السلام عليكم ورحمة الله وبركاته
كيفكم يابنات
اليوم للأسف اتخطيت في موقف سيء جداً وماني عارفة كيف اتصرف!💔💔
اليوم سمعت ولدي بيقول كلمة بذيئة اول مرة يقولها وسألته من فين سمعها يقول ولد عمته الي اكبر منه بسنتين يقولها!
انا خاصمته وعاقبته بس ابغى اتأكد مايرجع يستخدم الالفاظ هادي الي عندها خبرة شوروا عليّ!
انا مرة تعبت في تربية اولادي وحريصة في تعليم دينهم وبأحفظهم القران من وهم صغار مرة ماشاء الله مختمين اجزاء كثيرة واهل زوجي مابيني وبينهم الا كل خير الحمدلله لكن هم بيئتهم تختلف عني انا شوية بأحاول اتجنب الحرام ومابأسمع موسيقى ولا اولادي وتربيتي مختلفة عنهم وماحاقدر امنع اولادي من اهل ابوهم لانه صلة رحم لكن كيف امنعهم يقلدوهم!؟ مرة ضاق صدري احس تعبي كله بيروح هدر😔😭
العضوة: 614860 , 6 years ago
رفعالعضوة: 659589 , 6 years ago
الله يرفع قدركالعضوة: 50397 , 6 years ago
@user-659589 لازم تشرحين له معنى هالكلمه البذيئه لو بأسلوب مبسط وراح يمتنع انا كذا لما ولدي يسمع كلمه غريبه من المدرسة كان يقولها و كنت اشرح له معناها ويتفاجئ ويتركها وصار حريص اي كلمة غريبه يسمعها يجي يسأل عن معناها وهذي كلمه زينه او لا ويمتنع من نفسه انتي سوي كذا وادعي ربك يحفظ اطفالك واستودعي الله سمعهم ولسانهم .العضوة: 741887 , 6 years ago
شوفي ياقلبي اذا عيالك بيعملو كل هذا بقناعه صدقيني مارح يروح هدر بس لو إجباري ممكن يتغير والله يهديهم ويصلحهم ويخليهم لك ويبلغك فيهم استودعيهم الله وتاكدي تربيتك هي الرادع لهم عن أي غلطالعضوة: 464681 , 6 years ago
الطفل يربى على البيئة الي انتي عودتيه عليها مهما سمع كلام غريب من حدا او شاف لذلك تابعي تعليمك صح وظلي خوفيه قليله الي يتكلم هيك يروح عالنار وهو طفل رح يقتنع بس اذا رجع كررها عاقبيه بس بحكمهالعضوة: 659589 , 6 years ago
اقتراحك جميل لكن للأسف ماينفع اشرحها له لانه صغير عمرة 8 سنوات والكلمة البذيئة معناها إباحي منتشرة في الافلام الأجنبية.. الله المستعانالعضوة: 659589 , 6 years ago
اللهم ءامين ياااارب جميعاً وعيال المسلمين🌹العضوة: 659589 , 6 years ago
يارب.. إن شاء الله جزاكِ الله خير🌹العضوة: 605844 , 6 years ago
لاعد تخليهم يخالطوهم بكثرة واذاخالطوهم خليك مراقبه التصرفات وكلمي ولد اخت زوجك انة هذاالكلام عيب وانوة الله يعاقب الي يجيب كلام سيئ وانصحي اخت زوجك انها تعلم اولادها وماتخليهم يخالطو الناس الي يجيبو هذاالكلامالعضوة: 659589 , 6 years ago
صعب جداً مايخالطوهم انا ساكنة في عمارة اهل زوجي لمن يجوا عماتهم اذا اولادي ماطلعوا تصير مشكلة ويزعلوا😔ومااقدر اقول لأخت زوجي لانه السيطان شاطر وممكن تفهمني غلط ولاتحسبني بأذم تربيتها او ولدها والله المستعانالعضوة: 617729 , 6 years ago
لازم تخلي رقابه على نفسهم ذكريهم انك ماراح تكوني دايم معاهم بس ربي موجود ويشوف حاولي اغلب كلامك تذكرينهم انو في ملكين يحاسبونا على الاشياء الكويسه والاشياء السيئه كلها مكتوبه انا كذا اسوي بعيالي بس احاول اغلب كلامي يكون ايجابي لما اخليهم يحطو الاكل للحيوانات ولا مويا اقعد اشجع واضخم الشي الي عملوه مرا يكونو مبسوطين وفخورين بنفسهم مع انو شي بسيط وسارو زي كذا يحاولو يعملو ويتنافسو وحتى اذا سار شي مو تمام علمتهم كيف يرفضو الغلط ويقولو لا كذا غلط هذا حرام ادعيلي لعيالك دايمالعضوة: 594189 , 6 years ago
بالاقناع لما كانو صغار أولادي الي ينقل كلمة سيئة اقوله لسانه سار متسخ ويععع واخليه يتقرف من نفسه ويغسل فمه لما كبر ولدي وصار ٧ سنين ونفس حالتك بالاجازات يجو اهل ابوهم اعمامهم وعماتهم بالعمارة وكل مين وتربيته ويجي منهم كلام سلبي ارجع اذكرهم المسلم لسانه طاهر! حتى لو سمعنا كلام شين مانقلددد أحد ابدددا احنا عندنا عقل ونميز الصح والخطأ ووو بالاقناع والله يستفيدو ويبطلو والاهم الدعاء ادعيلهم كثير وربي يصلح لك ذريتك وذرياتنا الهادي الله احنا مجرد سبب لازم نتوكل عليهالعضوة: 594189 , 6 years ago
وقنني خروجهم لأهلهم محد بيزعل صدقيني خلاص يعرفو ان انتي لك وقت محدد تنزلينهم وبافي يومهم مشغولين بمهام حلوه مو يضيع الوقت تفاهه ولعب بدون هدف صرت اسوي كذا وارتحت كثير ينزلو شوي ونزولهم اصلا يكون مكافأة ع اعمال مطلوبه منهمالعضوة: 659589 , 6 years ago
انا متبعة هادا الإسلوب لكن مقصرة في وقتي معاهم دحين بحكم الحمل وتعبانة والوحام مازال مستمر معايا بالرغم في الشهر السادس وثقلانه واغلب اليوم تعبانة😔💔لكن إن شاء الله أرجع افوق لهم هو فعلاً مافي شيء اهم من رقابة الله هو الأساس الله يهديهم ويهدي اولادكم وذرية المسلمين جميعاً.. جزاكِ الله خيرالعضوة: 659589 , 6 years ago
إن شاء الله انا بأخليهم ياخذوا راحتهم معاهم لاني احس طول السنه ضاغطتهم مذاكرة وقران ونادي وأنشطة وطول الايام كذا وهادي الاجازة كمان ماسافرنا بحكم الاوضاع والسفر الدولي ممنوع فاخليت لهم برنامج قران وتجارب علمية ويادوب الويكند بأسيبهم براحتهم وطبعاً زاد الاحتكاك مرة هادا الصيف لاننا ماسافرنا وللأسف مع اختلاط الاطفال اتعلموا أشياء سيئة ويقارنوا ليش هادا ممنوع عندنا وعندهم لا لو هو حرام طيب هم كيف يسووا الحرام!!؟ ومن هادي الأسئلة كثير يعني اول مرة يوصلوا عيالي لهادا التناقض زمان لما كنت عايشة برة كنت اقولهم هادولا كفار واحنا مسلمين وينتهي النقاش اما دحين مااقدر اقول كده وماينفع اعطيهم صورة سيئة عن عماتهم او خالتهم حتى وبحاول قدر الامكان في النقاش انه افهمهم انه مو كل الناس بيتبعوا الدين بالطريقة نفسها والله يهدينا ويهديهم ويحفظ ذريتي وذريتكم وابناء المسلمين ويعيننا على تربيتهم التربية الصالحة.. جزاكِ الله خير🌹