺣﻠﻪ ﺛﺎﻧﻴﻪ ﻗﺎﻧﻮﻥ ﻃﻮﻟﻲ ﺣﻠﻮ ﻭﺣﻨﻄﺎﻭﻱ ﻭﻋﻨﺪﻱ ﻟﺤﻴﻪ ﻭﺷﻮﺍﺭﺏ ﺧﻔﻴﻔﻪ ﻋﻨﺪﻱ ﻛﺎﺭﻳﺰﻣﺎ ﻣﻌﺠﺒﺎﺗﻲ ﻫﻮﺍﻱ ﺑﺲ ﻣﺎﻳﺮﺑﻄﻨﻲ ﺑﻴﻬﻦ ﺑﺲ ﺯﻣﺎﻟﻪ ﻋﻨﺪﻱ ﺍﺥ ﺍﻛﺒﺮ ﻣﻨﻲ ﺍﺣﻤﺪ ﻃﺎﻟﻊ ﺑﻴﺖ ﻭﺣﺪﻩ .. ﻭﺍﺧﺖ ﻣﺰﻭﺟﻪ ﺍﺳﻤﻬﺎ ﻋﺒﻴﺮ ﻭﺑﻘﺖ ﻋﻨﺪﻱ ﺑﺲ ﺍﺧﺖ ﺍﺻﻐﺮ ﻣﻨﻲ ﺍﺳﻤﻬﺎ ﺣﻨﻴﻦ ﺗﺪﺭﺱ ﺑﻌﺪﻫﺎ .. ﻣﺴﺘﻮﺍﻧﺎ ﺍﻟﻤﻌﻴﺸﻲ ﺯﻳﻦ ﺍﻟﺤﻤﺪ ﻟﻠﻪ ﺍﺑﻮﻳﻪ ﻭﺍﺧﻮﻳﻪ ﻋﻨﺪﻫﻢ ﻣﻌﺮﺽ ﺳﻴﺎﺭﺍﺕ ﻭﺍﻧﻲ ﻭﻗﺖ ﻓﺮﺍﻏﻲ ﻫﻢ ﺍﺭﻭﺡ ﺍﺷﺘﻐﻞ ﻭﻳﺎﻫﻢ .. # ﺷﻤﺲ ﻣﻦ ﺩﺧﻠﺖ ﺍﻟﺠﺎﻣﻌﻪ ﺍﻟﺒﻨﺎﺕ ﺩﺍﻳﺮ ﻣﺪﺍﻳﺮﻱ ﺑﺲ ﻭﻻ ﻭﺣﺪﻩ ﻋﺠﺒﺘﻨﻲ ﺍﺭﻳﺪ ﻭﺣﺪﻩ ﺍﺣﺒﻬﺎ ﻭﺍﺑﻨﻲ ﺣﻴﺎﺗﻲ ﻭﻳﺎﻫﺎ .. ﺍﻣﻲ ﺗﺮﻳﺪ ﺗﺰﻭﺟﻨﻲ ﺑﻨﺖ ﺍﺧﺘﻬﺎ ﺍﺳﻤﻬﺎ ﻋﻼ ﺑﺲ ﺍﻧﻲ ﻣﺎﺍﺭﻳﺪ ﻣﺘﻤﻨﻲ ﺍﺗﺰﻭﺝ ﻋﻦ ﺣﺐ ﻣﻮ ﺗﻘﻠﻴﺪﻱ ﻭﺻﺮﺍﺣﻪ ﻣﺎﮔﺪﺭﺕ ﺍﺣﺒﻬﺎ ﺍﻟﺒﻨﺖ ﺧﺎﻟﺘﻲ .. ﺧﻠﺼﺖ ﺍﻟﺴﻨﻪ ﺍﻻﻭﻟﻰ ﻭﺍﻧﻲ ﻣﺸﺪﺗﻨﻲ ﻭﺣﺪﻩ .. ﻟﻜﻦ ﺑﺎﻟﻤﺮﺣﻠﻪ ﺍﻟﺜﺎﻧﻴﻪ ﻭﺑﺪﻭﺍ ﺍﻟﻤﺮﺣﻠﻪ ﺍﻻﻭﻟﻰ ﻳﺪﺍﻭﻣﻮﻥ ﻻﺣﻈﺖ ﺍﻛﻮ ﺑﻨﻴﻪ ﻣﺤﺠﺒﻪ ﻭﺣﻠﻮﻩ ﻛﻮﻟﺶ ﺟﻤﺎﻟﻬﻪ ﻣﻤﺰﻭﺝ ﺑﺒﺮﺍﺋﻪ ﻭﺟﻬﻬﺎ ﺩﺍﺋﺮﻱ ﻭﻋﻨﺪﻫﺎ ﺧﺪﻭﺩ ﺣﻤﺮ ﺳﺎﻣﻌﻴﻦ ﺍﻏﻨﻴﻪ ‏( ﻣﻦ ﻏﻴﺮ ﺣﻤﺮﻩ ﻣﺤﻤﺮﻩ ‏) ﻫﻬﻬﻪ ﻫﻲ ﻣﺜﻠﻬﺎ .. ﺳﺄﻟﺖ ﻋﻠﻴﻬﺎ ﻋﺮﻓﺖ ﺍﺳﻤﻬﺎ ﻣﺮﻭﻩ ﺭﺍﻗﺒﺘﻬﺎ ﻃﻮﻝ ﺷﻬﺮ ﻭﺍﻛﺜﺮ ﻣﻦ ﺍﻟﻤﺤﺎﻇﺮﻩ ﻟﻠﻜﺎﻓﺘﺮﻳﺎ ﺗﺎﻛﻞ ﺷﻲ ﻭﺗﺮﺟﻊ ﺗﮕﻌﺪ ﻉ ﻣﺴﺎﻃﺐ ﻳﻢ ﺍﻟﻘﺎﻋﺎﺕ ﻭﻱ ﺑﻨﻴﻪ ﺍﺳﻤﻬﺎ ﺣﻼ ﺑﻨﻴﻪ ﻫﻢ ﺯﻳﻨﻪ ﻭﺣﺒﺎﺑﻪ .. ﺍﻧﻲ ﻃﺒﻌﻲ ﺷﻮﻳﻪ ﻣﻌﻘﺪ ﻣﺘﻌﺠﺒﻨﻲ ﺍﻱ ﺑﻨﻴﻪ ﻻﻥ ﺷﻔﺖ ﺍﺷﻜﺎﻝ ﺑﻨﺎﺕ ﻋﻘﺪﻧﻲ ﻭﻛﻞ ﺳﺎﻋﻪ ﻭﺣﺪﻩ ﻭﻱ ﻭﺍﺣﺪ ﻭﻋﺎﻓﻬﺎ ﻭﺭﺍﺣﺖ ﻟﻼﺥ ﻳﻌﻨﻲ ﻣﺎﻋﺠﺒﺘﻨﻲ ﺍﻱ ﻭﺣﺪﻩ ﺑﺲ ﻫﺎﻱ ﻭﺍﺻﺮﻳﺖ ﻋﻠﻴﻬﺎ ﻭﮔﻠﺖ ﺍﺻﺎﺭﺣﻬﺎ ﻗﺒﻞ ﻟﺘﻄﻴﺮ ﻣﻨﻲ ﺍﻧﻲ ﻛﻮﻟﻬﺎ ﺗﮕﻮﻝ ﻋﻠﻴﻪ ﻣﻐﺮﻭﺭ ﺑﺲ ﺍﻧﻲ ﺍﺷﻮﻑ ﺍﻟﻌﻜﺲ ﻣﻮ ﻏﺮﻭﺭ ﻭﺍﻧﻤﺎ ﻣﺎﺍﺭﻳﺪ ﺍﻧﻄﻲ ﻣﺠﺎﻝ ﺍﻟﻮﺣﺪﻩ ﻭﺗﺎﻟﻲ ﺗﺒﻠﻴﻨﻲ ﻭﺗﻌﺎﻝ ﺍﺧﻄﺒﻨﻲ ﻭﻛﺬﺍ ﻭﺗﺪﺧﻠﻨﻲ ﺑﻤﺸﺎﻛﻞ .. # ﺷﻤﺲ ﻣﺮﻩ ﻣﻦ ﺍﻟﻤﺮﺍﺕ ﺷﻔﺖ ﺻﺪﻳﻘﺘﻬﺎ ﻋﺎﻓﺘﻬﺎ ﻭﺭﺍﺣﺖ .. ﺍﺳﺘﻐﻠﻴﺖ ﺍﻟﻔﺮﺻﻪ ﻭﺍﺗﻘﺮﺑﺖ ﻣﻨﻬﺎ ﻫﻲ ﺷﺎﻓﺘﻨﻲ ﺍﺟﻴﺖ ﺑﺄﺗﺠﺎﻫﻪ ﮔﺎﻣﺖ ﺭﺍﺩﺕ ﺗﺮﻭﺡ ﺻﺮﺕ ﺑﺴﺮﻋﻪ ﮔﺪﺍﻣﻬﺎ ﻫﻲ ﺑﻘﺖ ﺻﺎﻓﻨﻪ ﺑﻮﺟﻬﻲ ﻭﻣﺮﺗﺒﻜﻪ يتبع.... 

63 تعليقات

العضوة: 522131 , 6 years ago

ﺑﻘﺖ ﻭﺍﻛﻔﻪ ﮔﺪﺍﻣﻲ ﻭﻣﺮﺗﺒﻜﻪ .. ﻭﮔﻠﺘﻠﻲ ﺷﺮﺍﻳﺪ ﻭﻫﻲ ﻣﻨﺼﻴﻪ ﺭﺍﺳﻬﻪ .. ﻣﺤﻤﺪ .. ﻣﻤﻜﻦ ﺍﺣﺠﻲ ﻭﻳﺎﺝ .. ﻣﻦ ﺯﻣﺎﻥ ﺍﺭﻳﺪ ﺍﺣﺠﻲ ﻭﻣﺘﺮﺩﺩ .. ﻣﺮﻭﻩ .. ﻣﺎﻛﻮ ﺷﻲ ﺍﺣﺠﻲ ﻭﻳﺎﻙ .. ﻣﺤﻤﺪ … ﺍﺳﻤﻌﻴﻨﻲ ﻳﺒﻨﺖ ﺍﻟﻨﺎﺱ ﺍﻧﻲ ﻧﻴﺘﻲ ﺻﺎﺩﻗﻪ ﺑﺲ ﺍﺭﻳﺪ ﺍﺣﺠﻲ ﻭﻳﺎﺝ ﺑﺎﻻﻭﻝ .. ﻣﺮﻭﻩ .. ﻫﻬﻬﻪ ﻫﻮ ﻛﻞ ﺍﻟﻮﻟﺪ ﻧﻴﺘﻬﻢ ﺻﺎﺩﻗﻪ ﺗﺎﻟﻲ ﺗﺨﻠﺺ ﺍﻟﺠﺎﻣﻌﻪ ﺗﻄﻔﺮﻭﻥ .. ﻭﺍﻧﻲ ﻣﻮ ﻣﻦ ﺫﻭﻟﻲ ﺍﻋﺘﺬﺭ .. ﻋﻔﺘﻪ ﻭﻣﺸﻴﺖ .. ﺻﺎﺭﺕ ﮔﺒﺎﻟﻲ ﺣﻼ . ﻭﺗﻀﺤﻚ ﺷﻨﻮ ﮔﻠﺞ ﻫﺬﺍ ﺍﻟﺼﺎﻙ ﻋﻤﻲ ﻫﻨﻴﺎﻟﺞ .. ﻣﺮﻭﻩ .. ﺷﻨﻮ ﻫﻨﻴﺎﻟﻲ ﺗﻠﮕﻴﻪ ﻭﺍﺣﺪ ﻣﻦ ﺫﻭﻟﻲ ﺍﻟﻲ ﻳﺘﺴﻠﻮﻥ ﻭﻋﺒﺎﻟﻪ ﻳﻘﺸﻤﺮﻧﻲ .. ﺣﻼ .. ﺍﻱ ﻟﻮ ﺷﺎﻳﻔﺘﻪ ﺷﻴﺮﻳﺪ ﺍﺣﺴﻦ ﻣﻤﺎ ﺭﺩﻳﺘﻴﻪ ﺑﺴﺮﻋﻪ ﻣﺮﻭﻩ .. ﺍﻭﻭﻭﻭﻑ ﺍﻣﺸﻲ ﺧﻠﻴﻨﺎ ﻧﺪﺧﻞ ﺍﻟﻤﺤﺎﺿﺮﻩ ﺣﺘﺒﺪﻱ . # ﺷﻤﺲ ﻣﺤﻤﺪ .. ﻣﻦ ﺣﺎﺟﻴﺘﻬﺎ ﺭﺩﺗﻨﻲ ﻣﻨﻄﺘﻨﻲ ﻣﺠﺎﻝ ﺍﺣﺠﻲ .. ﺍﻧﻲ ﻛﺎﻧﺖ ﻧﻴﺘﻲ ﺻﺎﺩﻗﻪ ﻓﻌﻼ ﻭﻣﻦ ﺷﻔﺘﻬﺎ ﻫﻴﺞ ﺑﻌﺪ ﺍﺻﺮﻳﺖ ﻋﻠﻴﻬﺎ ﺍﻛﺜﺮ .. ﻭﺟﻤﺎﻋﺘﻲ ﻫﻢ ﺑﺪﻭﺍ ﻳﻀﺤﻜﻮﻥ ﻋﻠﻴﻪ ﻳﮕﻠﻮﻟﻲ ﻭﺳﻔﻪ ﻋﻠﻴﻚ ﻣﺤﻤﺪ ﺍﻭﻝ ﻣﺮﻩ ﺗﻌﺠﺐ ﺑﻮﺣﺪﻩ ﻭﺗﺎﻟﻲ ﺗﻨﻄﻴﻖ ﺑﻠﻮﻙ 😂😂 ﻣﺤﻤﺪ .. ﻭﺍﺫﺍ ﺍﮔﻠﻜﻢ ﻣﺮﻭﻩ ﺣﺘﺼﻴﺮ ﺍﻟﻲ ﻭﺍﺗﺰﻭﺟﻬﺎ ﻫﻢ ﺷﺘﺴﻮﻭﻥ .. .. ﺍﺫﺍ ﺑﻴﻬﺎ ﺗﺤﺪﻱ ﺍﺣﻨﺎ ﻧﺴﻮﻳﻠﻚ ﺣﻔﻠﻪ ﺑﺰﻭﺍﺟﻚ ﻣﺼﺎﻳﺮﻩ ﺷﺘﺮﻳﺪ ﺑﻌﺪ .. ﻣﺤﻤﺪ .. ﺍﻭﻙ ﻟﻌﺪ ﺣﻈﺮﻭﺍ ﻧﻔﺴﻜﻢ ﻣﻦ ﻫﺴﺎ 😉 ﻣﺮﻭﻩ .. ﺩﺧﻠﻨﺎ ﻟﻠﻤﺤﺎﺿﺮﻩ ﻭﺍﻧﻲ ﺍﻓﻜﺮ ﺑﻲ .. ﺷﻜﻠﻪ ﺣﻠﻮ ﻭﻋﻨﺪﻩ ﻛﺎﺭﻳﺰﻣﺎ ﻭﺍﻟﻒ ﻭﺣﺪﻩ ﺗﺘﻤﻨﺎﻩ ﻟﻴﺶ ﺍﺧﺘﺎﺭﻧﻲ ﺍﻧﻲ ﺑﺎﻟﺬﺍﺕ .. # ﺷﻤﺲ ﺿﺮﺑﺖ ﺍﻳﺪﻱ ﺣﻼ ﻭﻫﻤﺴﺘﻠﻲ .. ﻻﺯﻡ ﺩﺍ ﺗﻔﻜﺮﻳﻦ ﺑﻲ 😉 ﻣﺮﻭﻩ .. ﺍﺑﺘﺴﻤﺘﻠﻬﺎ ﻭﺍﻧﺘﺒﻬﺖ ﻻﻥ ﻛﻨﺖ ﺷﺎﺭﺩﻩ .. ﺧﻠﺼﺖ ﺍﻟﻤﺤﺎﺿﺮﻩ ﻭﻃﻠﻌﻨﺎ ﻟﮕﻴﺘﻪ ﻭﺍﻛﻒ ﺑﺒﺎﺏ ﺍﻟﻘﺎﻋﻪ ﺻﺪﻭﮒ ﺿﺠﺖ .. ﺍﻭﻭﻭﻑ ﻫﺬﺍ ﺷﻴﺮﻳﺪ ﺣﻼ .. ﻳﻤﻪ ﺍﻟﺤﺐ ﻳﻤﻪ .. ﻟﺞ ﻫﺬﺍ ﺍﺗﻘﺮﺏ ﺍﻟﻨﺎ ﻣﺮﻭﻩ .. ﺍﻣﺸﻲ ﺑﺴﺮﻋﻪ ﻟﺘﺒﺎﻭﻋﻴﻠﻪ .. ﺍﺷﻮ ﻫﺬﺍ ﻭﮔﻒ ﮔﺒﺎﻝ ﺣﻼ ﻭﮔﻠﻠﻬﻪ ﻣﻤﻜﻦ ﺍﺣﺠﻲ ﻭﻳﺎﺝ .. ﺍﻧﻲ ﻋﻔﺘﻬﻢ ﻭﻣﺸﻴﺖ . ﻭﺍﻟﻠﻪ ﻳﺮﺑﻲ ﻣﻨﻄﻴﺘﻪ ﻣﺠﺎﻝ ﺭﺍﺡ ﺍﻟﺤﻼ ﺷﮕﺪ ﺣﻘﻴﺮ ﻭﺯﺍﺣﻒ ﺍﻣﺸﻲ ﻭﺍﻏﻠﻂ ﻋﻠﻴﻪ ﺑﻴﻨﻲ ﻭﺑﻴﻦ ﻧﻔﺴﻲ ﻭﺻﺎﺣﺖ ﺣﻼ ﻭﺭﺍﻳﻪ .. ﺍﻟﺘﻔﺘﺖ .. ﺣﻼ .. ﻣﺮﻭﻩ ﺍﻭﻛﻔﻲ ﺷﺒﻴﺞ .. ﻣﺮﻭﻩ .. ﻣﺒﻘﻴﺘﻲ ﻭﻳﺎﻩ .. ﻟﺞ ﻣﺘﻔﺘﻬﻤﻴﻦ ﻫﺬﺍ ﻣﻨﻄﻴﺘﻪ ﻣﺠﺎﻝ ﺍﺟﻪ ﻋﻠﻴﺞ .. # ﺷﻤﺲ ﺣﻼ .. ﻫﻬﻬﻬﻪ ﻟﺞ ﺷﺒﻴﺞ ﺗﺨﺮﺑﻄﻴﻦ .. ﺣﺠﺎ ﻭﻳﺎﻱ ﻋﻤﻮﺩﺝ ﻣﺮﻭﻩ .. ﻳﺄﺳﺘﻐﺮﺍﺏ ﺷﻨﻮ ﻋﻤﻮﺩﻱ

العضوة: 522131 , 6 years ago

ﺣﻼ .. ﺍﻱ ﻃﻠﺐ ﻣﻨﻲ ﺍﺣﺠﻲ ﻭﻳﺎﺝ ﻭﻳﮕﻮﻝ ﺍﻧﻲ ﻣﻌﺠﺐ ﺑﻴﻬﺎ ﻭﺍﺫﺍ ﺗﺮﻳﺪ ﺑﺎﺟﺮ ﺍﺧﻄﺒﻬﺎ ﻣﺴﺘﻌﺪ ﺣﺘﻰ ﺍﺛﺒﺖ ﺣﺴﻦ ﻧﻴﺘﻲ .. ﻣﺮﻭﻩ .. ﻳﻌﻨﻲ ﻫﻮ ﻫﻴﺞ ﮔﺎﻝ ️☺ # ﺷﻤﺲ ﺣﻼ .. ﺍﻱ ﻭﺭﺑﻲ ﻫﻴﺞ ﮔﺎﻝ ﻟﺞ ﻫﺬﺍ ﺍﻟﻮﻟﺪ ﺷﺎﺭﻳﺞ ﻭﻳﺮﻳﺪﺝ ﻟﺘﺨﺴﺮﻳﻪ .. ﺍﺗﻌﺮﻓﻲ ﻋﻠﻴﻪ ﺑﺎﻟﺒﺪﺍﻳﻪ ﻭﺷﻮﻓﻴﻪ ﻭﻫﻮ ﻣﺴﺘﻌﺪ ﻳﺨﻄﺒﺞ ﺑﺲ ﺍﻧﺘﻲ ﺍﻭﻝ ﻣﺮﻩ ﺍﻋﺮﻓﻲ ﻃﺒﺎﻋﻪ ﻭﺑﻌﺪﻳﻦ ﻗﺮﺭﻱ .. ﻣﺮﻭﻩ .. ﺍﻣﺸﻲ ﻟﺞ ﺷﻮﺷﺘﻲ ﺍﻓﻜﺎﺭﻱ ﻭﺍﻟﺨﻂ ﺣﻴﺮﻭﺡ ﻭﺍﻧﻲ ﻟﺴﺎ ﻫﻨﺎ ﺃﺧﺮﺗﻴﻨﻲ . ﻃﻠﻌﺖ ﻣﻦ ﺍﻟﺠﺎﻣﻌﻪ ﻭﻟﮕﻴﺘﻪ ﻭﺍﮔﻒ ﺣﻼ ﺍﺟﻪ ﺍﺑﻮﻫﺎ ﺍﺧﺬﻫﺎ ﻭﺭﺍﺣﺖ ﻭﺍﻧﻲ ﺻﻌﺪﺕ ﺑﺎﻟﺨﻂ ﻣﺎﻟﺘﻲ .. ﻭﻫﻮ ﻳﺒﺎﻭﻉ ﻣﺎﺭﺍﺡ ﺍﻻ ﻟﻤﻦ ﺣﺮﻛﺖ ﺍﻟﺴﻴﺎﺭﻩ ﻣﺎﻟﺘﻨﺎ .. ﺑﻘﻰ ﻉ ﻫﺬﻱ ﺍﻟﺤﺎﻟﻪ ﻛﻞ ﻳﻮﻡ ﻣﺎﻳﺮﻭﺡ ﺍﻻ ﻳﺠﻲ ﺍﻟﺨﻂ ﻭﺍﻣﺸﻲ ﻻﻥ ﻣﺮﺍﺕ ﻳﺘﺄﺧﺮ .. ﻭﺑﺪﻭﻥ ﻣﺎﻳﺤﺠﻲ ﺣﺘﻰ ﺑﺎﻟﺠﺎﻣﻌﻪ ﺑﺲ ﻧﻀﺮﺍﺗﻪ ﺗﺮﺍﻗﺒﻨﻲ .. ﻭﺍﻧﻲ ﻫﻢ ﺗﻌﻮﺩﺕ ﻋﻠﻴﻪ ﺍﺫﺍ ﻳﻮﻡ ﻣﺎﺍﺷﻮﻓﻪ ﺗﺒﻘﻰ ﻋﻴﻮﻧﻲ ﺗﺪﻭﺭ ﻋﻠﻴﻪ ﻭﺣﻼ ﻣﻦ ﺟﻬﻪ ﺗﺰﻥ ﺑﺮﺍﺳﻲ ﻋﺒﺎﻟﻚ ﻫﻮ ﺩﺍﺯﻫﻪ ﻋﻠﻴﻪ . ﻣﺎﻋﻨﺪﻫﻪ ﺳﺎﻟﻔﻪ ﺑﺲ ﻣﺤﻤﺪ ﺣﻼ .. ﻟﺞ ﻣﺮﻭﻩ ﺷﻮﻓﻴﻪ ﺷﻠﻮﻥ ﻳﺒﺎﻭﻋﻠﺞ ﻣﻦ ﺗﺠﻴﻦ ﻳﮕﻮﻡ ﻳﻮﮔﻒ ﺍﺫﺍ ﮔﺎﻋﺪ ﻭﻣﺎﺷﻔﺘﻪ ﻳﻮﻡ ﻭﺍﮔﻒ ﻭﻱ ﻭﺣﺪﻩ .. ﻭﻃﻮﻝ ﺍﻟﻨﻬﺎﺭ ﻫﺬﺍ ﻛﻼﻣﻬﻪ ﺍﺟﻪ ﻣﺤﻤﺪ ﺭﺍﺡ ﻣﺤﻤﺪ 😂 ﻭﺑﻴﻮﻡ ﺍﺟﻴﻨﺎ ﻟﻠﻜﺎﻓﺘﺮﻳﺎ ﮔﻌﺪﻧﺎ ﻧﺎﻛﻞ ﻟﻔﺎﺕ ﻭﻋﺼﻴﺮ .. ﻫﻮ ﺩﻓﻊ ﺣﺴﺎﺑﻬﻢ ﺣﺘﻰ ﺍﻟﻤﻲ ﺍﺫﺍ ﺍﺷﺘﺮﻳﻪ ﻳﺪﻓﻊ ﺣﺴﺎﺑﻪ ﻭﻣﻦ ﻏﻴﺮ ﻣﻴﺤﺠﻲ .. ﻃﺒﻌﺎ ﺣﻼ ﻛﻴﻔﺖ ﻉ ﺍﻟﺴﺎﻟﻔﻪ .. ﺑﺲ ﺍﻧﻲ ﺣﻴﻞ ﺿﺠﺖ ﻳﻌﻨﻲ ﺍﺣﻨﺎ ﻣﺎﺑﻴﻨﺎ ﺍﻱ ﺷﻲ .. ﺷﻠﻮﻥ ﻫﻴﺞ ﻳﺴﻮﻱ .. ﻣﺮﻩ ﻭﺍﮔﻔﻴﻦ ﻉ ﺍﻻﺳﺘﻨﺴﺎﺥ .. ﻭﻭﻟﺪ ﻭﺑﻨﺎﺕ ﻫﻮﺍﻳﻪ ﻭﺍﻛﻔﻴﻦ ﻫﻮ ﺿﺎﺝ 😡 ﻣﻦ ﺷﺎﻓﻨﻪ ﺍﺟﻪ ﺑﺴﺮﻋﻪ ﻭﻫﻤﺴﻠﻲ ﺍﺑﺘﻌﺪﻭﺍ ﻣﻨﺎ ﺍﻧﻲ ﺍﺟﻴﺒﻠﻜﻢ ﺍﻟﻲ ﺗﺮﺩﻭﻩ .. ﺍﻟﺘﻔﺘﺖ ﻋﻠﻴﻪ .. ﮔﻮﺗﻠﻪ ﻻ ﺷﻜﺮﺍ ﻋﺪﻧﺎ ﻓﻠﻮﺱ ﻭﻧﺸﺘﺮﻱ .. ﺍﻧﻲ ﺿﺠﺖ ﻻﻥ ﻛﻞ ﻳﻮﻡ ﻳﺪﻓﻊ ﺑﺲ ﻫﻮ ﺿﺎﺝ ﻻﻥ ﻭﺍﮔﻔﻴﻦ ﻭﺍﻛﻮ ﻭﻟﺪ ﻳﺒﺎﻭﻋﻦ ﻋﻠﻴﻪ . ﺍﺗﺒﺎﻭﻉ ﺍﻟﺤﻼ ﻭﮔﻠﻠﻬﻪ .. 😡 ﺣﻼ ﺍﺧﺬﻱ ﻣﺮﻭﻩ ﻭﺭﺣﻮﺍ ﺍﻧﻲ ﺍﺟﻴﺒﻠﻜﻢ ﺍﻟﻤﻼﺯﻡ .. # ﺷﻤﺲ ﺣﻼ .. ﺍﻣﺸﻲ ﻟﺞ ﻟﺘﻌﺎﻧﺪﻳﻦ ﺍﺍﺍﺍﻭﻑ ﻭﻳﻦ ﺍﻟﮕﻲ ﻭﺍﺣﺪ ﻫﻴﺞ ﻳﻐﺎﺭ ﻋﻠﻴﻪ 😍 ﻣﺮﻭﻩ .. ﻣﻦ ﮔﺎﻝ ﺍﺳﻤﻲ ﺣﺴﻴﺖ ﻛﻮﻟﺸﻲ ﺑﻴﻪ ﻳﺮﺟﻒ ﺣﻠﻮ ﺍﺳﻤﻲ ﺑﻠﺴﺎﻧﻪ . ﻭﺣﺴﻴﺖ ﺑﻐﻴﺮﺗﻪ ﻋﻠﻴﻪ .. ﻳﻌﻨﻲ ﺻﺪﻭﮒ ﻟﻮ ﻳﺮﻳﺪ ﻳﻠﻌﺐ ﺍﻭ ﻳﺘﺴﻠﻰ ﻣﺎﻛﺎﻥ ﺻﺒﺮ ﻋﻠﻴﻪ ﻛﻞ ﻫﺬﻱ ﺍﻟﻔﺘﺮﻩ ..

العضوة: 237176 , 6 years ago

@user-522131 حبي وين التكملة احب قصصج هواية

العضوة: 295228 , 6 years ago

التكمله حبي❤❤

العضوة: 567637 , 6 years ago

التكمله حبيبتي.انا من الجزائر و اتابع كل روياتك

العضوة: 680484 , 6 years ago

يالله شو هالعادة تقطعي سلسلة افكارنا....كمليها شكلا حلوة كتير

العضوة: 237176 , 6 years ago

@user-522131 حبي تعالي كملي القصة حبيتها

العضوة: 522131 , 6 years ago

ﻣﺮﻭﻩ .. ﺍﻭﻭﻭﻭﻑ ﺣﻼ . ﺍﻧﻲ ﺍﻋﻠﻤﺞ ﺑﺎﺟﺮ .. # ﺷﻤﺲ ﺭﺟﻊ ﺍﺗﺼﻞ ﺭﺩﻳﺖ ﻭﺍﻟﺨﻮﻑ ﻣﻮﺗﻨﻲ .. ﺍﻟﻮ ﻣﺤﻤﺪ .. ﺭﺣﻤﺘﻚ ﺭﺑﻲ ﻭﺍﺧﻴﺮﺍ .. ﻣﺮﻭﻩ .. ﻫﻬﻬﻪ ️☺ ﻣﺤﻤﺪ .. ﻓﺪﻳﺖ ﻫﺎﻟﻀﺤﻜﻪ ﻣﺮﻭﻩ .. ﺳﻜﺘﺖ ﻣﺤﻤﺪ .. ﻳﻌﻨﻲ ﺍﻟﻴﻮﻡ ﻧﮕﻀﻴﻬﺎ ﺳﻜﺘﻪ ﺍﺣﺠﻲ ﺧﻠﻲ ﺍﺳﻤﻊ ﺻﻮﺗﺞ .. ﻣﺮﻭﻩ .. ﺷﻨﻮ ﺍﺣﺠﻲ .. ﻭﺑﻌﺪﻳﻦ ﻫﺴﺎ ﻣﺎﺍﻛﺪﺭ ﻻﻥ ﺍﺧﺎﻑ ﺍﺣﺪ ﻳﺴﻤﻌﻨﻲ ﻣﻦ ﺍﻫﻠﻲ ﻭﻫﻢ ﻣﻤﺘﻌﻮﺩﻳﻦ ﺍﺣﺪ ﻳﺘﺼﻞ ﺑﺲ ﻭﻱ ﺣﻼ ﻭﻣﻮ ﺩﺍﻳﻤﺎ ﻣﻴﻘﺒﻠﻮﻥ .. ﻣﺤﻤﺪ .. ﺯﻳﻦ ﺑﺎﻟﻠﻴﻞ ﻛﻮﻟﺶ ﺍﺗﺼﻞ ﻋﻠﻴﺞ . ﻻﻥ ﻋﻨﺪﻱ ﻫﻮﺍﻳﻪ ﻛﻼﻡ ﺍﺭﻳﺪ ﺍﮔﻮﻟﻪ يتبع

العضوة: 522131 , 6 years ago

@user-237176 من عيوني عمري جاي اكمله صار

العضوة: 522131 , 6 years ago

ﻣﺮﻭﻩ … ﺍﻭﻙ ﺍﺫﺍ ﺻﺎﺭﺕ ﻓﺮﺻﻪ ﺍﺗﺼﻞ .. ﺑﻬﺬﻱ ﺍﻻﺛﻨﺎﺀ ﺩﺧﻠﺖ ﺳﺎﺭﻩ ﺍﺧﺘﻲ ﺍﺭﺗﺒﻜﺖ .. ﮔﻮﻟﺘﻠﻪ ﺍﻭﻙ ﺣﻼ ﺑﻌﺪﻳﻦ ﺍﺗﺼﻞ ﺑﻴﺞ .. ﻭﻏﻠﻘﺘﻪ .. ﺍﺷﻮ ﺳﺎﺭﻩ ﺗﺒﺎﻭﻋﻠﻲ ﻭﺗﻀﺤﻚ .. ﺍﻱ ﻋﻴﻨﻲ ﻣﺮﻭﺍﻱ ﺍﺷﻮ ﺍﺭﺗﺒﻜﺘﻲ ﻣﻌﻘﻮﻟﻪ ﻫﺬﻱ ﺣﻼ . ﻣﺮﻭﻩ .. ﻟﺞ ﺷﺒﻴﺞ ﻟﻴﺶ ﻣﻨﻮ ﻋﻨﺪﻱ ﻏﻴﺮ ﺣﻼ ﺗﺘﺼﻞ ﺑﻴﻪ . ﺳﺎﺭﻩ .. ﺍﻭﻙ ﻉ ﺭﺍﺣﺘﺞ ﺑﺲ ﺍﺫﺍ ﺣﺒﻴﺘﻲ ﺗﺤﺠﻴﻦ ﺍﺧﺘﺞ ﻫﻨﺎ ﺑﺎﻟﺨﺪﻣﻪ ﻭﺗﺄﺷﺮ ﻉ ﻧﻔﺴﻬﻪ .. ﻣﺮﻭﻩ .. ﺩﮔﻮﻣﻲ ﻳﺎﻟﻠﻪ ﺍﺭﻳﺪ ﺍﻛﻤﻞ ﺩﺭﺍﺳﻪ .. ﻣﺎﮔﺪﺭﺕ ﺍﻗﺮﺃ ﻛﻮﻟﺸﻲ .. ﺑﺲ ﺍﻓﻜﺮ ﺑﻤﺤﻤﺪ ﻭﺷﻨﻮ ﻳﺮﻳﺪ ﻳﺤﺠﻲ ﻭﻳﺎﻱ .. ﻟﻠﻴﻞ ﻧﺎﻣﺖ ﻛﻮﻟﻬﻪ ﻭﺍﺧﻮﺍﺗﻲ ﻳﻤﻲ ﻳﻨﺎﻣﻦ ﺍﺗﺄﻛﺪﺕ ﻧﺎﻣﻦ .. ﻓﺘﺤﺖ ﺍﻟﺠﻬﺎﺯ ﻛﻠﻤﺎ ﺍﺭﻳﺪ ﺍﺿﻐﻂ ﻉ ﺯﺭ ﺍﻻﺗﺼﺎﻝ ﺍﺳﺤﺐ ﺍﻳﺪﻱ .. ﻣﺘﺮﺩﺩﻩ .. ﺗﺎﻟﻲ ﺍﺟﺎﻧﻲ ﻣﺴﺞ ﻓﺘﺤﺘﻪ ﻣﻦ ﻣﺤﻤﺪ .. ﻣﻮ ﻭﻋﺪﺗﻴﻨﻲ ﺗﺘﺼﻠﻴﻦ ﺍﺷﻮ ﻟﺴﺎ ﻣﺎﻛﻮ ﻣﻨﺘﻀﺮﺝ .. ﺍﺗﺠﺮﺃﺕ ﻭﺗﺼﻠﺖ .. ﻫﻮ ﻣﺎﺻﺪﮒ ﺑﺴﺮﻋﻪ ﻓﺘﺤﻪ .. ﻣﺤﻤﺪ .. ﺍﻟﻮ ﻣﺮﺍﻭﻱ ﻣﻮﺗﻴﻨﻲ .. ﻣﺮﻭﻩ .. ﻫﻼﻭ ﻣﺤﻤﺪ ﻣﺤﻤﺪ .. ﺍﻭﻭﻭﻑ ﺍﻭﻝ ﻣﺮﻩ ﺍﻋﺮﻑ ﺍﺳﻤﻲ ﺣﻠﻮ 😍 ﻣﺮﻭﻩ .. ﺍﻣﻤﻤﻢ ﻭﺗﺎﻟﻲ ﻭﻳﺎﻙ ﻣﺤﻤﺪ ﻣﺤﻤﺪ .. ﻣﺮﻭﻩ ﺍﺫﺍ ﺍﮔﻠﺞ ﺣﺒﻴﺘﺞ ﻣﻦ ﻏﻴﺮ ﻣﺎﺍﺟﺤﺠﻲ ﻭﻳﺎﺝ ﺗﺼﺪﮔﻴﻨﻲ .. # ﺷﻤﺲ ﻣﺮﻭﻩ .. ﺳﻜﺘﺖ ﻣﺤﻤﺪ .. ﻣﺮﻭﻩ ﻟﺘﺴﻜﺘﻴﻦ ﺍﺣﺠﻲ ﺷﻨﻮ ﺭﺃﻳﺞ ﺑﻴﻪ .. ﻣﺮﻭﻩ ﺍﻧﻲ ﻣﻦ ﺑﺪﺍﻳﻪ ﺍﻟﺴﻨﻪ ﻟﺴﺎ ﻣﺘﺎﺑﻌﺞ ﻭﺍﻋﺮﻑ ﻛﻮﻟﺸﻲ ﻋﻨﺞ ﻭﺍﻧﻲ ﻣﺎﺩﺍ ﺍﻟﻌﺐ ﻋﻠﻴﺞ ﺍﻧﻲ ﻧﻴﺘﻲ ﺻﺎﺩﻗﻪ ﻭﮔﻮﺗﻠﺞ ﻗﺒﻞ ﻫﺴﺎ ﻭﻣﺎﺭﺩﻳﺘﻲ ﻋﻠﻴﻪ .. ﺍﻧﻄﻲ ﻓﺮﺻﻪ ﺍﻟﻨﻔﺴﺞ ﺗﻌﺮﻓﻴﻨﻲ ﻭﺷﻮﻓﻲ ﻣﺸﺎﻋﺮﺝ ﻧﺎﺣﻴﺘﻲ ﻭﻗﺮﺭﻱ ﺑﻌﺪﻳﻦ ﻟﺘﺮﺩﻳﻦ ﺍﻱ ﺷﻲ ﻫﺴﺎ .. ﺍﻟﻮ ﻣﺮﻭﻩ ﺍﻟﻮ … . # ﺷﻤﺲ ﻣﺮﻭﻩ .. ﻫﻬﻬﻪ ﻭﻳﺎﻙ ﺷﺒﻴﻚ .. ﻣﺤﻤﺪ .. ﺍﺷﻮ ﺳﺎﻛﺘﻪ ﻋﺒﺎﻟﻲ ﺍﻧﻘﻄﻊ ﺍﻟﺨﻂ ﻭﺍﻧﻲ ﺍﺣﺠﻲ ﻭﺣﺪﻱ .. ﻣﺮﻭﻩ .. ﻣﺤﻤﺪ ﻋﻔﻴﻪ ﻟﺘﺨﺠﻠﻨﻲ ﺧﻠﻲ ﺍﻻﻣﻮﺭ ﻃﺒﻴﻌﻴﻪ ﻭﺗﻤﺸﻲ ﻭﺣﺪﻫﺎ ﻭﺍﺫﺍ ﺍﻟﻠﻪ ﺷﻲ ﺍﻟﻠﻪ ﻗﺎﺳﻤﻪ ﺍﻟﻨﺎ ﻣﻴﻀﻴﻊ ﺑﺲ ﻟﺘﻀﻐﻂ ﻋﻠﻴﻪ .. ﻣﺤﻤﺪ .. ﺍﻭﻙ ﻭﺭﺑﻲ ﻣﺎﺍﺿﻐﻂ ﻋﻠﻴﺞ ﻉ ﺭﺍﺣﺘﺞ ﺑﺲ ﻻﻧﺤﺮﻣﻴﻨﻲ ﻣﻦ ﺻﻮﺗﺞ ﻭﻧﻀﺮﺍﺗﺞ ﺧﻠﻴﻨﻲ ﺍﺗﺼﻞ ﺑﻴﺞ ﻭﺍﺳﻤﻊ ﺻﻮﺗﺞ ﺣﺘﻰ ﺍﺫﺍ ﻣﺘﺤﺠﻴﻦ ﻋﺎﺩﻱ ﺑﺲ ﺍﻧﻲ ﺍﺣﺠﻲ ﻣﺜﻞ ﻫﺴﺎ 😂 ﻣﺮﻭﻩ … 😂😂 ﻣﺤﻤﺪ ... ﻓﺪﻳﺖ ﻫﺎﻟﻀﺤﻜﻪ .. ﺍﻭﻙ ﻟﻌﺪ ﺑﺎﺟﺮ ﺍﺭﻳﺪ ﺍﺷﻮﻓﺞ ﺣﺘﻰ ﺍﺫﺍ ﺍﮔﻌﺪ ﻭﻳﺎﺝ ﺷﻮﻳﻪ ..

العضوة: 522131 , 6 years ago

ﻣﺮﻭﻩ .. ﺍﻣﻤﻤﻤﻢ ﻣﺎﺍﺩﺭﻱ ﺍﺷﻮﻑ .. ﻭﺑﻘﻴﻨﺎ ﻧﺴﻮﻟﻒ ﺍﻟﻰ ﺍﻥ ﺍﺫﻥ ﺍﻟﻔﺠﺮ ﻧﺴﻴﻨﺎ ﻧﻔﺴﻨﺎ .. ﺑﺲ ﻣﻦ ﺳﻤﻌﺖ ﺻﻮﺕ ﺑﺎﺑﺎ ﻳﻜﺢ . ﺑﺴﺮﻋﻪ ﻏﻠﻘﺘﻪ ﻭﻧﻤﺖ ﻧﻮﻡ 💤 ﻣﻨﺎﻳﻤﺘﻪ ﻗﺒﻞ ﺻﺢ ﻫﻦ ﺳﺎﻋﺘﻴﻦ ﺑﺲ ﺍﺭﺗﺎﺣﻴﺖ ﺑﻴﻬﻦ ﻭﮔﻌﺪﺕ ﺑﺴﺮﻋﻪ ﺑﺪﻟﺖ ﻭﺧﻠﻴﺖ ﺑﺲ ﻛﺤﻞ ﻭﻣﺮﻃﺐ ﻭﻃﻠﻌﺖ ﻻﻥ ﺍﺑﻮ ﺍﻟﺨﻂ ﺧﺒﺼﻨﻲ ﻭﻣﺎﻣﺎ ﮔﺎﻣﺖ ﺗﺤﺠﻲ ﻋﻠﻴﻪ ﺗﮕﻮﻟﻲ ﺍﻭﻝ ﻣﺮﻩ ﺗﺘﺄﺧﺮﻳﻦ ﻫﻴﺞ ﺑﺎﻟﻨﻮﻡ .. ﺑﺲ ﺳﺎﺭﻩ ﺗﺒﺎﻭﻋﻠﻲ ﻭﺗﻀﺤﻚ ﻳﻤﻜﻦ ﺳﻤﻌﺘﻨﻲ ﺍﻧﺨﻄﻒ ﻟﻮﻧﻲ .. ﻃﻠﻌﺖ ﺑﺴﺮﻋﻪ .. # ﺷﻤﺲ ﻭﺻﻠﺖ ﻟﻠﺠﺎﻣﻌﻪ ﻟﮕﻴﺘﻪ ﻣﻨﺘﻀﺮ ﺑﺎﻟﺒﺎﺏ ﻳﻢ ﺳﻴﺎﺭﺗﻪ ﻭﺍﮔﻒ ﻻﺑﺲ ﻗﻤﻴﺺ ﺳﻤﺎﺋﻲ ﻭﺍﻟﺠﻮ ﺣﻠﻮ ﺑﻌﺪﻩ ﻣﻮ ﺑﺎﺭﺩ ﻛﻮﻟﺶ ﻭﺑﻲ ﻫﻮﺍ ﻳﻄﻴﺮ ﺷﻌﺮﻩ ﻳﺨﺒﻞ ﺍﺣﺲ ﺭﻭﺣﻲ ﺭﺟﻌﺘﻠﻲ .. ﻣﻦ ﺷﻔﺘﻪ ﺍﺑﺘﺴﻤﺖ .. ﻭﺻﻠﺖ ﻳﻤﻪ ﮔﻮﺗﻠﻪ ﺻﺒﺎﺡ ﺍﻟﺨﻴﺮ .. ﻣﺤﻤﺪ .. ﻳﺎﺍﺣﻠﻰ ﺻﺒﺎﺡ .. ﺻﺒﺎﺡ ﺍﻻﻧﻮﺍﺭ ﻭﺍﻟﻮﺭﺩ ﻭﻭﻭﻭ ﻣﺮﻭﻩ .. ﻫﻬﻬﻪ ﻫﺎﻱ ﺷﺒﻴﻚ ﻣﺤﻤﺪ ﺗﺮﻯ ﺍﻧﻲ ﺍﺧﺠﻞ ﻣﻮ ﮔﺘﻠﻚ ﺧﻠﻲ ﺍﻻﻣﻮﺭ ﻃﺒﻴﻌﻴﻪ ﺑﺪﻭﻥ ﻏﺰﻝ .. ﻣﺤﻤﺪ .. ﻭﺍﻟﻠﻪ ﻣﻮ ﺑﻴﺪﻱ ﻣﺎﺍﮔﺪﺭ ﺍﺷﻮﻑ ﻫﺬﺍ ﺍﻟﺠﻤﺎﻝ ﻳﻤﻲ ﻭﺍﺳﻜﺖ ﻭﺍﺻﻼ ﺍﻧﻲ ﻣﻤﺼﺪﮒ ﻭﺍﮔﻒ ﻭﻳﺎﺝ ﻛﻞ ﺳﺎﻋﻪ ﺍﮔﻮﻝ ﺣﺘﻄﺮﺩﻳﻨﻲ ﻣﺜﻞ ﺫﻳﺞ ﺍﻟﻤﺮﻩ .. ﻣﺮﻭﻩ .. ﻫﻬﻬﻪ ﺩﻣﺸﻲ ﻳﺎﻟﻠﺔ ﺣﻨﺘﺄﺧﺮ .. ﻣﺸﻴﻨﺎ ﺳﻮﻳﻪ ﻭﻭﺻﻠﻨﻲ ﻟﻠﻘﺎﻋﻪ ﻭﺍﻟﻜﻞ ﺗﺒﺎﻭﻋﻠﻨﺎ ﻣﻤﺼﺪﮔﻴﻦ ﺍﻧﻲ ﺍﻣﺸﻲ ﻭﻱ ﻭﻟﺪ ﺣﺘﻰ ﺯﻣﺎﻟﻪ ﻣﺎﻋﻨﺪﻱ ﻣﻦ ﻗﺎﻋﺘﻲ ﺍﺳﺘﺤﻲ .. # ﺷﻤﺲ ﻭﺷﺎﻓﺘﻨﺎ ﺣﻼ ﻭﺍﺟﺖ ﻃﺎﻳﺮﻩ ﻣﻤﺼﺪﻛﻪ . ﻫﻬﻪ ﺣﻼ .. ﻳﺎﻫﻼ ﻭﺍﺧﻴﺮﺍ ﻃﻴﻮﺭ ﺍﻟﺤﺐ ﺍﻟﺘﻘﻮﺍ .. ﻣﺤﻤﺪ .. ﻫﻬﻬﻬﻪ ﺑﻔﻀﻠﺞ ﻏﻴﺮ ﻣﺎﺍﻧﺴﻰ ﻭﮔﻔﺘﺞ ﺗﺴﻠﻤﻴﻦ ﺧﻴﺘﻲ . ﻣﺮﻭﻩ .. ﺗﺒﺎﻭﻋﺘﻠﻬﻪ ﺻﻔﺢ ﻭﮔﻠﺘﻠﻬﺎ ﺑﻌﺪﻳﻦ ﺣﺴﺎﺑﺞ ﺳﺖ ﺣﻼ ﺣﻼ .. ﺍﺷﻮ ﻭﺍﺣﺪ ﻳﺸﻜﺮﻧﻲ ﻭﻭﺍﺣﺪ ﻳﺤﺎﺳﺒﻨﻲ 😂 ﻣﺮﻭﻩ .. ﺩﻣﺸﻲ ﻳﺎﻟﻠﺔ .. ﻭﺩﺧﻠﻨﺎ ﻟﻠﻘﺎﻋﻪ .. ﻭﻣﻦ ﻃﻠﻌﻨﺎ ﻣﻦ ﺍﻟﻤﺤﺎﻇﺮﻩ .. ﻟﮕﻴﺖ ﺍﻟﻜﻞ ﻳﺒﺎﺭﻛﻠﻲ .. ﺑﻘﻴﺖ ﻣﺴﺘﻐﺮﺑﻪ .. ﻭﻣﺤﻤﺪ ﺍﺻﺪﻗﺎﺋﻪ ﻫﻢ ﻳﺒﺎﺭﻛﻮﻟﻪ ﺷﻨﻮ ﺍﻟﺴﺎﻟﻔﻪ .. ﺍﺟﻪ ﻣﺤﻤﺪ ﻣﻦ ﺷﺎﻓﻨﻲ .. ﻫﻠﻮ ﻣﺮﺍﻭﻱ # ﺷﻤﺲ ﻣﺮﻭﻩ .. ﻫﻼﻭ ﻣﺤﻤﺪ ﺷﻨﻮ ﺍﻟﺴﺎﻟﻔﻪ ﺍﺷﻮ ﺍﻟﻜﻞ ﻳﺒﺎﺭﻛﻠﻨﺎ .. ﻣﺤﻤﺪ .. ﺍﻱ ﻏﻴﺮ ﺻﺮﺗﻲ ﺧﻄﻴﺒﺘﻲ . ﻣﺮﻭﻩ .. ﻫﻬﻬﻬﻪ ﻫﺎﻱ ﺷﺒﻴﻚ ﻣﺤﻤﺪ .. ﻣﺤﻤﺪ .. ﻣﺮﻭﻩ ﮔﻮﺗﻠﺞ ﺍﻧﻲ ﻧﻴﺘﻲ ﺻﺎﺩﻗﻪ .. ﺑﺲ ﺍﻧﺘﻀﺮﺗﺞ ﺗﻌﺮﻓﻴﻨﻲ ﻭﺑﻤﺎ ﺍﻧﻪ ﺭﺍﺡ ﻧﻠﺘﻘﻲ ﻫﻮﺍﻳﻪ ﺑﺎﻟﺠﺎﻣﻌﻪ ﮔﻮﻟﺘﻠﻬﻢ ﺍﻧﺨﻄﺒﻨﺎ ﺑﺲ ﻣﻮ ﺭﺳﻤﻲ ﻳﻌﻨﻲ ﺣﺠﻴﺖ ﺑﻴﻬﺎ ﻭﻃﻠﺒﺘﻬﺎ ﻣﻦ ﺍﻫﻠﻬﺎ ﻭﺻﺎﺭﺕ ﺍﻟﻲ .. ﻣﺮﻭﻩ .. ﺍﻣﻤﻤﻢ ﻭﺑﻘﻴﺖ ﺻﺎﻓﻨﻪ ﺑﻌﻴﻮﻧﻪ .. ﻳﺎﺭﺑﻲ ﻣﻌﻘﻮﻟﻪ ﻫﻴﺞ ﻳﺤﺒﻨﻲ ﻭﻳﺨﺎﻑ ﻋﻠﻴﻪ ﺣﺘﻰ ﻣﻦ ﻛﻼﻡ ﺍﻟﻄﻼﺏ .. ﻛﺒﺮ ﺑﻌﻴﻨﻲ .. ﻭﺻﺮﺕ ﻛﻞ ﺍﻟﻲ ﻳﺴﺄﻟﻨﻲ ﺍﮔﻮﻝ ﻣﺨﻄﻮﺑﻪ ﻟﻤﺤﻤﺪ .. # ﺷﻤﺲ ﺧﻠﺺ ﺍﻟﻴﻮﻡ .. ﻭﺭﺟﻌﺖ ﻟﻠﺒﻴﺖ ﻓﺮﺣﺎﻧﻪ .. ﻭﺗﻠﮕﺘﻨﻲ ﺳﺎﺭﻩ ﺗﺤﻘﻖ ﻭﺳﻮﻟﻔﺘﻠﻬﻪ ﻛﻮﻟﺸﻲ ﻭﻫﻲ ﻓﺪﻳﺘﻬﺎ ﻣﺎﻗﺼﺮﺕ ﻭﮔﻔﺖ ﻭﻳﺎﻱ .. ﻭﺳﺎﻧﺪﺗﻨﻲ ﻭﺻﺎﺭﺕ ﻛﺎﺗﻤﻪ ﺍﺳﺮﺍﺭﻱ .. ﻭﺣﻼ ﻫﻢ ﺍﺧﺖ ﻭﻧﻌﻢ ﺍﻻﺧﺖ ..

العضوة: 522131 , 6 years ago

. ﻭﺗﻄﻮﺭﺕ ﻋﻼﻗﺘﻨﺎ .. ﻭﻣﺮﺕ ﺍﺷﻬﺮ ﻭﺑﺪﻳﺖ ﺍﺣﺒﻪ ﻭﻣﺎﺍﮔﺪﺭ ﺍﺳﺘﻐﻨﻰ ﻋﻨﻪ ﺍﺫﺍ ﻟﺤﻈﻪ ﻣﺸﻔﺘﻪ .. ﺍﺣﺲ ﺷﻲ ﻧﺎﻗﺼﻨﻲ ﻏﻴﺮ ﺍﻻﺗﺼﺎﻻﺕ ﺑﻴﻨﺎ ﺑﺲ ﺑﺎﻟﻠﻴﻞ ﺑﺎﻟﻨﻬﺎﺭ ﻣﺎﺍﮔﺪﺭ .. ﺑﺎﻟﺠﺎﻣﻌﻪ ﻛﻮﻟﻬﻪ ﺣﺎﺳﺪﺗﻨﺎ ﻉ ﺣﺒﻨﺎ ﺍﻟﻜﻞ ﻳﺴﻮﻟﻒ ﺑﻤﺤﻤﺪ ﻭﻣﺮﻭﻩ .. ﺻﺮﻧﺎ ﻣﺜﻞ ﺭﻭﻣﻴﻮ ﻭﺟﻮﻟﻴﺖ 😍 ﻭﺣﻤﺪﺕ ﺭﺑﻲ ﻭﺷﻜﺮﺗﻪ ﻉ ﻣﺤﻤﺪ ﻻﻥ ﻓﻌﻼ ﻏﻤﺮﻧﻲ ﺑﺤﺒﻪ ﻭﻃﻮﻝ ﻓﺘﺮﻩ ﺍﻟﺠﺎﻣﻌﻪ ﻣﺎﺍﺗﺒﺎﻭﻉ ﺍﻟﻐﻴﺮﻱ ﻭﺍﺑﺪ ﻣﻬﻤﻠﻨﻲ ﻛﻞ ﻳﻮﻡ ﺯﺍﺩ ﺣﺒﻪ ﺍﻟﻲ ﺍﻛﺜﺮ ﻭﺍﻛﺜﺮ .. ﻭﺍﻧﻲ ﻣﺎﺍﺗﻮﻗﻌﺖ ﻳﺠﻲ ﻳﻮﻡ ﻫﻴﺞ ﺍﺣﺒﻪ .. # ﺷﻤﺲ ﺳﻨﺘﻴﻦ ﺣﺒﻨﺎ ﻣﺎﺧﻠﺺ ﻭﻻ ﺍﻧﺘﻬﻰ .. ﻭﻗﺮﺭ ﻣﺤﻤﺪ ﻳﺨﻄﺒﻨﻲ ﻻﻥ ﺑﻌﺪ ﻣﻴﺘﺤﻤﻞ ﻳﮕﻮﻝ ﻧﻨﺨﻄﺐ ﺣﺘﻰ ﻧﻄﻠﻊ ﻭﻧﻤﺸﻲ ﺑﻜﻴﻔﻨﺎ ﺑﺲ ﺍﺣﻨﺎ ﻣﻘﺮﺭﻳﻦ ﺍﻟﺰﻭﺍﺝ ﺑﻌﺪ ﺍﻟﺠﺎﻣﻌﻪ ﻭﻫﻮ ﻫﻢ ﻳﺨﻠﺺ ﻗﺒﻠﻲ ﺣﺘﻰ ﻳﺸﺘﻐﻞ ﻭﻱ ﺍﺑﻮﻩ ﻭﻳﺠﻬﺰ ﻧﻔﺴﻪ ﺍﻟﻰ ﺍﻥ ﺍﺧﻠﺺ ﺍﻧﻲ ﻭﺑﺪﻳﻨﺎ ﻧﺨﻄﻂ ﺍﻟﻤﺴﺘﻘﺒﻠﻨﺎ .. ﻭﺯﻭﺍﺟﻨﺎ ﻭﻛﺎﻥ ﻳﺤﻠﻢ ﺍﻧﻪ ﻳﻜﻮﻥ ﺯﻭﺍﺝ ﺧﻮﺭﺍﻓﻲ ﺍﻟﻜﻞ ﺗﺴﻮﻟﻒ ﺑﻲ يتبع

العضوة: 522131 , 6 years ago

ﻣﺤﻤﺪ .. ﻗﺮﺭﺕ ﺍﺧﻄﺐ ﻣﺮﻭﻩ ﻭﻓﺎﺗﺤﺖ ﺍﻫﻠﻲ ﺑﺎﻟﻤﻮﺿﻮﻉ ﺍﺑﻮﻳﻪ ﻭﺍﺧﻮﻳﻪ ﻣﺎﻋﺎﺭﺿﻮﺍ ﺑﺲ ﺍﻣﻲ ﻭﺍﺧﺘﻲ ﺍﻟﻤﺰﻭﺟﻪ ﻋﺒﻴﺮ .. ﻻﻥ ﻳﺮﺩﻭﻥ ﺑﻨﺖ ﺧﺎﻟﺘﻲ ﻋﻼ ﺍﻟﻲ ﻭﺍﻧﻲ ﺭﺍﻓﺾ ﻫﺬﺍ ﺍﻟﺸﻲ .. ﺑﻘﺖ ﺍﻳﺎﻡ ﺍﻣﻲ ﺯﻋﻼﻧﻪ ﻋﻠﻴﻪ .. # ﺷﻤﺲ ﻭﺗﺎﻟﻲ ﺍﺑﻮﻳﻪ ﻭﺍﺧﻮﻳﻪ ﻗﻨﻌﻮﻫﺎ ﺑﺎﻟﮕﻮﻩ .. ﺑﺲ ﺍﺧﺘﻲ ﺗﻠﻌﺐ ﺑﺮﺍﺳﻬﻪ .. ﻟﻮ ﻣﺎ ﻋﺒﻴﺮ ﻫﺴﺎ ﺍﻧﻲ ﻣﺮﺗﺎﺡ ﻻﻥ ﻋﺒﻴﺮ ﻣﺘﺰﻭﺟﻪ ﺍﺑﻦ ﺧﺎﻟﺘﻲ ﺍﺧﻮ ﻋﻼ .. ﻭﻫﻲ ﻣﺴﺎﻧﺪﺗﻬﺎ ﻭﻛﻮﻟﻪ ﺑﺴﺒﺐ ﺍﻣﻲ ﻫﻲ ﺍﻟﻲ ﺧﻠﺖ ﺍﻻﻓﻜﺎﺭ ﺑﺮﺍﺱ ﻋﻼ .. ﺩﺍﻳﻤﺎ ﺗﮕﻮﻝ ﻋﻼ ﻟﻤﺤﻤﺪ ﺑﻘﻴﺖ ﺷﻬﺮ ﺗﺎﻟﻲ ﺗﻌﺎﺭﻛﺖ ﻭﻱ ﺍﻣﻲ ﻭﮔﻮﻟﺘﻠﻬﺎ ﺍﺫﺍ ﻣﺘﺨﻄﺒﻴﻬﺎ ﺍﺧﺬ ﺍﺑﻮﻳﻪ ﻭﺍﺧﻄﺒﻬﺎ ﻭﺍﺗﺰﻭﺟﻬﺎ ﻭﺍﻃﻠﻊ ﻋﻨﺞ ﺑﻴﺖ ﻭﺣﺪﻱ ﻫﻲ ﺗﺘﺨﺒﻞ ﻻ ﺍﺧﻮﻳﻪ ﻣﻦ ﻃﻠﻊ ﻭﺣﺪﻩ ﻣﺎﺭﺿﺖ ﻭﺗﻤﺮﺿﺖ .. ﻭﺍﺧﻴﺮﺍ ﺍﻗﺘﻨﻌﺖ ﺗﺨﻄﺒﻠﻲ ﻣﺮﻭﻩ ﻭﺍﺗﺼﻠﺖ ﺑﻤﺮﻭﻩ ﻭﺑﺸﺮﺗﻬﺎ .. # ﺷﻤﺲ ﻣﺮﻭﻩ .. ﺑﻘﻰ ﻣﺤﻤﺪ ﻛﻞ ﻳﻮﻡ ﻳﺄﺟﻞ ﻣﻮﺿﻮﻉ ﺍﻟﺨﻄﻮﺑﻪ ﻭﺍﻧﻲ ﺿﺠﺖ ﺣﻴﻞ ﻭﺍﺗﻬﻤﺘﻪ ﻳﺘﻬﺮﺏ ﻣﻨﻲ ﻭﻣﻴﺮﻳﺪ ﻳﺨﻄﺒﻨﻲ ﻭﺿﻠﻤﺘﻪ ﺍﻧﻲ ﻋﻼﻗﺘﻲ ﻗﻮﻳﻪ ﺑﺤﻨﻴﻦ ﺍﺧﺖ ﻣﺤﻤﺪ ﺩﺍﻳﻤﺎ ﻧﺘﺨﺎﺑﺮ ﻭﻧﺴﻮﻟﻒ ﺣﺒﺎﺑﻪ ﻛﻮﻟﺶ ﻫﻲ ﺍﻟﻲ ﮔﻠﺘﻠﻲ ﻉ ﺍﻣﻬﺎ ﺗﺮﻳﺪ ﺑﻨﺖ ﺍﺧﺘﻬﺎ ﻟﻤﺤﻤﺪ ﻭﺍﻧﻲ ﺿﺠﺖ ﺣﻴﻞ .. # ﺷﻤﺲ ﻭﺣﺠﻴﺖ ﻭﻱ ﻣﺤﻤﺪ ﮔﻠﻲ ﻟﻮ ﺍﻧﺘﻲ ﻟﻮ ﻣﺎﺍﺗﺰﻭﺝ ﻻﻳﻬﻤﺞ ﺍﻱ ﻛﻼﻡ .. ﻭﺻﺪﮒ ﻛﺎﻥ ﮔﺪ ﻛﻼﻣﻪ .. ﺑﻴﻮﻡ ﺍﺗﺼﻞ ﺑﻴﻪ ﻣﺤﻤﺪ ﻭﺑﺸﺮﻧﻲ .. ﻣﺤﻤﺪ .. ﻣﺮﺍﻭﻱ ﺣﺒﻴﺒﺘﻲ ﻭﺍﺧﻴﺮﺍ ﺍﻣﻲ ﺍﻗﺘﻨﻌﺖ ﻭﺣﺘﺠﻴﻜﻢ ﺑﺎﺟﺮ ﻫﻲ ﻭﻣﺮﺕ ﺍﺣﻤﺪ ﻭﻋﻤﺎﺗﻲ ﺍﺭﻳﺪﺝ ﺗﻄﻠﻌﻴﻦ ﺣﻠﻮ ﻭﻟﻮ ﺍﻧﺘﻲ ﮔﻤﺮ .. # ﺷﻤﺲ ﻣﺮﻭﻩ .. ﻫﻬﻬﻬﻪ ﻣﺤﻤﺪ ﻭﺍﺧﻴﺮﺍ ﺣﻨﻨﺨﻄﺐ ﻭﺗﺼﻴﺮ ﺍﻟﻲ .. ﻣﺤﻤﺪ .. ﺍﻟﻤﻬﻢ ﺍﻧﺘﻲ ﺗﺼﻴﺮﻳﻦ ﺍﻟﻲ ﺣﺒﻴﺒﻲ .. ﺛﺎﻧﻲ ﻳﻮﻡ ﺍﺟﺖ ﺍﻣﻪ ﻭﻣﺮﺕ ﺍﺧﻮﻩ ﻭﻋﻤﺎﺗﻪ ﺑﺲ ﺍﺧﺘﻪ ﻋﺒﻴﺮ ﻣﺎﺍﺟﺖ ﺿﺎﻳﺠﻪ ﻳﻤﻜﻦ . ﻟﺒﺴﺖ ﻓﺴﺘﺎﻥ ﻃﻮﻳﻞ ﻟﻮﻧﻪ ﺑﻴﺞ ﻭﺑﻲ ﺷﻐﻞ ﻛﻮﻟﺶ ﺣﻠﻮ ﻭﺳﺮﺣﺖ ﺷﻌﺮﻱ ﻭﻫﻮ ﻃﻮﻳﻞ ﻭﻣﺨﻠﻴﺖ ﺷﻲ ﻉ ﻭﺟﻬﻲ ﺑﺲ ﺍﻟﻜﺤﻠﻪ .. ﻣﻦ ﺩﺧﻠﺖ ﺍﻟﻬﻦ ﻋﻤﺎﺗﻪ ﻭﻣﺮﺕ ﺍﺧﻮﻩ ﺻﻠﻦ ﻉ ﺍﻟﻨﺒﻲ ﻭﮔﺎﻣﻦ ﺑﻮﺳﻨﻲ ﺍﻻ ﺍﻣﻪ ﻣﺎﺣﺠﺖ ﺑﺲ ﺗﺒﺎﻭﻉ ﺩﻧﮕﺖ ﻋﻠﻴﻬﺎ ﺑﺴﺘﻬﺎ .. ﻭﻣﻦ ﮔﻌﺪﻧﺎ ﺣﺠﺖ ﻋﻤﺘﻪ ﻉ ﺍﻟﺨﻄﺒﻪ ﻭﺍﻟﻤﻬﺮ ﺍﻣﻪ ﻛﻮﻟﺸﻲ ﻣﺎﺣﺠﺖ .. ﺣﺴﻴﺘﻬﺎ ﻣﺎﺣﺒﺘﻨﻲ .. ﺑﺲ ﻣﺎﺍﻫﺘﻤﻴﺖ ﮔﻠﺖ ﺍﻛﻴﺪ ﺑﻌﺪ ﺍﻟﺰﻭﺍﺝ ﺍﺧﻠﻴﻬﺎ ﺗﺤﺒﻨﻲ ﻭﻣﺤﻤﺪ ﻳﺤﺒﻨﻲ ﻫﺬﺍ ﺍﻫﻢ ﺷﻲ .. ﻣﺎﻣﺎ ﮔﺎﻟﺘﻠﻬﺎ ﺍﺳﺄﻝ ﺍﺑﻮﻫﺎ ﻭﻋﻤﺎﻣﻬﺎ ﻭﻧﺮﺟﻌﻠﻜﻢ ﺧﺒﺮ .. ﻭﺻﺪﻭﮒ ﺑﺎﺑﺎ ﺳﺄﻝ ﻋﻠﻴﻬﻢ ﻛﻮﻟﻬﺎ ﺗﻤﺪﺡ ﺑﻴﻬﻢ ﻭﺍﻟﻮﻟﺪ ﻣﺎﻳﺘﻌﻴﺐ ﻭﺍﻧﻲ ﮔﻮﻟﺘﻠﻬﻢ ﻭﻳﺎﻱ ﺑﺎﻟﺠﺎﻣﻌﻪ .. ﺑﺲ ﻣﺎﺑﻴﻨﺘﻠﻬﻢ ﺍﻧﻪ ﻳﺤﺒﻨﻲ ﻭﺍﺣﺒﻪ ..

العضوة: 522131 , 6 years ago

* ﺍﻋﺬﺭﻭﻧﻲ ﻻﻥ ﺩﺍ ﺍﺣﺠﻲ ﺑﺎﻟﺘﻔﺎﺻﻴﻞ ﺑﺲ ﺣﺘﻰ ﺗﺸﻮﻓﻮﻥ ﺍﻟﺤﺐ ﺍﻟﻲ ﻋﺸﺘﻪ ﻗﺒﻞ ﺍﻟﺰﻭﺍﺝ .. ﺭﺟﻌﻨﺎﻟﻬﻢ ﺍﻟﺨﺒﺮ ﺑﻌﺪ ﺛﻼﺙ ﺍﻳﺎﻡ .. ﻭﺍﺟﻦ ﺑﻨﻔﺲ ﺍﻟﻴﻮﻡ ﻣﺤﻤﺪ ﻣﺴﺘﻌﺠﻞ ﻫﻬﻬﻪ .. ﺍﺗﻔﻘﻦ ﻉ ﺍﻟﻤﻬﺮ ﺷﮕﺪ ﻭﺷﻮﻛﺖ ﻣﺸﻴﻪ ﺍﻟﺮﺟﺎﻝ ﻭﺍﻟﺨﻄﻮﺑﻪ ﻛﻞ ﻫﺬﻱ ﺍﻟﺘﻔﺎﺻﻴﻞ .. ﺑﺲ ﺍﻟﺬﻫﺐ ﮔﺎﻟﺖ ﺍﻣﻪ ﺍﺣﻨﻪ ﻧﺸﺘﺮﻳﻪ .. ﻋﺎﺩﻱ ﻭﺍﻓﻘﻨﺎ ﻫﻢ ﻳﺠﻴﺒﻮﻩ ﻭﺍﻛﻴﺪ ﻣﺤﻤﺪ ﻳﺨﺘﺎﺭﻩ ﻉ ﺫﻭﻗﻪ ﻣﺎﺍﻋﺘﺮﺿﺖ ﺑﺲ ﮔﺎﻟﺖ ﺍﻧﻄﻴﻨﻲ ﻣﺤﺒﺲ ﺍﻟﺞ ﺍﻗﻴﺲ ﺍﻟﺤﻠﻘﻪ .. ﮔﻠﺘﻠﻬﺎ ﻋﻤﺘﻪ .. ﻟﻴﺶ ﻫﺎﻟﺨﺒﺼﻪ ﺍﺧﺬﻭﻫﺎ ﻭﻳﺎﻛﻢ ﺗﺸﺘﺮﻱ ﺍﻟﺬﻫﺐ ﺣﺘﻰ ﻳﺼﻴﺮ ﻉ ﺫﻭﻗﻬﺎ ﻭﻉ ﻗﻴﺎﺳﻬﻪ .. ﺑﺲ ﺍﻣﻪ ﺧﺰﺭﺗﻬﺎ ﻭﮔﻠﺘﻠﻬﺎ ﻻﻋﻴﻨﻲ ﺟﺎﺋﺰ ﺍﺑﻮﻫﺎ ﻣﺎﻳﻘﺒﻞ ﻭﺑﻌﺪﻫﻢ ﻣﻤﺨﻄﻮﺑﻴﻦ ﺷﺒﻴﻪ ﺫﻭﻗﻨﺎ ﺍﺣﻨﺎ ﻧﺨﺘﺎﺭﻩ . # ﺷﻤﺲ ﻣﺎﻣﺎ ﻋﺎﺩﻱ ﻣﻌﺘﺮﺿﺖ ﻻﻥ ﻣﺎﺗﻬﺘﻢ ﺑﺎﻟﺸﻜﻠﻴﺎﺕ .. ﺍﻟﻤﻬﻢ ﻋﻨﺪﻫﺎ ﺍﻟﺴﻌﺎﺩﻩ .. ﻭﺍﻧﻲ ﻫﻢ ﻫﻴﺞ ﺗﻔﻜﻴﺮﻱ .. ﺑﺲ ﺑﻌﺪ ﻣﺎﻃﻠﻌﻮﺍ .. ﺳﺄﻟﺘﻨﻲ ﻣﺎﻣﺎ .. ﺍﮔﻠﺞ ﻣﺮﻭﻩ ﻫﺎﻱ ﻋﻤﺘﺞ ﻋﻨﺪﻫﺎ ﺷﻲ ﻭﻳﺎﺝ .. ﺍﺷﻮ ﻣﻦ ﻫﺴﺎ ﻣﺎﺣﺎﺑﺘﺞ .. ﻣﺮﻭﻩ .. ﺻﺎﺭ ﻭﺟﻬﻲ ﺍﺻﻔﺮ .. ﮔﻮﻟﺘﻠﻬﺎ ﻻ ﻣﺎﻣﺎ ﺑﺲ ﻛﻼﻣﻬﻪ ﺻﺤﻴﺢ ﻳﻌﻨﻲ ﺑﻌﺪﻧﺎ ﻣﻤﺨﻄﻮﺑﻴﻦ .. ﻗﺎﻃﻌﺘﻨﻲ ﻣﺎﻣﺎ .. ﻟﺞ ﻣﺮﻭﻩ ﺍﻧﺘﻲ ﻣﻘﺘﻨﻌﻪ ﺑﻬﺬﺍ ﺍﻟﻜﻼﻡ ﺍﺣﻨﺎ ﺗﺮﻯ ﺑﺒﻐﺪﺍﺩ ﻳﻌﻨﻲ ﻫﺬﻱ ﺍﻻﻣﻮﺭ ﻋﺎﺩﻳﻪ ﺍﻫﻞ ﺍﻟﻮﻟﺪ ﻳﺎﺧﺬﻭﻥ ﺍﻟﺒﻨﻴﻪ ﻭﻳﺸﺘﺮﻭﻥ ﺍﻟﺬﻫﺐ ﻭﺗﺨﺘﺎﺭﻩ ﻻﻥ ﻫﻢ ﺷﺒﻪ ﻣﺨﻄﻮﺑﻴﻦ ﻭﺛﺎﻧﻲ ﺷﻲ ﺍﻧﻲ ﻫﻢ ﺍﺭﻭﺡ ﻭﻳﺎﺝ .. ﻳﻌﻨﻲ ﻫﺬﺍ ﺍﻟﻜﻼﻡ ﻣﻮ ﻣﻨﻄﻘﻲ .. ﺍﻧﻲ ﺳﻜﺘﺖ ﻣﺎﺍﻋﺮﻑ ﺷﺄﺣﺠﻲ .. ﻣﺎﻣﺎ ﻣﻦ ﻫﺴﺎ ﺑﺪﺕ ﺗﺸﻚ ﻣﺎﻣﺎ .. ﺍﺷﻮ ﺍﻧﻲ ﻣﺎﺍﺭﺗﺎﺣﻴﺖ ﺍﻟﻬﺬﻱ ﺍﻟﺨﻄﺒﻪ ﻭﻳﻤﻜﻦ ﺍﺳﺘﻌﺠﻠﻨﺎ . ﺍﻧﻲ ﻳﺠﻲ ﺍﺑﻮﺝ ﻭﺍﺣﺠﻲ ﻭﻳﺎﻩ # ﺷﻤﺲ ﺳﺎﺭﻩ ﻣﺎﺍﺗﺤﻤﻠﺖ ﻭﺣﺠﺖ .. ﻣﺎﻣﺎ ﺷﻨﻮ ﺗﺤﺠﻴﻦ ﻭﻳﺎﻩ ﺍﻧﺘﻲ ﺍﻧﻄﻴﺘﻲ ﻛﻠﻤﻪ ﻟﻠﻨﺎﺱ ﻭﺍﻟﻤﺸﻴﻪ ﺗﺤﺪﺩﺕ ﺑﻌﺪ ﺷﻜﻮ ﺗﻜﺒﺮﻳﻦ ﺍﻻﻣﻮﺭ .. ﻣﺎﻣﺎ .. ﺍﺗﺒﺎﻭﻋﺘﻠﻨﺎ .. ﺗﻌﺎﻟﻦ ﺍﺷﻮ ﺍﺣﺲ ﺍﻧﺘﻦ ﺿﺎﻣﺎﺕ ﻋﻠﻴﻪ ﺷﻲ ﺷﻜﻮ ﻭﻣﻮﺍﻓﻘﺎﺕ ﻉ ﻛﻮﻟﺸﻲ ﻗﺒﻠﻨﺎ .. ﻣﺮﻭﻩ .. ﻣﺎﻛﻮ ﺷﻲ ﻣﺎﻣﺎ .. ﺳﺎﺭﻩ . ﺷﻜﻮ ﻳﻌﻨﻲ ﺑﺲ ﺍﻟﻮﻟﺪ ﺣﺒﺎﺏ ﻭﺣﻠﻮ ﻭﻣﺎﻳﺘﻔﻮﺕ .. ﺧﺮﺑﺖ ﺳﺎﺭﻩ ﺍﻟﻮﺿﻌﻴﻪ ﻛﻮﻟﻬﻪ ﻭﺧﻠﺖ ﻣﺎﻣﺎ ﺗﺸﻚ ﺍﻛﺜﺮ ﻣﺎﻣﺎ .. ﺍﺣﺠﻦ ﺷﻜﻮ ﻟﻮ ﺍﺧﻠﻲ ﺍﺑﻮﺟﻦ ﻳﺤﺠﻲ .

العضوة: 522131 , 6 years ago

ﻣﺮﻭﻩ .. ﻻ ﻣﺎﻣﺎ ﺍﻧﻲ ﺭﺍﺡ ﺍﺣﺠﻴﻠﺞ ﻭﺍﺗﺒﺎﻭﻉ ﺍﻟﺴﺎﺭﻩ ﺍﻟﻲ ﺧﺮﺑﺖ ﺍﻟﻮﺿﻌﻴﻪ .. ﻭﺳﻮﻟﻔﺖ ﺍﻟﻤﺎﻣﺎ ﻉ ﻣﺤﻤﺪ ﻭﻫﻮ ﻣﻦ ﺯﻣﺎﻥ ﺭﺍﻳﺪﻧﻲ ﻳﺤﺒﻨﻲ ﻭﺍﻧﻲ ﻣﻘﺘﻨﻌﻪ ﺑﻲ ﺑﺲ ﻣﺎﻛﻠﺘﻠﻬﺎ ﻋﻼﻗﻪ ﺑﻴﻨﺎ .. ﻭﮔﻮﻟﺘﻠﻬﺎ ﻛﻨﺖ ﺩﺍﻳﻤﺎ ﺍﺳﻮﻟﻒ ﺍﻟﺴﺎﺭﻩ ﻋﻠﻴﻪ ﻟﻬﺬﺍ ﺗﻌﺮﻓﻪ .. ﻣﺎﻣﺎ .. ﻳﻌﻨﻲ ﺑﺲ ﻫﻴﺞ .. ﻣﺮﻭﻩ .. ﺻﺪﮔﻴﻨﻲ ﻣﺎﻣﺎ ﻣﺎﻛﻮ ﺷﻲ ﻳﺨﻠﻴﺞ ﺗﺨﺎﻓﻴﻦ . ﺑﺲ ﻻﻥ ﺷﻔﺖ ﻣﺤﻤﺪ ﻫﻮ ﺍﻻﻧﺴﺎﻥ ﺍﻟﻤﻨﺎﺳﺐ ﺍﻟﻲ ﻻﻥ ﺭﺍﺡ ﻳﺼﻴﺮ ﺛﻼﺙ ﺳﻨﻮﺍﺕ ﺑﺎﻟﺠﺎﻣﻌﻪ ﻭﻫﻮ ﻣﺎﻋﻨﺪﻩ ﺍﻱ ﺑﻨﺎﺕ ﺍﻭ ﻣﻦ ﻫﺎﻱ ﺍﻟﺴﻮﺍﻟﻒ .. ﻣﺎﻣﺎ .. ﻣﺮﻭﻩ ﻫﺬﺍ ﻣﺴﺘﻘﺒﻞ ﻭﺣﻴﺎﺓ ﻭﺩﺍ ﺍﺷﻮﻑ ﺍﻣﻪ ﺻﻌﺒﻪ . ﺑﺲ ﺍﺫﺍ ﺗﮕﻮﻟﻴﻦ ﺍﻟﻮﻟﺪ ﺣﺒﺎﺏ ﻓﻬﺬﻱ ﺣﻴﺎﺗﺞ ﻣﻮ ﺗﺠﻴﻦ ﺑﻌﺪﻳﻦ ﻭﺗﮕﻮﻟﻴﻦ ﺍﻟﺤﮕﻮﻟﻲ .. ﻣﺮﻭﻩ .. ﻫﻬﻬﻬﻪ ﻻ ﻣﺎﺍﺟﻲ ﺍﻥ ﺷﺎﺀ ﺍﻟﻠﻪ . ﻭﮔﻤﺖ ﺑﻮﺳﺘﻬﺎ .. ﺍﺟﺖ ﺍﻟﻤﺸﻴﻪ ﻭﺣﺪﺩﻭﺍ ﻳﻮﻡ ﺍﻟﺨﻄﺒﻪ ﻭﻋﻘﺪ ﺍﻟﺴﻴﺪ ﻭﻣﺤﻤﺪ ﻛﻞ ﺳﺎﻋﻪ ﻳﺨﺎﺑﺮ ﻭﻃﺎﻳﺮ .. ﻭﺍﻧﻲ ﺍﻟﻔﺮﺣﻪ ﻣﺴﺎﻳﻌﺘﻨﻲ ﻭﺍﺧﻴﺮﺍ ﺭﺍﺡ ﺍﺻﻴﺮ ﻟﻤﺤﻤﺪ ﻭﻣﺤﻤﺪ ﻳﺼﻴﺮ ﺍﻟﻲ يتبع