بفضل الله وحمده ولدت امبارح بتاريخ ٩.١١.٢٠١٨ ملاكي الصغير محمد والله مصلي على محمد واله وصحبه وكانت آخر دوره ١.٢.٢٠١٨ قصة ولادتي اول يوم الاسبوع الأربعين رحت انا وجوزي اشترينا باقي اغراض البي بي وما كان عندي اي عوارض أو بوادر ولاده وانا من الناس الي ما جربت شي حتى مشي ما كنت امشي كل الوقت مريحه حالي وموكليتها على الله المهم قلت دام وصلت ال ٤٠ أسبوع بروح افحص اطمن ورحت للاسف ما كان عندي فتحه غير نص سانتي وطلق خفيف وحكولي استنا الطبيب ليحكيلي اروح وكان في وقت ساعتين لدوري وكانت الساعه ٩ مساء قلت لجوزي دام عندي فتحه بجرب اشرب زيت خروع جبت قنينه عصير برتقال صغيره و حطيت فيها ملعقتين كبار وشربتها مره وحده وقعدنا ساعه ونص مشي وبديت احس بلطلق كل ٥ دقايق وكل شوي بيزيد ورجعنا على الدكتور قال ما في حاجه يفحص وقلي لسا معك الاسبوع او ١٠ ايام اكتر حد المهم روحنا الساعه ١ وصلنا البيت والطلق كل شوي يزيد الوجع وانا اقول اكيد مغص من الزيت المهم نزلنا اغراض البي بي ورتبناهن وفتت اتحمم وقعدت شوي والوجع بيزيد قعدت ساعتين وانا مستحمله لحتى صرت ابكي من الوجع واصرخ واقول لجوزي شكلي راح اولد اليوم ما صدق ومن البكي حن علي وقلي يلا وصلنا المشفى الساعه ٦:٣٠ وبسرعه فحصوني قلي عندي فتحه ١:٣٠ وطلق منتظم وقوي صارت تفحصني كل نص ساعه وكل شوي يزيد ٢ سانتي وانا اصرخ وتعبت من الخوف الساعه ٩:٣٠ كانت الفتحه ١٠ الدكتوره انصدمت بساعتين من ١ ل ١٠ المهم قالت ولاده وهون بلش الخوف بطلت اعرف اتنفس ولا ادفع لو جوزي مو معاي كان ولدت بعمليه صار يتنفس عني ويشجعني وقلي اني بتقدري احنا اتدربنا شوي وبيجي ابنا لحتى ولدت الساعه 10:30 والخلاصة بسرعه نزلت بس خيطولي تحت وكانت ولادتي بس ساعه الحمد لله يعني كل وقتي المشفى ٤ ساعات وكل الوقت كنت استغفر واقول يا الله عفوك وحاطه سماعه باذن وحده سوره مريم والزلزله لحتى ولدت الحمد لله صحيح وجع بس بتنسي كل شي لما يحطو بحضنك والحمد لله دايما وابدا... طولت عليكم بس حبيت أشارككم تجربتي