صحيت من النوم علي آذان الفجر قومت صليت وقرأت الورد اليومي بتاعي وبدأت أجهز شنطتي مش مصدقه اني خلاص هرجع بيتنا تاني واحشني قوي ووحشتني لمتنا سوا وصوت ماما وحضنها الدافي بتاع بالليل وشقاوه اختي وهزارنا سوا ،
وزعلانه اني خلاص هسيب اسكندريه آخر يوم ليا هنا مش قادره اتصور 4 سنين مروا بالسرعة دي علي فكره اسكندريه كمان هتوحشني قوي جميله بكل تفاصيلها بس للاسف بحكم دراستي مكنتش بقدر اخرج كتير علشان كده قررت اني اخرج انهارده اغير جو واودعها قبل ما اسافر جهزت كل حاجه ليا تقريباً ولقيت تليفوني بيرن .
صباح الخير يا ست الكل .
صباح النور يا حبيبتي.
انا كنت عايزه اكلمك من بدري بس خوفت تقلقي.
لا يا حبيبتي انا صاحيه من بدري اصلا صليت وبجهز شنطتي .
عامله ايه؟ وهتيجي امتي؟ انتي وحشاني قوي يا اشرقت .
هههههههه كل ده يا ماما امال لو مكنتش باجي كل اسبوع والاجازات كنتي هتعملي اي بس علي العموم خلاص هانت كلها ساعات وابقي قدامك بأمر الله .
ياااارب يااارب بقي انتي هتوصلي علي 6 صح .
العضوة: 378864 , 6 years ago
اه يا ماما بأمر الله . ان شاء الله يا حبيبتي توصلي بالسلامه خدي بالك من نفسك. حاضر يا حبيبتي. لا إله إلا الله. محمد رسول الله. كملت تجهيز شنطتي وقفلتها كنا لسه بدري بس كنت عايزة الحق اليوم من اوله وكلمت ندي صاحبتي علشان ننزل سوا زي ما كنا متفقين الو ايه يا بنتي انتي فين كل ده علشان تردي معلش يا اشرقت كنت بجهز الشنطه وخلاص اهو قربت اخلص ، انتي خلصتي ولا ايه؟ اه لسه مخلصه قبل ما اكلمك . طيب انا 5 دقايق وهخلص ابداي البسي بقي. تمام هكلمك لما اخلص . سلام . سلام . غيرت هدومي وقولت انزل اسبقها لحد اما تخلص وشويه وهكلمها تاني انا عارفه ال 5 دقايق بتوعها نزلت استناها تحت بس شوفت واحده شكلها غريب معرفش لي قلبي اتقبض لما شوفتها نظره عنيها ترعب اي حد والغريب انها كانت مركزه معايا انا بالذات استغربتها بس مشغلتش بالي بيها يمكن اكون شبه حد هي تعرفوا في وسط تفكيري لقيت ندي قدامي ايه يا بنتي انتي فين ؟ فين اي ما انا قدامك اهو اصل بكلمك ومش بتردي ها معلش بس تلاقيني سرحت شويه ههههههههه اللي واخد عقلك . ندي وبعدين . خلاص خلاص يلا نشوف هنروح فين.العضوة: 378864 , 6 years ago
خلاص خلاص يلا نشوف هنروح فين. روحنا فطرنا ولفينا شويه واشترينا هدايا والوقت جري بسرعه لقيت ندي بتقولي اشرقت الساعه بقت 12 انا يدوب الحق ارجع تاني علشان معاد القطر بتاعي لازم امشي دلوقتي ودعتها وفعلا هي رجعت وانا كملت ياااااه الساعه بقت 2 انا المفروض ارجع دلوقتي وانا راجعه لقيت نفس الست اللي شوفتها اول ما نزلت انا لي كل اما اشوف الست دي بخاف كده ولي هي بتبص عليا كده واشمعني انا بالذات الفضول خدني خلاني اروح اعرف هي لي بتعمل كده وايه سبب النظره دي ورحت اكلمها بس الغريب مكنش في بصتها وبس لبسها ونظره عنيها نظره الحقيقه مش لاقيه ليها تفسير قربت منها وحاولت ابين اني مش خايفه مع اني كنت مرعوبه سالتها انتي تعرفيني بصتلي وقالت بتسألي ليه قولتلها بصتك ليا من وقت ما نزلت اول مره ودلوقتي قالتلي أنا معرفكيش بس انتِ صعبانه عليا قررت امشي واسيبها انا اصلا متاخره ومش ناقصه وجع دماغ دي شكلها واحده فاضيه واول ما اديتلها ظهري لقيتها ندهت عليا بأسمي مقدرتش اتحرك من مكاني هي ازاي عرفت اسمي ودي اول مره اشوفها لفيت ليها تاني وبصيت لها بصدمه قالتلي تعالي رجعت ليها تاني بس المره دي خوفي اتضاعف اكتر من الاول قالتلي مالك مستغربه اني عرفت اسمك مش كده بصتلها وانا مش قادره اتكلم نظره الغموض اللي في عنيها رهيبه وانا مش عارفه ارد صوتي اتكتم جوايا وضربات قلبي زادت لما لقتني ساكته قالتلي انا سمعت اسمك من صاحبتك اللي كانت معاكي بس ده ميمنعش اني اقدر اعرف عنك حاجات كتير وحاجات ممكن تحصلك المره دي اتكلمت وقولتلها ازاي قالتلي من ايدك هاتي ايدك وانا اثبتلك كلامي خدت ايدي وشافتها وانا كل ده لسه تحت تأثير الصدمه بصت في ايدي كتير وماتكلمتش جيت اشد ايدي منها ضغطت عليها جامد لدرجه حسيت انها هتتكسر وبصتلي وقالتلي انتي عيد ميلادك انهارده عيد ميلادي ايوه هو انهارده بس انا كنت ناسيه قولتها ايوه قالتلي اختك عملالك مفاجأة بس مش هتكمل زي فرحتك بالظبط .شديت ايدي منها المره دي بس اقوي من اللي قبلها لدرجه ان ظافري عور وشها وسيبتها وطلعت اجري مكنتش عارفه انا بجري لي خايفه منها ولا مش عايزة اسمع كلامها اكتر من كده صوتها لسه في ودني مش قادره انسي نظرتها وصوتها طلعت التليفون من الشطنهالعضوة: 378864 , 6 years ago
التليفون من الشطنه وايدي بترتعش وحاولت اطلع صوتي طبيعي علي قد ما اقدر مش عايزة حد فيهم يقلق ولا يخاف انا بس عايزة اطمن عليهم كلمتهم في البيت الحمد لله مفيش حاجه بس ثانيه كده هي قالتلك فرحتك مش هتكمل معقول معقول تكون قصداه هو يارب اكيد لا دي كدابه مش هصدق كلامها مسكت التليفون وطلعت رقموا وانا مش قادره حتي اخد نفسي مش قادره مجرد فكره ان يحصله حاجه دي موت بالنسبه ليا طلعت رقمه واتصلت بيه اول مارد عليا كنت منهاره معرفتش اتكلم فضلت اعيط وبس فضل يهديني ومكنش فاهم مني ولا كلمه بس مجرد صوته اني سمعاه ده طمني بدات اتكلم معاه بس مقدرتش احكي حاجه عن اللي حصل قولته اني كنت خايفه وبس عمر مش بيحتاج لاسباب ، كفايه اني عارفه ان هو الوحيد اللي بيتحملني في كل حلاتي وقبل ما اقفل معاه الخط قطع لوحده كلمته تاني بس للاسف مقفول خوفي رجع بس كنت بطمن نفسي اكيد مش هصدق كلام زي ده بس الاغرب من كل ده ان محدش كلمني في الطريق ولما وصلت ملقتش عمر مستنيني زي كل مره كلمتهم كلهم ومحدش بيرد روحت البيت وانا مرعوبه وفتحت باب الشقه وكانت الصدمهالعضوة: 378864 , 6 years ago
جزء٢ دخلت الشقه بس كان البيت كله ضلمه فتحت النور ودخلت فضلت انده عليهم ومحدش رد مكنش في حد ، بس الصدمه الحقيقيه لما دخلت ولقيت تجهيزات لعيد ميلادي صورتي المتعلقه واسمي اللي مكتوب علي الحيطه والزينه في كل مكان ، وقتها سمعت صوتها في ودني تاني ، أختك عملالك مفاجأة بس مش هتكمل ، دي تاني حاجه قالتلي عليها وطلعت صح أولها عيد ميلادي ودلوقتي المفاجأة قلبي أتقبض جامد وقتها مش عارفه ايه اللي ممكن يحصل دلوقتي ومش فاهمه اي حاجة بس اللي متأكده منه دلوقتي أن (عمر) في حاجه . في نفس الوقت تليفوني رن كان عموا (سالم) رديت عليه و أول حاجه قولتها له : عمر في حاجه مش كده . رد عليا وهو بيعيط جامد وقالي: ( عمر ) عمل حادثه وأحنا دلوقتي في المستشفي هو دخل العمليات من شويه ولسه منعرفش عنه حاجه . كل كلمه كان بيقولها كانت بالنسبالي زي الصاعقه . قالي علي اسم المستشفي وقفل ، جريت زي المجنونه كنت عايزة اسبق الزمن عايزه أشوفوا وأكلموا عايزة اطمنوا زي ما كان بيطمني دايماً عايزة اقولوا اني معاه ومش هسيبوا مهما حصل .وصلت المستشفي وشوفتهم واقفين هناك بس شكلهم ميطمنش أبداً . ومع كل خطوه كنت بقرب كنت بموت فيها ألف مره ، أمي واقفه بتعيط جامد وأختي حضناها وعموا (سالم )قاعد علي الكرسي وبيعيط ، جريت عليهم ، في ايه (عمر) فين ؟ أختي بصتلي والدموع في عنيها ومردتش عليا وكأنها عايزة توصلي رساله لسانها مش قادر ينطقها. صرخت فيها بقولك (عمر) فين مبترديش عليا ليه ، ردت عليا بصوت مبحوح من كتر العياط (عمر) مات يا اشرقت (عمر) خلاص مبقاش معانا .العضوة: 378864 , 6 years ago
بصوت مبحوح من كتر العياط (عمر) مات يا اشرقت (عمر) خلاص مبقاش معانا . صرخت فيها أكتر انتِ كدابه (عمر) لسه عايش وكان مكلمني (عمر) لسه موجود هو وعدني انوا مش هيسيبني أبداً أبعدي عني فضلت اصرخ وأنا مش حاسه بحد فيهم ، اصوات كتيره حواليا وأنا مش سامعه حد ولا شايفه حد ورجع صوتها تاني يتردد في ودني فرحتك مش هتكمل . حسيت الدنيا بتلف بيا جامد وآخر صوت سمعتوا صوت ماما وهي بتصرخ وبتنده عليا لما فوقت كنت في بيتنا معرفش أنا وصلت هناك أزاي ولا فاكره اي حاجه اصلا فضلت قاعده في أوضتي 3 أيام بتوع العزاء مكنتش عايزة اشوف حد ، ولا عايزه حد يواسيني أنا لحد دلوقتي مش قادره أصدق أن كل ده حصل ، كل ذكرياتي معاه مرت قدامي كان حب عمري أنا محبتش حد زي ما حبيته ، لا أنا محبتش غيروا اصلا ، هو كان اول كل حاجه فى حياتي حب 10 سنين مش قادره اتخيل انوا مبقاش معايا كل اللي حواليا بيقنعوني بده عايزني أتقبلوا وأكمل محدش فيهم حاسس اللي انا حاسه بيه . الأيام بتعدي وراء بعضها فات أسبوعين وكل يوم بيمر عليا اسوء من قبلوا ، مفيش حاجه في حياتي بقي ليها معني مكنتش بتكلم مع حد حتي في البيت دايماً قاعده في اوضتي لحد أما جت سلمي خبطت عليا ودخلت ولقيتها بتقولي عموا (سالم) عايز يشوفك ، غيرت هدمي وخرجت لقيتوا قاعد علي الكرسي بتاع (عمر ) المفضل كان دايماً بيحب يقعد في المكان ده دخلت سلمت عليه وقعدنا قالي أزيك يا بنتي؟ سكت الحقيقه اني مكنتش عارفه ارد المفروض اني اقول كويسه بس انا مش كويسه مش كويسه أبداً ولا عارفه ابقي كويسه الحقيقه ان السؤال ده معظم الناس بتكدب فيه ده لو مكانش كلهمالعضوة: 378864 , 6 years ago
و علي قد ما السؤال بسيط بس اجابتوا صعب تتشرح لما لقاني سكت ومش عارفه ارد كمل وقالي :أنتِ عارفه اني بعزك زي بنتي ومعزتك من معزه (عمر) الله يرحموا بس أنتِ كده بتأذي نفسك وبتأذي اللي حواليكي كمان مامتك كلمتني وهي منهاره طلبت مني أتكلم معاكي علشان عارفه أنك هتسمعي كلامي وأنا مقدرش أرفض طلبها ده وعشان كده مش عايزك تخذليني أوعديني أنك تكوني أحسن أنا عارف أنها صعبه عليكي بس هي صعبه عليا أنا كمان ويمكن أكتر منك بكتير (عمر) كان أبني وصاحبي وأخويا فراقه عليا مش بالساهل (عمر) كسر ظهري كنت بحمد ربنا واقول( عمر) الحاجه طلعت بيها من الدنيا كنت مطمن يوم ما أموت هلاقي اللي يدفني بس قدر ربنا خلاني ادفنوا انا بأيدي ولسه بقول الحمد لله ده قدر ربنا وأحنا مؤمنين بقضاء الله ، أنا مش بقولك كده علشان حد بس لو كان( عمر) موجود أكيد مكنش هيرضي بكده . بس أنا فعلاً بسمع صوتوا كل يوم عمر معايا لسه . ليه محدش فيكوا مصدقني حتي حضرتك مش مصدقني زيهم ولا فاكرني مجنونه . يابنتي محدش قال كده بس أنتِ علشان اعصابك تعبانه ، اسمعي كلام مامتك وروحي للدكتور . أنا أسفه يا عمي لأني لأول مره بخذلك بس انا مش هروح لدكاتره ومدام محدش مصدقني يبقي علي الاقل متكدبونيش . رجعت أوضتي تاني وفضلت اعيط كتير محدش فيهم عايز يفهمني وخلاص كلهم مقتنعين أني اتجننت خلاص.العضوة: 378864 , 6 years ago
كتير محدش فيهم عايز يفهمني وخلاص كلهم مقتنعين أني اتجننت خلاص. نمت بعد ما تعبت من كتر العياط ، وسمعت صوتوا ايوه ده صوتوا هو (عمر) أنا سمعاه دلوقتي ، بس اللي مستغرباه اني سمعاه ومش عارفه اتكلم وحاسه بيه جمبي وماسك ايدي بس مش شيفاه كل مره بيكلمني فيها بكون مش شيفاه ولا عارفه ارد بس مش مهم المهم اني سمعاه . اشرقت خليكي معايا علشان خاطري أنا مش هقدر أكمل من غيرك بقالي اسبوعين كل يوم باجي أتكلم معاكي علي أمل أنك تفوقي وتكلميني كل اللي حواليا بيقولوا كده خلاص بس انا مش مصدقهم ولا عايز أصدقهم محدش فيهم عارف ولا فاهم أنتِ ايه بالنسبه ليا علشان خاطري فوقي بقي اديني اي إشارة اي علامه تديني أمل أنك هترجعيلي ، يارب هي اكتر حاجه اتمنيتها من الدنيا دي ، يارب متخدهاش مني رجعهالي يارب وحسيت بأيده بتضغط علي أيدي صوابعي اتحركت حركه خفيفه وفتحت عيني لقيت ضوء شديد قفلتها تاني بسرعه ورجعت فتحتها ببطء شوفت (عمر) قاعد جمبي علي الكرسي وماسك أيدي وعلي وشه ابتسامه وقالي أشرقت حبيبتي أنتِ فوقتي حمد لله على سلامتك ألف حمد وشكر ليك يارب .العضوة: 656126 , 6 years ago
😭😭 كملي حبيبتيالعضوة: 656126 , 6 years ago
رفعالعضوة: 378864 , 6 years ago
جزء٣__ خرج الدكتور و (عمر) رجع قعد جمبي تاني . -(عمر) هو ايه اللي حصل ؟ -أنتِ مش فاكره حاجه ؟ سكت شويه وحاولت افتكر آخر حاجه حصلت لكن للأسف مفتكرتش أي حاجه رديت عليه وقلتلوا -مش فاكره حاجه ؟ -أنتِ عملتي حادثه ودخلتي في غيبوبه بقالك أسبوعين . – طب ايه اللي حصل وأنا عملت الحادثه دي أزاي طب ماما وأختي فين حد فيهم كان معايا هما كويسين ؟ -اهدي يا أشرقت طنط و(سلمي) بخير الحمد لله ، أنا كلمتهم وكلهم جايين دلوقتي . -طيب فهمني ايه اللي حصل؟ -أنتِ كلمتيني يوم رجوعك من اسكندرية وكنتي منهاره وبتعيطي جامد أنا مفهمتش وقتها في أيه بس كل اللي قدرت اعملوا اني اهديكي وفي وسط كلامك قولتي أنك خايفه بس ملحقتش أعرف من ايه لأن وقتها سمعت صوت عربيه وصوت صرختك وبعدها الخط اتقطع كنت زي المجنون مش عارف أوصلك ولا عارف ايه اللي حصل كلمتك كتير وكان تليفونك مقفول لحد أما كلموني من المستشفي جبت مامتك وأختك وجينا علي هنا وده كل اللي حصل ، مع كل كلمه كان بيقولها كانت الأحداث بتمر قدامي وافتكرت وقتها كل حاجه حصلت يوم الحادثه من أول ما صحيت لحد المكالمه وصوتها رجع تاني يتردد في ودني ، كنت عايزة احكي اللي حصل بس معرفش ايه اللي وقفني وفي وسط افكاري لقيت ماما و(سلمي) وعموا (سالم) دخلوا يطمنوا عليا ماما فضلت حضناني مده وهي بتعيط مكنتش عارفه تتكلم خلت كل الموجودين يعيطوا معاها حتي انا كمان . -خلاص يا ماما والله انا بخير وكويسه. -مكنتش مصدقه اني مش هشوفك تاني ، ألف حمد وشكر ليك يارب . عمي (سالم) اتكلم وقالي : -حمد لله علي سلامتك يا بنتي . -الله يسلمك يا عمي. -خلاص يا جماعه أنتوا قلبتوها دراما ليه كده وبعدين كلكوا سلمتوا عليها إلا أنا وأنا يعني مليش نفس زيكوا ولا انا بنت البطه السوده . – انتي مش هتبطلي لماضه بقي يابت انتي . -بقي كده يا ماما طب اوعي بقي كده لو سمحت ، حضنتني وقالت وحشتيني قوي يا شوشي البيت وحش قوي من غيرك مكنتش عارفه اني بحبك قوي كده ربنا يخليكي ليا . -ويخليكي ليا يا حبيبتي . -أشرقت في ظابط مستني بره عايز ياخد اقوالك بخصوص الحادثه بس لو مش قادره دلوقتي انا ممكن اعتذر منه . -لا يا (عمر) انا كويسه . -تمام هروح انده عليه ، خرج (عمر) ودخل هو والظابط ، -السلام عليكم . – وعليكم السلام. -حمد لله على سلامه حضرتكالعضوة: 378864 , 6 years ago
شوفت (عمر) قاعد جمبي علي الكرسي وماسك أيدي وعلي وشه ابتسامه وقالي أشرقت حبيبتي أنتِ فوقتي حمد لله على سلامتك ألف حمد وشكر ليك يارب ، أنا كنت هتجنن عليكي ، -أنتِ كويسه حاسه بحاجه ؟ أتكلمت بصوت مش واضح قولتلوا أنا فين ؟ قالي استني متتكلميش هروح أنادي الدكتور خرج بسرعه ورجع ومعاه دكتور وممرضه وأنا كل ده مش عارفه أستوعب أيه اللي حصل لقيت الدكتور بيتكلم وعلي وشه ابتسامة -حمد لله على سلامتك أحنا كنا بنقول كده خلاص بس اللي حصل ده معجزه وحقيقة أستاذ (عمر) هو الوحيد اللي مفقدش الأمل فينا بس متنسوش بقي تعزموني علي الفرح ، – رد عليه (عمر) :أكيد طبعاً . – طيب بعد إذنكم وحمد الله علي سلامتك مره تانيه . – متشكره .العضوة: 378864 , 6 years ago
حمد لله على سلامه حضرتك . – الله يسلمك متشكره . -أنا مش هاخد من وقتك كتير أنا عارف انك لسه في فتره نقاهه هسألك بس كام سؤال كده بخصوص الحادثه علشان نقفل المحضر بس بعد إذنكم يا جماعه أنا عايز اتكلم معاها علي انفراد . -طب ممكن (عمر) يفضل. بص لعمر وبصلي وقال : -مفيش مشكله. وبعد ما خلص الظابط وخرج (عمر) قالي:أنتِ ليه اترددتي وانتي بتقولي انك مش بتتهمي حد بالحادثه زي ما يكون في حاجه مش عايزة تقوليها . -أشرقت هو في حاجه. -هيكون في ايه بس يا (عمر) . -معرفش أنا اللي بسألك. -لا مفيش حاجه . -طيب أنا همشي دلوقتي وهسيبك ترتاحي . خرج (عمر) وفضلت أفكر في كل اللي حصل من يوم الحادثه لحد دلوقتي للأسف مش لاقيه اي تفسير نمت من كتر التعب وصحيت تاني يوم لقيت .العضوة: 378864 , 6 years ago
جزء__٤/ صحيت تاني يوم لقيت عمر قدامي بيقولي -صباح الخير. -صباح النور. -عامله ايه انهارده ؟ -الحمد لله أحسن كتير. فضل باصص عليا من غير ما يتكلم وكانت علي وشه أروع ابتسامه . -ايه بتبصلي كده ليه! -مش عارف يمكن بملي عيني منك تعرفي أنا كنت دايماً بقول اني بحبك بس اللي حصل ده خلاني اتأكد اني عديت مرحله الحب بكتير أنا كنت بموت في اليوم ألف مره من غيرك . رديت عليه بخضه معرفش ليه افتكرت اللي حصل . -بعد الشر عنك متقولش كده تاني . -الله خايفه عليا . -أكيد يعني أنا لو مش هخاف عليك هخاف علي مين . -الله ده حب بقي😂 في الوقت ده دخلت سلمي : الله عمر انت هنا . -حسبي الله ونعم الوكيل . -بتحسبن علي مين كده . -علي حد في بالي أنا خارج . -ههههههههههههههه. -ايه ده هو في ايه وانتي بتضحكي علي ايه. -عارفه يا سلمي لما تكوني بتتفرجي علي فيلم حلو وفجأة تلاقي فاصل ونعود . – اه . -ده مش الفاصل يا حبيبتي ده انتي . – بقي كده طيب يا أشرقت انا الحق عليا كنت جيبالك خبر انما ايه . -خبر ايه ده بقي. -مش هقولك . -بطلي رخامه بقي. -امري لله لو مكنش قلبي طيب بس ، بصي يا ستي انا سمعت عمر انهارده بيقول لماما انه عايز يقدم معاد كتب الكتاب بس كان باين عليه مستعجل معرفش ليه عايز يكتبوا في أقرب وقت . -طب ماما قالتلوا ايه ؟ -للأسف ملحقتش اسمع الزفت محمود ده جه خضني منوا لله ، انا عارفه هو صاحبه ازاي عيل بارد . -هههههههه يا بنتي ده بيحبك . -بيحبني ايه بس انا مش هتجوز إلا لو لقيت حد بيحبني زيك انتي وعمر كده ، ده كل اللي هنا بيحسدوكي عليه. -قل اعوذ برب الفلق . -هههههههههه لا لا انا مش بحسد انا بقر بس . -طيب يا ناصحه روحي بقي شوفيلي الدكتور فين . -ليه انتي تعبانه .العضوة: 378864 , 6 years ago
-ليه انتي تعبانه . -لا بس عايزه اعرف انا هخرج امتي ؟ انا زهقت قوي . -خلاص هانت بكره ان شاء الله هتخرجي . -مين اللي قالك . -ماما سألتوا انهارده وقلها كده . -أخيراً بقي ، طيب اخرجي بقي عايزة انام ، خرجت سلمي بس كلامها لسه في بالي عمر ليه عايز يقدم المعاد ايه اللي حصل خلاه ياخد القرار ده احنا كنا متفقين انوا آخر الشهر وليه مقليش ياربي بقي كل اما اخلص من حاجه الاقي حاجه ، عدي اليوم وتاني يوم عمر جه خدني من المستشفي علشان اروح بس مكنش بيتكلم معايا زي ما اتعودت كان شكلوا في حاجه متغيره روحنا البيت وهو مشي واليوم مر عادي لحد اما جه تاني يوم وكان وشه متغير وقالي : -اشرقت في حاجه مهمه ولازم اعرفها منك دلوقتي.العضوة: 378864 , 6 years ago
جزء ٥ -(أشرقت) في حاجه مهمه ولازم اعرفها منك دلوقتي، أنا محبتش أتكلم فيها وأنتِ في المستشفي وكنت مستني ترجعي البيت وتكون أعصابك هديت شويه . -خير يا(عمر) في أيه. -لما كلمتيني يوم الحادثه ، قولتلي أنك خايفه ، ولما الظابط كان بيسألك شوفت نظره خوف في عنيكي ، أيه اللي حصل هناك خلاكي تخافي كده. -سكت شويه مكنتش عارفه أقول ايه كنت خايفه ميصدقنيش أنا أصلاً مش مصدقه كل اللي حصل لحد دلوقتي. -ساكته ليه. -لو قولتلك هتصدقني . مسك ايدي وقالي متخافيش أنا سامعك وقبل ما تقولي أي حاجه أنا مصدقك كلامه طمني بدأت احكي كل اللي حصل من أول ما نزلت لحد أما كلمته خلصت كلامي ولقيته باصص ليا بتركيز وساكت – ساكت ليه ، مش مصدقني صح . -بالعكس أنا مصدقك ، بس مش قادر أصدق أنك صدقتي الخرافات دي. -عمر أنا مصدقتهاش بس كنت خايفه. -وخوفك ده معناه أنك صدقتيها. -سكت معرفتش أرد عليه مش لاقيه مبرر لكل اللي حصل يمكن أكون صدقتها مش عارفه ، لما سكوتي طال لقيته بيقولي : -واللي يثبتلك دلوقتي أنها كدابه في كل اللي قالته. -أزاي ؟ – أنا طلبت من مامتك أننا نقدم معاد كتب الكتاب وهي موافقه بس انا كنت مستني تخرجي من المستشفي علشان نتفق علي معاد وبصراحه كنت عايز أعملهالك مفاجأة وأهو جه وقتها. -(عمر) أنت بتقول ايه أنت شايف أن ده وقته، مش شايف وشي عامل أزاي وأيدي ولا عايز الناس تيجي تتفرج عليا. -ايه اللي أنتِ بتقوليه ده ، أنتِ سامعه نفسك بتقولي ايه .