#قصة_سلوى_وسند... ـ╗═══════🍃🌹🍃═╔ قـصـة سـلوى و سـند 4⃣ ـ╝═🍃🌹🍃═══════╚ سلوى بدت حياة سعيده مع زوجها في الصباح لبست سلوى جنز وتشرت احمر وفكت شعرها ويوم شافها سند قال : الله وش هذا اللبس الحلو مثل التليفزيون سلوى : اي تلفزيون انا لابسه كذه علشان الطريق بس سند : اجل لا طلعنا وش تلبسين الله من الزين والله لو بسمه تشوفك لاتسلم كل اسلحتها من اول نظره سلوى : مين بسمه سند : زوجتي سلوى : طيب يالله مشينا سند : مستعجله ياقلبي سلوى : بتهكم شكلك عسل مره ___________________ في السياره اول ماركبت سلوى شال سند العقال وقال : اف ترى انا ماالبس عقال سلوى : اجل هذا وش سند : اصحابي قايلين لي سوي كذه علشان اعجبك سلوى : اها واكيد النظاره مو لك صح سند : اي لراعي السياره سلوى : ايش ايش !!! سند : ايه متسلفها وش فيها يعني انا قايلك من اول انها لي سلوى : لا بس ظنيت انها لك سلوى بنفسها : اصلا مو راكبين عليك كنت حاسه والله __________________ وصلت سلوى وزوجها البيت دخلت سلوى وتفاجئت بالبيت سلوى : الله ياسند وش الذوق الجميل الله البيت يهبل ذوقك روعه روعه بس مجلس الرجال مو حلو مو راكب مع باقي البيت سند: مجلس الرجال حق بسمه يعني قديم سلوى : وليش جايب مجلسها عندي سند : انا فضيت شقتها وطشيت كل اثاثها لانه كله مكسر وقديم ماعاد ينفع سلوى : يعني بتشتريلها غيره سند : لالالالالالالا اهي بتعيش عند اهلها اهي تبي كذه سلوى : علشان كذه انت تزوجت سند : اي تبي تسكن عند اهلها حاولت فيها عيت وش اسوي قررت اتزوج سلوى : بس انا ماابي المجلس القديم ببيتي سند : هههههههه ماعندنا حريم تتشرط يعجبكي ولا انت حره ،اسمعي انا اليوم عازم اصدقائي باستراحه بمناسبة زواجي رتبي ملابسك وجهزي شنطة السفر علشان بنسافر سلوى : ان شالله ،، سند الاثاث ذوق مين ؟ سند : انا طبعا اجل مين سلوى : روعه ذوقك روعه سند : طبعا انا مو هين لسه بتشوفين اكثر سلوى بنفسها : الرجل هذا يحب المدح سلوى : سند الاثاث هذا ذوق راعي السياره والنظاره انا اعرف كل شي سند : اهبي اهبي عليكي من حرمه شلون عرفتي سلوى : هههههههههههههههههههههههههه يعني مو انت سند: انا اخترت مجلس الرجال سلوى: يهبل يهبل ياسند _______________________ طلع سند من البيت وقامت سلوى تسوي كذه والله من جد توقف في اول البيت وتركض وتقول : هذا بيتي هذا بيتي هذابيتي لين توصل اخر البيت ... من كثر ماهي فرحانه وجهزت شنطة السفر ورجع سند وشايل معه قدر صغير سلوى : وش هذا سند : جبت لك شوي من العشا رز ولحم تعشي ونامي علشان نروح بكره وين تبين تروحين ؟ سلوى : سمعت عن المدينه المنوره كثير نفسي اروحها نوره صديقتي كانت تحكيلي ان بها راحه نفسيه ودي اروحها سند : عمرك مارحتي المدينه سلوى صحيت لنفسها : انا رحت اغلب مدن المملكه وسافرت خارج المملكه بس المدينه عمري مارحتها سند : سلوى انت حلوه وعسوله ليه طلقي رجلك الاول سلوى : مافي نصيب سند : ليه لما تكلمين احد كل شوي تقولين له الله يسعدك سلوى : مدري لساني متعود على هذه الكلمه سند : طيب نامي وشوي دق جوال سند واخذ الجوال وطلع وسمعت سلوى سند يكلم بالجوال : هلا ياقلبي شلونكم ... انا بخير بس مشغول والشغل واصل حده الله يسعدك ياقلبي ههههههه الله يسعدك ياقلبي قريب بجيكم كم يوم واجيكم ان شالله الله يسعدك ياقلبي ____________________ سلوى كانت تتسمع : ايش ياخذ كلامي ويقوله للهانم حقته من زينك يالمقرف انت وهي اه يالقهر وأول مره تحس سلوى بالغيره وبدينا غيره _____________________ سلوى : كنت تكلم مين ؟ سند : اهلي سلوى : مين اهلك سند : زوجتي عندك مانع سلوى تغطت ونامت ________________________ وفي الصباح قامت سلوى بدري ولبست وتعطرت قام سند وقال : سلوى ليه ماصحتيني اصلي الفجر سلوى : ليه انت ماصليت؟؟؟؟؟؟؟؟؟ سند : صليت بس كنت متوقع انك انت تصحيني سلوى ( اها الرجل متعود احد يصحيه ) : اسمع حبيبي انا امس كنت تعبانه وماعندي صلاه علشان كذه نمت لا تزعل مني اول واخر مره بس حبيت اقولك شي سند سند : قولي ياحلوك اليوم سلوى : احب الرجل لمايصحى من النوم يقوم يتروش ترى تحس بانتعاش سند : يحليلكم انتم كثير تتروشون ,,انا عن نفسي اتروش بالمناسبات ولما اكون مسوي شي سلوى : سند قوم اتروش قبل نسافر سند : حنا رياجيل ماتتحكم فينا الحريم بس انت معليش تحكمي ياحلوك بروح اتروش ... ____________________ تقول سلوى : سافرنا المدينه وزرت صديقاتي ايام الكليه وكنت مبسوطه وسعيده وزوجي فهمت شخصيته موفاهم شي ويبي يسوي نفسه فاهم شخصيه ضعيفه ويبي يتحكم ويسوي نفسه شي وفي يوم قال لي : اكره اني اتزوج مطلقه !!!!!!!!!!!! قلت له : الطلاق شرع الله مثل الزواج وانا ماكذبت عليك سند : لالالالا لاتزعلين مااقصد والله وشوي ولا تليفونه يدق ________________