#صبية كاتبة 😂😂😂😂😂😂 #ليش😭😭 هيك صار فيني ما بعرف ، مجرد صفنة لا تتجاوز الدقيقتين كلفتني هيبتي #تعوا_قلكون_شوصار😢 كنت راكبة بالسيرفيس عالكرسي المعاكس يلي بضهر الشوفير #أكيد_بتعرفوه😁 بدي روح ع شغلي وهيك ، وقف السرفيس عند الحاجز ، قلت بقلبي هففففف راحت 10 دقايق هيك نطارة 😤 الدنيا شوب والشوفير حاطت اغنية يا دوخة راسي وانتا أحلى دوخة راس 😍 و متل العادة قال اجمعوا الهويات ، قبل ما طالع الهوية لفت نظري العسكري يلي واقف عالحاجز لك جمااال سبحاااان الخاااالق لك خوتني ، عيوني فتحوا بلور السرفيس وطلعوا لعندو متل تومجيري😆 انو معقول هالجمال ، لك بربي ع قد ما هوي حلو البارودة يلي ع كتفه حاضنته ومشنكلته تقول خطيبته ما هيك ، وك بزمتي بتحس الدبابة يلي حدو مركبة رموش وممسكرتهن لتلفت انتباهه ، #لحد الآن كان وضعي تمام لحتى الله يصلحه الشوفير حط اغنية (( طلي بالأبيض طلي )) للمستورة ماجدة الرومي وشطحت بالخيال الخصب يلي عندي ، تخايلت هالعسكري #عريسي أي عريسي وصرت بعالم تاني قال شو أنا بصالة الأفراح😆 وكل ما تغني (( طلي بالأبيض طلي يا وردة نسيان )) يرتفع هرمون السعادة عندي وأنا صافنة فيه حسيت حالي انا بالكرسي المعاكس قاعدة ع البست والناس يلي مقابيلي المعازيم ، دخلت المود اكتر وقت علّا صوت الغنية ع مقطع (( وأميرك ماسك أيديكي ، وقلوب الكل حواليكي ، والحب يشتي عليكي ورد وبيلسان )) انا هون تخيلت وصدقت حالي العروس وحمْيت الحكاية معي وصرت وزع إبتسامات للمعازيم ، صرت باللاشعور اعمل باي باي للناس 👋 الكل صافن فيني هيك 😲 ، اكتر شي فرفح قلبي وقت سمعت صوت رصاص والرجال عما تقول (( صلوا على محمد مكحول العين )) قلت اكيد اكيد وصل العريس ، في حدي ست غريبة صارت تنكشني ، وتغمزني وتقلي أجا أجا ، انا عطيتا إبتسامة لطيفة انو أي 😊 ما بسمع غير صوت باب السرفيس انفتح قدامي ، وصوت قلي : وبدك مين يجي لعندك ولي ، طرشاني !! وينا هويتك وينا؟! مو أتاري العسكري كل شوي يقول ناقص هوية ، وانا شاردة والناس كلها تتصفن فيني ، ولاء ما بس هيك ، قوص 3 رصاصات عالهوى لأنو ما عما رد عليه ، والناس يقلولو صلي عالنبي مالك شايفها جايتها الجمدة ، وأنا مفكرة حالي بالعراضة وسيف وترس وحركات😆 واحد من المعازيم ، قصدي الرّكاب عمل بأيدو هديك الحركة تبع مجنونة يمكن مأجرة الطابق الفوقاني😐 #بعدين مد رأسه العسكري من شباك السيرفيس وقلي هويتك يا عيني ❤ من الفرحة بعد كلمة يا عيني قلت قمط اكيد 😍 فتحت شنتايتي وعطيتو الهوية قلي : انتي فوفوأبو نفشة ؟! قلتلو : أي 😍 ووالدك : أبو نفشة ؟! قلتلو : أي 😍 قلي : قليلو لأبوكي الله يعينك على هالخلفة الجحشة #يلي_بتذكروا انو شفت الركّاب قالبين فوق بعض من الضحك 😂😂 الشوفير عما يلولح بالبشكير على وجهو ويقول دخيلك يا الله خواصري طقت 😂😂 حتى محرك السرفيس فرطت براغيه من الضحك ، بربي حسيت الاشطمانات بينوا سنانها ، هاد لسا مارح احكيلكن شو صار بالدواليب 😂😂😂😂 بس يلي بعرفه انو التعن أبو الوزّان ، والهيبة صارت ممسحة لاتضحكو ها حاجتي بهدله 🙈✌🏻