ﺭﻣﻮﺳﻪ ﻳﻌﻤﺮﻱ .. ﻟﻴﺶ ﺑﻌﺪﺗﻲ ﻋﻨﻲ ﻭﺗﺮﻛﺘﻴﻨﻲ ﻫﻴﺞ ﻫﺎﻧﺖ ﺍﻟﻌﺸﺮﻩ ﻋﻠﻴﺞ ﻫﺬﺍ ﻭﻋﺪﺝ ﺍﻟﻲ ﻣﻮ ﮔﻠﺘﻲ ﺣﺘﻰ ﺍﻟﻤﻮﺕ ﻣﺎﻳﻔﺮﻗﻨﺎ .. 😒 ﻭﺑﺪﻳﺖ ﺍﻏﻨﻴﻠﻬﺎ ‏( ﺫﺑﺤﻨﻲ ﺍﻟﺸﻮﮒ ﺑﻐﻴﺎﺑﻚ .. ﻟﻴﺎﻟﻲ ﺍﻟﺸﻮﮒ ﺑﻐﻴﺎﺑﻚ ﺧﺬﺗﻨﻲ .. ‏) . ﺍﻟﺴﻼﻡ ﻋﻠﻴﻜﻢ .. ﺍﺳﻤﻲ ﻓﻬﺪ .. ﺍﻭﻝ ﻣﺮﻩ ﺣﺘﺠﺮﺃ ﻭﺍﺳﻮﻟﻒ ﻗﺼﺘﻲ .. ﻻﻥ ﻗﺼﻪ ﻣﺜﻞ ﻫﺎﻱ ﻣﺎﺍﮔﺪﺭ ﺍﺧﺒﻴﻬﺎ .. ﺍﻧﻲ ﺍﺳﺘﺎﺫ ﺑﻜﻠﻴﻪ ﺍﻟﺤﻘﻮﻕ ﻣﻦ ﻋﺎﺋﻠﻪ ﻣﺘﺮﻓﻪ ﻣﻦ ﻧﺎﺣﻴﻪ ﺍﻟﻤﻌﻴﺸﻪ ﺍﻟﻮﺣﻴﺪ ﺍﻻﻫﻠﻲ .. ﻋﻤﺮﻱ 34 ﺳﻨﻪ ﺍﻋﻴﺶ ﺑﺒﻐﺪﺍﺩ ﻋﻨﺪﻱ ﺛﻼﺙ ﺍﺧﻮﺍﺕ ﺍﺛﻨﻴﻦ ﺍﻛﺒﺮ ﻣﻨﻲ ﻭﻣﺘﺰﻭﺟﺎﺕ ﻭﻭﺣﺪﻩ ﺍﺻﻐﺮ ﻣﻨﻲ ﻋﻤﺮﻫﺎ 30 ﺍﺳﻤﻬﺎ ﺻﺒﺎ .. ﻓﺘﺮﻩ ﻣﺮﺍﻫﻘﺘﻲ ﻛﺎﻧﺖ ﻣﻠﻴﺎﻧﻪ ﻣﻐﺎﻣﺮﺍﺕ ﻭﺣﺘﻰ ﻭﺍﻧﻲ ﻃﺎﻟﺐ ﺑﺎﻟﻜﻠﻴﻪ .. ﻣﺨﻠﻴﺖ ﺑﻨﻴﻪ ﻣﺼﺎﺩﻗﺘﻬﺎ ﻻﻥ ﺍﻟﺒﻨﺎﺕ ﻛﻮﻟﻬﻢ ﻣﻌﺠﺒﻴﻦ ﺑﻴﻪ ﻣﺎﻛﻮ ﻭﺣﺪﻩ ﺍﺭﻳﺪ ﺍﺭﺗﺒﻂ ﺑﻴﻬﺎ ﻭﺗﮕﻮﻟﻲ ﻻ .. ﻃﺒﻌﺎ ﻣﻮﺍﺻﻔﺘﻲ .. ﺟﻨﺘﻞ ﻣﺎﻥ 😉 ﻃﻮﻳﻞ ﻋﻴﻮﻧﻲ ﻛﺒﺎﺭ ﺷﻌﺮ ﺍﺳﻮﺩ ﻭﻃﻮﻳﻞ ﻋﻨﺪﻱ ﺷﻮﺍﺭﺏ ﻫﻲ ﺍﻟﻲ ﻣﺨﻠﻴﺘﻨﻲ ﻣﻤﻴﺰ ﺟﺴﻢ ﺭﻳﺎﺿﻲ .. ﻳﺸﺒﻬﻮﻧﻲ ﺩﺍﺋﻤﺎ ﺑﺒﻮﺭﺍﻙ ﺍﻟﺘﺮﻛﻲ .. ‏( ﺑﺎﻟﻲ ﺑﻴﻚ ‏) .. ﺑﺲ ﺭﻏﻢ ﻫﺬﺍ ﻛﻮﻟﻪ ﺍﻧﻲ ﻛﻨﺖ ﺫﻛﻲ .. ﺑﺤﻴﺚ ﻛﻞ ﺳﻨﻪ ﺍﻃﻠﻊ ﺍﻻﻭﻝ ﻉ ﺍﻟﺪﻓﻌﻪ ﻣﺎﻟﺘﻲ .. ﺍﻟﻰ ﺍﻥ ﺗﺨﺮﺟﺖ ﻭﺑﺴﺮﻋﻪ ﺗﻌﻴﻨﺖ ﻣﻌﻴﺪ ﻭﺑﻌﺪﻫﺎ ﻛﻤﻠﺖ ﻣﺎﺟﺴﺘﻴﺮ ﻭﺻﺮﺕ ﺍﺳﺘﺎﺫ ﺑﺎﻟﻜﻠﻴﻪ ﻣﺎﻟﺘﻲ ﻧﻔﺴﻬﺎ .. ﻭﻛﺜﺮﺕ ﻣﻌﺠﺒﺎﺗﻲ .. ﻭﺑﻴﻮﻡ ﺩﺍ ﺍﺷﺮﺡ ﺑﺎﻟﻤﺤﺎﺿﺮﻩ .. ﺩﻕ ﺩﻕ ‏( ﺍﻟﺒﺎﺏ ﻧﺪﮔﺖ ‏) ﺍﻧﻲ .. ﺗﻔﻀﻞ ﻭﺩﺧﻠﺖ ﻭﺣﺪﻩ ﺳﺒﺤﺎﻥ ﺍﻟﺨﺎﻟﻖ .. ﻃﻮﻝ ﻭﺭﺷﺎﻗﻪ ﻭﺟﻤﺎﻝ ﻭﻋﻴﻮﻥ ﻣﻠﻮﻧﻪ ﻭﻣﺤﺠﺒﻪ ﻋﺒﺎﻟﻚ ﻣﻼﻙ .. ﺍﻧﻲ ﺑﺬﻫﻮﻝ .. ﺗﻔﻀﻠﻲ ﺭﺍﻳﺪﻩ ﺷﻲ ﻫﻲ .. ﺍﻟﻌﻔﻮ ﺍﺳﺘﺎﺫ ﺍﻧﻲ ﺍﺟﻴﺖ ﺍﺳﺘﻀﺎﻓﻪ ﻣﻦ ﺍﻟﺒﺼﺮﻩ .. ﺍﻧﻲ .. ﻟﻴﺶ ﻫﻮ ﺍﻛﻮ ﺑﺎﻟﺒﺼﺮﻩ ﻫﻴﺞ ﺣﻠﻮﻳﻦ . ﺍﻟﻄﻼﺏ ﻛﻮﻟﻬﻢ 😂😂😂 ﻫﻲ ﺧﺠﻠﺖ ﻭﻋﺼﺒﺖ ﻭﺻﺎﺭﺕ ﺣﻤﺮﻩ .. ﺍﻧﻲ .. ﺗﻔﻀﻠﻲ ﺍﻫﻼ ﻭﺳﻬﻼ ﺑﻴﺞ .. ﺭﺣﺒﻮﺍ ﻛﻞ ﺍﻟﻄﻼﺏ ﺑﻴﻬﺎ ﻭﮔﻌﺪﺕ ﻳﻢ ﺑﻨﻴﻪ ﺍﻟﻀﺎﻫﺮ ﺗﻌﺮﻓﻬﺎ ﺍﺳﻤﻬﺎ ﻣﺮﻭﻩ ﻻﻥ ﺍﻳﺘﺴﻤﺖ ﻣﻦ ﺷﺎﻓﺘﻬﺎ .. ﮔﻮﻟﺘﻬﺎ ﻣﻤﻜﻦ ﻧﻌﺮﻑ ﺍﺳﻤﺞ .. ﻫﻲ ﺑﺨﺠﻞ .. ﺭﻳﻤﺎﺱ .. ﺭﻳﻤﺎﺱ .. ﻫﻼﻭ ﺣﺒﺎﻳﺐ ﻃﺒﻌﺎ ﻋﺮﻓﺘﻮﺍ ﺍﺳﻤﻲ ﻫﺴﺎ ﺍﻋﺮﻓﻜﻢ ﻋﻦ ﻧﻔﺴﻲ .. ﺍﻧﻲ ﻋﻤﺮﻱ 20 ﺳﻨﻪ ﺍﻧﺘﻘﻠﺖ ﻣﻦ ﺍﻟﺒﺼﺮﻩ ﻟﺒﻐﺪﺍﺩ ﻣﺮﺣﻠﻪ ﺛﺎﻧﻴﻪ .. ﺑﺎﺑﺎ ﻋﻨﺪﻩ ﻣﻌﺎﺭﻑ ﻭﮔﺪﺭ ﻳﺴﻮﻟﻲ ﺍﺳﺘﻀﺎﻓﻪ ﻻﻥ ﺍﻫﻠﻲ ﺍﻧﺘﻘﻠﻮﺍ ﺍﻟﺒﻐﺪﺍﺩ ﺑﺤﻜﻢ ﺷﻐﻠﻪ ﻫﻮ ﺗﺎﺟﺮ ﻭﺷﻐﻠﻪ ﻛﻮﻟﻪ ﺑﺒﻐﺪﺍﺩ ﻭﻣﺮﺗﻴﻦ ﺳﻮﻩ ﺣﺎﺩﺙ ﻭﺍﻧﺘﻘﻠﻨﺎ ﻃﺒﻌﺎ ﺑﺎﺑﺎ ﺣﺐ ﻣﺎﻣﺎ ﺣﺐ ﺍﺳﻄﻮﺭﻱ .. ﻣﺎﻣﺎ ﻣﻦ ﺍﻟﺒﺼﺮﻩ ﻫﻢ ﺍﻗﺮﺑﺎﺀ ﻣﻦ ﺑﺒﻌﻴﺪ ﻭﺷﺎﻓﻬﺎ ﺑﻔﺎﺗﺤﻪ ﻭﻣﻮﺕ ﻧﻔﺴﻪ ﻋﻠﻴﻬﺎ .. ﻭﻣﻘﺒﻠﻮﺍ ﻳﻨﻄﻮﻫﻴﺎ ﻻﻥ ﻫﻲ ﺍﻟﻮﺣﻴﺪﻩ ﻉ ﺍﺭﺑﻊ ﻭﻟﺪ ﻣﺜﻠﻲ ﻭﺧﺎﻓﻮﺍ ﺗﺒﻌﺪ ﻋﻨﻬﻢ ﻭﻣﺎﻧﻄﻮﻫﻴﺎ ﺍﻻ ﻟﻤﻦ ﻗﺒﻞ ﻳﮕﻌﺪ ﻭﻳﺎﻫﺎ ﺑﺎﻟﺒﺼﺮﻩ .. ﺑﺎﺑﺎ ﻛﻮﻟﺶ ﺣﻠﻮ ﺍﻧﻲ ﺍﺷﺒﻬﻪ ﻣﺎﻣﺎ ﻫﻢ ﺣﻠﻮﻩ ﺑﺲ ﻣﻮ ﻣﺜﻞ ﺑﺎﺑﺎ 😂 ﺑﺂﺧﺮ ﺣﺎﺩﺙ ﺍﻟﺒﺎﺑﺎ ﺍﻫﻠﻲ ﺧﺎﻓﻮ ﻋﻠﻴﻪ ﻭﻗﺮﺭﻧﺎ ﻧﺮﺟﻊ ﺍﻟﺒﻐﺪﺍﺩ ﺍﻟﻤﻮﻃﻦ ﺑﺎﺑﺎ ﺍﻻﺻﻠﻲ 😂😂 ﺍﺧﻮﺍﻧﻲ ﻛﻮﻟﻬﻢ ﻳﺸﺘﻐﻠﻮﻥ ﻭﻱ ﺑﺎﺑﺎ ﻣﺎﻛﻮ ﻭﺍﺣﺪ ﺑﻴﻬﻢ ﻭﺍﺻﻞ ﺑﺎﻟﺪﺭﺍﺳﻪ ﻟﻬﺬﺍ ﻳﻐﺎﺭﻭﻥ ﻣﻨﻲ ﻣﻦ ﺑﺎﺑﺎ ﻳﺪﻋﻠﻨﻲ ﻭﻳﻌﻴﺮﻫﻢ ﺑﻴﻪ ﻳﮕﻮﻟﻬﻢ ﺑﺲ ﺭﻣﻮﺳﻪ ﺭﻓﻌﺖ ﺭﺍﺳﻲ ﺑﻴﻜﻢ 😂😂 ﻫﻢ ﻳﻀﻮﺟﻮﻥ ﺑﺲ ﺣﻤﻮﺩﻱ ﻓﺪﻳﺘﻪ ﺍﻛﺒﺮ ﻣﻨﻲ ﺑﺴﻨﻪ ﻫﺬﺍ ﺻﺪﻳﻖ ﻣﻮ ﺍﺧﻮ .. ﻭﺍﻟﻜﺒﺎﺭ . ﻋﻠﻲ ﻭﺣﻴﺪﺭ ﻭﻛﺮﺍﺭ .. ﻭﺍﺣﻤﺪ ﺍﻟﺼﻐﻴﺮ .. ﻭﺍﺳﻮﺃﻫﻢ ﺣﻴﺪﺭ ﻳﺤﺎﺳﺒﻨﻲ ﻉ ﻟﺒﺴﻲ ﻭﻉ ﻛﻮﻟﺸﻲ ﻋﻮﺩ ﻫﻮ ﻣﺘﺪﻳﻦ ﻭﻛﺬﺍ . ﺑﺲ ﺑﺎﺑﺎ ﺣﺒﻴﺒﻲ ﺩﺍﻳﻤﺎ ﻳﺮﺯﻟﻪ ﻻﻥ ﻳﻌﺮﻓﻨﻲ ﻣﺎﺍﺳﻮﻱ ﺍﻟﺨﻄﺄ ﻭﺍﻧﻲ ﻣﺤﺠﺒﻪ ﻭﻟﺒﺴﻲ ﻣﺤﺘﺸﻢ .. ﻣﺎﺍﻃﻮﻝ ﻋﻠﻴﻜﻢ . ﺍﻭﻝ ﻳﻮﻡ ﺩﺍﻭﻣﺖ ﺩﮔﻴﺖ ﺍﻟﺒﺎﺏ .. ﻭﮔﻠﻲ ﺍﻻﺳﺘﺎﺫ ﺗﻔﻀﻠﻲ .. ﺷﻔﺘﻪ ﺣﻠﻮ ﻭﺻﺪﻭﮒ ﺟﻨﺘﻞ .. ﺑﺲ ﻫﻮ ﺣﺮﺟﻨﻲ ﻣﻦ ﮔﻠﻲ ﻫﻴﺞ ﺍﻟﺒﺼﺮﻩ ﺑﻴﻬﺎ ﺣﻠﻮﻳﻦ .. ﻣﺮﻭﻩ ﮔﻠﺘﻠﻲ ﻫﻮ ﻋﻴﻮﻧﻪ ﺯﺍﻳﻐﻪ ﻭﺍﺑﻮ ﺑﻨﺎﺕ ﺑﺲ ﻣﺎﺍﺗﻮﻗﻌﺖ ﻫﻴﺞ .. ﻭﻣﻦ ﺍﻭﻝ ﻳﻮﻡ .. ﺍﻧﻲ ﺿﺠﺖ ﻭﺍﺳﺘﺤﻴﺖ ﻣﻦ ﺍﻟﻄﻼﺏ ﺿﺤﻜﻮﺍ . ﻭﺭﺣﺖ ﮔﻌﺪﺕ ﻳﻢ ﻣﺮﻭﻩ .. ﻭﻫﻲ ﺗﺼﻴﺮ ﺑﻨﺖ ﻋﻤﻮ ﻭﺻﺪﻳﻘﺘﻲ ﻛﻨﺎ ﻣﺎﻧﻠﺘﻘﻲ ﻫﻮﺍﻳﻪ ﻻﻥ ﻫﻲ ﺑﻌﻴﺪﻩ ﺑﺲ ﺍﺗﺼﺎﻻﺗﻨﺎ ﻣﺎﺗﺴﻜﺖ ﺣﺘﻰ ﻣﻦ ﻧﺎﻛﻞ ﺍﺣﻨﺎ ﻧﺘﺨﺎﺑﺮ .. ﻓﻬﺪ .. ﺧﻠﺼﺖ ﺍﻟﻤﺤﺎﺿﺮﻩ ﻭﺍﻧﻲ ﺑﻘﻴﺖ ﺑﺎﻟﻘﺎﻋﻪ ﺍﻟﻤﻠﻢ ﺍﻭﺭﺍﻗﻲ ﻭﺍﻟﻜﺘﺐ ﻭﺍﺧﻠﻴﻬﻢ ﺑﺎﻟﺠﻨﻄﻪ ﻭﻃﻠﺒﺖ ﻣﻦ ﺍﻟﻄﻼﺏ ﻳﻄﻠﻌﻮﻥ .. ﺑﺲ ﺑﻘﻴﺖ ﺭﻳﻤﺎﺱ ﻋﻤﻮﺩ ﺍﺳﺠﻞ ﺑﻴﺎﻧﺎﺗﻬﺎ ﺍﺳﻤﻬﺎ ﺍﻟﺜﻼﺛﻲ ﻭﻛﺬﺍ .. ﺑﺲ ﻫﻲ ﺣﺠﻪ ﺣﺘﻰ ﺍﺣﺠﻲ ﻭﻳﺎﻫﺎ .. ﻫﻲ ﺭﻏﻢ ﺷﻜﻠﻬﺎ ﻫﺎﺩﺉ ﺑﺲ ﻃﻠﻌﺖ ﺑﻠﻮﻩ .. ﮔﻠﺘﻠﻬﺎ ﺭﻣﻮﺳﻪ ﺍﺳﻤﺞ ﺍﻟﺜﻼﺛﻲ ﻣﻤﻜﻦ .. ﺍﺷﻮ ﻫﺎﻱ ﻋﺒﺴﺖ ﺑﻮﺟﻬﻲ ﻭﮔﺎﻟﺖ .. ﺍﻟﻌﻔﻮﺍ ﺍﺳﺘﺎﺫ ﺍﻧﻲ ﺍﺳﻤﻲ ﺭﻳﻤﺎﺱ ﻋﺒﺎﺱ ﺷﺎﻛﺮ .. ﻣﻮ ﺭﻣﻮﺳﻪ ﻭﺧﻨﺰﺭﺕ . ﺍﻧﻲ ﺿﺤﻜﺖ ﺍﻓﺘﻬﻤﺖ ﺍﻧﺰﻋﺠﺖ . ﺑﺲ ﺷﺄﺳﻮﻱ ﻟﻠﺴﺎﻧﻲ ﺍﻟﻔﺎﻟﺖ ﺍﺿﻌﻒ ﺍﻣﺎﻡ ﺍﻟﺠﻨﺲ ﺍﻟﻠﻄﻴﻒ .. ﻭﺣﺘﻰ ﻣﻦ ﺗﻌﺒﺲ ﺣﻠﻮﻩ ﻋﺒﺎﻟﻚ ﻃﻔﻞ ﻭﻳﻌﺒﺲ ﺑﺲ ﺷﺨﺼﻴﺘﻬﺎ ﻗﻮﻳﻪ ﻋﺠﺒﺘﻨﻲ . ﺑﻌﻜﺲ ﺍﻟﺒﻨﺎﺕ ﺍﻟﺒﻘﻴﻪ .. ﻛﻞ ﻭﺣﺪﻩ ﺗﺘﻤﻨﻰ ﺍﺣﺠﻲ ﻭﻳﺎﻫﺎ ﻭﻳﺘﺤﺠﺠﻦ ﺣﺘﻰ ﻳﺠﻦ ﻟﻠﻐﺮﻓﻪ . ﻣﺎﻟﺘﻲ ﻭﺑﺲ ﻳﺘﻤﻀﺤﻜﻦ ﺧﻔﻴﻔﺎﺕ ﺑﺲ ﺭﻳﻤﺎﺱ ﻛﺎﻧﺖ ﻣﺨﻠﻴﻪ ﺣﺪﻭﺩ ﺑﻴﻨﺎ ﻣﻦ ﺍﻭﻝ ﻟﺤﻈﻪ ﻛﺄﻧﻪ ﺍﺣﺪ ﻣﺴﻮﻟﻔﻠﻬﺎ ﻋﻨﻲ ﺷﻲ .. ﻃﻠﻌﺖ ﻣﻦ ﺍﻟﻘﺎﻋﻪ .. ﻭﻟﮕﻴﺘﻬﺎ ﮔﺎﻋﺪﻩ ﻳﻢ ﻣﺮﻭﻩ ﻉ ﺍﻟﻤﺴﻄﺒﻪ .. ﻣﻦ ﺷﺎﻓﺘﻨﻲ ﺩﺍﺭﺕ ﻭﺟﻬﻬﺔ . ﻭﺍﺷﺮﺕ ﺍﻟﻤﺮﻭﻩ .. ﺍﺟﺖ ﻣﺮﻭﻩ .. ﺗﻔﻀﻞ ﺍﺳﺘﺎﺫ .. ﻓﻬﺪ .. ﺍﻛﻠﺞ ﻣﺮﻭﻩ ﺭﻳﻤﺎﺱ ﻗﺮﻳﺒﺘﺞ .. ﻣﺮﻭﻩ .. ﺑﻠﻲ ﺍﺳﺘﺎﺫ ﺑﻨﺖ ﻋﻤﻲ .. ﻓﻬﺪ .. ﺍﻫﺎ .. ﻟﻌﺪ ﺍﻧﻄﻴﻬﺎ ﺍﻟﻤﺤﺎﺿﺮﺍﺕ ﺍﻟﺴﺎﺑﻘﻪ ﻟﺘﻔﻮﺗﻬﺎ . ﻣﺮﻭﻩ .. ﺑﻠﻲ ﺍﺳﺘﺎﺫ ﻧﻄﻴﺘﻬﻴﺎ ﻗﺒﻞ ﻣﺘﻨﻘﻞ . ﻓﻬﺪ .. ﺍﻭﻙ ﻟﻌﺪ ﻉ ﺭﺍﺣﺘﺞ .. ﻫﺴﺎ ﺍﻓﺘﻬﻤﺖ ﻣﻨﻮ ﻣﺴﻮﻟﻔﻠﻬﻪ ﻋﻨﻲ .. ﻭﻟﻴﺶ ﻣﺎﺧﺬﻩ ﻣﻮﻗﻒ ﻣﻨﻲ .. ﺑﻨﺖ ﻋﻤﻬﺎ . ﻫﻲ ﻣﺮﻭﻩ ﺣﻠﻮﻩ ﻭﺣﺒﺎﺑﻪ ﺑﺲ ﻣﻮ ﻣﺜﻞ ﺍﻟﺤﺴﻦ ﺍﻟﻲ ﺷﺎﻳﻠﺘﻪ ﺭﻳﻤﺎﺱ . ﻣﺮ ﻛﻢ ﻳﻮﻡ . ﻭﺍﻧﻲ ﻧﻔﺲ ﺍﻟﻮﺿﻊ ﺍﺩﺧﻞ ﺍﻟﻘﻲ ﺍﻟﻤﺤﺎﺿﺮﻩ ﻭﺍﻃﻠﻊ ﺣﺘﻰ ﺍﻟﻀﺤﻚ ﻭﺍﻟﻤﺰﺍﺡ ﻗﻠﻠﺘﻪ ﺑﺎﻟﻘﺎﻋﻪ ﻣﻊ ﺍﻟﻄﻼﺏ ﺍﺭﻳﺪ ﺍﻏﻴﺮ ﻓﻜﺮﺗﻬﺎ ﻋﻨﻲ ﻟﻴﺶ ﻣﺎﺍﻋﺮﻑ ﺍﻫﺘﻤﻴﺖ ﺍﻟﺮﺃﻳﻬﺎ ﺑﻬﺬﺍ ﺍﻟﺸﻜﻞ .. ﻭﺭﻳﻤﺎﺱ ﻉ ﻧﻔﺲ ﺍﻟﻮﺿﻊ ﻣﻌﺒﺴﻪ ﺑﻮﺟﻬﻲ ﺣﺘﻰ ﻣﻦ ﺍﺳﺄﻟﻬﺎ ﺗﺠﺎﻭﺏ ﻉ ﮔﺪ ﺍﻟﺠﻮﺍﺏ ﻭﺑﺲ .. ﺭﺟﻌﺖ ﻟﻠﺒﻴﺖ ﺗﻌﺒﺎﻥ .. ﻭﺍﻓﻜﺮ ﺑﻴﻬﺎ ﺣﺘﻰ ﺍﻣﻲ ﺣﺴﺖ ﻋﻠﻴﻪ ﮔﺎﻟﺖ ﻣﻮ ﻣﻦ ﻋﻮﺍﻳﺪﻙ ﻫﻴﺞ ﺗﺒﻘﻰ ﺳﺎﻛﺖ . ﻭﺳﻮﻟﻔﺘﻠﻬﺎ ﻉ ﺭﻳﻤﺎﺱ . ﺍﻣﻲ ﻓﺮﺣﺖ ﻭﮔﺎﻟﺖ .. ﺍﻱ ﻳﻤﻪ ﺍﻥ ﺷﺎﺀ ﺍﻟﻠﻪ ﺗﻄﻠﻊ ﺑﻨﺖ ﺍﻭﺍﺩﻡ ﻣﻮ ﻣﺜﻞ ﺫﻧﻲ ﺍﻟﺘﻌﺮﻓﻬﻦ ﻭﺍﺧﻄﺒﻠﻜﻴﺎﻫﻪ ﺍﻧﺖ ﻛﺒﺮﺕ ﻭﺍﺭﻳﺪ ﺍﺷﻮﻑ ﻭﻟﺪﻙ . ﻓﻬﺪ .. ﻳﻤﻪ ﻫﻲ ﺻﻐﻴﺮﻩ ﻋﻤﺮﻫﺎ 20 ﻭﺍﻧﻲ 34 .. ﻣﻨﻮ ﻳﮕﻮﻝ ﺗﻘﺒﻞ ﺑﻴﻪ ﻭﺍﻧﻲ ﺍﺫﺍ ﻣﺎﺍﺗﺄﻛﺪ ﻣﻨﻬﺎ ﻣﺎﺍﺗﻮﺭﻁ ﺗﺪﺭﻳﻦ ﺑﻴﻪ ﻛﻞ ﺍﻟﺒﻨﺎﺕ ﺍﻟﻌﺮﻓﺘﻬﻦ ﻣﺎﺍﺭﺗﺎﺣﻠﻬﻦ .. ﻭﻣﺎﺍﺳﻤﻊ ﺍﻻ ﺻﺒﺎ ﻃﻠﻌﺖ ﻣﻦ ﺍﻟﻐﺮﻓﻪ .. ﻫﻢ ﻋﻮﺯﻫﺎ ﺗﺠﻴﺒﻠﻨﺎ ﻭﺣﺪﻩ ﺳﺎﻗﻄﻪ ﻟﻠﻴﻮﻡ ﻣﺎﻋﺮﻓﺘﻠﻚ ﻭﺣﺪﻩ ﺑﻴﻬﺎ ﺣﻆ .. ﺍﻧﻲ ﺗﺨﺒﻠﺖ .. ﺻﺢ ﺍﺳﺒﻮﺭﺕ ﻭﺍﺿﺤﻚ ﺑﺲ ﻣﻦ ﺍﻋﺼﺐ ﻣﺎﺍﺷﻮﻑ ﮔﺪﺍﻣﻲ ﻭﻣﺎﺍﺣﺲ ﺍﻻ ﻭﺍﻧﻲ ﺿﺎﺭﺑﻬﺎ ﺭﺍﺷﺪﻱ .. . # ﺷﻤﺲ