زوجي يغازل قدامي انا ربي بلاني بزوج مغزلجي مع انه يحبني ويموت علي ويعشقني بس عينه زايغه وقلبه مستودع لمليون بنت ..وكل مره اصيده واكشفه يقعد يعتذر لي ويبوس الايادي ويجيب من الهدايا والاطقم وهاتك ياوعود وحلفان لغايه مأحن عليه واسامحه ..المهم انا وصلت معه لدرجه اليأس مو عارفه شلون اعالجه من هالمرض صار عنده المغازل مثل الادمان . ومع التفكير والمحاتات لقيت لي فكره حلوه ممكن تربيه وتهجده وتكرهه بالمغازل انا عندي اخ بالمتوسط وله صديق يعرف يقلد اصوات البنات وينعم صوته اتفق معه يخرفن زوجي لمده اسبوع ثم يصدمه ويقول له انه ولد ..علشان زوجي ماعاد يثق بالبنات وياخذ فكره ان اكثرهم عيال يخرفنو ..وبالفعل سوينا هالخطه طبعا وقتها كنت نايمه ببيت اهلي وخرفنه اخوي اخر خرفنه وبعدين صدمه بصوت خشن وقعد يناقره ويقول له يالخروف يالخروف وزوجي يسبه بكلام وسخ ..المهم صرنا نكرر هالخطه كل شهرين بس بالرسايل ومره نستعين بأصدقاء اخوي 😂😂 علشان يهجد زوجي ويعاف المغازل والله يابنات ان هالخطه اثمرت بزوجي وجابت معه فايده لدرجه انه صار نادر يمسك جواله ومره قعدت انبش بقروب اصدقائه وواحد فيهم حاط حساب بنت بتويتر وكاتب انها خقه وتنزل صورها وزوجي ياعيني عليه 😂😂 كاتب لهم اكيد انه ولد يخرفن ههههععه شفتو كيف ماعاد يثق بالبنات حتى لو كلمته بنت بينه وبين نفسه صار يحسبها ولد منعم صوته لان اخوي جننه اخر جنان 😅 يستاهل المهم اللي بتقول لي خطتك غبيه ومدري ايش لا حبيبتي مو غبيه لان زوجي ماعااااااااااااد مثل اول مغزلجي صار محافظ جدا وبطل هالحركات واللي بتقول ليش ترضين بالخيانه اطلبي الطلاق بقول لها لما يكون عندك درزن بزران شلون تشتتيهم وتتركيهم وتتطلقي اذا زوجي بايعهم انا شاريتهم وشاريه استقرارهم ومستقبلهم وخبركم ادرى بتأثير الطلاق على الاطفال ‎وشكلي قريب بدق عليه انا اغازله ابي شحن🚶😂- .