مرحبا صبايا كيفكم .. انا قبل سنه ونص ولدت والله رزقني ولد والحمدلله بس تغلبت كتير بولادته ودكتورتبي طلعه غبيه وشرطتني لورا وخربت عضلات شرجيه وبعد ما ولدت ضليت اسبوعين ما اقدر اقعد لازم انام نوم. وغير هيك ما رصيت اتطهرلي ابني وضليت لبين ما صار عمره سنه عبين ما لقيت حد يطهرو. طبعا انا عايشه ب شيكاغو و دكتورتي هنديه وطلعت عنصريه وبتحبش العرب. المهم انا هسا حامل كمان مره وبالشهر السابع. رحت عند دكتور عربي والكل بيحكي عنو شاطر. وفعلا كتير شاطر وهو الي طهرلي ابني الكبير. هاي المره لازم اولد عمليه عشان الجرح رح برجع يفتح من اول وجديد ازا ولدت طبيعي. وصار عندي ارتخاء بلمثانه وبطلت الحق اروح عالحمام وازا بعطس بستعمل ع حالي جاول ما ولدت والدكتور حكالي انو ازا بولد طبيعي كمان تلات مرات رح اصبر استعمل على حالي طول العمر. سؤال بتنصحوني بلعمليه ولا اولد طبيعي؟