#قصة_سلوى_وسند... ـ╗═══════🍃🌹🍃═╔ قـصـة سـلوى و سـند 5⃣ ـ╝═🍃🌹🍃═══════╚ دق تلفون سند ورد سند على التليفون وسلوى فاتحه اذنيها على مصرعيهااااااا وكانت على المكالمه زوجة سند وهم بغرفه بفندق مافي يروح ولا يرجع سلوى تقول لنا ردود سند : انا ماسويت شي حرام هذا شرع الله وانا مو الاول والا الاخير ايه نسيت استاذن من حضرتك يابنت الحلال لاتطوليها وهي قصيره ابوي عنده حرمتين وابوكي عنده حرمتين وماشقيت في الدين واغلق الخط سلوى كانت فاتحه اذانيها وبعدين صارت فاتحه اذانيها وفمها : وش الي يصير طبعا كذب علي وفهمني ان زوجته عارفه يومها خفت تقول له طلقها ويطلقني هذه ام عياله وش تسوين يابنت اها لقيتها بعد ماسكن شوي سند راحت يمه سلوى : حبيبي انا ماادري ايش صار فيني من يوم شفتك سند : وش صار سلوى : حبيتك مره غريب الاحساس الي جاني سند : صحيح انا جنتل بس تحبيني من اول نظره مو معقول سلوى : انا مستغربه لنفسي اوعدك ياحبيبي ماازعلك ابدا واكون لك نعم الزوجه سند : ان شالله ياقلبي سلوى : حبيبي بس انا خايفه صحيح انت رجل وشخصيتك قويه بس بعد خايفه ،، اللي فهمته من المكالمه ان زوجتك ماكانت تعرف انك تزوجت وانا كنت شارطه عليك انها تكون موافقه سند : وانت وش يهمك تدري ولا ماتدري ... سلوى : الحين تغصبك انك تطلقني ليش سويت فيني كذه.. الحين تقول هذا زوجي ومايرفض لي طلب اكيد بطلقني علشانها مع اني اشوف فيك رجوله ماشفتها باحد سند : هههههههههه مين الي يخليني اطلق القمر هذا انسي المكالمه وخلينا ننبسط ترى بكره بنروح جده ايش رايك سلوى : الله تجنن جده رحتها كثير وخالي ساكن فيها بس ماعمري زرته سند : شلون رحتي جده ومازرتي خالك سلوى : دايم مسافر >> لو تدري ماعمري طبيتها -------------------------------- في جده كان سند يضيع الطريق والشقه الي حنا فيها ونجلس نحوس وندور ومره وحنا تايهين لقيت سوق ونزلت اتمشى فيه بعد مااستاذنته وجلست اختار تحف وكل مااخترت وحده اخد مثلها قمت تركت المحل وجلست باليساره وجاني : ليه زعلتي سلوى : اسمع لاتشتري لاحد مثل الي انا اختاره سمعت سند : ليه سلوى : بس انا مااختار لاحد سند : انا شريت وبعدين انت ماتملين علي ... فهمتي ________________ رجعنا الشقه سند : سلوى انت نظيفه مره مره سلوى ( اها شكل زوجته مو نظيفه ولا ماكان استغرب النظافه ) سلوى : طبعا الوحده لازم تصير نظيفه بلبسها وبيتها ترى الرجل يكره الحرمه الوسخه والرجل الوسخ هو الي يعيش مع وسخه فهمت سند : سرح وجلس يفكر سلوى ( اها شكلي وصلت للي ابيه ) سند : يالله بنروح عند اهلي في قريه قريب جده سلوى : طيب حبيبي لازم اشري هديه لزوجتك وبناتك سند : ماشاء الله عليكي انت نعم الزوجه يالله نروح سلوى : ودني سوق راقي وحلو ورحت سوق ناسيه اسمه بس كان كشخه وراقي ودقيت على زوجة خالي نتقابل هناك سلوى : سند حبيبي انتظرني هنا وراحت سلوى المكان المتفق عليه ولقت زوجة خالها زوجة خالها : سلوى وش تبين تشترين من هنا سلوى : ابي اشتري لنفسي كم طقم حلوين وراقين علشان اهله وزوجته يشوفوني فيهم اول مره .. زوجة خالها : انت ماقلتي بتشترين لزوجته ؟ سلوى : ليه مجنونه اشري لها من هنا !!! وبعد ماخلصت سلوى ودعت زوجة خالها وطلبت منها تدلها على سوق رخيص وراحت السوق الرخيص وشريت شي بسيط ومتواضع لزوجته وراحت الشقه ____________________ الصباح .. سند : صباح الخير حبيبتي والله ماانسى انك رحتي تشترين من اغلى الاسواق لبسمه شكلك فيكي الخير ياسلوى سلوى : طيب حبيبي اذا انت مبسوط مني انا ابي اروح كوفيره سند : طيب بس لي طلب منك سلوى : وش بغيت ياقلبي ؟ سند: انا ماابيكي تكشخين مره عند بسمه علشان ماتضايق مره سلوى : ايش ليكون بعد تبيني اغير شكلي اسمع انا مااتصنع الجمال هذا حقيقي سند : خلاص انا قلت راي وخلاص ودق جوال سند : هلا طيب طيب انا الليله جاي الديره سلوى : خير في شي ؟ سند : بسمه اغمى عليها ومنومه بالمستشفى واهلي الليله مسوين لنا عشا كبير تجهزي بنسافر سلوى : معليك حركات حريم فهمتها انا الحركات سند : ههههههههههههههههه والله كشفتيها هههههه __________________ صارت سلوى بتلميحاتها تحقر من أمر بسمه وتحاول تكره سند فيها بكل الطرق ... بينما تظهر نفسها المرأة الطيبة والصافية _________________ يتبع ... 6⃣ ـ╗═════════════🍃🌹🍃═╔ [ مجموعة قنواتي هُـنـا @kony_onsa✨🌸 ] ـ╝═🍃🌹🍃═════════════╚