العضوة: 743708 , 5 years ago

@user-763746 تعالي قصة بجنن والله

العضوة: 743708 , 5 years ago

يتبع بعد ما اطبخ 😂😂😂

العضوة: 787946 , 5 years ago

صحتين وعافيه ناطرينك لحتى تكمليها

العضوة: 743708 , 5 years ago

@user-787946 تعي

العضوة: 743708 , 5 years ago

ع قلبك

العضوة: 743708 , 5 years ago

ئعدو هنن التنين علئ نفس الكنباية وحمل كنان كيس الدوريتوس الكبير وبلش ياكل منو.. شمس :اي لا تاكل هاد الكيس كول من هداك كنان :وليش بئا مونفس الشي شمس :لا طبعا مونفس الشي ،الدوريتوس هاد الي 😠 كنان :اي لا ماحزرتي مافي .. وبلشو يتخانئو علئ كيس الشبس 😂 واخيرا بلشت المباراة ... كنان :لك ايي ...رونالدووووو جاااب كوووووول وشمس نطت من الفرحة بس اتزكرت انو هية برشلونية 😂 كنان :شو شايفك نطيتي وئت ريال دخلت الكول شمس :اه لا مانطيت ولاشي 😒 وئعدو طول المباراة نئار ،شي ميسي جاب الكوول وشي رونالدو اللي جاب الكول 😂وكان الحماس معبية الغرفة واخيرا فاز ريال ،ولا شعوريا نطو هنن التنين وبلشو يصرخو وهنن مبسوطين وحمل كنان شمس من فرحتو وعانئا بئوة وصاريفتل فيها ،ووئف كنان ونزلها شوي شوي وشمس بلش ئلبا يدء بسرعة وجسما صابتو رجفة مو طبيعية واتطلع كنان بعيون شمس وهية تطلع بعيونو 😍وكان وشو ئريب كتيير علئ وشا ،رفع كنان ايدو اليمين ورفعلا خصلات شعرا الناعمة عن وشا ،اما ايدو التانية لافه لسا عخصرا ❤ وضاعت شمس بعيون كنان اللي كانو عميبرئو وكأنون شوي تانية بدون ينطئو وخجلت شمس كتيير وصار وشا احمر ❤ وبعدتو عنها شوي وهوة انحرج منها وابتسم بخجل وئال :لك لك...مو عـ عـ علئ ااساس انتي برشلوني لليش نطيتي معي 😅 شمس :ااه ...لك لا ممابعرف بصراحة...يالله انا صار لازم روح بدي نام بكير ... ودارت بدها تطلع وسمعتو عم يناديلا كنان :شمس شمس :نعم.. كنان :انتي ...بدي ئلك بس خجلان منك شمس :لا كنان احكي لا تخجل كنان :وما بتفهميني غلط وبلش يئرب عليها بخطوات بطيئة شمس :لا ابدا ☺ وئف ئريب منها وئلا :خليكي عندي بالغرفة شوي شمس :لليش ككنان 😳 كنان :مشان تنضفيها من هي الزبالة يلي عملتيها ،شوفي كل الشيبس والبوشار عالارض وانا مابئدر ئعد علئ مزبلة 😂 شمس :هلئ مشان هيك عم تئلي خليكي ؟😠 كنان :لكن شو كنتي مفكرة ،يالله شمري عن زنودك وورجيني شطارتك بالتنضيف وبالفعل جابت شمس مكنسة وبلشت تكنس الارضية وكنان ئاعد عم يتأمر عليا كنان :ليكي شمشومة هونيك في حبة شيبس كنسيها ،له له له لك ليش كابة ببسي عالطاوله ،جيبي ممسحة ومسحيها ...😂😂 شمس :الله يطولك ييا روووح 😠😠

العضوة: 787946 , 5 years ago

😍

العضوة: 763746 , 5 years ago

بس انشر الغسيلات برجع بقراها

العضوة: 743708 , 5 years ago

تاني يوم طلع كنان متل العادة عالمشفئ لحتا يشوف ايلين وصل لئريب المشفئ ولئا ايلين علئانة مع نادر ايلين :لك تركلي انته واحد مريض 😠 نادر :مريض بتعالجيني مو انتي دكتورة نزل كنان من سيارتو وصرخ :نادر اتركها بحابها ولا نادر :كنان !!؟ لساتك عايش كنان :اطمن وئاعد علئ ئلبك كمان 😠 نادر :هههه والله جد فكرتك متت من زمان ايلين :نادر خراس احسلك كنان :مارح موت لشوفك متت ئدامي 😠 نادر :والله مو انا يلي الي ئلب ... ايلين :نادر ...ضب لسانك كنان :احكي ئلب شو ،ئلب ضعيف ،عالئلية الي ئلب مو متلك ئلبك حجر نادر :لك كنان لساتك متل ما انتة ماتغيرت ولا شوي ،شكلكون ضاربينها صحبة سوا 😏 ايلين :احترم حالك نادر ومسك كنان نادر من جاكيتو وئلو :يا بتخرس وبتنئلع من ئدامي يا. اما بدفنك تحت رجليي 😠 نادر :خلص متل مابدك رايح ...عن ازنك يا حلو وركب بسيارتو ومشي ... ايلين :يخربيتو شو نو بلا زوء كنان :ليش مائلتيلي انو رجع يدايئك ايلين :مومحرزة تعلئ معو كنان :شوفي ازا تاني مرة بدايئك بس اتصلي فيني ،يالله طلعي ركبي لوصلك عالمشفئ وركبت ايلين مع كنان وراحو اما نادر كان عم يسوء السيارة وهوة عم يفكر وئال :كنان لسا عايش ،هههه اجيت والله جابك والله لخليك تتمنئ الموت انتة وايلين وما تلائو ،ئال مخطوبة ئال ،ومصاحبة كنان ...انتو جنيتو عحالكون 👿 يتبع :*

العضوة: 743708 , 5 years ago

الله يعطيكي الف عافيه

العضوة: 743708 , 5 years ago

وبالمشفئ... كنان :اي ايلين كيف وضعي..؟ ايلين :كنان مارح خبي عليك ،وضعك عم يتراجع ،وئلبك كل يوم عم يصير أضعف من ئبل 😔 كنان :.... ايلين :كنان انته لازم تسافر وتتعالج برة ئعد كنان عالكرسي وئال :يعني مافي امل اتعالج ليش لسافر لبرة ئربت ايلين وئعدت ئدام كنان وحطت ايدها عخدو وئالت :كنان اصحك تفئد الامل ،هاد الشي هوة اللي مخليك عايش لهلئ كنان :ايلين بتعرفي شغلة ،وجودك جنبي هوة يلي مخليني ئوي ومتحمل كل شي ، ..ايلين انا....بحـ.. حطت ايلين ايدها عتم كنان وئالت :لا كنان لاتحكيلي اياها ، بس تطيب ،وتكون جاهز انا مستعدة اسمعها منك 💛 كنان :ورامز..!؟ سكتت ايلين وئامت لفت وشا وصارت تبكي 💔 وكنان بيطلع فيها وهوة مئهور وئلبو عم يوجعو...💔 وببيت كنان كانت شمس لسا عم تفحص كريمة وبتعطيها بالادوية ... شمس :كريمة خانم بدي اطلب اليوم ازن منك ،بدي روح اتطمن علئ ماما كريمة :اي طيب روحي بس ما بتطولي فهمتي ...بترجعي ئبل موعد الغدا شمس :لك تسلميلي يا احلئ كريمة خانم 😍 وباستها من خدا وطلعت لبرة.. تفاجأت كريمة بتصرف شمس وضحكت ... كريمة :لك هي هبلة رسمي 😂 وراحت شمس عالغرفة يلي بتنام فيها وحملت شنتتها ولاحظت انها مو ملائية تلفونها واتزكرت انو ضل بغرفة كنان من ليلة مبارح دئت باب غرفة كنان وفتحتو شوي ونادت :كنان انته هون ؟ هيئتو مو هون وفاتت وبلشت تدور عموبايلها شمس :لك وينوو ...والله كنت ئاعدة هون وما تزحزحت ،وفجأة اتزكرت الموقف يلي صار بينها وبين كنان وكيف حضنها وبلش يفتل فيها 😍 ورجع ئلبا يخفئ وهيه تبتسم وحطت ايدها عئلبا وئالت لحالها شمس :لك شبني ليش هيك عم يصير معي ،؟ معئول حبيتو 😳لا شمس ديري بالك اصحك تفكري بهالئصة ،كنان بيستاهل وحدة سليمة مو انا المريضة 😔 وفجأة سمعت رنة موبايلها ،ولئتو وردت :الوو.. ....:كيفك انسة شمس شمس :تمام مين عم يحكي ؟ ...:ولو نسيتيني بهالسرعة شمس :لو سمحت ياسيد انا موفاضية للألعاب ...:انا نادر ابن جوز امك تزكرتيني ؟ شمس :نادر ؟ ااه اي تزكرتك منين جبت رقمي ؟ نادر :ولو بنت خالتي ومابدي اعرف رقمك شمس :شوبدك ؟ نادر :ممم بصراحة معي بطائتين لحضور فلم بسينما وماعندي حدا روح معو ،شو رأيك تروحي معي شمس :اسفة ،عندي شغل نادر :انسة شمس الفلم رح يكون المسا يعني شو هالشغل يلي بعد السبعة شمس :مابئدر عن ازنك بدي سكر نادر :طب لحظة ،ليكي ازا مابدك تحضري فلم فينا نطلع نتعشئ برا

العضوة: 774204 , 5 years ago

رفع

العضوة: 743708 , 5 years ago

شمس :ئلتلك مشغولة ... وسكرت الخط بوجهو... نادر :وليش هيك شايفة حالك .. طلعت شمس ووئفت تكسي ووصلت علئ بيت مازن ودئت الباب وفتحتلا الشغالة ريما ريما :اهلين انسة شمس شمس :وينها ماما ؟ وطلعت امها من الغرفة وشافتها وائفة بالصاله...وتفاجأت رجاء :شمس !!!؟ 😳 ركدت شمس علئ امها وعانئتها وئالت :الحمدلله عسلامتك امي رجاء :الله يسلمك ،انتي شو عرفك اني كنت مريضة ؟ شمس :ولو ماما ما اجيت مبارح وشفتيني وحكيتي معي ما بتتزكري رجاء :كانت حرارتي مرتفعة ومامتزكرة شي صار شمس :اي مافي مشكلة ،تعالي ارتاحي خليني افحصك ... وئعدت رجاء عالتخت وئالت :لك اي تزكرت اني شفتك ،والله فكرت حالي عم بحلم 😅 شمس :ههههه اي لكن لأنك بتعبي حالك ،ماما بدي اسألك انتي عطيتي رقمي لحدا ؟ رجاء :لا حبيبتي لمين بدي اعطي رقمك يعني ؟ شمس :لا لا تهتمي رجاء :لك شمس ،انتي وين ئاعدة هلئ ؟ شمس :ماما انا عم اشتغل ممرضة خاصة لختيارة ووضعي تمام لا تخافي عليي رجاء :ووين بتنامي ؟ شمس :عند نفس الجماعة ،ماما انا وضعي تمام ومرتاحة بشغلي كتيير وشي يوم بدي عرفك عليهون ،هنن من طرف الدكتورة ايلين 😉 رجاء :من اي عليه شمس :ماما عيلة كتيير عريقة ومعروفة بالبلد واسم العيلة حكمدار اصلون اتراك ماما رجاء :اه والله هي العيلة معروفة كتيير طيب الله يرضئ عليكي ويبعد ولاد الحرام من طريئك وبهالوئت كان نادر وائف ئدام باب الغرفة وسمع حديثون و ئال :حكمدار ؟ والدكتورة ايلين ؟ شوف الصدف طلعت بتعرف كنان وايلين ،والله لأتسلئ. فيكون تسلاية ماصارت 😏 خلصت زيارة شمس لأما وطلعت من البيت لئت نادر راكن حالو عالسيارة وعم يتطلع فيها ،طبعا شمس ماعبرتو وضلت ماشية... نادر :شو مابتسلم علينا... شمس :....

العضوة: 774204 , 5 years ago

رحيق الجنة ليش مي أم حيدر عم ينحذو قصصها اليوم

العضوة: 743708 , 5 years ago

والله ما بعرف