مرحبا انا اليوم صارت معي شغله بتخوف ، وحسيتها كتير صعبه ، اليوم كنت قاعده بشكل طبيعي فجأة شعرت بالدوخه وانو حاسه حالي بدي استفرغ ، رحت عالحمام وبالحمام صابتني دوخه مو طبيعيه ووجع ببطني وحسيت الدنيا بتدور فيني وجسمي متل النار ، وحاولت اكون قويه واقاوم بس ما قدرت ضليت تقريبا تلت دقايق وانا بلحمام قاعده عالارض وعم بحاول اقاوم بس لحتى اقدر اوقف وافتح الباب انادي حدا من اهلي يساعدني ، وبرضو كل ما احاول اقوم رجلي يرتخو وجسمي ، واخر شي وقفت بدي افتح الباب وقعت عالارض وخبط راسي بالارض خبطه قوية كتير ضليت تقريبا خمس دقائق عالارض مغمى علي ، وبعدين صحيت ومسكت حالي وزحفت لقدرت اطلع من الحمام واروح عغرفتي ومديت حالي ونمت هاي كانت اول مرة بصير معي هيك اشي ، وانا اكتر شي خفت عالبيبي من الوقعة الي وقعتها بلحمام ليكون صرلو اشي بس الحمدلله لهلا مو حاسه بشي او بضرر بس من وقت ما اجتني هاي الدوخه وانا لهلا راسي بوجعني كتير وجسمي مرهق كتير ، ممكن حدا يحكيلي شو سبب هاد الشي الي صار معي يعني انا توقعت انو نزل ضغطي فجأة بس بعرفش ، انا كتير خايفه لانو اول مرة بصير معي هيك ، صار معي هيك قبل المره لمن رحت عالدكتورة عشان افحص البيبي لمن اخدت مني عينة الدم صار معي نفس الشي بس اما انو هاد شي عادي ولا خطير ؟ وهاد اول حمل الي ، وانا عمري ١٩ سنه ، وحامل بالشهر الرابع ، ممكن تفيدوني؟