#قصة_سلوى_وسند...
ـ╗═══════🍃🌹🍃═╔
قـصـة سـلوى و سـند 7⃣
ـ╝═🍃🌹🍃═══════╚
بسمه كانت حزينه ...
سلوى تهمس باذن سند : زوجتك مثل الصنم لاتسولف ولا تمزح كيف الرجل يعيش مع ذا الصنف من النساء الله يعينك ياحبيبي والله شكلك من احسن الرجال الي متحمل وساكت ...
وسند تكبر راسه !!!!
سلوى : اقول بنتك الصغيره مرة ريحتها مروحه ليه ماتروشونها
سند : البنت تبول على نفسها وهي نايمه ..
سلوى :الشرها على الام لازم تصحيها بالليل وتهتم اكثر ببنتها شكل زوجتك تحب المسيير كثييير
سند : شلون عرفتي ..
سلوى : واضح من اهمالها لبيتها الله يعينك ياحبيبي انا راح اعوضك عن كل شي ياقلبي
سند : الله لا يحرمني منك
سلوى : ودني عند امك ماني طايقه اجلس هنا اكثر الله يعينك ..
سند حبيبي معي شوي منظفات بشره وحركات تعجبك حاول تيجي ابي اسويلك تنظيف بشره ... الله يعينك شكل زوجتك زمان ماسوت لك تنظيف بشره
سند : ها مدري وش تقولين ؟؟؟؟؟؟؟؟؟؟!!!!!!!
سلوى البسي باخدك معي مشوار دقايق وانا عند الباب
سلوى : يالله بطلع
سند : بعد ماركبت سلوى السياره وش رايك باهلي وبناتي
سلوى : اقول بس ماتزعل
سند : لالالا رايك يهمني
بيتك وسخ وبناتك ملابسهم مقطعه وجزمهم ذايبه ,,
انت فقير ياسند!!!
ليه ماتشري لهم
ليه تخليهم كذه
هذه منك مو من امهم
انتم بدو بدو من اللي انقرضو مافي احد كذه الحين
سند : لا تتكلمين على اهلي وبناتي انت كذابه
سلوى : روح شوف جزمهم ولبسهم ليه كذابه
سند : تروحين معي نشري لهم
سلوى ايوه طبعا اروح
سند : يالله
______________
وهناك قمت اشري واختار لبناته ويوم خلصت لقيته راح يم شنطه نسائيه ومن عيونه عرفت انها لبسمه حطيت يدي عليها وقلت : عندي كثير مااحتاجها لاتتعب نفسك ياحبيبي
وتركها سند وطلع
وحنا بالسياره راجعين
سالني سند : وش رايك بزوجتي
سلوى : انت سالتها وش رايها فيني
سند : ايوه قالت طيبه مره
سلوى : بس انا اشوف انها قويه قويه مره
سند : اقول سلوى وش سالفة تنظيف البشره
سلوى : اسمع اذا جيت تنام عندي الليله راح اخلي بشرتك ووجهك يلق
سند : بس انا الليله لازم انام عند بسمه
سلوى : عادي قول لها عندي شغل وهي ماراح تقول لا اذا انت تكون مبسوط
سند يسوي اتصال لبسمه على تليفون البيت لان بسمه ماعندها جوال :
ابي استاذنك الليله بنام عند سلوى علشان عندنا شغل وحركات
ردود سند :
طيب كيفك
خلاص كيفك
سند قفل الخط ومو عاجبه
سند : سلوى عيت بسمه ايش رايك ناخد حاجاتك وروح نسويها هناك
سلوى : ايش ايش مابقى الا هي
انا ماوري احد حجاتي
وخصوصا طبينتي
سند : مسرع ماصار عندك طبينه وصرتي تعرفين الطبن ؟
__________________
نزلت سلوى عند بيت اهله وهي نازله قالت : انا ابي اروح عند اهلي اذا تحب سفرني وخلك هنا انا ماني جالسه
سلوى : انا طفشت
بس لو خلاني اروح لحالي
وين اروح عند عمي عساه للعله ماينفع اروح لحالي
_________________
وثاني يوم سند يدق على سلوى تجين تتغذين عندنا تقول بسمه
سلوى : اي اجي تعال خذني
سند : تجهزي
سلوى تقول : لبست ملابس حلوه ولما وصلت البيت قال سند : انا ابيكي تقيمين هنا ببيتي لين نسافر
سلوى : ومتى بنسافر ؟
سند : بسمه على وجه ولاده وابي ازين لها امورها قبل اسافر بعد العصر بنروح نجيب ملابسك واغراضك
سلوى : ان شالله
___________________
سلوى وسند وبسمه جالسين على الغدا
سلوى : ايش رايكم اليوم بسوي لكم عشوه حلوه
سند: ايوه ايوه كذه ورينا الشغل
بسمه : وانا بساعدك
سند : الله لايحرمني منكم ويرضى عليكم زوجاتي الاثنين
ماعجب سلوى
سلوى : سند انا اذا ابي اسوي العشا ابيك تجيب طلباتي
سند : اجل بعزم متعب صديقي علشان اقهره بشغلك
سلوى : شغلي مايطلع حلو اذا معي احد بالمطبخ
سند : لا بسمه لازم تكون معك وغمز بعينه لسلوى
سلوى سكتت ....
ولما قامت بسمه ناظرت فيه وقالت لا تعزم متعب ماني مسويه شي
قال سند : خلاص انت ماتبينها معك ماراح تكون معك بس لاتزعلين !!!
___________________
يتبع ... 8⃣
ـ╗═════════════🍃🌹🍃═╔
[ مجموعة قنواتي هُـنـا @kony_onsa✨🌸 ]
ـ╝═🍃🌹🍃═════════════╚
العضوة: 718149 , 6 years ago
#قصة_سلوى_وسند... ـ╗═══════🍃🌹🍃═╔ قـصـة سـلوى و سـند 8⃣ ـ╝═🍃🌹🍃═══════╚ سوت سلوى العشا وسوت اصناف غريبه وحلوه ابهرت سند واكل سند بعض الاشياء اللي كان مايحبها ولا يخلي بسمه تسويها له !! الليله سند بينام عند سلوى ببيت بسمه الله يكون بعونها سلوى : وين انا بنام بسمه : انا سويت لك فراش انت وسند في غرفة الضيوف ... سلوى : شكرا بسمه شوي ودخل سند عند سلوى بغرفة الضيوف سلوى : يالله ابي اسوي لك تنظيف بشره تقول سلوى : وقمت طلعت اغراضي واشياء ادري ان سند مايعرفها وقمت احط ماسكات وانظف وامسح وازين وبالاخير وريته القطن شلون طلع وساخه من وجهه ... وتفاجئت من ردة فعل سند سند جمع القطن الوسخ والمناديل الوسخه واخذها وراح عند بسمه واسمع صوته يقول : تشوفين تشوفين علشان كذه امس ماكنت ابي انام هنا ورجع لسلوى سلوى : قولي لي اسماء الاشياء هذه علشان بشري لبسمه مثلها وتنظف وجهها سلوى : اي ان شالله بعدين يالله ننام سند نام معي في هذه الليله والصباح قمت ابي اتروش وقال لي : روحي تروشي بالحمام اللي جوه هذا خربان دخلت وتروشت بحمام بسمه بسمه كانت صاحيه ولما شافتني سوت نفسها نايمه ودخلت غرفتي وبعدين ماجاني نوم رحت المطبخ وسويت فطور ودقيت على بسمه : تعالي افطري بسمه لبست شرشف صلاه ولمحت الي لابسته من تحته قميص نوم يخوف شكله طويل ويلمع وباكمام !!! قلت لها : انتم ماتفطرون قالت : لالا وشوي ولا سند داخل علينا قلت : سند تعال افطر وافطر سند وسالته : انت ماتفطر قال : لالا سلوى بعد ماقامت بسمه : غريب الحريم الي يطلعون ازواجهم الصباح بدون مايفطرونهم سند : اه بس وش يسون اذا مالقو احد يسويلهم سلوى : يتزوجون ... الله شرع الزواج ...علشان الناس الي مثل هذه سند : انا احبك يا سلوى مره _____________________ الليله ليلة بسمه ... الصباح دق علي الباب سند وقمت فتحت له وقال : لا تلمسيني الوقت هذا مو لكي لبسمه ،، والكلام هذا مااعجبني قلت سند : وش الهبل الي انت فيه سند : بسمه ماخده مني عهد ماالمسك علشان كذه وخري بعيد عنك سلوى : طيب بس بكره راح اسوي فيك نفس الشي سند : انت مو مثلها انت جايه عليها اهي المحتره مو انت فهمتي ياقمر ،، وطلع من عندي _____________________العضوة: 718149 , 6 years ago
وثاني يوم راح سند عند بسمه وتاخر عندها وشبت فيني النار ولما جه جلست اهاوش واتكلم قال : انا كنت ابدل ملابسي بس انا مااشوف شي ومااخليت ولا بقيت شي ما قلته ومافقت الاوهو يقولي : انت طالق وطلع وقتها اغمى علي ورجع سند على صوت وقوعي على الارض وقام يستسمحني وانا مثل الارنب خايفه مايرجعني وارجع لعمي ورجعني سند بنفس الدقيقه وصار كل يوم بعد مايصلي الفجر يجي يكمل نوم عندي!وبسمه ماتدري وفي يوم دقت علي بسمه : سند عندك سلوى : ايوه بسمه دمعت ومشت شفت دموعها بعيني بس مارحمتها مااعرف ليش مو بيدي كل الي اسوي ابي اكسب سند باي طريقه سالني سند : مين يدق الباب ؟ قلت : بسمه تسال عنك سرح سند وقام وراح عندها وحطيت اذني على الباب وسمعت بسمه وهي تبكي بحرقه بس مارحمتها أبدا ابدا أبدا.... ________________ يتبع ... 9⃣ ـ╗═════════════🍃🌹🍃═╔ [ مجموعة قنواتي هُـنـا @kony_onsa✨🌸 ] ـ╝═🍃🌹🍃═════════════╚