العضوة: 649502 , 5 years ago

الله يسعدك 🙈🙈🙈🙈😘😘 عامله ايه في حمل

العضوة: 743708 , 5 years ago

الحمد لله والله اليوم اطمنت ع البنوت .

العضوة: 743708 , 5 years ago

وعند رؤى بتطعمي بوحدة كبيرة بالعمر وهي سرحانة وبتفكر بأمين رؤى:~مع نفسها~: اااه...معقول انت يا امين ما صدقتني...حتى لو مش مقتنع باللي حكيته عالاقل حاول بلكي شفي ابوك ورجعلك... الله يرحمك يا بابا... لو إنّك موجود... رح اعمل كل شي بطلع بايدي لتكون منيح ..... كان امين بالشغل وطول الوقت بفكر بأبوه ... شو بعمل ... كيفه هسا ياترى ... لازمه اشي ... تذكر وقت آخر مرة رجع عالبيت وشافه واقع عالارض ... نفض هالافكار من راسه ورجع عشغله ... بس رجع صفن وتذكر أخته وكلامها انها رح تجي بعد مدة قصيرة ولازم يلاقيلها بيت بأسرع وقت مشان تسكن فيه .... تنهد بإنزعاج وطلع من شروده وقت سمع صوت حسام ... حسام : امين وين صافن ؟ الزبون صرله ساعة واقف بنتظرك ليحاسب امين : اسف ما انتبهت حقكم علي حسام : امين شايفك اليوم مش على بعضك ... اذا تعبان روح عالبيت وانا بكمل شغل اليوم امين : اي والله ياريت ... عندي كم شغلة لازم أعملهم بسرعة ... حسام : شو هالكم شغلة ؟ متى كنت تخبي عني؟ شكلك بتفكر بالموضوع نفسه امين بإستغراب : اي موضوع ؟؟ حسام : بأبوك وزواجك ... مبين اليوم عنجد مش على بعضك ... روح ارتاح وبكرة بتيجي بكير امين : يعطيك العافية شريك .. بشوفك بكرة ... تركه واقف وطلع من المحل بسرعة وتوجه عالبيت ... وهو لسا بفكر بحكي رؤى عن حالة ابوه ... وبحكي أخته نهلة طيب نهلة ليش بدها بيت تسكن فيه هي وولادها .. ليش مابتيجي بتسكن معنا انا وبابا... منه بتتسلى معنا ومنه بتساعد بابا بوقت غيابي ... البيت كبير وفيه كثير غرف فاضية معقول هي قصداً عملت هيك مشان ماتساعد بابا ... مش مشكلة رح ارن واختبرها واشوف شو مشاعرها تجاهنا كأهلها

العضوة: 743708 , 5 years ago

طالع جواله من جيبه ورن عنهلة وبعد كم رنة ردت عليه نهلة بابتسامة خبث : اهلين أمين ... شو بشرني لقيت بيت ان شاء الله ؟ امين بنبرة حزن : كيفك اختي ... لأ انا رنيتلك مشان موضوع ثاني نهلة : شوفي أمين خير ان شاء الله شغلتلي بالي امين : والله ما انا عارف شو احكي او من وين أبدا.. بس نهلة : بس شو ؟ امين : بابا تعبان ... وتغير كثير بعد وفاة ماما نهلة :شو صاير معه؟... تعبان خير ما فهمت ؟ امين : يعني دايما صافن وماسك صورة ماما ... كلامه أقل من قبل ... واخذته على دكتور قال معه حالة نفسية واكتئاب ولازم ماينترك لحاله ابدا ... لازم شخص يبقى عنده ومايتركه ... خصوصا أنه مابقدر يمشي بعد الجلطة اللي اجته بسبب وفاة ماما الله يرحمها نهلة : الله يشفيه يارب ... ما فهمت وين المشكلة بالزبط ؟ امين : قلت بما انه راجعة من السفر بقلك تيجي تسكني عنا مشان تبقي مع بابا وتنتبهي عليه وقت غيابي وتساعديني بمصروف علاجه لانه بصراحة راتبي مابكفي حق ادوية لبابا و... قاطعته نهلة : لحظة لحظة امين مش سامعتك منيح الشبكة ضعيفة عندي امين : بقول انه... قاطعته نهلة مرة ثانية : وصلني اتصال من محمود ولازم ارد عليه زي مابتعرف ببقى ابو ولادي ... بعدين بحكي معك امين سكرت الخط قبل ماتسمع رد امين ... تطلع امين عالجوال بصدمة : معقول لهالدرجة بتكرهنا ... سكرت الخط مباشر بس سمعت انه محتاجين مساعدتها ... ليش مستغرب انا ؟ مهو لازم اعرف هالاشي لحالي ... بكفي ما اجت على وفاة امها ...

العضوة: 743708 , 5 years ago

ولا حتى اتصلت وسألت عن بابا وقت عرفت انه اجته جلطة وانشل على اثرها ... كيف متأمل من هيك وحدة إنها تجي تسكن معنا وتساعدنا

العضوة: 649502 , 5 years ago

الحمدلله ربنا يطمن قلبك وتولدي وتقومي بالسلامه يارب

العضوة: 134969 , 5 years ago

@user-743708 كملي

العضوة: 134969 , 5 years ago

🥀🥀

العضوة: 743708 , 5 years ago

عند نهلة ... ملاك : شوفي ماما ليش كذبتِ على خالي ... نهلة : انتِ ماتتدخلي ... هي شغلتي ... ملاك : كل هالشي لان بده مساعدتك ... وين المشكلة أذا ساعدتيهم بيبقو اهلك بالنهاية ... نهلة : اسكتي ... شو شايفيني خدامة حتى أخدم ابي وابقى جنبه ؟.... ولا مش عارفة وين اصرف مصاريه حتى بدهم اساعدهم بالمصروف ... ملاك : بس ماما مابصير تفكري هيك ... يعني تخيلي انا اعمل هيك بالأيام وما اتعرف عليكم الا وقت مصلحتي ... نهلة : اه وبالناقص منك ... الحمد لله الله معطيني ومعي مصاري اصرف منهم مش محتاجيتك انا ... ملاك : انا قلت تخيلي ... يعني بالحقيقة مستحيل اعمل هيك ... بعدين مش كل شي مصاري مصاري ... والله ياماما رضاكِ انتي وبابا اهم عندي من مال الدنيا ... نهلة : اي قومي من وجهي بدي إتصل بأبوكي اصالحه وارجع عالبيت ... نار ابوكِ ولا جنة خالك عقولة المثل ... ملاك : الله يهديكِ ... ........... وصل امين عالبيت ودخل فورا على غرفة ابوه ... لقيه قاعد عالكرسي وصافن بالصورة اللي بإيده مثل العادة ... لدرجة جفونه ما برفو ... قرب منه وحط ايديه على كتاف ابوه ... بهاللحظة نزلت دمعة من عين ابوه ومسكله ايد من ايديه اللي عكتافه وأبتسم بألم ... عادل : شو راجع اليوم بكير .. خير ان شاء الله .. امين : ما في اشي بس اخذت اذن مشان اجي اخدك ونروح على مكان نتسلى ونغير جو ... صرلنا زمان ماطلعنا مع بعض ... عادل : الله يرضى عليك ... بس مش جاي عبالي اطلع من البيت ... خلص انت روح لوحدك انا مرتاح هيك ... امين : بس بابا ... عادل : يا ابني والله مفرفطة روحي مابدي اعيد كلامي مرتين الله يرضى عليك ... خلص قلتلك مش حاب أطلع من البيت ... امين بحزن على وضع ابوه : امرك ابي امرك ...( تذكر كلام رؤى وقال ): مفكر جبلك ممرض يعتني فيك بغيابي شو رأيك ؟...

العضوة: 743708 , 5 years ago

عادل : لأ انا.... قاطعه امين : لأ ياحج هاي اسمحلي فيها ما بدي نقاش بالموضوع ... عادل بإبتسامة دافية : زي مابدك بس انا مش حاب اكلفك وخليك تحط مصاري واحملك فوق طاقتك ... امين : ولا يهمك ابو امين ... ابنك رجال مابينخاف عليه اطمن ... يلا انا لازم امشي ... ادعيلي عادل : الله يرضى عليك دنيا وآخرة يا ابني ... باس ايدين ابوه وراسه وبعدها طلع من البيت .......... حكى مع دكتور نفسي واتفق معه أنه يجي كل يوم عند ابوه على اساس انه ممرض وعم يعتنى فيه وبصحته وهو بالحقيقة عم يشخص حالته ليعرف نوع المرض اللي مصاب فيه ابوه وخلاه يكتئب ويبقى زعلان دايما ... .......... بعد اسبوع ببيت رؤى ... رؤى: لأ زودتيها ... مش عارفه ماما على شو حاويتك لحد هسا ابتهال :اخرسي انا بعمر أمك شو هالحكي.. . رؤى : انا بتقوليلي خرسي ... انا بفرجيك ِ رح اخليكِ تندمي ... طلعت فرحة من غرفتها على صواتهم ... وحاولت تهدي الوضع بينهم بس ما قدرت رؤى وابتهال بصرخوا وببهدلو ببعض .. وفرحة واقفة بالنص ومبين على وجهها علامات التعب والمرض ... فجأة اختل توازنها وكانت رح توقع ... بس مسكتها رؤى بآخر لحظة .. رؤى بخوف : ماما .. ماما انتِ منيحة ؟... امشي معي لازم ترتاحي بغرفتك ... فرحة وهي بتسعل وتمشي ببطء: انا منيحة منيحة ... ....... عند امين بالشغل ... حسام : اي وشو قلك الدكتور ... امين :من وين ابدا والا من وين #للقصة_بقية

العضوة: 743708 , 5 years ago

امين : من وين ابدا والا من وين حسام : احكي ياصاحبي وفضفضلي امين : حكالي الدكتور انه والدك مصاب بإكتئاب شديد حسام : وشو أعراض هالمرض وكيف رح يتعالج منه ؟ امين : اله أعراض كثيرة ومنها : *فقدان الرغبة في ممارسة الفعاليات اليومية الاعتيادية *الإحساس بالعصبية والكآبة *الإحساس بإنعدام الأمل *نوبات من البكاء بدون أي سبب ظاهر *اضطرابات في النوم *أفكار انتحارية أو محاولات للانتحار قاطعه حسام بصدمة : انتحار !!!! امين : اه والله ... تخيل من يومين سمعت صوت بالليل جاي من غرفته .. ووقت دخلت لعنده تفاجئت فيه ماسك سكين وببكي بهستيرية .. لو متأخر دقايق كان ذبح حاله حسام : حسبي الله ونعم الوكيل ... طيب شو رح تعمل هسا .. رح نبدأ العلاج مع طبيب مختص ... والله هالرؤى الها فضل عليّ لولاها ماعرفت مرض بابا .. حسام : طيب ليش ماتروح وتشكرها بس تفضى ... امين : وهو هيك ان شاء لله .. حسام : يلا ارجع على شغلك وماتنسى تشكر رؤى وقت تخلص ... امين : لازم امر عالمشفى أول لانه عندي موعد مع دكتور بابا حسام : تمام موفق ................. بمكان تاني عند رؤى رؤى: لأ دكتور اكيد بتمزح معي .. احكي الحقيقة الدكتور بحزن : للاسف يابنتي والدتك بمرحلة متقدمة من المرض ومستحيل نقدر نعالجها رؤى بعدم تصديق : كيف يعني مستحيل تعالجها ... هاي امي عم تفهم ... لازم تعالجها مسكت جكيت الدكتور بإيديها التنتين وصارت تهزه بقوة وهي بتبكي بألم : لازم تعالجها ... مستحيل اسمحلها تموت وتتركني فاهم ؟... الدكتور وهو ببعد عنها : بحكيلك مابنقدر نساعدها تأخرتوا كثير للاسف .. قعدت رؤى عالارض وهي تمسح دموعها : ليش ... ليش ما حكيتيلي ياماما ليش ... حست بإيد انمدت الها .. رؤى وهي تمسح دموعها : امين انت ليش هون؟ امين وهو يسحبها من ايدها لتوقف : عندي موعد مع دكتور بابا.. انتِ ليش هون وليش هيك حالتك؟ شغلتيلي بالي

العضوة: 743708 , 5 years ago

رؤى : امي مريضة وبآخر ايامها وانا مالي خبر امين بإستغراب : شو هو مرضها ؟ رؤى : مصابة بسرطان بالدم من اكتر من سنتين وانا ما معي😭 امين : لاحول ولا قوة إلا بالله .. طيب كيف عرفتي رؤى : شفت الملفات بغرفتها بالصدفة .. ووقت قرأتهم انصدمت وجيت لاتأكد من دكتورها .. امين : لاتيأسي .. ان شاء الله في امل ... انتي اسألي اكتر من دكتور واذا بدك مساعدة انا موجود رؤى : شكرا لوقوفك جنبي بهيك وضع .. ماقلتلي شو وضع الوالد امين : طلع معه اكتئاب شديد وهسا رح ابدا العلاج مع دكتور مختص رؤى : بقدر ادخل معك عند الدكتور ؟ حابة اتعرف اكتر عن هالمرض ... امين : اه اكيد تفضلي دخلو عند الدكتور وبدأو بالحديث امين : اي دكتور شو رح نعمل مبدأياً حط الدكتور نظاراته وطلع بالملف اللي قدامه لدقايق بعدها سكر الاوراق وشال النظارة وطلع على امين ورؤى ... والدك على مافهمت متعرض لصدمة وقت وفاة والدتك والصدمة اتطورت مع الايام لتشكل عنده اكتئاب ... مبدئياً لازم تخصصله جلستين بالاسبوع عند دكتور نفسي اختصاصي علم نفس ولازم تطالعه من البيت عالاقل مرة كل يومين مشان يشوف الناس وينسى الماضي....خصوصا انه هالمرض بستهدف المسنين

العضوة: 743708 , 5 years ago

ومابصير يبقى لوحده لو دقيقة... لازم تشغلّه وقته ويبقى حدى بجانبه دايماً مشان ما يفكر لو للحظة أنه وحيد ورح اكتبلك على مجموعة أدوية لازم يشربهم بإنتظام ... امين : مشكور دكتور ... يعطيك العافيه ... الدكتور : ولو هدا واجبي ... وبتمنى يا مدام تساندي زوجك وتهتمي بوالده هالفترة.. رؤى بخجل : عفوا دكتور انا مش زوجته ... انا... قاطعها امين : احنا اصدقاء .. الدكتور بحرج : عفوا ما قصدت احرجكم بس مابعرف ليش فكرتكم متزوجين امين : ولا يهمك دكتور .. ............ بعد اسبوع بالمستشفى فرحة~بتعب~:شوفي يا امي انا مش باقيلي بهالحياة غير ايام ويمكن ساعات لهيك بدي تكوني قوية وتكملي حياتك بشكل طبيعي واعتبري ابتهال مكاني وغمضت عيونها لتعلن رحوع روحها لربها رؤى~بتبكي وبتصرخ~:لاا امي لااا ما تروحي وتتركيني ما الي غيرك انا ...... وفت فرحة وتركت وراها فراغ كبير بحياة رؤى وحياة ابتهال اللي كانت كل وقتها بتقرالها قرآن ابتهال:لوينتا يا بنتي...خلص حزن ونفذي وصية امك...الموت حق علينا جميعنا لأول مرة بترتمي رؤى بحضن ابتهال:رااحت وتركتني لحالي احت واخذت قلبي معها ليش امي ياا ربي ليش ما قدرت ابتهال ترد اكتفت بانها تحضنها ليبكو مع بعض بعد مرور سبع سنوات هدى: ماما وين رايحين هسا ؟ رؤى : رايحين نزور خالتو ابتهال ..

العضوة: 743708 , 5 years ago

لأول مرة بترتمي رؤى بحضن ابتهال:رااحت وتركتني لحالي احت واخذت قلبي معها ليش امي ياا ربي ليش ما قدرت ابتهال ترد اكتفت بانها تحضنها ليبكو مع بعض بعد مرور سبع سنوات هدى: ماما وين رايحين هسا ؟ رؤى : رايحين نزور خالتو ابتهال .. امين : ليش مازرتيها كتير بعد وفات امك رؤى : لانه سبحان الله مابحبها ... ولولا وصية امي الله يرحمها ماكنت رحت وزرتها ابدا امين : ماتحكي هيك... مابتعرفي الايام شو مخبيتلك ... يلا بابا تيم امشي ... تيم : بابا جدو رح يروح معنا ؟ عادل بإبتسامة : لأ انا رح ابقى بالبيت انتظركم رؤى : روح معنا عمو احسن ماتبقى بالبيت لحالك ... عالاقل بت

العضوة: 743708 , 5 years ago

تسلى وبتغير جو عادل : حاب ابقى شوي لحالي .. رؤى : بس... قاطعها امين : خلص عراحتك ابي ... طلعو امين ورؤى وتيم وهدى من البيت وبقي عادل لوحده ... طلع صورة من الدرج وصار يمسح عليها بلطف وصار يحكي مع الصورة ودموعه بعيونه : فكروني رح انساكِ اذا تعالجت ... بس صورتك محفورة بقلبي ومستحيل انساكي ... انا تعبان وايامي معدودة بهالحياة انتظريني قربت اجي عندك .... #انتهت