العضوة: 743708 , 5 years ago

حسام: أمين انا عطيتك حلين وانت ما بدك ولا واحد فيهم تحمل أمين: الحلول تبعتك مش منطقية أصلاً حسام: بالله؟!.. شو اللي مش منطقي بإنك تجيب ممرضة لابوك بوقت غيابك... او تتزوج وحدة منه بتعمل عيلة ومنه بتكون متطمن على أبوك بوقت غيابك أمين: وافرض الممرضة ما طلعت منيحة حسام:أمين ما رح أناقشك أكثر انت بتحط العقدة بالمنشار... اليوم بتخلص شغلك بدري وبدي اجي عالبيت عندك أتفاهم معك أمين:ماشي ان شالله ..... بمكان ثاني ابتهال: شو يا...ليش ما رحنا عالشغل اليوم رؤى ~بدون نفس~: عندي شغل وسائل تعليمية للطلاب... بعدين انت ِ شو دخلك ابتهال: دخلني ونص...بدي مصاري عصبت رؤى ورمت المقص من ايدها وقامت لعند ابتهال مسكتها من شعرها بقوة وحكت من بين اسنانها: انا متحملتك ببيتي وساكتة بس توصل فيكِ لهون لا زودتيها كثير اجت فرحة من المطبخ وهي بتحكي: شو صاير... ~فتحت عيونها عالاخر~:ولك بعدي عنها بعدي رؤى: لا امي ما رح ابعد... لوينتا بدنا نضل متحملينها البيت النا...وبابا الله يرحمه مات... وشغلي بعيشنا معززات مكرمات فرحة: يا امي ابتهال قبل ما تكون ضرتي هي جارتي وما الها حدا بهالدنيا رؤى: اوووه... تأثرت... ماما وحدة ثانية كان زمان ضربتها وطلعتها برا... انا مش مجبورة اصرف عوحدة حثالة زيها... ~تركت شعر ابتهال من ايدها~... خليني اروح اكمل شغلي احسن .... رؤى صبية عمرها 24 سنة بتشتغل بملجأ العجزة... توفى أبوها من سنتين وتركلها امها ومرته الثانية... اللي ما بتتطاوق هي واياها .... فرحة ام رؤى وعمرها 42 سنة... ساكنة بالبيت اللي تركلها اياه زوجها بعد ما توفى... ومخلية ضرتها تسكن معها... وعلى طول بتضل تتناقر مع رؤى بسبب ابتهال

العضوة: 743708 , 5 years ago

ابتهال مرت ابوها لرؤى وعمرها 50 سنة...بعد ما توفى زوجها بقيت عايشة مع مرته وبنته... بطلب من مرته الاولى ام رؤى اخذت رؤى اغراضها ودخلت تكمل شغلها بغرفتها لتلحق تخلص الطلبيات وتسلمهم. وتركت امها ومرت أبوها لحالهم برا ابتهال: اسمعي يافرحة انا اكثر من هيك ما بقدر اتحمل... سنين وانا عايشة بنذل من بنتك وساكتة بس توصل لهون لأ... اذا بتزيدها بصرلي تصرف ثاني فرحة: لأ يا ابتهال اوعك رؤى تعرف... انا ما بقدر اخبي هالموضوع اكثر من كم شهر لقدام وبعدها كله بظهر علي... بدي تبقي الها العون والسند بس اروح ابتهال:بتعرفي يا فرحة اني بحبك وبعزك ولولاتك ما فكرت ابقى دقيقة وحدة بهالبيت بس كمان بنتك بتزيدها فرحة: وانتِ يا ابتهال تعاملي معها بلطف ولين ما تعامليها بسوء ابتهال: اخ منك يا فرحة... اخ بس خلص أمين شغله واجا الموظف الثاني ليستلم مكانه ... رفع تلفونه ليتصل بحسام ويروحوا مع بعض... اجا حسام من وراه وحكى: ما في داعي تخسر مكالمة يلا خلينا نمشي أمين: يلا داخلين عالحي بسيارة حسام...عيون كل اللي بالحي عليهم... رغم بساطة سيارة حسام الا انهم مش متعودين يشوفوا سيارة بالحي...نزلوا لانه السيارة ما بتدخل لجوا اكثر أمين: يلا حسام إمشي عالبيت حسام: أمين شو هالصوت هدا؟. أمين:يازلمة... هاي بنت جيراننا... عادي تعودنا عالوضع كان صوت رؤى طالع وهي بتصرخ على ابتهال وبتمارس عليها بعض حركات الكاراتيه اللي تعلمتها...وفرحة بتحاول تفك ابتهال من بين ايديه

العضوة: 743708 , 5 years ago

ا حسام: طيب لشو كل هالصراخ أمين: امشي معي عالبيت وعالطريق بحكيلك مشو شوي عهالطريق وبدا امين يحكي:هالبنت هاي بتكون رؤيا او مش عارف شو اسمها... ابوها توفى وبقيت هي وامها اللي اصرت مرت ابوها تعيش معهم... بتشتغل بملجأ العجزة... وكل يوم بتدق طوشة مع امها ومرت ابوها حسام: أمين أمين: لا حسام ما رح يصير اللي بتفكر فيه حسام~ابتسم~:طيب بما انك فاهم علي باقي التنفيذ بس أمين: بلاها زناختك... اوعى تفكر بالموضوع مجرد تفكير حسام: بنشوف ..... فرحة~بتصرخ~: رؤى خلص انا سكتت بس مش يعني تتمادي على خالتك ابتهال... تراها اكبر مني رؤى~بتلهث~:امي ما تناقشيني بهالموضوع... أنا حكيتلها بدي اتزوج ليش اعتذرت من اهل الشب... محسستني انها امي... ان شالله بتلحق بابا وبنرتاح فرحة:اذا بتضلي على هالحالة اوعي تفكري رح تبقي ساكنة معي بهالبيت رؤى: يعني بتطرديني عشان ابتهال اول مرة بشوف ام بتطرد بنتها عشان ضرتها...وين ابو عدي؟ فرحة:شو بدك في أبو عدي؟ رؤى: بدي اياه بشغلة فرحة: اوعي تفكري مجرد تفكير اني رح اسمحلك تتركي البيت وتعيشي لحالك طنشت رؤى حكي فرحة ودخلت على غرفتها... طالت شنتة كبيرة وفتحت خزانتها... بدت ترمي اواعيها بالشنته بإهمال...دخلت فرحة معصبة فرحة: شو ست رؤى اوعي تفكري انك حتكسري كلمتي... فاهمة... ورح يتسكر باب غرفتك بالمفتاح وتنحبسي لحتى تعقلي شوي رؤى:إمي! طلعت فرحة من الغرفة ونفذت تهديدها... اما رؤى عصبت وصارت تصرخ .... بعد أسبوع راجع امين من شغله تعبان ونعسان... لانه كان دوامه مسائي... وصل بيته الساعه 12 باللّيل... فتح الباب ودخل.. اول ما شاف شكل ابوه صرخ: باااباااا ق

العضوة: 804808 , 5 years ago

كملي القصة من فضلك😄

العضوة: 743708 , 5 years ago

تكرمي

العضوة: 743708 , 5 years ago

صرخة أمين صحت أبوه اللي كان نايم عالارض بعد ما وقع عن كرسيه المتحرك والمي مكبوبة عليه... عالسريع قام أبوه وأخذه على غرفته غيرله ومده بالتخت ..... سمعت رؤى صوت صراخ أمين... قامت وصارت تخبط عالباب... لحتى أجت ابتهال ابتهال~من ورا الباب~:ليش بتخبطي عالباب؟... شو بدك؟ رؤى:ابتهال هسا بنفتح الباب عالسريع والا ما بعرف شو رح أعمل ابتهال:بس... وما تهددي... ما رح أفتح الباب رؤى: بسيطة ..... قامت رؤى وربطت اواعيها ببعض... نزلتهم من الشباك.. وربطت طرف البلوزة بالحلقة اللي موجودة بسقف غرفتها رؤى: ما تخافي يا رؤى انت قوية كلهم طابقين... بسم الله ..... بعد ساعة باب بيت امين رؤى: سلامته امين... اذا احتجتوا اي اشي انا موجودة... بأي وقت امين:تسلمي رؤى... الله يسعدك رؤى~ماشية~: تصبح على خير امين: تلاقي خير .... ببيت رؤى فرحة: وين راحت هالمجنــ... قاطعتها ابتهال: هاا... هيها اجت فرحة: وين كاينة ست رؤى؟ رؤى:تصبحوا على خير فرحة: بحكي معك طبقت رؤى باب غرفتها وهي مطنشة صوت صراخ امها وابتهال... ارتمت على تختها وغطت بنوم عميق .....

العضوة: 743708 , 5 years ago

ثاني يوم بالدوام حسام: صباح الخير امين... شو صاير معك ليش تعبان؟ أمين: مافي اشي حسام:مش علي... احكيلي شو القصة أمين: طيب اسمع شو صار معي مبارح .... وعند رؤى رؤى: صباح الخير امي ابتهال: صباح الورد رؤى: صبحت على ماما مش عليك ِ فرحة:وانا ما بدي ارد... اسمعيني منيح تصرفاتك صايرة لا تطاق وهسا تفضلي عدوامك رؤى:ليش ماما شو عاملة انا فرحة: انتهى النقاش .... طلعت رؤى على دوامها زعلانه لانه امها مش راضية تحكي معها...وما شافت انه عليها حق...ولا حسبت حساب حكي الناس وقت تطلع من البيت بنص الليل رؤى:انا اصلا ما غلطت...بس اروح بتكون رضيت ..... عند عادل ماسك صورة مرته بإيده ودموعه لحالها بتنزل...بتذكر ايامه معها...وكيف وهي عايشة كانت صحته منيحه وما بشكي من اي شي...بس بسبب صدمته بموتها صابه شلل نصفي...وما في ليلة بتمر بلا ما يبكي على أطلالها

العضوة: 743708 , 5 years ago

عادل: وين رحتِ وتركتيني يا ام امين قطع عليه حكيه مع الصورة رنة التلفون... سحبه من جيبته وهو عارف انه المتصل امين ما حدا بهتمله غيره... توسعوا عيونه بس شاف اسم المتصل عادل: شو ذكرها فينا بعد كل هالسنين... امها توفت وما فكرت تنزل عشانها.. خليني ارد نهلة: كيفك بابا عادل: اهلين والله... شو ذكرك فينا بعد هالسنين؟ نهلة: انتو دايماً موجودين بقلبي وبعقلي عادل: نهلة اضحكي بهالحكي عأي حدا بالدنيا الا علي... لاني عارفك فاختصري من اولها واحكيلي شو بدك نهلة: بابا انا بدي اتطلق وارجع عالبلد عادل: ليش؟... ماله محمود؟ نهلة: طول الوقت اهانات وذل وكإني خدامة بس... ووقت بده يراضيني بجبلي قطعة ذهب او بعطيني مصاري عادل: انتِ عودتيه عهيك تحملي النتيجة نهلة: بس بابا عادل: مع السلامة سكر الخط بلا ما يسمع رد نهلة...حتى بعد هالسنين... بنته ما تغيرت... المهم بس مصلحتها... وما بتسأل عن حدا غير اذا بدها منه اشي .... اما نهلة قررت تتصل بأمين تحكي معه وتشرحله الوضع...بتعرف انه امين قلبه ابيض وصافي تجاهها مهما عملت...انقطع حبل افكارها بسس صوت بنتها ملاك: ماما شو بدك تعملي هسا؟

العضوة: 649502 , 5 years ago

@user-743708 مساء النور والسرور وعبير الزهور ياجميلة 😘😘😘

العضوة: 743708 , 5 years ago

@user-649502 اهلا بلملكة مسائك معطر بالفل

العضوة: 743708 , 5 years ago

نهلة: محلولة... بحكي مع خالك امين بتعرفيه غبي وبنجر ورا عواطفه ملاك: ماما... خالو امين طيب مش غبي... ما تستغليه نهلة: بس حكي إنت ِ ما بتعرفي إشي... امشي من وجهي... وين ليث وعلي؟ ملاك: براحتك... كالعادة بالنادي .... نهلة صبية عمرها 35 سنة تزوجت طمع بأموال زوجها وسافرت عالسويد...همها الوحيد المظاهر...حاليا بطلت عاجبتها حياتها وصارت بدها تتطلق ملاك بنت نهلة الكبيرة عمرها 17 سنة... طيبة كثير زي امين... مش عاجبها اشي من مخططات امها بس ما باليد حيلة .... بملجأ العجزة وتحديداً عند رؤى رؤى: عطيني ايدك عمو لو سمحت... خليني اقيس ضغطك مدلها الزلمه ايده قاست ضغطه والابتسامه العذبة على وجهها رؤى~مبتسمة~: ضغطك منيح عمو... يلا عن اذنك بلشت رؤى تمشي بين هالكبار والابتسامة ما فارقت وجهها...وهي بتتأمل بالتجاعيد اللي بوجه كل واحد فيهم... لانه كل تجعيدة الها حكاية...وفجأة تذكرت شغلة مهمة... ركضت اخذت تلفونها عن الطاولة بسرعة وكتبت رقم واتصلت وهي بتستنى الرد... ... عند امين خلص مكالمته مع نهلة وعرف انه هي ما اتصلت عشانه...لا بدها اياه يدورلها على بيت تسكن فيه هي وولادها بعد ما تتطلق وترجع عالبلد...رجع رن تلفونه مرة ثانية أمين:شكلي ما رح اشتغل اليوم بس رح ارد عالاتصالات لقي رقم غريب بتصل عليه استغرب لانه مش متذكر انه عطى حدا رقمه رؤى: مرحبا

العضوة: 649502 , 5 years ago

@user-743708 يسعدلي مساكي حبيبتي 🌹🌹🌹 كويس انك عرفتيني بعد مغيرت اسمي 😂😂

العضوة: 743708 , 5 years ago

ولو وهل يخفى القمر

العضوة: 743708 , 5 years ago

رؤى: مرحبا أمين:أهلين رؤى: ما عرفتني أمين: لأ رؤى: أنا رؤى أمين: اهلين رؤى خير شو في؟ رؤى: بدي اشوفك أمين:ليش؟ رؤى: بس نلتقي بحكيلك أمين تمام ....بيناسبك ع 3 بالحديقة العامة؟ رؤى: كثير منيح... باي أمين: باي خلصت رؤى مكالمتها مع أمين... وطلعت لتلحق توصل عالموعد.. بعد ساعة ونص التقت رؤى بأمين وقعدوا على مقعد بطرف الحديقة أمين: ياريت يا رؤى تحكيلي شو بدك لانه مستعجل رؤى: تمام رح احكيلك

العضوة: 743708 , 5 years ago

امين: ياريت تتفضلي رؤى: ابوك مصاب بالاكتئاب أمين~بضحك~: رؤى جاية كل هالمسافه عشان نقعد نمزح ونضحك رؤى: وايش رأيك اني هسا اكثر وقت بكون جدية فيه امين: رؤى انت مش دكتورة نفسيه ولا محلله رؤى:بس كمان الي فترة منيحه بشتغل بملجأ العحزة ومرت علي حالات كثير لدرجة عرفت الاعراض لانه الكبار بالعمر كثير بنصابوا بالاكتئاب حملت رؤى شنتتها ووقفت بجدية وحكت: على كل ٍ انا حكيت اللي اذا حاب تصدق صدق اذا مس حاب براحتك بتقدر تجيب دكتور نفسي عأساس ممرض وشوف شو رح، يحكيلك... وهسا عن اذنك لازم اروح .. سلام راحت رؤى وبلش امين يفكر بحكيها بشكل جدي... وانه ما حيخسر اشي لو شاف دكتور نفسي...ما بده يخسر أبوه لانه ما اله غيره بهالدنيا ...... فتحت فرحة باب البيت ودخلت... قامت ابتهال عن الكنباية ومشت لعندها بسرعة والتلفون بإيدها... اما فرجة قعدت عأول كرسي بوجهها... والارهاق والتعب والمرض ماخذين حقهم من ملامحها ابتهال: ليش ما بتردي عالتلفون قلقتيني عليك ِ فرحة فرحة~والدموع متجمعة بعيونها~:6 شهور... 6شهور ورح اصير تحت الارض ابتهال: لا فرحة اوعي تحكي هيك انتِ رح تطيبي وترجعي زي اول واحسن فرحة~بتبكي~: ابتهال انا صرلي سنة بحارب السرطان وبجاهد لحتى ما تبين علي الاعراض لانه ما بدي رؤى تنكسر معي... بس خلص اليوم رح اصارحها ابتهال: فرحة ما تبكي انا بعــ... فرحة: خلص يا ابتهال خلص...اليوم الدكتور حذرني وحكالي انه لازم اضل بالمستشفى هالفترة لانه وضعي رح يصير اسوأ... بس انا ما بدي... بدي اعيش هالفترة القليلة اللي باقيتلي بسلام وبدون عذاب الكيماوي مع رؤى