السلام عليكم ورحمة الله وبركاته .. رح احكيلكم مراحل ولادتي وماشاء الله تبارك الرحمن كانت كتييير ميسرة... طويل البوست بس مشان تنبسطوا وتتفاءلوا متلي .. اول شي انا بابني الاول اخدت تحريض صناعي وكتييير تعذبت بالولادة ضليت ٣ايام اطلق لحتى ولدت والف الحمدلله تاني شي بابني هاد التاني بعد ماخلصت شهري صارت تجيني حالات حساسية فجأة كف ايدي او رجلي من تحت يحكوني حك موووطبيعي بتجيني هالحالة مرتين تلاته باليوم رحت عالدكتورة حكيتلا قالت يمكن لازم نعطيكي تحريض صناعي 😯قلتلا لاااا كمااان ...مابدي . قالت طيب رح نعمل تحليل دم نشوف شو بيطلع معك بعدين نقرر اجيت عالبيت ماما قالتلي معقول انتي من النوع الي ما بيجيكي طلق 🤔ولعبت بعقلي وزوجي قالي يلا اولدي وخدي تحريض لان طولتي فقت تاني يوم بطني متشنجة كتييير كتيير اخدت دوش حار شي تلت ساعة وانا تحتو المهم رحت عالريق عند الدكتورة عاساس رح اقولا حوليني عالمشفى مشان ولادة بالتحريض وانا بالطريق كان يجيني كل شوي مغصة وتروح بتجي يمكن ثانيتين او تلاته مو اكتر وخفيفة اخدو مني دم بس ماقلتلا عم يجيني مغص ولا قلتلا حوليني عالمشفى لان مابعرف اصلا اذا مغص بداية طلق او لا فسحبوا دم وقالولي روحي عالبيت وانا بفكر معقول طلق !!! هيك لوصلت عالبيت جيب حطيت راسي ونمت شي ساعتين وماحسيت على شي وبعدين فقت ب ١٢ تقريبا شفت مافي ولا مغص ولا شي قلت يييي معناها مو طلق وزوجي قالي كل الليل وانتي بدون غطاء واخدتي برد ب ٢ ونص العصر تقريبا كمان بلشت تجيني مغصات خفيييفة طبعا لهون المغص كتير محتمل ومابطول ثانيتين تلاته ب ٤ وشوي ماما قالتلي اذا عم يجي ويروح دائما معناها طلق لان البرد بيجي مرة وحدة وبروح مرة وحدة ●○●○ هووووووون بلشنااااا ●○●○ قمت بلشت اتحرك بالبيت ...وحطيت رجلي بمي حااارة باناء تحت الحنفيه وكل شوي بزيد الحرارة لاكتر حرارة ممكن اتحملها ..شي عشر دقايق وطالعتا .. .وعملت كاسة قرفة وشربتا و عندي بالبيت هي الكرة الكبيرة كل شوي بقعد عليها وبنطنط عليها وصرت اقرفص بالبيت وخاصة لما تجي المغصة واهم شي دفيت زيت زيتون مع حبة البركة عالنار ودهنت ضهري وبطني ولفيت بطني مشان تضل دفيانه وانا لهون الوجع محتمل جدا ومابدي اروح عالمشفى ويعذبوني عالجهاز تبع المراقبة ويقولولي امشي وتحركي و..... ب ٦ ونص قلت لزوجي لازم اروح لان بلش الوجع شوي يقوى واخاف يسير معي مضاعفات مشان البيبي وطبعا هون كلما تجيني المغصة بتنفس تنفس الطلق الصحيح وبضغط شي خفيف لتحت رحنا وصلنا ب ٧ الطلق بلش شوي يقوى فحصتني قالت مفتوح ٤ سم😲 وانا انبسطت لان بابني الاول ٣ ايام بطلق لحتى فتح ٢ و٣ سم و ب ٩ المسا صار قوي ..وانا حاطة ببالي انو اكيد عالقلييييلة لل٤ الفجر واجت صديقتي لعندي عندا ٥ اولاد وخبرة قالتلي اجاكي دم او مي قلتلا لا قالت اييييي معناها مطولة فجاة بعد طلق ساعة وشوي تقريبا اجتني طلقة طوييييييلة وطقت مية الراس فورا اجت الركتورة شلحتني ...انا قلت رح تفحصني وكمان رح اتمرمر وامشي و.... قالتلي يلا بس تجيكي الطلقة ادفشي ولادة انا مااااصدقت انو معقول هيك بهااسرعة..كتيييير بسرعة ماصدقت وسبحان الله ثالث طلقة بعد المي ولدت اللهم صل عالنبي كانت ميسرة كتييير كتييير... وطبعا اهم شي لما تدفشي تدفشي كأنك العفو منك عم تخرجي بالتواليت يعني الدفع من ورا وبتكون الدفعات ورا بعض ورا بعض ابدا مابتطولي واولا واخرا هو كمان الدعاء ورضا الله ورضا الوالدين انا وكنت بالمشفى حكيت مع بابا وماما وتنيناتن بلشوا يدعولي وضليت وانا هنيك ادعي اللهم لا سهل الا ماجعلته سهلا وانت تجعل الحزن اذا شئت سهلا ..وافتح عالموبايل ادعية لتيسير الولادة واقراها كلا ويارب الله يهون عليكم جميعا ولادة سهلة وميسرة يااااارب والله يقومكم بخير وسلامة واسفة عالاطالة😁🤚