9 years ago
  • المرحلة الثالثة (الأشهر 9,8,7)
منقول 😂😂😂😂😂😂😂 اله أسبوعين جوزي مثل النسمة😍😍..لا نكد ولا زعل ولا منابرة...كل حكيه خفيف لطيف..والرومانسية بالشوالات...لدرجة اني شكيت انه صاحله دور بمسلسل تركي وبعمل علي بروفا😳.. حتی الثلاجة بطل ينبش فيها ويطلعلي شر من تحت كيس اللبنة كالعادة...وأكبر مثال انه اله ثلاث أيام بييجي يتعشی بيض وبلاقيش عنا بيض..ويقولي ذكريني اشتري وبنسی اذكره...بالوضع الطبيعي كان طبخ علي عجة.من هالعملة....بس عادي ما بسأل وبقول حطيلي زيت وبندورة بتعشی عادي😨😨😨 الوضع مش مطمئن وقلبي وغوشني....جلدي صار يحكني..مش متعودة علی هالجو...معقول خابطها علي جوازة ثانية وبمهد للموضوووع وعامل حاله قدامي كازانوفا (بعرفش مين هاظ بس شكله واحد حبيب ..بتشديد الباء😁😁)...... 😱..وعلقت براسي هالفكرة..رحت سكرت غرفة النوم علی حالي وأخذت وضعية النكد وحضرت بكيت المحارم جنبي.....وصرت اتخيله متجوز وجايب الغضيبة معه يسكنها بالشقة الي فوقي..وسمعت صوت كندرتها وهي طالعة عالدرج ومتشعبطة بإيده...وفاتوو.وسكروا الباب وراهم...😡..وصوت ضحكتها رن بذاني..ونظرات الحب بعيونه لإلها نزلت علی بطين قلبي مثل صبة الباطون...سكرته تسكير😢(التشبيه متعوب عليه😁) أتخيل وأعيط.....أعيط وأمخط......😭😭 وفتحت علی اغنية يا خاين مالكش أمان...عشان اتحطم بزيادة.....ورحت جبت حبة شوكلاتة ليكتمل المشهد..لأنه الكاكاو مليح للمدمرين عاطفيا...هيك سمعت أتخيل...أقرط شوكلاتة...أعيط....أمخط...وأتشحتف😌 وبهاي اللحظة والا باب الغرفة مخبوط بالحيط..وجوزي فايت و الشرار بقادح بعنيه.....هو شافني قاعد بالعتمة علی ضو التلفون..من كثر ما عيطت عيوني بطلن يبينن...هن خلقة صغار وحواجبي ملزقات فيهن ومع العياط صارن مثل خطين متوازيبن مع الحواجب...و خشمي من كثر ما مخطت مزلوط ...طبعا مع الاضاءة الخفيفة تخيلوا المنظر... بس الغريبة ما سأل...بس صيح وقال:مش الي أسبوع بقول ذكريني اشتري بيض؟؟...انتي المليح مش نافع معك 😡 قومي اعمليلي عشا بدل ما انتي قاعدة بتعيطي اكيد علی فيديو هبل😡 انا شفته هيك ونطيت عن التخت من الفرحة😍😍 اخيرااااا...يا مرحباااا بالنكد....رجع الزلمة لوضعه الطبيعي.... و احتفالا بهالمناسبة حست لحمة وعشيته😁😁 ما فادني إلا نقرت مخي بصوت كعبها #الغضيبة # منقول #

25 تعليقات

العضوة: 50479 , 9 years ago

هههههههه والله احنا النسوان مو عارفات شو بدنا

العضوة: 27107 , 9 years ago

😂😂😂😂😂😂

العضوة: 45108 , 9 years ago

😂😂😂😂😂😂😂😂😂😂😂😂😂😂😂😂😂😂😂😂😂 مسخرة

العضوة: 38353 , 9 years ago

هههههه هههههه هههههه هههههه

العضوة: 17849 , 9 years ago

مالها في الفرح تحب النكد 😂😂

العضوة: 3596 , 9 years ago

هههههههه اي حقها

العضوة: 47124 , 9 years ago

كملي قصه سلوى بليز

العضوة: 28308 , 9 years ago

@user-50479 ههههه شايفه بلا

العضوة: 28308 , 9 years ago

@user-27107 دوم حبي

العضوة: 28308 , 9 years ago

@user-45142 دوم يارب

العضوة: 28308 , 9 years ago

@user-45108 ههههه اي والله

العضوة: 28308 , 9 years ago

@user-38353 دوم يارب

العضوة: 28308 , 9 years ago

@user-17849 اي نكده😁

العضوة: 28308 , 9 years ago

@user-3596 هههههه