العضوة: 743708 , 5 years ago

بطة ئلتلك ماعم فكر لشوف ردة فعلك نادر :وشوطلع معك..؟ شمس :طلعت رجال و بينشد فيك الضهر ... ورن تلفون نادر ...وبعد ماخلص مكالمة ئلا :ليكي انسة شمس عندي مشوار ضروري مبطول بس ربع ساعة وراح وهية نادت لريما شمس :شو صار معك لئيتيلي مفتاح المكتب ؟ ريما :اي خدي بس الله يوفئك لا تطولي جوة فتحت شمس الباب وفاتت وبلشت تفتش بوراء نادر ولئت اللابتوب وفتحتو بس طلع حاططلو كلمة سر وماعرفت تفتحو شمس :يا الله شو هالحظ ريما :بدك مساعدة ؟ شمس :حاططلو كلمة سر.. ريما :جربي mounasalim حطت الكلمة وفتح شمس :يخربيتك فتح شو عرفك فيها ريما :هاد اسم امو لنادر منئ سليم شمس :فهمت وبلشت تفتش بالملفات واكتشفت ملفات خطيرة ...وشافت فلاشة نسخت الملفات كلا عالفلاشة ومسحت الفيديو ورجعت سكرت اللابتوب ورجعت ئعدت برة شمس :عنجد يسلمو ريما لولاكي ما كانت زبطت معي ريما :يمكن لسا في نسخة عموبايلو انسة شمس شمس :لك اي والله شلون ماخطر عبالي وصارت كل يوم تطلع معو ...وبيوم كانو ئاعدين بالكافيتيريا نادر :شمس حكيلي شوي عن حياتك شمس :ممم عنشو بالزبط نادر :يعني حكيلي عنك وشو بتحبي شمس :ممم من تلات سنين لماتوفئ بابا كان عمري 17 سنة كان وئتا وضعنا كتيير منيح وانا سجلت بكلية الطب بس بعدا اكتشفنا انو بابا عندو ديون لبنك وصار هالبنك يطالبنا بالقرض ولما ما ئدرنا ندفعو حجزو علئ بيتنا وطلعنا عبيت اصغر طبعا ماما مو متعودة علئ هيك مستوئ معيشة ،وصارت تئضي اغلب ايامها مسافرة بالشغل وانا اتطريت اترك دراستي واشتغل بالتمريض ...لحتئ ائئدر اصرف عحالي وامي تعرفت عابوك بوحدة من سفراتها وبتعرف بئية الئصة ... نادر :اه حابة تكفي دراستك شمس :ياريت بس منين ياحسرة.. مسك نادر ايدين شمس وئلا :انا بساعدك لحتئ تكفي دراستك شمس :.... نادر :ليش سكتي ؟ شمس :نادر بصراحة ،انا مابحب اتطفل عحدا وبحب اعتمد عحالي بكل شي ،بعدين انته ليش بدك تساعدني بأي صفة ؟

العضوة: 743708 , 5 years ago

نادر :اعتبريني اي شي بدك اياه ، شمس :نادر في شغلة لسامخوفتني منك.. زمان كنان حكالي حكي عنك وخوفني منك كمان نادر :انسي اللي حكا هداك الحقود ،انا صحيح كنت هيك بس تغيرت ومعد عملت هالشغلات شمس :طيب ليكك عملتا مع ايلين نادر :شمس هاد تار وانا مو مفكر ابدا انشر هالفيديو لأني مو لهادرجة ندل ،انا بدي اياها تعيش برعب بس ... شمس :فيا وجهة نظر وبصراحة عجبتني نادر ...خليون عايشين برعب لو تشوف منظر ايلين وللا كنان بفرط ضحك نادر :ههههه لك يسلملي ئلبك انتي 😍 وتاني يوم ببيت كنان ... كنان :شو الاخبار شمس شمس :عرفتلك ليش لهلأ ساكت ئال هوة ماعم يفكر ينشر الفيديو بس بدو يعيشكون برعب ... كنان :لك هاد واحد ندل ومتأكد رح ينشرو ورن موبايل شمس .. شمس :يي هاد نادر كنان :طب ردي ..وحطي سبيكر شمس :الو نادر :كيفك شمموسة اتطلع كنان بشمس واتدايئ شمس :ايي اهلين نادر شوبدك نادر :شوفي عندك المسا شمس :ولاشي ليش ؟ نادر :عاملك مفاجأة كتييير حلوة والمسا اجا نادر ووئف بعيد عن بيت كنان...وطلت شمس وزمرلا وراحت وطلعت معو شمس :خير نادر ليش طلبت تشوفني نادر :هلئ بتعرفي ،وشغل السيارة ومشي طبعا كنان لحئون من بعيد ووئفو عند باب حديئة مزين نزلو وئبل ما تفوت حط ايديه التنتين علئ عيونا وئلا بس نوصل بتفتحي وفاتو عالحديئة ... شمس :ماوصلنا نادر ؟ نادر :مبلا ... وئام ايديه عن عيونها واتفاجأت بيلي كان عامللا اياه...كان عاملا مرجوحة كبيرة ومزينة كلا ورد وأضوية شمس :انته..عملت كل هالشي ...😳 نادر :اي كلو هاد الك انتي مرة ئلتيلي بتحبي المرجيح وانا عملتلك هالمرجوحة خصوصي الك ... ومسك ايديها وئلا :شمس بعرف اني اتسرعت بس انا بحبك ...❤ شمس :...

العضوة: 743708 , 5 years ago

حتئ كنان انصدم من نادر وكأنو واحد تاني غير اللي اتعودو عليه نادر :شو شمس ،بعرف فاجأتك بس عنجد انا بحبك و...بتمنئ ماترفضيني شمس :نادر ...مابعرف بس جد اتفاجأت نادر :لاتحكي اي شي ...بتئدري تجاوبيني ايمتا ما بدك ،وجرا من ايدا وئاعدا عالمرجوحة وبلش يهزا وهية لسا مصدومة منو ... يتبع :*

العضوة: 743708 , 5 years ago

رجعت شمس عالبيت وفات وراها كنان ومسكها وئلا :شمس شو هاد اللي صار ؟ شمس :وئع بالفخ ...هاد اللي صار كنان :وشو ناوية تعملي ؟ شمس :بصراحة صرت اشفئ عليه بس خلي يتربا ،بعدين لسا عندو نسخة عن الفيديو بموبايلو كنان :شمس بما انو هوة مو ناوي ينشر الفيديو تركي ،انتي مو متطرة تكملي هاللعبة شمس :لا كنان ،انا مو متعودة انسحب من نص الطريئ ... كنان :شو ازضك ؟ شمس :انا مو بس مسحت الفيديو يلي باللابتوب ،انا مسكت عليه شغلات بتروحو بخبر كان ... وطلعت الفلاشة ... كنان :شو هي ؟ شمس :هي الفلاشة نسخت عليها ملفات من عندو ...نادر وابو بيشتغلو شغل مو مزبوط كنان :وشو هالشغل...؟ شمس :تعال لجوة هلئ بورجيك بعينك مسك كنان شمس من ايدها وئلا :شمس انتي بتحبي ؟ اطلعت شمس بعيون كنان وانتبهت عليه كيف مهتم ... شمس :اكيد.....لا وتركتلو ايدو ومشيت لجوة ... وهوة لاحئها وعم يحكي :شمس طيب شرحيلي ...انتي معجبة فيه ...يعني اثر فيكي بشي ؟ شمس :لا ...لا...لا ...كنان حل عني وئعدت ئدام اللابتوب وحطت الفلاشه وئعد جنبا كنان ....وبلشو يئلبو بملفات الفلاشة ... كنان :العمئ ...لك هاد طلع مو ئليل شمس :تجارة بالممنوعات ،كنان نحنا صار في بإيدينا الورئة الرابحة بهي اللعبة... كنان :ومن ايمتا معك هالفلاشة..!؟ شمس :من يومين كنان :من يومين وساكتة ،لك كنا خلصنا من هالئصة من يومين شمس :انا بدي ربييي لنادر ...بدي خلي يدوء يلي دوئو لغيرو .. تاني يوم ..فائت شمس بكير وراحت لعند كريمة وفحصتا وفطرتا وعطتا ادويتا ،وأخدت منها ازن لحتئ تزور امها ...وراحت اما بالمشفئ ..كانت ايلين ئاعدة ورا مكتبها وهية شاردة وتحت عيونها هالات من ئلة النوم والتعب مبين علئ وشا..

العضوة: 743708 , 5 years ago

اندء الباب وفات رامز ... رامز :ايلين ..كيفك بس ايلين ضلت شاردة وماحست بوجود رامز رامز :ايلين ...شبكي انتبهت ايلين علئ رامز وئال :انته ايمت فتت لهون ؟ رامز :شبك حبيبتي ...هلئ دئيت وفتت ايلين :بس انا ماسمحتلك تفوت رامز :ليش دايئتك بجيتي ؟ ايلين :اي ..ليش ما دئيت ئبل ما تجي ؟ رامز :عم دئلك بس موبايلك مغلق شوفي ايلين :رامز مشان الله ماني رايئتلك رامز :وليش عم تصرخي يعني ؟ وفجأة دخل كنان وئال :خير شوفي ياجماعة صواتكون وصلانة لبرة ايلين :اهلين كنان ...مفي شي بس .. رامز :بس شو شايفك عم تحكي معو بطريئة الطف ايلين :رامز مشان الله حل عني كنان :طولي بالك ايلين ...معليش رامز شايفها تعبانة ايلين :لا مو تعبانة ...بدك تعرف ليش عم حاكيك هيك ؟ رامز :اي احكي ... كنان :ايلين اهدي مو محرزة ايلين :لك لإني مليت منك ومن غيرتك وطريئتك ،رامز انته واحد مستفز كتير كنان :اهدي ايلين ...رامز حئك عراسي رامز :مليتي !؟ وشلحت ايلين الخاتم وزتتو بوشو وئالتلو :تركني بحالي انا ما بحبك رامز انا بكرهك انصدم رامز وئلا :ليش ماحكيتي هيك من اول ...خلص متل مابدك خلي كنان ينفعك عن ازنك وطلع رامز من المكتب ،ووئف كنان ساكت ومو مسدء التصرف يلي اتصرفتو ايلين.... كنان :ايلين ليش هيك عملتي ؟ ايلين :لا تسألني ،انا نفسي مابعرف ...بس هوة او يومين انا تعبانة وعئلي مشغول بهديك الئصة وهوة يحكيلي بتفكري فيه .. كنان :يعني خلص.. ايلين :اي خلص ...رامز معد في الو مكان بحياتي..صحيح شو صار معك بهديك الئصة نادر لهلئ ما عطا اي ردة فعل كنان :وما بظن يبين اي ردة فعل شمس ئدرت تداوي ايلين :شمس ...!!؟ليش شو عملت ؟ وحكالا كنان كل شي عملتو شمس كرمالا وصلت شمس عبيت مازن وئابلت امها.. شمس :كيفك ماما رجاء :حبيبتي مشتائتلك .. شمس :تشتئلك العافيه،ماما جيت زورك من اسبوع مالئيك رجاء :من اسبوع ،كان عندي سفرة عفرنسا ،لك صحيح حبيبتي نادر ابن جوز مبارح ئعد معي وحكالي شغله شمس :وشو هوة ؟ رجاء :انتي بتطلعي معو ؟ شمس :اه..يعني مو كتير مجرد صداقة رجاء :اي بس مو هيك الهيئة ،انتي عجبتي لنادر وطلب ايدك مني شمس :شووو ،لا اكيد عمتمزحي رجاء :لا بنتي ليش عم امزح ضلت شمس ساكتة ومو عرفانة شو بدها تئول ..وحملت شنتتها وئامت بدها تروح.. رجاء :وين رايحة شمس،ما عطيتيني جواب شمس :ماما انا صار لازم امشي ،وان شاءلله بردلك خبر بعدين ..

العضوة: 743708 , 5 years ago

وبالمشفئ كانت ايلين عم تفحص كنان ورن تلفونو ورد ...:كيفك حبيبي كنان كنان :ماما ...لك يا اهلين ام كنان (نادين ) :اشتئتلك يا عمري انا هلئ وصلت انا وابوك عالبيت ومالئيتك كنان :يالله مسافة الطريئ وبكون عنكون ايلين :هي خالة نادين ؟ كنان :اي ليكون بالبيت ،ايلين تعالي معي وسلمي عليون .. شلحت ايلين المريول وحملت شنتتها وطلعت مع كنان عبيتو.. ووصلو وتصادفو مع شمس عالباب شمس :مرحبا.. ردو :اهلين شمس كنان :وين كنتي شمس :عند ماما ايلين :شمس انا مابعرف كيف بدي كافيكي عالشي يلي عم تعملي كرمالي شمس :لا ايلين انتي اختي ...وكرمال عالموت بروح وفاتو كلون لجوة ...وسلم كنان عإمو وابو كنان :لك ليش هيك طولتو غيبتكون ابو كنان (رفيق ) :انا كنت بدي ارجع لنئضي حفلة راس السنة

العضوة: 743708 , 5 years ago

سوا بس امك عجبتا الئعدة ومعد رضيت تجي نادين :هلئ صار الحئ عليي ابو كنان ايلين :الحمدلله عالسلامة خالة ايلين نادين :الله يسلمك حبيبتي واتطلع نادين ورفيق بشمس .. رفيق :شو ابني هي رفيئتك كنان :اه ..اي بابا شمس بتكون الممرضة الخاصة لتيتة كريمة وهية كمان ...حبيبتي❤ انصدمو الكل بكلام كنان وحتئ شمس وايلين ... كنان :ليش هيك انصدمتو ..؟اي شمس بما انو الكل حاضر رح اعترف شمس انا بحبك كتير ❤ اتطلعت شمس بكنان ولسا مو مسدئة انو يلي عم تسمعو حئيئة اتطلعت ايلين بشمس وكنان وحست ئلبا انكسر من جوا...💔 نادين :كأنو في تطورات كتيرصايرة بغيابنا ؟ شمس :ككنان ليش ...؟ كنان :خلص ولا كلمة بعدين بنحكي بهالموضوع... سكتت شمس وسلمت عأهل كنان وئعدو كلون ... ومر تلات ايام وشمس وكنان عم يتصرفو متل العشاق ئدام اهل كنان. ..وحتئ شمس مو عرفانة ليش هيك كنان عميتصرف...وخصوصي ئدام اهلو ..شو السر... طلعت شمس عالكافيتيريا لحتئ تئابل نادر... نادر :اي شمس ،انا من هداك اليوم ما شفتك ولا عطيتيني جواب... شمس :بصراحة نادر ،انا ما بئدر امن علئ حالي معك نادر :مافهمت .. شمس :نادر انا ماعم ائئدر حبك.. نادر :شوو... مسك ايديها وئلا :شمس انا ماعم اتخيل حياتي بلاكي شمس :بتحبني عنجد... نادر :اكيد وبعشئك انا شمس :امسح الفيديو تبع ايلين انصدم نادر وئلا :علئ اساس بتكرهيها شمس :نادر انا اكره ايلين وحتئ لو بكرهها ،ماكنت رح ائئزيها لهالدرجة نادر :شو اللي غيرك ،انا مابدي امسح الفيديو ،ورح انشرو ووصلو لعنداهلا كمان خليون يدبحوها كمان ازا... شمس :ازا شو..ازا ما بتجوزك غصب عني ؟ طيب انا رح احكي بطريئتك ازا ...ما مسحت الفيديو وتركت ايلين وكنان بحالون سدئني رح رح تروح فيها انتة وابوك نادر :انا....وابي !!؟ شمس :اااخ ...نادر ملفات تجارتكون للمخدرات نسختا علئ فلاشة وهية معي ...وسدئني ازا ما مسحت الفيديو هلئ مارح سلمك اياها... نادر :هاد الحكي كان زمان سدئيني شمس نحنا بطلنا وازا بدك رجعي للتواريخ شمس :يعني من الاخر رح تمحي وللا لا نادر :شمس انا مسحتو من زمان ..بس كيف رح امسحك من حياتي ؟

العضوة: 743708 , 5 years ago

اتطلعت شمس بعيونو وئالتلو :ان شاءلله تكون حسيت بالشي اللي كنت تعملو مع البنات نادر :شو ازضك شمس :ما شفت انا كنت بدي ربيك ودوئك اللي دوئتو لغيرك...كنت تعلئ البنات فيك وتلعب بمشاعرون وتمسك عليهون صور وفيديوهات واتدمرون وبعدين تتركون وهلئ انا عملت نفس الشي ائدرت العب بمشاعرك وانتقم منك ومسكت عليك هي الشغلة يلي بتئدر اتدمرك .. نادر :معك حئ ...مو معئول كنت حقير لهالدرجة ... شمس :حسيت بغلطك ...انكسر ئلبك بلش نادر يبكي ويئول :اي انكسر ...لك شمس ... شمس :عن ازنك ...بتمنئ انك ما تنسئ هاد الشعور وطلوب السماح من الله بركي يتوب عليك عن ازنك... مسكلا ايدها وئلا :لا تتركيني ...انا ماكنت عم بتضحك عليكي انا عنجد حبيتك 💔 شمس :عطيني فرصة فكر وبعطيك خبر بقراري.... يتبع :*

العضوة: 743708 , 5 years ago

راحت نادين عالمشفئ لعند ايلين وئابلتها... ايلين :يااهلا وسهلا خالة نادين نادين :اهلين فيكي حبيبتي...اجييت اسألك عن وضع كنان يعني ان شاءلله وضعو عم يتحسن ؟ ايلين :اه....بصراحة كنان وصاني ما ئلك بس رح احكي ...كنان وضعو شبه مأساوي ئلبو كتير عم يضعف وخاصة بالآونة الأخيرة... نادين :ياربي ...شو العمل هلئ ايلين :ازا مالئينا متبرع عن ئريب رح نخسر كنان ... نادين :انتي ئلتيلي صعب نلائي متبرع،وممكن يطيب بالأدوية ايلين :الأدوية ماعم تفيدو .... نادين :وشمس ليش كنان حكالنا انها حبيبتو.. ازا بيعرف انو مارح يئدر يتجوز ايلين :انا بعرف كنان منيح ...هوة فكرو انو ازا شفتو عندو حبيبة معناتا وضعو عم يتحسن وقرر يتأهل..لحتئ ماتخافو عليه نادين :يعني هنن التنين عم يمثلو علينا !؟ ايلين :بظن هيك... نادين :وهي شمس شو وضعا !؟ ايلين :هية الممرضة الخاصة لكريمة خانم نادين :لك انا عم تكزب عليي انا بورجيها انا لازم ئلعها ... ايلين :لا مشان الله خالة نادين ،شمس متطرة عالشغل هاد لانوو...😔 نادين :لأنو شو !!؟ ايلين :لأنو مريضة وبدها عملية وهية عم تجمع مصاري لحتئ تتعالج.. نادين :ليش شو مرضها ؟ وحكتلا ايلين كلشي عن شمس لنادين .. وببيت كنان...طلعت شمس من غرفة كريمة بعد مانامت ..وشافت كنان ئاعد بالصالة ولما شافتو غيرت طريئا كنان :وليش غيرتي طريئك ؟ شمس :هيك... كنان :شمس انا دايئتك بشي.. شمس :اي بكزبتك كنان :اي كزبة..ازضك عن قصة حبنا شمس :اي عن بطيخة حبنا .. كنان :بطيخة 😂😂 شمس :مافي شي بيضحك ،انته ليش هيك كزبت علئ اهلك ؟ كنان :بس انا ماكزبت عحدا ..انا حكيت الحئيئة ،انا بحبك شمس شمس :لا كنان انته مابتحبني ،انتة بتحب ايلين كنان :منين جبتي هالحكي ؟ شمس :مابعرف بس هيك حاسة سكت كنان وبلش يتطلع بعيون شمس شمس :نادر طلب ايدي وانا موافئة عليه كنان :مموافئة....طيب ليش ؟ شمس :يمكن نادر كان اوضح منك وماعم يمثل بحبو الي...

العضوة: 743708 , 5 years ago

وطلعت برا البيت ،ولئت الدنيا عم تشتي وئفت تكسي وطلعت وحملت موبايلها ورنت علئ نادر .. شمس :نادر بدي شوفك بالكافيتيريا يلي بنتئابل فيها..وسكرت الخط وهية مئهورة وبدها تبكي كمان شوي اما كنان ئعد عالكنبة وهوة عم يبكي وفجأة حس بنغزات بئلبو وبلش يخفئ بشدة ،حط ايدو عصدرو وهوة عم يتوجع واتصل علئ رقم شمس ...وردت شمس :ئلتلك خلص انا اخدت قراري كنان :شـ..شـمس أنـ...أنا محـ..ـتاجك شمس :شبك كنان ليش هيك كلامك تئيل ؟ كنان :أنا بـ..ـحبـك .. ووئع الموبايل من ايدو وبلش يتوجع ووئع عالأرض وشمس لسا سامعة بس مو عرفانة شو الئصة.. شمس :الوووو كنان رد عليي شو صابك الووو وفجأة سمعت صوت وئام عم تصحي كنان وتصرخ وئام :كنان بيك كنان بيك اصحئ ،يا ناس الحئوني كنان بيك اجتو أزمة انصدمت شمس وئالت :الله يخليك اخي رجعني عالمكان اللي اخدتني منو بسرعة الله يوفئك.. رجعت شمس عالبيت لئت ريان ئاعد وعم يبكي..ركدت شمس علية وئال :ريان شبك ليش عمتبكي وينو كنان ئلي شبو شو صرلو ريان :اجتو ازمة بئلبو ونئلو عالمشفئ هلئ رجعت طلعت من البيت وهية مو مسدئة اللي سمعتو ...شمس :أزمة بئلبو ..ليش كنان مريض ئلب ؟ليش ما ئلي ؟ اما بالمشفئ ...فوتو كنان عالاسعا وعملولو انعاش ...وصدمات كهربا ايلين :كنان اصحئ مشان الله ،بسرعة جهزولي صدمة200 بسرعة الممرضة :جاهزة دكتورة ... وبلشت تعملو صدمات كهربا لحتئ رجع ئلبو طبيعي ... تنهدت ايلين وئالت :الحمدلله ياربي ، نفد من الموت وودو كنان عغرفة العناية المشددة... اجت نادين عم تبكي وسألت ايلين :ايلين خبريني ايلين :نفد بس... نادين :بس شووو احكي ايلين :هوة الاعمار بإيد الله بس يمكن مايعيش اكتر من شهر خالة 💔 نادين :وليي علئ ئامتي ،ريتو ئلبي ولا ئلبك ياعمري انتة 💔 وصل ابو عالمشفئ وخبر بكلام ايلين وئال :انا مستعد اتبرعلو بئلبي ايلين :مارح يمشي الحال ،ئلبك مابناسبو عمو وصلت شمس وراحت علئ غرفة العناية ووئفت بعيد لما شافت اهل كنان ووائفين وعم يحكو مع ايلين نادين :يعني خلص كنان اجا وئتو !؟💔 دمعو عيون ايلين وئالت :ازا عاش شهر بكون منيح... جمدت شمس بمكانا ومعد عرفت شو تحكي ...وبلشت دموعها تنزل وهية مصدومة بكلام ايلين... وداخت ووئعت ...بعد شوي صحيت لئت ايلين فوء راسها...

العضوة: 743708 , 5 years ago

شمس :ايلين اللي حكيتي عن كنان مزبوط ؟ ايلين :للأسف اي شمس شمس :طب ليش محكيتو ،وبلشت تبكي ايلين :انا كمان لما عرفت انو معو مرض الئلب انصدمت متلك ويمكن اكتر لأنو كنت بلشت حبو.. شمس :... ايلين :ئلي..ايلين لا تحبيني انا ئلبي ضعيف ومارح اسمح لحالي بكيكي شمس :انتي تخصصتي ئلبية كرمالو ؟ ايلين :اي ..لحتئ ضل جنبو علئ طول ،بأيام الجامعة لما شافني بلشت اتعلئ فيه ترك دراستو ومعد شفتو ،واناتخصصت بهاد الإختصاص لحتئ ضل حوليه علئ طول ،لحتئ اعتني فيه ،لحتئ ...💔 وبلشت تبكي .... راحت شمس علئ عالعناية وفاتت ... ئربت علئ كنان اللي كان غايب عن الوعي والأجهزة موصلة عصدرو ... حطت ايدها عل

العضوة: 743708 , 5 years ago

ئ صدرو وبلشت تبكي وتئول :ليش خليتني اتعلئ فيك ؟ليش خليتني حبك ازا كنت رح تروح وتتركني ؟انا حبيتك وعشئتك ومعد اتخيل حياتي بدونك ،مشان الله ئلي مارح تموت ئلي انك رح تضل جنبي ،جاوبني احكي اي شي ....💔 ورمت راسها عصدرو وبلشت تبكي بصوت عالي .. وفجأة رفع كنان ايدو وحطا عراسها وسمعت عميحكي :..بـحبك ...ورح ضل حبك لحتئ يوئف هالئلب عن الخفئان ...شمس خليكي معي...انا مو خايف من الموت...بس أنا خايف تتركيني..💔 يتبع :*

العضوة: 743708 , 5 years ago

😙😙

العضوة: 782632 , 5 years ago

شو

العضوة: 743708 , 5 years ago

😂😂😂لشوف وين وصلت